الارشيف - بممممممممممممم..جديد

Pages: 1

بممممممممممممم..جديد
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

ب م م م هيك سمعت الصوت ...
هززززززززززز ...............هيك هز البيت ...
الهيئة الدورة الكرنتينا صار دورها
للأسف مجدداً إنفجار سيارة مفخخة على جسر الكرنتيتا الدورة .

الله يرحم اللي ماتوا
والله يخلي اللي بعد ماماتوا
واللي ماخلص عمروا مابتقتلوا شدة .... يعني الحمدلله اليوم نفدنا

صدقوني متعة إنك تسمع هيك أصوات

لهلق مافي خبر عن استهداف !!!! بعد شوي الله بيعلم

زهرة الصحراء

Posted by: mariam

الحمد لله على السلامة 000والله بالي عم تمزحي 00
الله يستركنك ويحلها بيناتكن ونخلص وتخلصوا من المشاكل كلها وهيك الواحد بينام شي سنة 000يمكن عم احلم0000

Posted by: hosam abdulaziz

و الله انا وقت قريت العنوان فكرت شي اكلة جديدة (يمممممممممممممم)
بس طلع في نقطة مو مبينة عليي

وقت الواحد بيسمع اخبار لبنان و العراق و افغانستان و باكستان
و كيف انه التفجير هنيك تقولي شي لعبة اتاري
بيقول بقلبه بنشكر الله عوضعنا بسوريا مع كل علاته الاخرى
كل مقبول عند هيك احداث.

Posted by: بنت القمر

متل ما قلتي اخت سناء
الله يرحم اللي ماتو ويخلي اللي ماماتو
انشالله ما بنسمع الا بالخبر السار وليس المفجع
كل يوم تفجير ببلد عربي
العراق لبنان فلسطين......
وكل ما شق ضو نهار جديد بنتفاجىء بااخبار جديده
بيكفيني عايشيين بخوف الواحد يطلع من بيتوا وما يرجع

وإن ما رجع بيكون ارتاح

يسلمو سناء ع الخبر
مع انو إمبارح الانفجار بس انا اليوم قريتوا

Posted by: organist

مرحبا حسام سناء مريم أنا عضو جديد من زيدل الغاليي بتمنى ما تشوفو مني إلا الكلام الحلو أول شي حمدلله عالسلامي هاي لبنان هاي مشاكلها وإنشالله بتنحل عن قريب يارب

Posted by: Desert rose

أهلا وسهلاً organistشرفت بالمنتدى والقلب ..أنا سعيدة جداً بوجودك مع تمنيات بلقاء دائم على هذه الصفحات .

دكتور ة مريم ...حسام ...بنت القمر ...وorganist إعذروني هالتسمية ....الطفولية للموضوع ...وإعذروني أيضاً ماسرد وببساطة داخل الموضوع .
وحقيقة عند سؤال الدكتورة مريم بالتشات حيث إنها كانت متواجدة بالمنتدى :إنت بخير سناء .؟؟؟..مابعتقد وقتها كنت بخير ...ووقت رديت بطريقة مازحة بإني خفت وبإنو لساني وقف بمكانوا.... كمان ...مابالغت ...؟؟

هي المرة التانية اللي بحس فيها بالرعب هالقد بعد عشرات الإنفجارات ببيروت :
مرة عند إنفجار خزانات الدورة وطبعاً كان النا حصة كبيرة بالبيت بالتكسير والتدمير شاركنا فيه الغير ...وهالمرة اللي كان النا حصة بسماع الصوت ومشاهدة السنة الدخان والنار مباشرة ... وبهزة تشبه هزة من الدرجة 6 لمقياس ريختر... واللي عندوا قكرة عن هالمقياس رح يقدر حجم الإهتزاز .
المهم كان الخبر و بها الطريقة المبسطة بسبب عجزين :
الأول الحالة اللي مابتسمح بالكتابة .
الثاني عدم الجدوى من أي كتابة ...بحيث اتعودنا على هيك انواع من الإنفجارات واتعودنا بإنو لبنان على مايبدو نصيبوا كبير بالإرهاب ..واتعودنا كمان نحضر حالنا ونقول الله يسترنا المرة الجاي

.
المحزن بالموضوع بإنو المستهدفين خلصوا من الموت واللي مش مستهدفين ماتوا بسبب المستهدفين ...مع إنوا الموت بها الطريقة بشع للطرفين !!!!!!

للجميع الف ألف شكر للرد ....لكم محبتي واحترامي .

زهرة الصحراء

Posted by: بنت القمر

الله يلطف بلبنان وبكل بلد عربي
نحنا صرنا نخاف نسمع الاخبار
اليوم اول ما فتحت النت اتفاجأت باانفجار مزدوج يهز احياء بيروت ويخلف 11 قتيلاً
طمنيا عزيزتي سناء بعيد ولا قريب وخبرينا شو صار اما عن نص الخبر اللي قريتو هو:

خلف انفجار شديد صباح الجمعة هز مختلف احياء بيروت العديد من الضحايا والمصابين مع الاشارة الى ترجيح مسؤولين لبنانيين أنه اسنهدف شخصية عسكرية رفيعة.

يذكر أن الانفجار خلف اضرارا فادحة في المنطقة المجاورة للمكان الذي وقع فيه الانفجار المدوي الذي أشار شهود عيان أنه خلف ما لا يقل عن ثلاث ضحايا بالاضافة الى عشرات المصابين.
يشار الى ان الانفجار وقع بعد عدة اسابيع من الهدوء المشوب بالحذر في العاصمة اللبنانية بعد انفجار

استهدف شخصية عسكرية أخرى.

الانفجار يقع في منطقة الحازمية المسيحية
وقد وقع الانفجار في منطقة الحازمية التي تسكنها أغلبية مسيحية شرق العاصمة اللبنانية بيروت، مع العلم أن العديد من السيارات قد تضررت واحترقت كليا.
ونوه شهود عيان الى ان هناك مناظر صعبة للغاية وخاصة صور الجثث الملقاة في منطقة الانفجار.
وقد بدات سلسلة الانفجارات قبل أكثر من عامين مع نسف سيارة رئيس الوزراء اللبناني الأسبق رفيق الحريري.

الانفجار يستهدف وسام عيد النقيب بقوى الأمن الداخلي اللبناني
اشارت وسائل إعلام لبنانية الى ان الشخصية العسكرية اللبنانية المستهدفة في انفجار الحازمية هو النقيب وسام عيد من قوى الأمن الداخلي اللبناني. وذكر أخصائيون في بيروت الى ان التفجير كان مزدوجا، مع التأكيد على أن هذه الطريقة جديدة في سلسلة الانفجارات التي تعيشها لبنان في السنوات الأخيرة.
يشار الى ان العدد الاخير الذي أعلن عنه للقتلى والاصابات هو 11 ضحية بالاضافة الى عشرات المصابين مع العلم أن هناك أرقاما أخرى تشير الى 4 ضحايا وعشرات الجرحى.
وتشير التقديرات الاولية لمصادر لبنانية الى تورط تنظيم فتح الاسلام في الحادث .

Posted by: Desert rose

الحزن يملأ شوارع بيروت ....
هالمرة ماكنت بالبيت ............
لذلك شعرت أكتر بالأسى بالحزن اللي بيشعروا في الناس وخصوصا ًأصحاب المحلات .
الكل حزين ...الكل يائس ...رجال بعيونها دمعة ونقمة عيون مسمرة على شاشات التلفزيونات ...وآذان صاغية منتظرين خبر مين اليوم صاحب الحظ التعيس ...على مين اليوم الدور ...ومين اليوم الضحية ...؟؟؟....وهل ممكن يسمعوا من خلال الراديو أو التلفزيون أو الهاتف عن ضحية مش مستهدفة بس بتخصهم ؟؟؟؟.
بنت القمر شكراً جزيلاً لنقلك هالخبر الجديد الحزين اللي هز لبنان .
بها الأوقات العصيبة مابيفيد إلا رفع الصلوات للرب لإبعاد الشر والشريرين عن هالبلد الصغير بمساحته والعظيم بصبره .

الله يرحم اللي ماتوا...ويرحم النقيب وسيم عيد !!!!!

زهرة الصحراء

Posted by: mariam

الكلام لم يعد مجديا0000لاول مرة لاافتح تلفزيون اليوم وفعلا قررت ان لاافتحه ثانية لانو الواحد هيك بيضل محافظ على اعصابو هادية0000
اليم اول مرة بشعر بالحسد 000حسدت اللناس الفاقدين اهليتهم العقلية مع اني كل عمري بشفق عليهن 000اليوم حسيت انهن اسعد ناس 00
الله يحمي لبنان ويبعد عنها اولاد الحرام 0000

Posted by: فتاة عربية

كل يوم بنفيق و بالنام على انفجار

الله يخلصنا من هالمشاكل
كل الدول الاجنبية عم تتقدم الا الدول العربية عم تتخانق

انا لبنانية بس ما يعني بكره السوري,هالنظرة لازم نلغية لانو كلنا عرب و لازم نتعاون احسن من انا نقتل بعضنا.
و انا اشتركت بي هالمنتدى لهيدا السبب.
الله يبعدنا عن المشاكل
و شكرااااااااااااااااااااااا

موقع زيدل سوريا حمص .. خدمات تشات و دردشة ... أرشيف المنتدى