الارشيف - كرنفال العيد في زيدل

Pages: 1

كرنفال العيد في زيدل
(انقر هنا ان احببت مشاهدة الموضوع الاصلي بالالوان و الصور )

Posted by: a_aroush

شد انتباهي بيوم و أنا عم شوف صور من الكرنفال أن في شخص او اثنين لابسين أزياء منها مناسبة لعيد الميلاد أبداً , ما أخذت كثير و عطيت , قلت هاذ شي أبله ماهل عنده زي تنكر طالع في بعيد الميلاد كمان .

بس السنة لما عم شوف الصور لاحظت أن المشكل مو مشكلة واحد أو اثنين , نص اللي ماشيين بالكرنفال لابسين أزياء ما الها علاقة بهالمناسبة أبداً.

الحقيقة عدوري بسورية ما كان في شي اسمه كرنفال , فبأي سنة بلش و كيف ما بعرف . لكن مهما كانت الطريقة شيء حلو نعمل كرنفال بهيك مناسبة , و لكن المفروض يكون معبّر عنها.

رح حط كم صورة من الكرنفال و نشوف عن شو ممكن تعبر هيك صور , و باتمنى من أصحاب الصور لو شافوها ما يزعلو.

هي الصورة مثلاً لو أي انسان شافها من دون ما يعرف وين و ايمت مأخوذة شو ممكن يفكر؟ أكيد رح يفكر مأخوذة بشي مدينة ملاهي أو سيرك.

هي بشي حفلة تنكر و صاحبها لسا سكران لبعد ما طلع الضو .

هذول اسمالله عليهن شو حلوين , لكن الزي لعيد الكبير مو لعيد الميلاد .

و هي من أي مناسبة ؟ عيد الجلاء ولاّ ذكرى حرب تشرين .

جامعين كل مناسبات السنة و عاملينلها كرنفال ايمت !!! بعيد الميلاد ؟؟؟ باعتقد هالمناسبة الها قدسية حلوة , الأشيا المعبرة عنها معروفة و قديمة, ممكن يناقش البعض شو أصلها و شو فرقها , لكن هالأشياء بدأت من قديم صعب نسأل فيها و نغيرها , بس النا حق نسأل هلأ . لأنها عم تصير بوقتنا . ما ممكن نرجع نسأل مين اخترع بابا نويل أو عرباته و أجراس العيد و الشجرة و الأضواء ليه اخترعها و شو غايتها. هي بدأت بيوم ما كنا فيه لكن استمرت أخذناها عن الغرب و ضلت و حلوة و مننتظر من سنة لسنة لنعمل شجرة العيد .

لكن هلأ فينا نسأل ليه عم نغير بعادات العيد , حتى بأزياؤه . ما ممكن اتصور أن بكرا الأولاد بزيدل يصيروا ينتظره عيد الميلاد ليقولو لأهلن يجبولهن وجه مرعب , بدل ما يكونوا فرحانين بتزيين الشجرة , و صنع مغارة.

باتمنى لو أن الاعياد تضل مثل ما كانت قبل , و لكن نحنا كنا نلاقيها حلوة الجيل الجديد ممكن لاء , لكن مهما تغير الاحتفال فيه و طريقته , ما نغير شيء برمز العيد .

لأن بصراحة ما في شيء بكرنفال زيدل بيرمز لعيد الميلاد للأسف .. و برأيي هالشيء غلط كبير و باتمنى يكون حدا مسؤول عنه , كنت باتمنى اقدر اعمل شيء أكثر من أني أكتب .

Posted by: talal_alachkar

الغالي عبدالله
من هذه الناحية معك كل الحق في فكرتك و التي بحاجة لإدارة مسؤولة من الكنيسة عن تنظيم مثل هكذا كرنفالات و إحتفلات دينية .
لكن إسمحلي بتعليق صغير
الصغار فرحين بمالبسوا في ذلك الكرنفال و ليس هم من أختاروا ما يلبسون و لكنهم فرحين .
و من ليس له قريب أو مغترب في أمريكا أو بلجيكا فلبس مالديه و بدأ يتفنن في لبسه لكي يجد الفرحة مع من يشارك بلاباس قد أتاه من الخارج .
إذا كنت تريد أن نقارن أنفسنا بكرنفال مرمريتا ، أقول أننا نستطيع أن نفعل مثله و أكثر و لكن نحتاج لخبراء و أشخاص لديهم الوقت في القرية لتنظيم مثل هكذا كرنفال و طبعاً ليخصص بند من بنود تبرعات المغتربين لكرنفال زيدل السنوي .
فكرة رائعة عبدالله و تستحق بكل جدارة أن تلقب بسفير مغتربين الزيدليين من زمان كان عمي سليمان بس غيرناه و سميناه سفير الخيار الأسترالي ههههههه .

Posted by: hosam danial

أخ عبد الله كل سنة وانت سالم
وأنشالله بينعاد عليك بالصحة والعافية أنت وعيلتك
موضوعك من زمان لازم ينحكى فيه
أول شي المناسبة كانت بعيد رأس السنة
وكرنفال راس السنة أنا من وقت وعيت كان موجود
بس عل الخفيف يعني كان أسعد الدباس يبيع وجوه
مشكلي وكرتون... و هاذ الي كان موجود
وبعدين صار يلي الو حدي بأميركا يبعثلو وصار بعدين عنا بزيدل يبيعوا
هيك شغلات
بس لباس بابا نويل صراحة انا ما عاد شفتو بالكرنفال كثير

ثاني شي انت يمكن بتعرف شلون تغيرت الضيعة وصار في غرب كثير
وانا بقلك لأنو في عالم بزيدل ما معهن حق لباس لابنهن بالعيد
بقى كيف بالكرنفال

والولاد بس بدهن يلبسو شي من شان يكونو مثل غيرهم
يعني حيالله بس مثل ما قال الاخ طلال من شان فرحة هالطفل
وبكل الاحوال هالمناسبة أو هالكرنفال كل مالو عم يخف
وعم تروح بهجتو

وأنا من أول الناس الي بشجع على انو يصير تبرع لهلكرنفال
وكل سنة وانتوا سالمين

Posted by: hosam abdulaziz

هلق كل حدث بياخذ وهجه اول كم سنة و بعدين بيخف

وقت بلش الكرنفال كانت شباب و صبايا باعمار جيدة يهتموا فيه و بطريقة مميزة
بينما هلق انحسرت بالطفولة تقريبا
-------------
انا لو الأمر الي لازم يلتغى هالكرنفال
لأنه صاير مثل التدريجة اللي فيها 75% بدون تنكر و 25% اطفال متنكرين
فما في لا عبرة و لا رمز و الطقس غالبا طواعين بيكون
و الواحد بيكون عميتحضر لسهرة .
_____________
شغلة ثانية لازم تلتغى و هي دورة الضيعة الساعة 12
فوضى لأبعد الحدود , سيارات و موتورات ما هب و دب , و قيادة بلا وعي (منه شربان و منه صاحي)
ازدحام لأبعد الحدود
وجوه غريبة قد تكاد تخلو من سكان القرية في الساحة.
--------------
ضجة بتصرع الراس

و فوق الشي الواحد بيكون بعز السهرة و بيطلع من المائدة الشهية للقواريض و الضجة و قلبه بيظل مقطوع من حادث او مشكلة.

شكرا عبد الله لهالطرح

Posted by: hosam danial

خال طولي بالك شوي
ليش هيك ضايج
نحنا كنا ولاد وطلعنا ومشينا بالكرنفال
وقديش كنا نستنى هاليوم ليجي
ليش بدك تحرم الاطفال اليوم من هالفرحة
انا معك فعلاً صاير شي بيخويف
ما عاد مثل اول
لكن الولد المهم عندو انو يطلع بالكرنفال
ما بتفرق معو شو غيرو لابس
خلينا نلاقي حل أحسن من أنو يلتغي
ليش بغير ضيع بيصير عندهن كرنفالات رائعة
ومنظمة وما فيها اي مشاكل
بعتقد الحق علينا نحنا الكبار الي بس
ما طلع بايدنا نسوي شي منبعد
عن المسؤلية
نحنا منطرح هالفكرة على المسؤولين بالضيعة والجالية
كمان أنا متاكد أنها مستعدي مع أنو ما بيكون من الجالية حدا بالكرنفال غير القليل
رح تتبرع وبسخاء لهل الموضوع

هيك يا خال نحنا منكون مبسوطين ومطمنين ولادنا كمان
ومن نرفع راس زيدل لفوق مثل ما تعودنا

اما من شان الدورة باليل أنا معك فيها

Posted by: talal_alachkar

إلغاء الكرنفال ليس بفكرة جيدة ، لكن تطويره و إدارته بشكل جيد هذا أحسن .
لأنني أوافق على إصدار نسخة محدثة لدورة زيدل ليلة راس السنة ، لتكن أقل خطورة و أقل كلفة و أكثر جمالية و أمان .
كما قال أخي حسام عبد العزيز بأن الدورة بالسيارات و الماتورات أصبحت خطرة و مزعجة و الأكثر من هذا أنهم يتنقلون من زيدل لفيروزة علهم يتواجدون في الضيعتين ليشلركوا في الدورتين .
ومنهم من كان ثملاً و من كان منهكاً و هنا تكمن المشكلة و يجب إتخاذ قرار كنسي و بلدي من الجهتين لمنع الأسباب التي توفر الظروف لحدوث الحوادث و المشاكل .
أذكر حادثة في عيد مارجرجس عندما قام الاخ ليان صفر إبن أبو الياس صفر بوضع التركتور في أو الطريق و التريلا في أخر الطريق لمنع الماتورات و السيارات من مرورها بين الناس .
و كان عمل رائع ولكن يمكننا ان نعمل شيئاً أخر ربما لدى البعض أفكار عن إيجاد حل حديث لهذه الامور في فقريتنا لنصل بها إلى مكانة جميلة بين قرى المحافظة .
وشكراً
طلال

Posted by: a_aroush

شكراً للتفاعل مع الموضوع شباب.

طلال ربما الأطفال لم يختاروا هذه الأزياء , و أسأل الأهالي لو أرادوا أن يلبسوا أطفالهم أزياء لهذه المناسبة أن تكون لائقة و مناسبة و معبرة عن عيد الميلاد . ثم لماذا تضع الكلام على فمي , أنا لم أقارن الكرنفال مع كرنفال مرمريتا , ثم لم أطرح فكرة دعم الكرنفال و تخصيص مساعدات له من المغتربين , إلا إذا كنت تقصد تورطيتي بالفكرة

.

الأخ حسام شكراً عالمعايدة و نشالله تضل بخير و ينعاد دائما بالصحة عليك انت و العائلة و الأهل جميعاً . مثلما قلت فرحة العيد هي فرحة الأطفال فيه و لم أقصد أن نحرمهم إياها لا سمح الله , إنما أن يعطوها طعم أحلى و معبّر. و ربما كنت أمزح مع طلال لكن فكرة دعم هكذا كرنفال يكون فكرة جميلة من المغتربين , فما رأيك بطرحها على مجلس الجمعية

.

العزيز حسام الثاني , مثل ما قلك حسام الأول طول بالك خال , ما في اسهل من الحلول عندك الغوها و خلصنا.

الأفضل أن نعالج هذه مشكلة السيارات الكثيرة و الموتورات . و مشكلتها لا تقصتر على عيد الميلاد و الكرنفال , و إنما كل مناسبة .

هناك عادة توزع فيها الألعاب فيها هنا على العيد , يمكن أن تضاف الى هذا اليوم لتزيد فرحة الأطفال على العيد و لا أعرف كانوا يقوموا بمثل ذلك هناك.

ما كان يهمني من هاذا الموضوع هو إعطاء تقاليدنا في هذه المناسبة مظهر يدل على عيد الميلاد , و ليس مظهر سيرك أو حفلة تنكر أو استعراض عسكري.

و شكراً لكم مرة ثانية.

Posted by: samar dahi

انا اوافقكم الراي في كل كلمة نقد قلتموها ...
-عبدالله لك كل الحق في كلامك عن التنكر ولكن لي تعليق بسيط على التنكر .....لو أنك كنت ترى الكرنفال كيف بدأ وكيف اصبح لقلت يا ليت لو انه حافظ على رونقه القديم حتى بذلك التنكر الغير مناسب للعيد لانه رغم عدم مناسبته فهو كان لا اجمل ولا احلى ....
- حسام وحسام وطلال ألا تذكرون بدايات الكرنفال ....كان كل من يخرج ماشيا في الكرنفال متنكر بزي معين وكنت تجد شلة من الصبايا يتنكرون بزي واحد يلفتون انظار الجميع فيه ....ولكن على ما يبدو ان الصبايا والشباب صاروا ينظرون لفكرة التنكر بعلياء وتكبر على اساس انهم اكبر من هذه التفاهات ...حيث كنت ترى كل الأجيال متنكرة ولكنك اليوم لا ترى فتاة عمرها 15 سنة متنكرة لا بل تمشي وهي بأناقتها الكاملة وخذ على ذلك كل الصبايا اللواتي اكبر من هذا العمر وبهذا اصبح الكرنفال وقفا على الأطفال ...رغم جمال طفولتهم وفرحهم بهذا ولكننا كنا نتمنى ان تكون مشاركة الكرنفال بالتنكر كما كان في السابق ...وكما قال حسام عبدالعزيز نسبة المتنكرين من الكبار لا تتجاوز ال25%
- ومن جهة تنظيم الكرنفال لا الغاءه يا حسام فكما قال حسام دانيال فانا معه بفكرة تنظيم وترتيب الكرنفال وتكون جهة معينة مسؤولة عنه وانا افضل ان تكون الكنائس هي المسؤولة لانها هي الوحيدة القادرة على جمع كل الأجيال وتوجيههم وترتيب امور التنظيم وفرض المشي بتنكر في الكرنفال ....إضافة إلى توجيه دعوة لقيادة الشرطة لتنظيم امور عجقة السيارات المزعجة فيه ...
-وعن الدورة في الساعة 12 ليلا ....اتعلمون انني لم اعد اخرج إلى الساحة ابدا لان وضع العيد اصبح كريها لدرجة لا توصف ...وانا اقترح اقتراح ايضا اتمنى ان تتبناه الكنائس لعلمنا بمدى تأثير الكنيسة على الشعب الزيدلي ...اقترح ان يقوم الكاهنين في الرعيتين بتوجيه الناس إلى موضوع التواجد في الساحة الساعة 12 بدون آليات ضمن نطاق حدود ساحة الشهداء وتكون كلتا الكنيستان مخصصة مبالغ من المال للاحتفال بدخول العام الجديد وعند الساعة 12 يقوم شخص مسؤول بالقيام بالعاب نارية ومفرقعات على ما أظن أنها تفرح قلب الجميع وتستمر هذه الالعاب النارية لمدة ساعة كما في ليلة عيد السيدة ويهنىء كل اهل الضيعة بعضهم في الساحة وبدون هذه الدورة المزعجة للسيارات ...واظن هذا الاقتراح موجود مثيل له في كل ساحات العالم فلماذا لا نطبقه ولو بشكل بسيط في زيدل ....
مجرد رؤية لي للعيد وربما ساحاول اقتراح هذه الفكرة على الكهنة في القرية من أجل السنة القادمة فمن يمد يده لي ويساعدني في هذه الفكرة ...؟؟؟؟؟؟؟؟؟؟؟؟؟
ارجو الرد ...
مع كل الحب
سمر

موقع زيدل سوريا حمص .. خدمات تشات و دردشة ... أرشيف المنتدى