محاورة بيني... وبين الشاعر سليمان طراد

هذهِ المحاورة جرت بعد حركشة قمتُ بها بالشاعر سليمان طراد على ( موقع مشتاوي) ..


رمَّاح (ماجد سطـّاح)
--------------------------------------------------------------------------------


سلـيـمـانْ يـــل ذَوقَـــكْ بعـيـنـنْ لَـمَّـعَــكْ....لــولا زغِــرْ هالـكـونْ عيـنـيْ بتوسَـعَـكْ

بمشِّـيـكْ بـيـنْ جفـونـهـا تـــا تـنْـدَعََـكْ....و تصيـر بالإحسـاسْ تحـكـيْ وإسمـعَـكْ

لَـنَّـكْ إنــتْ مـوهــوبْ عـــادي إقـشـعـكْ....و رضعانْ طيبْ الأرضْ , صافيْ مَنْبَعَكْ

إنسـى الشبـابْ الْكسرهـنْ عَـمْ يوجَعَـكْ.....وعالجرحْ عِِصْ وقـومْ جايـي إرفَعَـكْ

خَـلِّـيْ الفـجـر يخـجَـل بْحـالـو بمطـلـعَـكْ....وبْقَفلِـتَـكْ خَـلـيْ الـزمـنْ يـوقــفْ مَـعَــكْ

حَـلَّـكْ بـقـا مــنْ عُـمـر ستعـشـر سـنــيْ.....تتـقـدّمْ .. وشــي شــوي حَـلِّــي إدفَـعَــكْ
_________________________________________
كمان رمَّاح

معليش يا سليمان ظلـَّكْ مختبي............منـّي مثل عصفور جحر الأرنبهْ

الصيَّاد يللي بجفت شعرو خَردقَكْ .........عافكْ لْـشيْ بسينه ...هْوايهْ وملعبهْ

==============================================

سليمان
لوما وجود المشرف....؟العرف الأصول.......ومانع كلام الزعرني.....؟اسرجت الخيول
وتا كنت قلك حل ...؟يا شويعر بقا.......ملزق عا هون محل .......؟ما بنقدر نقول
==============================================
رماح
قِلـتـلَّـكْ تـقــدَّمْ ...مَ تــرجــعْ عــــا ورى....ودقّيـتْ فيـي ..وليـشْ هَـيـكْ الشـوشـرهْ
شو صار قلّي..؟.. دَخِلْ عَينَكْ شو جَرى.....تَ تــردْ ردِّهْ , عــا أســـاسْ مْـشـفَّـرهْْ
طـــلاعْ ..هَـيــكْ بــــوابْ دَومْ مـسَـكَّــرهْ.....وخْـتَــار أفـكــارَكْ عَ طـــول مـسَـوكَـرهْ
وللزعـرنـهْ نْ عِـنـدَكْ خـيـولْ مـضـمَّـرهْمَ......ـهـدّتـلَـكْ أســــرعْ طــريــقْ مْـيَــسَّــرهْ
مـنْ عمـر ستعـشـر سـنـيْ والزعـرنـيْ......عـا نعـشْ شايـبْ , عـا طريـقْ المقبـرهْ

سليمان

رماح لوما الزعرني اعشقت الممات .........وما في قصيدة خالدي بلا زعرنات
فكر الأباحي عاش فينا بكل زات.......يسقي عواطف طاهرة سكر نبات
ونيزار قباني بشعرو....؟ اليوم .هات.......ورح بسألك يا شب من بعداالسبات
بتحلم عا فرشة شوك....؟ غامر بو العبد.......يما بهيفا انكنت....؟ بتحب الحياة
رماح

--------------------------------------------------------------------------------



بحـلـم بمـرتـي بــسْ نـــامْ وبـــس فـيــقْ....ومَ بشـوفْ إلا ّعيونها بعمـري بـريـقْ

والنـحـل يـلِّـي مـعــوَّد يـشــفْ الـرحـيـقْ......مَ بـيـلـتـفِـتْ لـلـسِـكَّــرهْ إلا ّ بــضــيــقْ

ومـنْ هَيـكْ يمكـنْ إنـتْ حَالـكْ يـا رفـيـقْ.....عَيـنَـكْ لْـبـرَّى وصـايــر بهـيـفـا غـريــقْ

طَلِّـعْ بمرتَـكْ شـوف شـو عَنـدَكْ عقـيـقْ.....و رْكـاز حَاجـهْ نطـوطـهْ وحـاجـهْ نقـيـقْ

خْلـود القصيـدهْ جـايْ مـنْ شُعلـهْ حريـقْ....دَقْــرِتْ بشـاعـر فــاحْ وجـدانـو العمـيـقْ

مِشْ بَسْ عِشقْ وطَيْشْ لوْ حَـقْ الحقيـقْ....با لأرض... والأوطان..والشعب العَريقْ

ونـيــزار لـــو نـقِّـيــتْ سِــــتْ قْـصـايــدو......لْـدِ مَشـقْ أو بيـروتْ رحْ يطْلَـعْ عَشـيـقْ

سليمان

خليك متل البحر موجاتو رسل........يسرق من الرملات .....؟جسم بينغسل
والليل عفي ظاهرة......؟ وخيطو نسل.........وساتر عيوب الناس بيقول المثل
والنحل للأخلاق عمرو ما امتثل...........بينقل من الوردي عا زهرة بلا كسل
ولو...؟ ضل حايم فوق زهرة واحدي.........يمكن بعشر سنين ما دقت العسل


رماح
كلـشـيْ ورود بـجِـردْ ليْـهـا فْصولـهـا....نسخهْ إنعطتْ للمرجْ مرتي أصولهـا
بضحكـاتـهـا بـزعـلاتـهـا بفْـصـولـهـا.....مـتـزوَّقـهْ وبالمـطـبـخ ْ بمريـولـهـا
وكلشـيْ شطـوط بحـور فيـي جُولـهـا.....لولا شَْرَدِتْ برموشها عَـا طولهـا
وبـكـلْ رمـشـهْ مـوجـهـا مرسـولـهـا......بيفلشْ عَ قلبيْ سْرار مـنْ مجهولهـا
بْلا عَيـبْ فـيْ ذاتَـكْ ضميـرَكْ قاشعـو......وغاصص بكلمهْ ومشتهي تَ يقولها

سليمان
تركني متل نسمة بأيد الزوبعة........بعرري وراق المعرفة بلا أدعا
وشوف الخيانة بزر وردة ونعنعة.......بيشمها الرايح وجايي بنعنعة
وتا تصير نفسك بالحياة اممتعة..........سافر لعندي....؟بعلمك...؟جمعة .....؟تعا
وشم الورد لو كان من المحرمات......ما كان شرع الدين ...؟حلل أربعة

رماح
روحَـكْ نسيـمْ بزوبـعـهْ ولــو زنتـهـا.....هَــيْ روحْ اللهْ الـلـي بغـبـارَكْ هِنتـهـا

إنـتَ ومرتَـكْ جَسـدْ أوحـدْْ وانتهـى......أيّــا حـيــاة ..وأيْ مـتـعـهْ نْ خِنـتـهـا

شو ذنبْ عصفـورهْ بسماهـا رْهنتهـا.....وبـاقـي طلـيـقْ ..اسجنتـهـا ومَننتـهـا

اتركها مثـلْ مـا إنـتْ ..لـولا ضمنتهـا.......مـا كنـتْ لحظـهْ لمسْتـهـا وحْضنتـهـا

الإنسانْ عنْ كلشيْ إنخَلقْ شو الرفَّعو.....إلا ّ..الشهـوهْ اللـي بحشـاكْ دفنتَهـا

====================================

سليمان
اتركني غصون مفرعة....؟وبمدها.........تلعب مع النسمات....؟كيف ما بدها
وحتى المنابر خاينة....؟بنعدها......حملت تنوع منبري.....؟وبنودها
وياما مرق من فوقها ومن حدها......شعار بيض وسود....؟صعبي تعدها
والرمح يا رماح لما بينكسر.......مجبور.....؟ أيدك عا السيوف تمدها
رماح

الحاصود لـو قَصَّـر بيلعـنْ منجلـو....ومنجل عْياري خَانْ عَزمو وخَجَّلو

ويمكـنْ منابـر فـوقْ منهـا حَنجلـو.....شعـار يامـا ....بــسْ قـلِّـة تبجَّـلـو

الْصانو الأمانهْ عا صدرها تسجَّلـو.....وخُوَّنهـا بالغصـبْ عَنّـهـا ترجَّـلـو

طُهـر المنابـر لا تقيـسـو بعـاهـرهْ.....يمَّـا بتلحـقْ آخــر الْ عَنـهـا جَـلـو


سليمان
ما في ولا أنسان يشعر بالأمان........ إلا ما يسقي عواطفو حب وحنان
وطهرالخوابي عتتق الخمرة بمكان......اووزع كؤوس النصر عز وعنفوان
والجسم متل الروح لازملو كمان........تنويع بالوجبات .... ؟صابك يا فلان
متل الي آكل بتنجان ....؛؟الأربعا.......ويوم الخميس......؟ بتعزمو عا البتنجان

رماح
ويــن الأمـــانْ وإنـــتْ رايـــحْ بالـخِـفـيْ......وبيجـوز ترجـعْ مِثـلْ شِـيْ مْشَلَّـحْ حِفِـي

اسأل الخزانهْ ..كامْ فيْ مْشَوربْ غِفيْ ......?بِحْضينـهـا مـرعـوبْ لِــمْ غـيــرو لِـفِــيْ

عِنـدكْ أسـدْ عَطشـانْ حُــبّ ُ وعاطـفـهْ....وعنـدكْ نهـر لـوْ عَوْكَـر بساعـهْ صِـفِـيْ

وهَيْ رغبتَكْ مثلْ العَطشْ مهمـا الشـرابْ تنـوَّعْ ...... بغيـر المَـي عـمـرو مــا طِـفِـيْ

سليمان

تركني متل حلم القصيدة بها الأمور....نققح قوافي مدهبي....؟وشكل سطور
ورماح.........!!! باللغات....؟ لولا عملت كوور..........بيعلموك الهاي....ola ...أولا......وبونجور
والجسم واحد صح بس العقل نور........والبدر كوكب.....؟للتغيير عم يدور
وعا النبع ما بتوصال نقطة صافيي......ألا ما تمرق فوق مصفاية........؟صخور

===============================================

قصيد


ياصيــَّــــاد القصيـــــــــدة بالغناني *** التنوع رووح والكلمة ضماني
لا ممكن يلبس الألهــــــــــام ردة *** اذا ما بيشـــــــلح تياب المعاني

عتبـــــت عليك لما غبت مـــــدة *** وتركت المنتدى لشـــــاعر أناني
ولوما الفاتـــــــح بكن المــــــودة *** عا راسو كنت كسَّرت القناني

أنا زنود البطولي بالتحــــــــــدي *** فتحت زرار صدري ...مرجلاااني
وانت هرباااان مش قادر تهدي *** لأنك لابس تياب الجبـــــــــــــاني

أنا أزعر ... متل ورد المنــــــــدِّي *** غمرت الفجر عا صدوور الغواني
وأنت عليِّق لابس شوك ...بدي *** بأيدي كسِّرك تا تصير جاني

انا عيون الخطيي بعشـــــق جدي *** شلحت الروح عا فراش الخيااني
وزرعت الآخ عا خــــــدود المخدي *** وحصدت اللا وعي من كون تاني


وعشيقي نْ باسني بيحمرّ خدي *** ب شـــــفي مزلطة محل الفلااني
جبااال الألب ... بكمشـــها بيدي *** متل شي طفل كاااااامش بيبرااااني

أنا شــــــــــجرة صبيي مستعدّي *** بوجه الريح إشــــلح عنفواني
أنا صدر المفــــــــــرع ... بالمهدّي *** وزنود مزلطة ..... عنتر وهاني

.وانت متل القزيفـــــــة بنااار حدّي *** لبســــــت العاار تا تهدم مباني
وعا قصة مهنــــــــــــة الدكتور بدّي *** الحقيقة قولها وما كون جاني....

..اذا عا عيادتو بيفــــــــــــوت جدي *** ضروري يقــــــلع تيابو بأماني
.....انا أبرة بنج من كل شـــــــدي *** بشــــيلك من وجع مزمن لأنو
الحقنة مفرعة يا جســـــــــــــــــــــــــــم فااااني



سليمان

شكراً لكم شعرائنا الأكارم
على كلماتكن اللي زيِّنت هالصفحة
كلكن ذوق
ومداخلاتكن هيّ وسام
بحطـّو عَ صدري
ماجد