الارشيف - اول حرف من اسمك

Pages: 1

اول حرف من اسمك
(انقر هنا ان احببت مشاهدة الموضوع الاصلي بالالوان و الصور )

Posted by: love whisper

اول حرف من اسمك......ناري هوائي ترابي مائي .

اذا كان اسمك:

يبدا باحدالحروف الناريه و هي :ا ه ط م ف ش ذ فان صاحبها معجب بنفسه عصبي نشاط و حيويه متكبر مثالي في مواقفه ذكى و عاطفي

اذا كان يبدا باحد الحروف الترابيه : ب و ي ن ص ث ض فان صاحبها متواضع طيب القلب صبور رزين وفي في عواطفه

اما الحروف الهوائيه:ج ز ك س ق ت ظ فانه عطوف متامل وخيالي بحاجه الى الحب والرومانسيه سريع التاثر

اما الحروف المائيه:د ح ل ع ر خ غ فانه صاحب خيال واسع بسيط حسن التصرف كريم

الموضوع وصلني بايميل وحبيت انئللكون ياه

Posted by: talal_alachkar

شكرا على هذه المعلومة
أنا إسمي طلال يعني أول حرف ط حرف ناري
1- معجب بنفسه على شو ياحصرة
2-عصبي القط بياكل عشاي وبمشي الحيط الحيك وبدور عالجاكيت
3- نشاط و حيويه الحمد الله
4- متكبر على الشيطان و بغار على ربي
5- مثالي في مواقفه حلو الإنسان يكون مثل يقتدى فيه مثل عظماء التاريخ
6- ذكى هاي لاء كوني حمصي فيكي تقولي 25 بالمئة
7- عاطفي جداً لبلدي سوريا و لقريتي زيدل
للمزح فقط
شكرا لكي أختي العزيزة على هذه المشاركة اللطيفة و التي تدل على ان خلفها قلم ينعم بدفئ أنامل من حرير .

طلال

Posted by: الألماسي

.
..
...

اذا كان يبدا باحد الحروف الترابيه :

ب و ي ن ص ث ض

فان صاحبها متواضع طيب القلب صبور رزين وفي في عواطفه..

الحمدلله كلها صفات حلوه ، الله يجعلنا من أهلها حقيقه..

بس ملاحظه بسيطه على فكرة الموضوع و بما إنه إختيار الأسماء

راجع لنا ، فهذا معناه إن الصفات الشخصيه أيضا نحن من يحددها..

كل الشكر لكِ أختي الكريمه على هالنقل الجميل..

...
..
.

Posted by: syria & joleat

اذا كان يبدا باحد الحروف الترابيه :

ب و ي ن ص ث ض

فان صاحبها متواضع طيب القلب صبور رزين وفي في عواطفه..

انا متلك الالماسي بس الكل بيعرف انو حرف الياء اول حرف باسمي ...
بس السؤال هو يا ترى انت ( ب و ي ن ص ث ض) يا ترى اي واحد فيوون...
بكل الاحوال لو شو ما كان الحرف المهم انو الصفات كلها منيحة ...

تحياتي لكاتبة الموضوع و للجميع _ ياسمين _

Posted by: إنانا

أول حرف من إسمي هو (ش) ، إذا ًَ ناري ...

هلّق رح علّق مثل الأخ طلال بالتفصيل...

معجب بنفسه :فيكي تقولي مقتنعة وواثقة بنفسي...
عصبية :ما في أبرد من أعصابي...
نشاط وحيوية : بهالبرد لزقانة بالصوبيا...
متكبر : ولا بحب المتكبر ...
مثالي في مواقفه : الرأي قبل شجاعة الشجعان هو أول ٌ وهو المكان الثاني
ذكي : حمصية قدري لحالك...

عاطفي :كتيروزيادة عن اللّزوم..

إي بس الأخ طلال شو هالتواضع و الهدوء ...الله يهنيكي يا رنا ...نشيط وحيوي ، متواضع والقط بياكل عشاه...
(تقبل ممازحتي..)

أما بالنسبة للأخ الألماسي ، فأنا لا أتفق معك أننا من نختار أسماءنا...
أ لم تصغي مئات و آلاف المرات لما غنّت معشوقتي السيدة فيروز...

أسامينا شو تعبوا أهالينا ** تا لاقوها و شو افتكروا فينا ...
الأسامي كلام و شو خص الكلام ** عينينا هيّ أسامينا...

شكرا على المعلومات همسة حب...

تحياتي...

Posted by: love whisper

هههههههههههه ميرسيتووووو للكل وعسلامتكووون البركة فيكون ئال يعني انا انظم ما

اما الحروف المائيه:د ح ل ع ر خ غ فانه صاحب خيال واسع بسيط حسن التصرف كريم

يعني بما انو متواضعة كتتييييير انا ف اي كل هالصفات مزبوطة هع هع هع

بس نسيو يكتبو الجانب السلبي وهو بيني وبينكون استر النا خخخ

وبالنسبة لاسامينا الحئيئة متل ما حكيت انانا مو نحنا يلي بنختارها

ومتل صفاتنا مو نحنا يلي بنختارها لان نحنا بننوهم بحالنا انو عنا هالصفات المنيحة يعني ماحدا بيئول عن زيتو عكر بالنهاية مشان هيك لازم نخلي حدا من يلي حولينا هو يقيمنا

وميرسيتوووو للكل

اي ونسيت ئول لك شبكون انتو والحمصانة والله هنن ازكيا ودماتون خفاف وانا بحبون

على فكرة انا شامية

Posted by: Desert rose

اقتباس:

اما الحروف الهوائيه:ج ز ك س ق ت ظ فانه عطوف متامل وخيالي بحاجه الى الحب والرومانسيه سريع التاثر

الحوت ....سناء
برجي مائي ....حرفي هوائي
معقول هالفرق يكون مسؤول عن رومانسيتي وحساسيتي .

كنت منتظرة صفة إنما مالقيتها ... على مايبدوا بها الأيام فقدتها

شكراًlove whisper للموضوع اللطيف الخفيف
وأهلاً و100 سهلاً بكل أهالي الشام

زهرة الصحراء

Posted by: love whisper

واهلا وسهلا فيكي زهرة الصحراء وطلعنا ئرايبين تنيناتنا من عيلة الزهور هع هع لازم نفتح جنينة ههه

موقع زيدل سوريا حمص .. خدمات تشات و دردشة ... أرشيف المنتدى