الارشيف - ميكرو زيدل وما يتوجب عليك

Pages: 1

ميكرو زيدل وما يتوجب عليك
(انقر هنا ان احببت مشاهدة الموضوع الاصلي بالالوان و الصور )

Posted by: organist

[ميكرو زيدل مشكلة القرية يوميا يعاني منها الموظفين والطلاب و أصحاب الأعمال الأخرى و غيره و أنت تعرف يا صديقي أنه لا جدال في هذا الموضوع وماذا يتوجب عليك فعله تركب بميكرو زيدل:<-عليك أن تخضع لدورة صاعقة لأنك ستتعرض أثناء صعودك للميكرو للقفز لعدم وجود سلم صغير أمام باب ميكرو يساعدك على الصعود أنت شاب لايهمك ولكن أسفاه على الكبار في السن. [<-أن تتحلى بالصبر لأنه سيتعرض الميكرو لتأخر لمدة نصف ساعة وهذا الشي ء يجصل غالبا عندما تكون في المدينة ماعليك سوى الإنتظار .
-أن تكون صاحب أخلاق عالية وحسنة ربما سألت السائق على التأخير ستتعرض للإستفزاز من البعض غيرذلك(بحملك من نيي أنو عا يوصلك على حمص)
-عليك أن تمارس رياضة المشي يوميا لأنك ستمشي حوالي 1كم متر وهذا إذا كان منزلك يقع في المنطقة الشمالية أو الغربية في زيدل غير ذلك ستمشي من أخر موقف في المدينة إلى السوق.
يجب أن تشتري علبة حب تحت اللسان لأنك ستتعرض لإزدحام غير طبيعي من الناس داخل الميكرو(كبس مخلل)غير ذلك أن يكون لديك إلمام بالإسعافات الأولية كيفية التنفس الإصطناعي ربما تعرض بعض الركاب لضيق في النفس وهذاإزدحام يحدث بين الساعة الواحدة حتى الساعة الثالثة أوقات إنتهاء الدوام الدوائر الرسمية والمدارس .
يجب أن تشتري علبة مناديل ورقية من أجل تنظيف المقعد قبل الجلوس وبعض معدات تصليح من أجل تصليحات أولية ريثما تصل القرية(من عشر سنين مانو شليف لا المغسل والصناعة)
يجب أن تتقيد بأوقات دوام الميكرو وتحترمها وهي من الساعة السادسة صباحا حتى الساعة السادسة مساء لايحق لك التسوق بعد هذا الوقت لأنو لايوجد (أنت موظف بتاخذ سيارة وبتجي عالضيعة)
فهنيئا لنا على هذه الخدمة الراقية مع العلم أنو أغلب سائقين يالي من زيدل لا يعملون على الخط إعتمادهم على العقود مع المدارس والمعامل وغيرها يعني فيك إتقول ملوا من الخط والشغل عليه في حال تم رفع طلب بإلغاء الميكرو ما رايحين يتضرروا شباب زيدل .إذا رحنا نرفع طلب لمين؟ راح إنشوف محافظ بوكرة بيقلك عندي تكريم أسرة مسلسل باب الحارة .أو بنشوف ياسر العظمة بلكي بنصير حلقة من حلقات مرايا ماراح إنلاقي نتيجي .الواحد بينزل مرة بالأسبوع بيكره حياته والله يعيين بينزل كل يوم مليح بيظل فيه عقل شو الحل برأيكن.

Posted by: wajdy barakat

والله ولا احلى من هالمقال...بس بتعرف انو مكرو زيدل طلع مفيد ...يعني بكون شخصية حلوة للواحد لانو اذا خلاقو ضيقة بتتوسع .....واذا ما بيعرف شي عن دورات الانقاذ بيتعلم....واذا عندو شوية كسل وقلة مروة بتتحسن بالقفز والمشي......لا تبكي ولا يهمك احمد الله انو عندك هيك مكاري مو متواجدة بالعالم كله....
مبارح شفت مكرو زيدل بالمتحف الاثري شووووووووووو راااااااااااااايك ؟؟؟؟؟؟؟؟ههههههههه

Posted by: Desert rose

الجمرة مابتكوي إلا صاحبها
واللي ماداق المغراية مابيعرف شو الحكاية
وبس .........مابقدر واسي اللي عم يعانوا من هالهزهزات الزيدلية إلا بجملة بسيطة .
الدولة تكون معكن....... وعين الله تحرسكن

شكراً organist على هالسرد اللطيف المفصل...أكثر من رائع

لو الأمر بيرجع الي كنت عينتك مراسل منتدى زيدل لنقل كافة الأوضاع المعيشية القائمة اليوم على أرض زيدلنا الغالية .

تعيشي يازيدل

زهرة الصحراء

Posted by: mariam

معليش على مهلكن شباب عنا مشكلة بالمكرو بس كمان في مشكلة فينا 000تعلمنا الكسل صار بدنا المكرو يمر عاباب البيت لما نمشي مرة برد ومرة شوب ومرة غبرة 0000شو بيعرفني كل مرة بنلاقي حجة 0000بس حدا منكن وقف على موقف الارمن الساعة ثماني الاربع ليطلع بسيرفيس ومالح واحد فاضي لبعد الثماني 00يعني بالمختصر حتى المناطق اللي فيها سرافيس فيها عجقة سير بالاقات الحرجة يعني ساعتين الصبح مع ساعتين الظهر000وياما بتقعد بالمقلوب او على ركبة ونص 0000يعني مشكلة السير بكل محل وقت الازدحام وخلونا صريحين اللي بدو يطلع بمكرو الساعة ثماني لازم يطلع قبل شوي من بيتو 00يعني يطلع الا عشر دقايق شو بيصير عليه 000
بعدين حمدوا ربكن لو كان بدل المكروات سرافيس عاطريق زيدل اتاكدو ماحدا رح ينفد سالم 0000لانو هيك طريق بدو هيك مكروات ويكثر خيرهن لسا عم يطلعوا مرق علينا فترة حتى سيارات الاجرة تلرفض تطلع000
ايه احمدوا ربكن لسا في سيارات عم تشيلكن0000
على فكرة حتى ماحدا يفكر اني عم زاود 00الكل بيعرف اني ماعاد رحن بسيارتي ورجعت للميكرو 00وهيك صرت اعمل رياضة من جهة ومن جهة ثانية صرت شوف اشخاص من زمان كثير ماعاد شفتهن وهيك بتشوفو انو في فائدة اجتماعية يعني بين مايوصل المكرو للضيعة بنكون فتحنا ميت حديث وحكينا عن كثير اشياء محروم منها اللي عندهن سيارات او سرافيس سريعة 000لاتزعلو شباب دورو بتلاقولو ميت فائدة وفائدة 00000

Posted by: organist

مرحبا وجدي سناء مريم شكرا كثير والله يا وجدي إذا إنت شوفتو بمتحف غيرك عما يشوفو بالمنام سناء شكرا كثير على العلم إنت من الناس يالي شجعني سجل بالمنتدى من خلال كتاباتك يالي قريتها وحبيتها مريم أنا معك بالكلام يالي قلتيه بس يامريم إذا كان عليي أني انا واحد بحب المشي ولكان عالسيارة أنا ما عندي غير موتور بس الكلام هل برأيك يالي عمرو50 سني بيشكي من أية أوجاع راح يقدر يمشي طيب يالي بيتو بالحارة الشمالية بتعرفو اديش العمار مد للشمال شو بدو يعمل بحالونحن ما قولنا أنو يمر عالباب ولكن يعمل برمي لفي يقدر يهون عالناس شوي وبعدين حالة الميكرو من قبل مايصير بالطريق العام هيك حتى بعد ما راح ينهو الطريق وقتها راح ترحعي للسيارة إنت هالشي معك مؤقت بس يالي عما يروح كل يوم مو من حقو يطالب بالأحسن و الميكرو على حالو وإلى الأسوأ كنا بالشام بجرمانا يالي فيها 200الف شخص كل زحمة السير يالي فيها أقص حد نستنى ربع ساعة هون كثير أيام بنكون عند شارع الأزن يما يما مستني نصف ساعة بس شو الواحد بدوا يعمل و الموضوع لازم ينحل حرام إنضل ساكتين

أبن زيدل لاينساها

Posted by: new_zaidal

اخ اورغانست الحقيقة اليوم انا بدي حط حالي محل صاحب المكرو و اعرف ليش عم فكر هيك
اولاً :في علم المحاسبة في كل دول العالم بما فيها سوريا تستهلك الآليات خلال 10 سنوات دفترياً
اي قيمة الاصول *10% سنوياً اما حالحكي واقعياً لا يحصل و خاصة في سوريا بس هل 50 مكرو الي قاتلين حالهن على خط زيدل هل عم حققوا ايرادات عم تغطي نفقات المازوت و الصيانة و الاصلاح وهل عدد الركاب كافي حتى يأمنلهم دخل ذو عائد جيد (انا أشك)؟؟؟؟؟؟؟
الغالبية العظمى تلجأ الى عمل عقود سنوية مع الروضات و المدارس الخاصة و المصانع ....الخ
وهذا من حقهم لكي يعيلو اسرهم و يؤمنوا دخل اكبر و لكن نصفهم لا يعرف من اين طريق زيدل و فقط في بداية كل سنة يجدد الرخصة من المرور و بموافقة البلدية او المحافظة لكي يستمر في عمله طبعاٍ لان القانون ينص على اجبار جميع السائقين بتسجيل المكرويات على احدى الخطوط في المحافظة و طبعاً زيدل اقربها و قلبها كبير يتسع لكل الاحباء؟؟؟؟
و في حال عدم الترخيص من قبل البلدية للكل في العام القادم راح تشتغل الواسطات من العيار الثقيل والذي اذا ما صاب بيدوش و بما انوا السيد رئيس البلدية موناقص (منين بدو يلاقيها )
فانا اقترح انوا حرام كمان عنا 50 مكرو ل 5000 نسمة يعني لكل طايفة بيطلعلها مكرو و بلكي منعمل لمة من كل طايفة ومنروح على اصحاب هالمكرويات بلكي ببيعونا اياها و منخلص

شو ررائيكن بها الفكرة و في كم طايفة بجوز يطلعلها اكثر من مكرو و خاصة الطوائف من العيار الثقيل

Posted by: shadi

Helo every one and thanks organist to write this subject it's the third or may be the fourth one on this field you konw i put a subject three years ago about the same suffering and up till now with no use .
any way at least we can speak and calm ourselfs may be the dream come true.
in Zaidal there is a lot of dreams to do in Future let's say about the road several ppl specially on the main road they had sufferd a lot form the dust and form the noise brought form that road but after a year; now they r all happy to be modernized by a well done and lighted road like this one .
and they have to keep it good and clean .
so let's look alltogether to make a developed vision to our country and get rid of the old things and be modernized because sooner or later we have to be. .
we are so short of that
( I am so sorry to say it)
Terima Kasih(thanks)
Malaysia
sunday
13/4/2008
4.10pm

Posted by: organist

اقتباس:

شو ررائيكن بها الفكرة و في كم طايفة بجوز يطلعلها اكثر من مكرو و خاصة الطوائف من العيار الثقيل

لو رحنا لمثل هيك عا ئلات رح ترفض عالسريع لأنو كلها أكيد عندها سيارات أول جواب لألهم هو نحن ما بننزل بالميكرو
بننزل بالسيارة عالسوق ماحدا مضطر .....
ولكن في حل ثاني بعتباره المكيرو عما يلحقوا دور أودورين باليوم أكيد هذا مانو عما يكفيهم لتصليح الميكرو ولمصاريف العائلة او لمازوت وغيرو والجميع عنده عقود سنوية مع معامل المكياج والمدارس الخاصة والمعامل الأخرى مثل معمل العرق وغيروا ....وغيره والكثيرن معهن أزن تغيير خط ميشان طلبات المطار والرحلات .........يتركونا الخط لنعين سرافيس تشتغل عالخط ....والميكرو يظل عما يشتغل بالعقود لأن حجمو أكبر من السرفيس را ح يبقى مرغوب للمعامل والمدارس يوقعو على شروط مع البلدية طلبات الخاصة لألهن ...والسرافيس توقع على طلب مع البلدية العمل على الخط حصريا لألهم ..شو يرأيكم حل مقبول ولا ... هيك هيك الميكور ما بيستفيد من الخط والسرفيس دغري بعبي 12 راكب وبيمشي وراح يبقى للساعة 9 مساء ويمكن أكثر... ويمكن بعض العائلات بتحتاج لطلب سرفيس يعني كل واح بشغلو

وإنشالله ياشادي يحافظو على هالطريق الجديد إذا ماحدا طلع بشي شغلي جديدي يمكن المتعاهد يكون نسيان بانسا ....راح يضطر يحفر ويدور عليها ...... وإذا بدنا ننظر للتقدم والتطور مثل ماذكرت إنروح نجمع ثمن تلفريك نوصلو من اول زيدل لدوار مواصلات أحسن من الميكرويات ... بعدين شو ما بدهن يعملو بيحفرو الطريق بزفتوا يالي بدهن يعملو ....تحية للجميع

Posted by: new_zaidal

اصدقائي كلما ذكر موضوع المكرو امامي عن جد بحس حالي عايش بالقرون الوسطى اليوم بالصدفة تعرفت على واحد بيشتغل بحماه و كان يطلع من بيتو باول مكرو ليلحق باص الوظيفة قلي انو قدم شكوا للبلدية من حوالي 5 اشهر حول وضع المكرويات و منشان تغيرهم بخط سرافيس صغيرة وقال انو البلدية رفعت كتاب للمحافظة و قالولهن من اجل عمل جدول مناوبات ؟؟؟؟؟؟؟؟؟؟؟؟وتيتي تيتي مثل ما رحتي مثل ما جيتي وان قدمت بنفسي عريضة موقعة من حوالي 200 شخص تاريخ 10/3/2004 واتفقنا ان يصلني الرد من البلدية خلال 15 يوم و لهلق ما شفت شي بس يا شباب انا بدي ابلش عن طريق التسلسل من البلدية الى المكتب التنفيذي بالمحافظة ومن ثم الرقابة الداخلية ومكتب المحافظ كلو بشكل رسمي واخذ صور عن الردود الرسمية واذا ما لقيت نتيجة ساتوجه الى الصحافة ؟؟؟؟؟؟؟؟؟؟
ثم الى ؟؟؟؟؟؟؟؟؟؟؟؟؟؟؟؟؟؟؟ (القصر الجمهوري ) كحل اخير وها الشي بدو نفس طويل بس بدي اعرف انتوا معي وللا لا .

موقع زيدل سوريا حمص .. خدمات تشات و دردشة ... أرشيف المنتدى