الارشيف - واقع زيدل بقصيدة تاليفي

Pages: 1

واقع زيدل بقصيدة تاليفي
(انقر هنا ان احببت مشاهدة الموضوع الاصلي بالالوان و الصور )

Posted by: wajdy barakat

حبيت احكي واستشعر بزيدل وانشالله تعجبكن ....بس ما يزعل الاستاذ زياد لاني بلشت اطحش عليه هههههههههه
زيدل شو صاير فيكي.....................وبالضيع اللي حواليكي
نصفك عايش امريكي.....................والباقي خير وبركي

انا اللي حاسس فيكي .................... الهجرة ليش عملت هيكي
الدولار كسر رجليكي .................. والليرة انطفيت بس ليكي

بعمرو ابن زيدل ما نسيكي

كل صيفية فيها عراس ..............وما منسمع غير صوت جراس
لو فكرنا شو بتقول...................الليلة الصرف مش معقول

بالسهرة كلو مخبول................. وعم يشرب ويموظ فول

انخرب بيتك يامهبول .............. بدون الذهب المفتول
صار بالف و مو معقول............... ودولارك كل مالو نزول

احمد ربك دوم وقول ................ انتي الدايم على طول

هالفلاح شو مسكين .................بيفرح من حين ل حين
لما ربو هالامين .....................بيبعث خيرو والحنين
بيفكر ويقول تخمين ................السنة رح اجني ملايين

يمسح وجهو هالحزين .............. ويقول يارب تعين

وع موظفنا شو بحكي .............شاي وقهوة وعم يشكي
قاعد عم يعلك علكي ..............من شهريتو ال بتبكي

Posted by: organist

مرحبا وجدي يعني شي حلو بس ياريت لو تكتب بعد ياوجدي إذا بدك أنا بساعدك هههههههه
غير هيك الله يكون بعون الفلاحين وهونها عليهم

ابن زيدل لاينساها

Posted by: samar dahi

ولك شو هاد يا وجدي صاير شاعر ومانا عارفين ....الله حيك والله .....
بلشت منيح كمل .....
هات لنشوف شي قصيدة على احلى بنات زيدل وبدون تسمية ....

Posted by: Desert rose

اقتباس:

مرحبا وجدي يعني شي حلو بس ياريت لو تكتب بعد ياوجدي إذا بدك أنا بساعدك هههههههه

organist

والله وجدى كفى ووفى ..............بس اذا بتساعدوا ....فزيادة الخير خيرين

هلق المهم واللي حبيت قولوا :
النقد الذاتي ....أعظم فعل ممكن يقوم في الإنسان وهو ي من أولوليات الحرية بالإعلام ....المهم مايكون ملغوم .

شكراً وجدي بانتطار المزيد من مؤلقاتك الشعريةالمهضومة الناقدة .
==========
زهرة الصحراء

Posted by: Kinan

يعطيك العافية وجدي الصراحة شعر كثير حلو و بيحكي عن واقع زيدل مزبوط
انشالله على طول منضل نسمع منك هيك ابداعا حلو
بالتوفيق

Posted by: tony daboul 21

الله الله ياوجدي
شو هادا صاير شاعر هالأيام وين مخبي هالمواهب كلها
بس بصراحة أنو معك حق بكل اللي قلتوا
والله يعطيك العافية
&&&TiTo&&&

Posted by: talal_alachkar

أهلين بوجدي
الحقيقة ليس لي نصيب في أن اتعرف عليك شخصي عندما زرت أهلك في بيتكم و لكن إنشاء الله بزيارة قادمة لسوريا و لزيدل الغالية سوف اتعرف على هذا الشاعر الزيدلي الصغير في السن و كبير في المعاني
أهلين و جدي

طلال

Posted by: habibalomrre

وع موظفنا شو بحكي .......... شاي وقهوة وعم يشكي
قاعد عم يعـْلك علكي .......... من شهريتو الـ بتبكي

والله يا وجدي الحالة المادية تعبانة , بس الحالة الاجتماعية هي الأهم , لنو المصاري بتروح وبتيجي والإنسان هو الباقي .

يسلمو وجدي ( شي حلو )

حبيب العمر ( )

Posted by: mario

حيك ابو الجود اي شو هاذ شي حلو والله
و اكيد بتعرف انو الواحد بس استشعر بيعبر اكثر و هيك عم يصير معني هههههههههههه

Posted by: wajdy barakat

يعني والله خجلتوني وما بغرف شو بدي احكي بس رح اكتفي وقول شكرا للشارك بالتعليق ورفع معنوياتي وشكرا للقراء كمان ومني كل المودة والاحترام...............شكرا

Posted by: إنانا

أولا ً مرحبا ً للجميع...

منذ أن قرأت الموضوع رغبت المشاركة فيه بنفس أسلوب الأخ وجدي ...( عم نجرب مواهبنا الشعرية معكم،تحملونا ) .. (ولم تسنح لي الفرصة للمشاركة حتى الآن ). ما سبق ذكره هو واقع نعيشه في قرانا الحبيبة ولا أحد ينكره.. وإن ذكرناه أو انتقدنا سلبيات مجتمعنا فهذا لا يلغي إيجابياته أو يقلل من أهميتها، بل هو دليل على محبتنا الكبيرة له وغيرتنا عليه فنحن نأمل ونريد لقرانا أن تكون دائما في المقدمة على جميع الأصعدة...

أتمنى أن تتقبلوا مشاركتي لمتأخرة ومحاولتي إعادة سرد ما ذكره الأخ وجدي بعبارة أخرى...

اقتباس:

المشاركة الأصلية كتبت بواسطة wajdy barakat

زيدل شو صاير فيكي.....................وبالضيع اللي حواليكي

فيقي من نومك ليكي شوفي شو صاير فيكي
كنت وين وصرت وين يا حرقة قلبي عليك

كانت أفراحك عنوان للجَمعة الأخوية
صارت مقياس وميزان للعملة الأجنبية

كان يقدّم قلبو مَهر وترضى فيه الصّبية
صارت بدها منو قصر وأغلى سيارة هدية

كانوا يقولوا إخس عليه فاقد للإنسانية
صاروا فلوسو يغطّوا عليه وع أخلاقو المهريّة

كان الطالب يدرس دهر لشهادة جامعية
صار البيبي يخطط فكر للفيزا التهريبية

راتب كان يكفي الشّهر وتشكر الله عبيدو
صار يمشّي 2 الشّهر ويكسر من بعدا إيدو

فيقي من نومك ليكي شوفي شو صاير فيكي
وجدي وإنانا ليكي لمن خافوا عليكي
جرحوكي بالكلمة شوي بس بروحن يفدوكي
وعمرن ما رح ينسوكي...

.
...
....

تحياتي

Posted by: wajdy barakat

والله باينتو مابس اني معصب من الوضع ومن المشاكل وموبس اني اللي حابب يفش خلو بقيصدة الهيئة نحني كثار ولازم نقدر نغير الوضع شوي لانو ايد وحدي ما بتزقف وطالما البنات كمان مو عاجبهن الوضع فمعناها الامو تمام لانو كنت مفكر انو المشكلة للشباب على كلن شكرا الك وغلبتيني وسبقتيني بكثير هههههه وموفقة وانشالله بتتوفقي باللي بتريده بحياتك وعلى كافة الاصعدة........وارسلت رد بس الهيئة ما نزل وليش؟؟؟؟ ما بعرف

Posted by: mario

-يا زيدل ما بنساكي....... بتعرفي بقلبي غلاكي
و مهما قالو عنك .......... روحي و قلبي فداكي
- بس ليش هيكي فيكي صاير ........ و ع حكين ما فيي ساير
الحقيقة بتجرح اوقات.............بس الواقع عليكي جاير
- بنطلب هالازمي تعدي ..... وتتحدي العالم و تردي
و ماتخلينا نحكي عليكي .......انا والاخت انانا و وجدي
-من خوفنا عليكي عم نحكي .......و عالهموم الفيكي عم نشكي
بس مش ممكن عنك نتخلا ..........و انت حاسي فينا و عم تبكي

Posted by: hosam danial

شكرا ًلوجد ي وللجميع الي شاركوا وجدي
خليك متابع ورح تلاقي أحسن

يا زيدل مدري شو صار
حتى بكيوا حجار الدار
مدري هجرونا الاحباب
ولا الجنة صارت نار
وين القهوة ووين الكاس
وين الناس والزوار
حتى الاسمر هالفلاح
علينا ما بيرضى يندار
راكب تكسي ومتل الطير
ولك رزق الله يا هالحمار
فاكر يوم الدعسنا العنزات
ويوم الفتنا بحيط الجار
مبدل شروالو ببنطال
وبرنيطة بدل الخمار
بعد التشميرة للكتاف
والقميص المالو زرار
وبجيبو دفتر شيكات
وعم يتعامل بالدولار
وبعد الغرة والخصلات
شعرو اتعود عالسشوار
ايه يا زيدل مدري شو صار
مدري أنت صرتي كبيري
مدري نحنا لسا صغار

هاذ شعر عالمستعجل
ما تواخذونا

Posted by: talal_alachkar

ياشباب روقوا بالكم و عا زيدل طولوا بالكم
المشكلي مانها بسروالكم المشكلة بجيبت بنطالكم

زيدل ماعم تبكي عا حالها زيدل عم تبكي عا رجالها
الي عامل حالو رجال و متغطي بيورو و دولار

لاينسى هاك الرجال تحت الكف مرسوم حمار
والي غطى وجه الحمار كم يورو على كم دولار

شاعر من بلجيكا هههههه
طلال

Posted by: wajdy barakat

قاعد انا بهاك الدار وبامري والله محتار
تاري اللمحبين كتار واولهم اهل الدولار
ماني عارف شواللي صار كلمة فتحت هيك اشعار
يا ربي انت الستار تحمي زيدل كبار صغار
ونزل حكمك على حمار تغطى بخلفية دولار
ونسيها لهاك الدار والله مو عارف شو صار

قصيدة تلعطت بدقيقتهي وبتمنى ما تزعجكن وشكراالكم على المشاركة (طلال وماريو وحسام وانانا)

Posted by: hosam danial

وجدي ما تبقى تخليهي تطلع بدقيقتهي
لانو مو مليح
الشعر بدو طولت بال وتفكير
لاتو بجوز يطلع مع الواحد كلمات مو مليحة
ومن شان ما تبلش طريقك الشعري هيك
معليش أتقبل مني هالحكي
من أخوك حسام

Posted by: wajdy barakat

وإذا كنت صريحاً فلتـكن صراحتك إلى حد الاعتراف
شكرا للنصيحةو الصراحة وعلى فكرة بطلع بدقيقتها (صح) بس مع حفظ الكلمات المحضورة هههههه
ورح اعمل بنصيحتك اكيد وشكرا الك ........المعنى في قلب الشاعر ويحق للشاعر ما لايحق لغيره ههههههههههه

موقع زيدل سوريا حمص .. خدمات تشات و دردشة ... أرشيف المنتدى