قصة قرأتها لقيت فيها حكمة حبيت انقلها إلكم تقرأوها

اتمنى انو تعطوني رأيكم

مشكورة بنت القمر على هذه القصة الجميلة
وكما قال المثل
(ان جن ربعك عقلك مابيفيدك)


وهذه الحياة لايفهمها الا اثنين
المجانين والحكماء
وكلاهما مقرب الى الله

بقى خلينا نشرب هالكاس ونتّكل على الله

وعلى سيرة البكلوريا ومع هي المشاركة صارو مشاركاتي 176 وهيدا كان مجموعي بالبكلوريا أول سنة

اقتباس:

متل ما الجنون بدنيا كلها عاقلين بيكون متطرف وغريب ومو مقبول كمان العقل بدنية مجانين بيكون متطرف وغريب ومو مقبول بقى خلينا نشرب هالكاس ونتّكل على الله

يارب إذا أعطيتني قوة فلا تأخذ عقلي
يسلمو الجميع للمرور والمشاركة بالرأي

برجع بقول القصة مو استسلام على قد ماهيي حكمة
لأن عالحالتين رح يجن

يعني إذا هالملك ماشرب من الكأس وقرر يبقى عاقل بيكفي وجودو بين ناس كلها مجانين حتى يجننوه وما يخلو فيه ولاذرة عقل

بقى عالقليلة هلأ اختار طريقو بنفسو

وعن قصة التمرد والعنفوان لقضية نحنا مآمنين فيها المفروض يكون الواحد بين ناس عاقلين وقتها بيدافع عن قضيتو و ممكن يقدر يقنع الطرف التاني بمبادؤ ويحقق اللي بدو ياه

وهالشي مابيصير إلا إذا كان في عندون عقل وقادرين يفهموه وممكن يغيرو رأين


ياجماعة هون الشغلة جنان مو حيلا


تحياتي

ففي النهاية ماذا يفيد الإنسان لو ربح العالم كلّه و خسر نفسه ؟؟؟ وذلك من المنطلق الذي تحدثت عنه رشا أننا نحيا حياة واحدة (و الحمد لله ) ... أما بالنسبة لمفهوم عبير ( يا جماعة هون الشغلة جنان مو حيلا ) ...فبنوقع هيك بحيرة كبيرة وبيدخل الشك باليقين وبنكون طلعنا خالصين...

شكراً بنت القمر على الموضوع ...

ما بعرف ليش الكل أخد كلامي بمعنى الرضوخ للواقع مهما كان مخالفاً لقناعاتنا وآرائنا
الكل أخد الجانب السلبي من ردّي وفهمو على أنو استسلام
بس ليش ماحدا انتبه وقت قلت :

اقتباس:

وعن قصة التمرد والعنفوان لقضية نحنا مآمنين فيها المفروض يكون الواحد بين ناس عاقلين وقتها بيدافع عن قضيتو و ممكن يقدر يقنع الطرف التاني بمبادؤ ويحقق اللي بدو ياه وهالشي مابيصير إلا إذا كان في عندون عقل وقادرين يفهموه وممكن يغيرو رأين

مشكورين لمتابعة الموضوع
عدت معكم احمل الكثيرر للردود النشطة بهالقصة
matar

اقتباس:

الجنون او لاعقلانية ممكن ان تكون اكثر واقعية في هذا الزمن المجنون فلايوجد على ما اظن لم يشرب من نهر الواقع ( الحياة )

الزمن المجنون الزمن المجنون كلنا نردد هذه الكلمة ونحن على يقين ان الزمن اعقل انسان فينا
نهر الحياة هو واقعنا ونحن لم نشرب منه فقط وانما نرتشف جرعاته يومياً
جرعات مريره جرعات حلوة


عبير طبيقي

اقتباس:

يعني إذا هالملك ماشرب من الكأس وقرر يبقى عاقل بيكفي وجودو بين ناس كلها مجانين حتى يجننوه وما يخلو فيه ولاذرة عقل بقى عالقليلة هلأ اختار طريقو بنفسو وعن قصة التمرد والعنفوان لقضية نحنا مآمنين فيها المفروض يكون الواحد بين ناس عاقلين وقتها بيدافع عن قضيتو و ممكن يقدر يقنع الطرف التاني بمبادؤ ويحقق اللي بدو ياه وهالشي مابيصير إلا إذا كان في عندون عقل وقادرين يفهموه وممكن يغيرو رأين

الجنون هو الذي كان يقود البشرية إلى التحرر والعدل. وبينما كان العالم كله قد استقر على تمجيد عصور التنوير والعقل، ورفع إلى سماوات من التقدير مفكرين وفلاسفة لأنهم لعبوا أدوارا في ترقية أساليب التحليل والتفكير


samar dahi

اقتباس:

ما افهمه من هذا الموضوع هو انك لو خيرت ان تسير في تيار ( او موضة) باي مجال حياتي كان إن كان اجتماعي او سياسي او اقتصادي حيث يسير الأغلبية العظمى فيه فهل تختار ان تكون مع الأغلبية كي تريح فكرك وقلبك ولسانك من الدفاع او تتخذ موقف القناعة الكاملة التي لديك حتى لو كانت بعكس التيار

الملك الذي يحظى باحترام الجميع لا يستطيع أن يغير أو أن يدافع عن بلده من جيش الأقدار حتى وان كان جيش الملك قويا يضعف كلما زادت قوة العدو كلما تضعف الروح المعنوية لدى الجيش المهزوم …هكذا حال الإنسان في هذه الدنيا يحاول أن يتماشى مع الأقدار كي يرضي نفسه الضعيفة المهزومة التي لا تستطيع أن تقاتل من اجل الحياة…


fares-el-andalos

الانحناء للرب وليس للعبد
من ينحني مرة ، ينحني أخرى . من يحني رأسه للعاصفة ، لا يستطيع الوقوف أمام الإعصار . إذا جاءت العاصفة .. قاوم بكل وسائلك . قاوم ثم قاوم . قـف شامخاً .. وقاوم ، لا تدعها تأخذك ولا تنحني ، فليس كل من قاوم العاصفة اقتلعته . لكن .. من ينحني للعاصفة ، يصعب عليه مواجهة الإعصار . من يحني رأسه .. لا ينهض أبداً .



إنانا

اقتباس:

ففي النهاية ماذا يفيد الإنسان لو ربح العالم كلّه و خسر نفسه ؟؟؟ وذلك من المنطلق الذي تحدثت عنه رشا أننا نحيا حياة واحدة (و الحمد لله ) ... أما بالنسبة لمفهوم عبير ( يا جماعة هون الشغلة جنان مو حيلا ) ...فبنوقع هيك بحيرة كبيرة وبيدخل الشك باليقين وبنكون طلعنا خالصين... الحياة تستحق المغامرة..المهم أن تعيش مغامرة الحياة لا أن تكون أقوى المغامرين...

ان تخسر مالك او تخسر احد من اولادك بهالحياة شي متوقع وكلو قدر مكتوب
خساره النفس هي خساره كل احترام من الناس خساره حبهم ثقتهم
ان تصغر بعين من حولك
والجنون والتهور بكثير من الاحيان يؤدي الا خساره النفس والروح معاً



الالماسي

اقتباس:

لا أعتقد أنه من المنطق أن تكون السلامه في أن تقدم التنازلات عن كل مايعترض عليه الآخرين مما تحمله من قناعات مبنيه على أسس من الصواب و الا فإن ذلك يعني أن تُذيب نفسك و معناك حتى حد الإلغاء لتكون مجرد إنسان متأثِّر بما يُحيط بك

من رأيي الشخصي ولا ارغم الاخرين عليه مع العلم اننا كلنا اجمالاً اتفقنا على عدم تقديم اي تنازل لاي شخص وهذا لايعتبر مصدر قوة
بل هو وعي بما يدور حولنا وعدم الرضوخ لاي انسان كان
كثرة التنازلات تضعف الفرد بالمجتمع يبدأ بالتنازل شيئاً فشيئاً حتى تصبح حياته الشخصية لعبة بِإيدي الاخرين يديرونه للإتجاهات التي يريدونها


عودة مع الاخت عبير طبيقي

اقتباس:

ما بعرف ليش الكل أخد كلامي بمعنى الرضوخ للواقع مهما كان مخالفاً لقناعاتنا وآرائنا الكل أخد الجانب السلبي من ردّي وفهمو على أنو استسلام

بالعكس ياعبير انا ما فهمت ولا رد من ردودك انو استسلام انتي وضحتي النقطة بمفهوم ومن اتجاه تاني
انتي حكيتي عن الدفاع وليس الاستسلام
الدفاع عن قضيه الفرد والتي تصبح القضيه قضيه مجتمع بااكمله اذا كبرت عن حدها

اقتباس:

ومن منّا لايملك طموح ؟؟ ومن منّا ليس لديه أهداف ؟؟ ومن منّا لايملك مبادئ وقناعات يؤمن بها ويدافع عنها ؟؟ ومن لا يختار بنفسه طريقه في الحياة ؟؟

كلنا نملك بداخلنا طموحات كثيره بس بدك الوقت والجهد والدعم للتنفيذ
اهدافنا واقعيه وليست خيالية
قناعاتي فرديه وليست جماعيه ولا افرض رأيي على احد آخد المشوره ولا اطبقها وليس بالفرض تطبيقها
طريقنا بالحياه هي اختياريه منا من ولد واختار غيره طريق مجرى حياته ووقت صار بالقدر الكافي بالوعي وادرك كل الناس اللي حولوا غلط وبإستطاعتوا تغير طريقه بالحياه اكيد ما راح يستنى حدا

مشكورين الجميع لمتابعتكم الموضوع مره تانيه
محبتي واحترامي

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser