الارشيف - أديب من زيدل

الْ بيني وْ بين الشعر مش حب وْ وداد = هــــــــــوي أنا والروح للــــكلمه مداد

هذا البيت يمثل واقع قائله أخي وصديقي الدكتور ماجد سطّاح أبلغ تمثيل ....... أخ ٌ لي لم أره قط ..... لكن أثر فيَّ أبلغ تأثير من خلال نتاجه الشعري ...... شاعر يملك من الحب ما يكفي العالم بأسره ....... رقيق .... دافئ الأحساس ............ رسام ريشته الحرف وألوانه الكلمات ولوحاته قصائده .......... عاشق مخلص .

أترككم روّاد هذا المنتدي أعضاءً وزوّاراً مع مقتطفات من نِتاج هذا الشاعر المبدع .

حُبكْ قَدرْ

حُبكْ قَدرْ, والمشيْ عَا دربكْ خـَطـََرْ .........ومحتار كيفْ بزيحْ منْ وجْ القدرْ

وفِزعانْ لولا فـْضَحتْ قلبيْ الليْ انغرمْ........قِلـِّّكْ أنا عِشقانْ , وتقوليْ كَفـَرْ
=================================
بينيْ وبينكْ شوكْ أيَّامي نـَما......................وجبالْ بَعدا جبالْ عِِليتْ للسما

ومجبور إمشيْ بقلبْ بالحبْ انعمى .......... شايفْ ضِحكتكْ بَسْ عَا مَدّ النظرْ
=================================
الحبْ مَ بيعرفْ فقير ولا غـَني...................بيخلقْ بْلا قانون هَيكْ بهالدني

لـْقطر الندي الورقهْ غـْصِيبهْ بتنحني...... وقلبيْ بعشقـِكْ نَخْ منْ تِقلْ المَطرْ
================================
عَمْ تنخزيْ الأشواق كلما بتغنجيْ ..........بيكـْفي خـِيولْ العشقْ فيِِّ تهيِّجيْ

خوفي ان سَقط هالقلبْ عا صخرهْ يجيْ... ومَ يعود فيِّ عِيشْ لوْ قلبيْ انكسَرْ
================================
و كلما عَ قـَدِّكْ يصرخو ثيابكْ غـَلا ........وتصير موضهْ اليومْ تشمَخْ عالحلا

بقرِّب تَ إحكي , بقول هالمرّهْ بلا ........وبرجعْ لوحدي غِبْ منْ بحر الضَجَرْ
================================
وكلما بعينيكيْ شِفِتْ نجمة ْسَعِدْ..........وحَسَّبْتْ حاليْ قـْطـَفتْ من قلبكْ وَعدْ

بفتحْ إيديِّ الفاضيهْ مأمَّلْ تَ عِدّ ْ.................قدَيشْ في بكفوفْ شِقيانهْ حُفـَرْ
================================
بيِّكْ هَدَاكي بعيد مِيلادِكْ قَـَصِرْ..............وبييِّ كَتـَبليْ بيومْ ميلاديْ القـَهـِرْ

وكيفْ القـَهرْ بيصيرْ بقصورِِكْ مَهـِرْ...عُقدِهْ بيحلاّ الربْ , مِشْ عَقل البَشَرْ
================================
رحْ ضلْ حَدِّكْ دوبْ شمعهْ بْلا أملْ............رافض بَرَيقْ القلبْ يطفيه الخـَجَلْ

حتـّى إذا شيْ يومْ عنْ روحو انفصلْ.... بيكونْ مات كْبيرْ مش ضعف انتحر
================================

حَدِّي مرقْ

حدّيْ مَرقْ ما قالْ لوْ كلمةْ ........................وحديْ تركنيْ شفافْ مبتسمهْ
بسمة ْ أسفْ دابتْ معا النهداتْ ...........................تتعاتب الأيامْ والقسمهْ
قلبيْ سَرَحْ ت َيرافقْ الخطواتْ......................تا ضيّعو وتا ضاعْ بالعتمهْ
وكلشيْ إنحكى بسنين حلوه ماتْ..........دغريْ إنتسى , صفّى هوى نسمه
ْراحتْ معو وأخذتْ هـَنا الضحكاتْ.............وتركتْ صور بالبالْ مرتسمهْ
بترجعْ عَ ليليْ بتزرعوا آهاتْ.................بتسقيْ وجعْ عمْ يكبر بجسميْ
يحرمْ عليّ إسمعكْ يا حُبْ.............................أو إبتسمْ عَ مْفارِقـَكْ بَسمهْ

يا قلبْ بــِيكفـِّيْ ألمْ ودموعْ ............مهما صْرَخِتْ هالصوتْ مشْ مسموعْ
حتّى الصدى الليْ ركضتْ تا ضمّو .........منّى نَفَر ...ما قالْ شو الموضوعْ
حلمْ إنكسر ما بتقدر تلمّو.....................اليْ بينكسر مالو بْإيدينا رجوعْ
حبيْ أنا غابْ انطفى نجمو ....................بليلْ الهوى صار الفرحْ ممنوعْ
قضّيتْ عمركْ تحلفْ بإسمو ....................واحْرقتْ دقـَّاتكْ بليلو شموعْ
ضاعْ الأملْ منْ قسوتكْ يا غَدرْ .............الـْ طِلـَّعْتنيْ بِلونْ الدني مخدوعْ
===================================

شبّاَكْ مصلوب

شبّاكنا مِشتاقْ تَ تطـّليْ ...................شْبَاكْ الوَردْ عَ سياجنا تفـَلـِّي
ْمِنْ يومْ مَ نسيتي طريقْ الحَيْ..............عا شرفتو ما ضِحْكِتْ الفِلـّهْ
ما عادلوْ طـَعْمِهْ سِكِتْ هالفـَيْ..............ولا عادْ مثلْ الأمسْ مِتـْحَلـِّيْ
بدعساتْ سَرقِتْ طـَبْعَها من الميْ .......ومنْ خَفـْـقة جْناحاتْ درغلهْ
عَالمدرسهْ كانتْ بصبْحو الضـَيْ.........ونسمهْ هوى بِ شَوْبة الحَلـِّهْ
لوْلا مْساميرو بيعْـتـَقوهْ شويْ.............بيركعْ عَ حَدَّا كانْ تَ يصَلـِّيْ
لـَيْكِيْ : مِثِلْ مَصلوبْ بَعْدو حَيْ...والذنبْ ذنبي ,غـْلِطِتْ شُو صَرْ لِيْ..؟
لمَّا بهَاكْ اليومْ قـَلـِّيْ خِطِيْ : ...............شوفْ الحَلا بالهَمْ مِتمَلـِّيْ
تَ هْمَسْتْ : (لولا بْمَسْألهْ عْجـِزْتيْ....دَخـْلِكْ تـَعَيْ تا خـَبِّرِكْ حَلـِّيْ )
================

زعلتي

زعلتي ؟..أنا شوْ حْكيتْ حتـَّى تزعليْ ؟....ومثل الوردْ بالشوب تحنيْ وتدبليْ
وجَنـّهْ حَلاكيْ تـْسَكـِّتيْ عْصافيرها ..............ونسماتها تخبّيْ وببسمهْ تبخليْ
ونظرة عُيونِكْ تبتديْ تبشيرها .....................مترهبـَنهْ بِ غيرْ دنيي تخْـتِليْ
وقلبي الـْ يئِسْ يوْقـَعْ بعتمة بيرها ...................ويضيعْ بسْراديبها الـْمقفـَّلهْ
الكلمهْ الزغيرهْ ليشْ حَجْمْ نعيرها....................وإنسان قَلها مشْ بآيهْ منزَّلهْ
منْ ابن ضيعهْ مْعَوَّدهْ عا شِيرها..............ومشْ بسْ عَ سْواقيْ بورقها مبلـَّلة
شوفي خـْدودكْ ناطرهْ مْشاويرها..................وصَابيعْ مأسورهْ عَ إيدي مْكبَّلهْ
وشفافْ عمتشكيْ الشقى وتعتيرها.............وطفلهْ بعدها حْرامْ دِغري تبْـتليْ
يا قاسيهْ عْا ذاتها بتصْبيرها ..........................إقسي عْليِّ ..قـَدّْ مابدِّكْ حَلالْ
لكنْ عْليها حْرامْ تنسيْ تسأليْ

====================================

عنيدة

يَ بوسهْ تِمْ أيـَّامي السعيدهْ .................على خدِّي وعلى خدود القصيدهْ
يَ عُمريْ العُمرْ شو بيسوى بلاكي...يَ حُبّيْ الـْفرفـَط ْ زهورو بوريدي
إذا قصَّرتْ منْ ناحِكْ ملاكيْ...................ونسيكيْ الشِعرْ منْ مدِّهْ بعيدهْ
يا شمسْ منوِّرة عَتمهْ فـْلاكيْ.....................بْوَهجْ اللومْ باللهْ لا تزيدي
بخافْ الشِعرْ مَ يوَّصلْ عَلاكيْ.............وحروفيْ تتوهْ عَا دربكْ شريدهْ
بخافْ الشعر يسهى عنْ غـَلاكيْ.....بشيْ نـَسمهْ يْجور عَ الرقهْ الفريدهْ
أنا سِكرانْ منْ كاسهْ حَلاكيْ...............وطبيعيْ تختفي فكاريْ النضيدهْ
شعوري بيومْ مَ بلحظهْ سَلاكيْ..........و روحكْ سارحهْ بروحي وحيدهْ
أنا شِعريْ بينبعْ منْ هَلاكيْ ...................وإنتِ جَنـِّتيْ الـْغفيتْ عَ إيديْ
عُيونكْ كِلْ صِبحْ طَـلّ ْ بْبهاكِ......................بذوقْ ببنَّها نـَكههَ جْديدهْ
وريحهْ هَالها هِيِّ شذاكِ................يَ عِطـْرهْ بشرفتيْ وبيتيْ ونهيديْ
احرقيني بنار إيديكِ وهَواكِ................اغنجي وتغالظيْ عْليِّ وعِيديْ
بقضّي العمر عَمبطلبْ رضاكِ..........وشوْبَدّكْ أ ُأمريْ , ومنْ عينتينيْ
يا حلوهْ بسْ لَ تكونيْ عَنيدهْ
===============================

بمثل هاليوم

بمتلْ هاليومْ هِديتنيْ عينيْ .................بعد ْ ماعِتمتْ الدنييْ علّيْ
وثلجْ العمرْ أيـَّامْ ولياليْ.................سَكـَنْ قلبيْ بـِبردو وغـَلّ ْ فيِّ
عَ كوخْ زغيرْ نورو عَمْ بيلاليْ........بعِنيها الـْ منْ حلاها مستحيِّهْ
عَ كرسيْ هاديّة ْ قعدتْ قبالي..............وحِكِتْ كلماتْ بالرقة ْ غنيّهْ
ما بعرفْ كيفْ هدِّتليْ جباليْ .........ال ْما بيْنيْ وبينْ حوّا مِعتـْليّة ْ
بنظرة ْ عينها الْ بقيْت ْبباليْ .............نـَهتْ فيِّ عصورْ الجاهليّة
ْعَ شعرا صارْ عميكرجْ خياليْ ............تيغزلْ حِلـْم ْ أياميْ الهنّيهْ
بْوقتها الحبْ زقزقْ عَ تلاليْ.............مثلْ عصفور ألحانو شجيّه ْ
تينهيْ عتم ْ إيّاميْ الخواليْ.............ويعلنْ طلـِّة ْ الشمسْ البهية
ْمضيْ هالقلبْ دَشَّرني لحاليْ..........عَ هاكْ الكوخْ سابقنيْ بشويّه ْ
بموقدْ نارها عافْ الغواليْ.......الليْ كانوا جروحْ عمْتنزفْ أسيّه ْ
وطوى سنينْ العزوبه ْوالجهالة ْ...وعِملْ نفسو لـْوردها مزهرية ْ
تَ يسقيها حَنانْ الشعر مَاليْ........ وتبقى بعيشتو عِطـْرهْ ونديه ْ
ولأنها شابهتْ إمِّيْ بدلاليْ ..........وفاقتْ روعة ْ الطفلة ْ الشقـيّه ْ
رِجـِعْ تا يشكر الربْ بصلاتو ..........الـْعطاهْ بقربها أجملْ عَطيّه ْ

================================

عمري أنا شهرينْ

عمري أنا شهرينْ وبحضنْ الزجلْ...............بعديْ رضيعْ مقمَّط ْ بثوبْ الخجلْ
عا مرمريتا جيتْ ودَّاني المسيرْ.....................عِلقتْ بشَركْ كلماتْ عاخدَّا قـُبل
عارفْ أنا ياناسْ شايفْ مشْ ضريرْ.........وماشيْ بعتمة ْ دربْ عَ سراج الأملْ
وبعرفْ وحوش الجردْ , طبعنْ شو خطيرْ...عا طفلْ تاهْ وفاتْ عا حرشْ الجبلْ
مسلـَّحْ بـِدمْ انْ سالْ بينقــِّط ْعبيرْ...........ولحمْ الـْرهيفْ الحسْ بترابوْ إنجبلْ
وعقلْ بخيالو الجامحْ الخصبْ الوفيرْ..... ببحرْ القوافيْ عاشْ ..عاشطـّو إنقتلْ
بموقعيْ منْ زْمانْ سمَّونيْ الأميرْ.............وكـِنتْ القمرْ سهرانْ بِ ليل ِ الكسلْ
كانتْ عريشة ْ نايمهْ ْالنومْ القريرْ.............بشعريْ أنا العنقودْ والباقيْ خـُصلْ
وبْجوقة الأقزامْ الي شِعْرنْ فقيرْ.................بيزغرْ رفيعْ الشانْ لو كنّو بطلْ
رفضتْ الإمارة ْوجيتْ أزغرْ منْ زغيرْ.........تا أولدْ منْ جديدْ شاعرْعالأصولْ
وعمِّدْ حروفيْ هَونْ بنهرْ العسلْ

*****************************************

شو حلو فيكي

شو حلو فيكي فكِّر وإسرحْ..................وهَمْ الدراسهْ وكِتـْبهااشلـَحْ
أسرقْ منْ الساعاتْ شمَّة ْ روحْ.......وإصفى عَ شطـَّكْ قلبْ عمْ يسْبحْ
وغرِّقْ عيوني بعطر عمْ بيفوحْ........بضحكات مثل زهور عمْ تفتحْ
فرْاشاتْ مفتونهْ تجيْ وتروحْ.............مْـتـنقـْلهْ منْ مطرحْ لـْمطرحْ
ويمرْ شلال العتمْ ويلوحْ...................بالريحْ حَدّ ْ الشمس يتمرجحْ
مرَّهْ عْلى الشفهْ يقعْ مدبوحْ...................ومرَّهْ بلحظ ْ العينْ يتجَرَّحْ
ومرَّاتْ يوصَلْ للمدى ويسوحْ................أنوار لون الليلْ عَمْ تشلحْ
الـْعيونْ شُبَّاكْ بجردْ مفتوحْ ...........ونظراتها نسمة ْ هوى بتشرحْ
لوْ دَبـَّلو فيِّ العرقْ بيسوحْ..............وبدوبْ بينْ رموشها وبسْرحْ
إرسبْ لأجلكْ هالسنة مسموحْ...............لكنْ أنا عمْ ذاكركْ ساعاتْ
مْأمَّلْ بحبكْ قدِّمْ وإنجحْ

===============================

شو ذكـَّركْ فيِّ

شو ذكَّركْ فيِّ
من بعد فرقة دهرْ
يا راجعه ْ
تَتشعّليْ أحلام مطفيّهْ
وتعطـّشيْ عُمرْ إشتهى الميي
وماداقْ غير المرمرة والقهرْ
قلبيْ نسيْ
القلبْ القِسيْ
وصعبهْ إلو يرجعْ
صعبهْ إلو يسمعْ
مهما هتفْ
ومهما بخطاياهْ إعترفْ
مَ بسامحو
ولَ برجِّعَو عَ مْطارحو
سلطانْ يحكمْ مملكهْ
شبعتْ حكيْ
عَرَّشْ عَ حيطانا وتكيْ
شوكْ إفتكرتو زهرْ
وهالعينْ يلـّليْ نشّفو دمعاتها
واتسكّرتْ بحجار ردمْتْ نبعةْ ْ حكاياتها
مهما عيونكْ شَتـِّتْ بنظراتها
ماعادتْ تجرِّيْ النهرْ .
==============================

قلبي طفل
قلبيْ طفل بعدو بِْلفلافهْ ........................بحاجة ْ لْحضنْ تا يغمرو دافيْ
وصرليْ دهر عا مذبحكْ مصلوبْ ...........ونسور عشقكْ تنهشْ طرافي
ردّيليْ روحيْ المايلة ْ عَ غروبْ............منْ فوقْ بحركْ يا عسلْ صافيْ
حُبـِكْ عطشْ بِ كاستيْ مسكوبْ................عم بشربو بنظرات شفـافة ْ
وكلما شربتْ بيزيدنيْ مرغوبْ................وكلما قـْرِبِتْ بتزيد المْسافة ْ
بلحظة ْ هَنا مِنـِّيْ على المحبوبْ..........واتكيْ عَ كتفيْ شويْ ل َتخافيْ
تا إسرقكْ منْ عُمْر عمبيدوبْ.....................وبِْنهر شعركْ بللْ شفافيْ
وإلقطْ نفسْ بِ رحلتيْ عَ دروبْ.............عَ دروبْ شَوكْ مْشيتها حافيْ
وإبعتْ صابيعيْ حَمِّلـُنْ مكتوبْ ..........يوصَلّ لـَجوريْ بوَجْنِتكْ غافيْ
تا يشهَدْ الجوريْ لـْقلبْ مغلوبْ.............بلكيْ الهوى بيحكمْ بإنصافيْ
(بحـِبكْ مُنى) ما بتوفيْ بالمطلوبْ....صعبهْ بجملة ْ يوصَلِكْ شوْ بحسْ
وكلّ العمر لو عِدْتْ مشْ كافيْ
================================

لمَّا لمحتِكْ
لمَّا لمَحتكْ راجعة بهاك الظِهرْ...........مدري شو صرلو القلبْ تا حتى خفقْ
شفتْ السما غيماتْ عم تمطر زهر....ومروجْ , صارتْ أرضْ هاكْ المفترقْ
ضِحكتْ عيونكْ طوَّلتْ عمري دهر ............سبحان ربي قلتْ شو الله خلقْ
ليكْ العذوبةْ كيف عمْ تمشي نهرْ.......والسحرْ لونْ عيونْ عم تبرقْ برقْ
وتعانقوا الآمالْ عادروبْ العمرْ.........فراشاتْ بيضا ونورْ واليأسْ إختنقْ
صار الفرح ْشلالْ عنيهدر هَدِرْ..........والحزن صار كتابْ محروقْ الورقْ
تمنيتْ لو ساعاتنا توقف شهرْ ......ومللي عيوني شَوْفْ منْ عِطرْ وعَبَقْ
قسيتي بوَعْدِكْ ,آه منكْ ياقهر .........أسبوعْ غيبهْ , كثير عا قلب احترقْ
**********************************

متأسفهْ
يا ليلْ يا قاسيْ على العشّاقْ ...............باللهْ عْلـَيْكْ تخفِفْ الأشواقْ
سِنتينْ صرلو هالقلبْ مَقهورْ ............وما كانْ ينساها بعدْ الـْفراقْ
والشمسْ طِفـْيانهْ عليِّ النورْ...............والروحْ فييْ مابقا تنـْطاقْ
معْ كِلْ دقـّة ْ قلبْ عَمْ بتغورْ ...............سِكـّينْ بقيانه ْ بجرحْ حرَّاقْ
منْ إيدها الليْ مْعَوَّدهْ عَ زهورْ............منْ قلبْ ندَّاها بهواهْ غـْرَاقْ
وسِنتينْ صرلو هالعمرْ مَهدورْ.......مِضْيانْ مَ بيعرفْ هَنا ولا راقْ
بـِرْجَعْ عَ هاكْ المقعدْ المهجورْ .......منْ غيرْ ما إشعُر إلوْ مْنـْساقْ
بهاكْ الحديقة ْ بْسَاير بْمَنثورْ.................لمْساتها يامَا حلاها ذاقْ
وبعدا بباليْ سَكـْتِة ْ العصفورْ ......وأشجار عَمْتبـْكيْ زَعَلْ أوراقْ
والريحْ تحملها بقـَرَفْ وتـْدورْ..عَ رصيفْ مشوارو غِفيْ وما فاقْ
لمّا بـِلحظهْ انـْهَدْ كِلشيْ قـْصورْ..........ومَرّ القدرْ عَ حِلمنا سِرَّاقْ
بكِلماتْ قالتليْ , بحَْكيْ معْصورْ ......هالكونْ عَ وسعو عْليها داقْ
(متأسفهْ : قلبيْ أنا معْذورْ ......غـَيْركْ عِشِقْ , والحُبْ مِشْ بالإيدْ
خيي إنتْ ....بنـْتـَمْ هَيْكْ رْفاقْ)
========================================

مرّة حِلمْ

لَ تفكري هالقلبْ لو مَرِّتْ سنهْ .......................مَرَّة حِلم عا غفلة النومْ الهنيْ
ضيَّعْ شيْ ذرة شوقْ ليكيْ أو ولـَعْ .......منْ يومْ مَ فـْـتحْـتيْ عيونو عْلى الدنيْ
======================================
وكِلما بقفل البابْ مِفتاحِكْ حَرَكْ...........عا موعد رجوعِكْ , حنينيْ الليْ انترَكْ
محبوس جوّا عيونْ ورموشكْ دَرَكْ..............بيقولْ روح الروح جايهْ تفكِّني
========================================
لولا إنحبس هالقلب بعيونكْ وهَامْ ...............مشْ هَمْ هَيْكْ يتـَمْ مِيِّهْ وألفْ عامْ
ما دام متلو طيورْ ورفوف لـْ حَمَامْ ...........صافي السما بكلْ عينْ فيكي مْزيِّنهْ
========================================
بعدِكْ صِرتْ ندمان عَ العمر اللي راحْ..........وعا كلْ دقة قلبْ سكرانهْ بْلا راحْ
وكِلما ضِحِكْ عَ مخدتي بوجِّكْ صباحْ.......بدعي االشمس توقفْ وتبقى ساكنهْ
========================================
وبيتِكْ كأنـّو ثوبْ وعْليكي لـَبقْ ...............معْ كل مسى بنسمات إيديكيْ عَبَقْ
وكِنتيْ الزهرْ لـِي سَيَّجو وكِنتي الحَبَقْ .....الـْ منْ غير ما هزّو بعطرو هَزَِّنيْ
=======================================
ولمَّا جناح الليلْ يفردْ عالمدى.............وعجقة نجومو تصيرْ تحكي بلا صدى
إنتي وانا يا ريتْ نبقى عالهدى................بْلا كهربا , و تبقى عَ طول مْقنـَّنهْ
========================================
حَدِّكْ أنا حِسِّيتْ شو هوِّي الأمانْ........وشلـَحت خـَوفيْ الـْ كانْ بِِ وجْ الزمانْ
وعْمِلتْ من صابيعْ إيديكي كمانْ...............بشريان قلبي عِزفتْ قطّعهْ مْلحَّنهْ
========================================

هَمْسِتْ برمش العين

همستْ برمشْ العينْ همسة بالخفا .............بكلمة ْ سمعها القلبْ مليانة ْدفا
بكلمة ْ نَطرتا شهور أطولْ منْ عُمرْ.......شهور إنسرقْ منْ ليلها طعمْ الغفا
بنظرة ْ وبغمزة ْعَينْ غـَمرتنيْ غـَمرْ.....ما بينْ رمشْ ورمشْ تالبردْ إختفى
منْ بعدْ ما ملـِّيتْ نهداتْ الصَبرْ..................تفتحْ دربْ مسدودْ بحجار الجفا
وقِلـْتْ القـَدَرْ تخمينْ ,هُوْ ذات القـَدَرْ.........زَوََّدْ جَرحْ ع َجروحْ ما منها شِفا
حِسِّيتْ وجّ ْ النور بِ ليلة ْ قـَدِرْ........مشْ بالسما , بعيونْ أصفى منْ الصفا
قالتْ حكيْ ...كِلـْماتْ عمتبرقْ سِحِرْ.........شِفتا لصوبيْ جِايْ عمتكرُجْ حفا
قالتْ إذا بتحبْ فيْ عنديْ قـَصِرْ................مخبّى بقلِبْ لو حَبْ, بيحب بوَفا
سياجو حديقة ْمطعمِّة ْ بأحلى زَهِرْ ........حيطانها منْ بعيدْ , بسْ الْ شايـِفا
زهورا إلكْ تتشمها , نفحة ْعِطِرْ ..........رِقـَّة ْ ودفا وتحْنانْ , أوعكْ تـُقطفا
بتدومْ لو ضِلـِّيتْ مَ تشتـِّي قَـَطِرْ ............عْليها غـَزْل معسولْ هادي ينصفا
سقيها بتمكْ هَمسْ أشهى منْ الخمرْ ........يالله ْ اسكبو كاساتْ حتى إرشِفا
وهيدا الشعر رعبون زخة من المطر ..............لكنْ إذا مَ بفوتْ عَ قلبكْ أنا
بحور الوحيْ كرمالْ عَينِكْ بغرفا

======================================

يا بيتنا

جارتْ عْلييْ عَتمةْ ْ الأيامْ .......................وهْرِبتْ عَ الأحلامْ بالغربهْ
قِلتْ القدرْ ببلادنا ظلاّمْ ........................بكرى بيحنّ , بيفرجْ الكَربهْ
تاري السعادة بْلا وطنْ أوهامْ....................كذْبهْ كبيري , وأيَّها كِذبهْ
وتاري الغريبْ بجِنّة ْ الأحلامْ .................بيبقى الوطنْ جوَّاهْ متخبيِّ
يا بيتنا يا شوقْ ما بينامْ ...................بَعدكْ عِشقْ عَمْ يصرخْ بقلبيْ
وبعديْ طِفلْ بباحتكْ حوَّامْ..................بزْحَفْ لـْصَوْبْ البابْ والعتبهْ
لا تعتبو العِشقانْ مَ بينلامْ ...............وينسى حبيبو كتيرْ شوْ صَعبهْ
ولَ تخافْ مَ بينساكْ لولا عَامْ.............عَ بحور وسعْ الكونْ منـْسكبهْ
عَبِّيتْ صدريْ بِ ريحهْ النمَّامْ ..........وعَبقة ْ مَطـَر تشرينْ عَ التربهْ
وحِفظانْ لحنْ الريحْ لمَّا هَامْ .................عَ تلالْ عمْ بتموجْ منطربهْ
يا سنينْ هَدَّامهْ بعمرْ منضامْ ..............برّى الوطنْ يا ريتْ تنشطبيْ
عَمتضحكيْ عْليِّ ؟, الشماتهْ حْرَامْ....كيفْ طـْمَسِتْ تا غاصتْ الركبه ْ
ومهما غيابي أو فراقِكْ دامْ ................رحْ أطلبْ منْ الربْ هالطـُلبهْ
إمّا بأرضكْ إندفنْ يا شامْ ....................أو إنحرقْ بالبحر عَا خشبهْ

================================

يا ويلْ قلبيْ أنا لمـّا طِلِعِتْ عالبابْ................وهَاكْ الغريبه ْ إجتْ عا بيتْ جيرانيْ
آيهْ لـْجَمالو بَعَتْ هالسيِّد الأربابْ........................تا مجـِدُّو عالصبحْ ويزيدْ إيمانيْ
الشْعَر أسود غِر ِقْ هالليلْ فيّو و دابْ........وجهْجهْ بـِوجها الفَجرْ عَ قلوبْ غفيانهْ
شوْ عْليْها خطفهْ وجسمْ سرَّاقْ للألبابْ......مدَوْزنْ تَ يعزفْ نـَغمْ منْ فَوقْ ربَّاني
ْوبْلوزها الناعمهْ كزِّتْ بغير نيابْ...................عا الصدرْ كزة ْ قِشرْ عا لِبْ رمّانةْ
فسطانها مُخـْتـَصَر عِلْيِانْ فوقْ ركابْ...........مسكوبهْ مثل العَرَقْ مَكسور بقـْنانيْ
دغري .. أنا اتسمَّرِتْ والعقلْ كانْ وغـَابْ.........وقلبيْ الْ كأنو خَشبْ ولَّعْ بنيرانيْ
صوَّبتْ سهمي بسما , ونـْقـَزْتْ فيها خـَابْ....صَوتْ المدامْ انشَعَط ْ واهتـّز ميزانيْ
لملمتِ حاليْ وفتتْ وبْخيبتيْ مِنصابْ ..عَيونْ عْلى مرتي , وقلبْ مَ يَسبْ عَ زْماني

ْيا ريتْ فيِّ عودْ طفل زغيرْ...........وإحلمْ معكْ لوْ نكبر شويّـة ْ
يهبّ الهوى تا إحملكْ ونطيرْ........عَ جناحْ شيْ نسمة ْ ربيعيّة
ْويجيْ الصبحْ تا فيقكْ بكـّيرْ...........مثلْ النِديْ عَ مروجْ بريّة ْ
ومنْ حولنا يتسابقو عْصْافير.......تملى المدى بألحان سحرية
ونرجعْ سوى تَ نكمِّـلْ مْشاويرْ...إشتاقتْ لصوتْ قلوبْ منفـيّة
ْ شوْ ذنبنا تَ يدقدقو مْساميرْ...............بِكفوف إيدكْ مثلْ إيديِّ
وتَ يكـَسّرو جـْنِاحاتنا تكسيرْ........وتا يحرمونا رشفة ْ الميِّة
ْهَيكْ إنكتبْ عَ حبنا التعتيرْ.............يشقى مثلْ ورقة ْ خريفيِّة
ْإتقلـَّبِتْ تَ اتشبعتْ تغبيرْ............واتخزقتْ عَ أرضْ صخريِّة ْ
مهما جرى بيناتنا وبِيصيرْ...............لا تزعليْ بتبقيْ بعينيِّ
دمعة ْ حزينة ْ مصبَّرة تصبيرْ.......لولا صِحِي النِسيانْ محميِّة
==================================

يا عطرها الـْزَاد الحلا رَشـِّهْ...........ولاحقْ الحلوهْ وينْ مَ بتمشيْ
قلبيْ الـوَراكنْ دومْ لاهِتْ لـَيْشْ ..........ما كانْ يطلعلو ولا كـَمْشهْ
=============================
يا عِطـْرْ ظِلمْ وقـَهْر عا حِلـِّو..........مِشْ ناقصَكْ هالقلبْ ت َ تـْذِلـِّو
قـَبْلـَكْ سَواد عيونها إحتلـّو............وشرَّدو بليلْ وشـَعَّلو برَمْشِهْ
=============================
هالريحْ لمَّا تـْعَانِدَكْ وتدورْ .........وبْتحمْلـَكْ عَنْ خاطري المكسورْ
ليشْ الحلا بيفلفشْ المستورْ...............بتقولْ عاقلْ صابتو وَشـِّهْ
=============================
و مادامْ إنتَ رْفيقْ المرايهْ .............الليْ بينها وبينْ الحلا حْـكايهْ
إحكيلها شو شِفـْتْ جُوَّاييْ .........بلكيْ الوَجَعْ عَ قـْزازها بْيغـْشِيْ
===============================
ولا َّ إنتْ سِكرانْ , شو هَمَّكْ.............وبطحة ْ عَرَقها دَومْ عا تِمَّكْ
الحسرهْ عْلى الليْ شافها وشَمَّكْ....و شِبْرَينْ بـِتـْنانيرها الفـَقـْشِهْ
============================
وعا صدرها كلما برشِّهْ تـْصَالْ .........القـَبِّهْ الدِلـْعَهْ بتحني بإجلالْ
وبتقول شَرِّفْ فوتْ عَالعِرزالْ.......فـَْراشكْ نـَهـِدْ ومْخدِّتـَكْ نـَمْشِهْ
=================================
يا عطرها يا جَاي منْ باريسْ.........عا متحفـَكْ بِ مملكة ْ بْـلقيسْ
باللهْ .. حَاجْ تشكشِكْ دْبابيسْ.............الغرقانْ مَ بْتلزَمْ إلو دَفـْشِهْ
=================================
يا عطر مثل السيلْ فيِّ سَاحْ.............والجو رايقْ والقمر مرتاحْ
كلشيْ هَدَا بالبالْ فـَلّ ْ وراحْ..........وما كانتْ تشتـِّي السما تفـَّاحْ
تا دُوقْ منْ تفـَّاحها نـَتـْشِهْ.
==================================