الارشيف - حزورة اينشتاين

Pages: 1

حزورة اينشتاين
(انقر هنا ان احببت مشاهدة الموضوع الاصلي بالالوان و الصور )

Posted by: emado1

كتب اينشتاين هذا اللغز بنفسه في القرن الماضي و قال إن 98% من سكان العالم لن يتمكنوا من حله
• توجد خمس منازل لكل منها لون مختلف يسكن كل منزل شخص من جنسية مختلفة
• كل ساكن يفضل مشروب معين و يدخن سجائر معينة و يحتفظ بحيوان أليف معين
لا احد من الجيران يشرب المشروب نفسه أو يدخن نفس نوع السجائر أو لديه الحيوان الأليف نفسه.
معلومات الربط:
يسكن البريطاني في المنزل الأحمر
لدى السويدي كلب
تحب الدنماركي شرب الشاي
البيت الأخضر على الجانب الأيسر من البيت الأبيض
مالك البيت الأخضر يشرب القهوة
الشخص الذي يدخن سجائر نوع بال مال لديه طائر
الرجل الذي يسكن في البيت الأوسط يشرب الحليب
مالك البيت الأصفر يدخن سجائر نوع دانهل
يسكن النرويجي المنزل الاول
يسكن مدخن سجائر نوع مارلبورو مجاورا لمن لديه قطة
الرجل الذي لديه حصان يسكن مجاورا لمن يدخن سجائر نوع دانهل

مدخن سجائر نوع وينفلد يحب شرب الشعير
يسكن النرويجي مجاورا للبيت الأزرق
يدخن الألماني سجائر نوع روثمالز
مدخن سجائر نوع مارلبورو لديه جار يشرب الماء

المطلوب :تحديد لون المنزل ,الجنسية,نوع السجائر ,و الحيوان الأليف لكل واحد مع توضيح من منهم حيوانه الأليف هو السمكة؟
لا توجد خدعة في حل هذا اللغز بل هو منطق صرف من سيعرف الإجابة سيكون من ضمن أذكى 2% في العالم

Posted by: samar dahi

واو انا طلعت من اذكى اثنين بالعالم ......

عماد ما صعبة الحزورة ....ولكن بدها شوية محاكاة رياضية احتمالية بيمشي حالها ...يعني القصة بدها ذكاء ...

انا الشتوية الماضية حليتها .....
جي ابن عمي عم يقلي عن هالحزورة وقلي الشي اللي قلتو هلق انت بالضبط وكان هوي وكل رفقاتو مدووشين بهالحزورة ....فقلتلو اعطيني اياها هالليلة ورح حللك اياها ... وبالفعل قعدت حل فيها لمدة شي ساعتين كاملات ومش الحال ....
وانحل اللغز ...
حزورة حلوة حلوة بشكل ولكن صدقوني بدها تعب .....
يالله لنشوف الشاطر اللي بحلها ...
الحل معي وانا بقدر احكم ...مين فيكم الذكي ....

Posted by: abode durra

انا و عمي ابراهيم حلينا الحزورة و طلعني من أذكى 2% بالعالم حسب اينشتاين

البيت الاول اصفرفيه نرويجي يدخن دنهل يشرب ماء لديه قطة
البيت الثاني ازرق فيه دانيماركي يدخن مارلبورو يشرب شاي لديه حصان
البيت الثالث احمر فيه بريطاني يدخن بال مال يشرب حليب لديه طائر
البيت الرابع ابيض فيه سويدي يدخن وينفيلد يشرب شعير لديه كلب
البيت الخامس اخضر فيه الماني يدخن روثمالز يشرب قهوة لديه سمكة

Posted by: mario

الحقيقة الحزورة حلوي كثير و اني حبيتهي من اول ما قريتهي و الحقيقة هي كانت سبب من اسباب تسجيلي بالمنتدى يعني و قت قريتهي حبيتهي و جربت بحلهي و اخذ معي شي 7 ساعات ع بعضهن
و الحل كان معي من شي 6 ايام و سجلت بالمنتدى مشان حط الحل بس اخذت وقت لتفعيل تسجيلي
المهم اني مع عبودي و الحل صح اكيد اني باكد لانو هيك حلي كان مع اختلاف بسيط :
اني طلع معي البيت الرابع هوي اخضر بجميع محتوياته اللي قالهي عبودي الالماني روثمن .............الخ
و البيت الخامس ابيض مع محتوياته ........
و السبب هوي انو الحزورة بتقول البيت الاخضر على يسار البيت الابيض مو علي يسارني نحني بس راي ....
المهم انو الحل صح و يعطيكن العافية يا جيرانا هههههههه و مبين حارتني هون ربحت ههه
و وصاتك بالله شي حزورة ثانية زكاتك وشكرا مرة ثانية

Posted by: wajdy barakat

اني اذكي واحد بالعالم وبدون شوفة حال لانو فتت قريت الحزورة ولقيت الجواب قدامي يعني لاتعبت حالي بالتفكير ولا شي وشكرا لانكن عطيتوني الجواب ههههههههههه وحزورة حلوي وبانتظار العدد القادم

Posted by: samar dahi

برافو عبودي درة ....الحل مزبوط مية بالمية ....
وانا قلتلكم انو الحل عندي من سنة واللي بحلها فهوي الشاطر ....
أكيد يا عبودي اخذت وقت معك انت وعمك لانو الحزورة مانها سهلة من ناحية تجميع الاحتمالات وتنسيقها بشكل صحيح ...انا الحقيقة اخذت معي وقت شي تلات ساعات ...ولكن صدقوني بدها طولةبال كثير ...
انا ما توقعت حدى رح يفكر بالحل ....واليوم اتفاجأت انو عبودي باعث الحل ....برافو ....
بس بدي قول شي لماريو .....
ماريو حل الحزورة ما بيحتمل اي اختلاف ....انت عم تقول انو حلك متل حل عبودي ولكن مع فارق وحيد هوي انو البيت الأخضر هوي مكان البيت الابيض بسبب فرق الجهات (اليسار )...وهاد الحل مستحيل ....واذا بتحب تتأكد ارجع للحزورة بحذافيرها وشوف انو مستحيل هالشي ....
الحل وحيد ولا ثاني له ....
وجدي برافو لانك وجدت الحل بهالسرعة هاي ....انت اشطر الشي ....:

انا مشان ما حدى يقول الشي اللي قالو وجدي ما فعلت نزل الحل بسرعة لحتى نعطي فرصة للكل مشان يفكرو بالحل ....وما صار وما حدى قال انو وصل الحل

....شكرا يا وجدي

Posted by: mario

شكرا اخت سمر
هلق اول شي انو السوال مانو طالب رقم البيت او تحديد موقعو فاني لوني كاتب الاجابة مارح كان اكتب رقم البيت كنو الاول او الثاني بس اني باكدلك انو حلي كان مثل حلو بالظبط .
و ع كل الاحوال انشالله منجي عالصيف و نحلهي مع بعض ههههههههه
شكرا سمر سلميلي عالكل عندك اماني ..... سلام للجميع

Posted by: abode durra

يسلمو على الردود الحلوة
و بالفعل وقت شفت الحزورة طبعتهي على الطابعة و يومتهي قضيني السهرة كلهي عم نحل و نحط احتمالات و جمعني كومة ورق لحتى طلعت و اخيرا
و يلا اللي عندو شي حزورة ثانية جهزوهي لا نشوف

Posted by: dream catcher

http://riddles.com/all-kinds-of-riddles/riddles/enough-fish-20080125141/

هاذ موقع للحزازير بس بالانجليزي واللي عنده هواية يجرب فيه.
الحزيرة كانت صعبة شوي بلا ورقة وقلم وقعدة شي كم ساعة
في حزيرة مرت عليي بموقع من المواقع ولهلق بتوقع مالقولها حل
مسأله حسابية واللي شاطر بالرياضيات يلاقيلنا الحل:
انه عندك 12 سبيكة ذهب متساوية الوزن من عدا واحدة وهاي السبيكة لا يعلم هل هي زايدة أو ناقصة بالوزن، وعندك كمان ميزان ذو كفتين بتستطيع استخدامه 3 مرات فقط لا غير وبدون تلاعب.
السؤال هو: كيف بتستطيع تحديد السبيكة المختلفة وهل هي زائدة أم ناقصة؟ بافتراض لجميع الاحتمالات.
وذلك باستخدام الميزان.
يلا بدنا همتكم يا أهل الحارة.
موفقين سلف.
أنا سارق الحزيرة بس لاتسرقوا الجواب من شي مكان .

Posted by: samar dahi

ماريو بدي قلك شي :
انو الحزورة اكيد بتطلب انك تحدد موقع البيت بالترتيب ....يعني اكيد في ارقام .....

الرقم ـــــــــ 1ـــــــــــــــــ 2ــــــــــــــــــ 3ــــــــــــــــــ 4ــــــــــــــــــــ5
اللون ــــــــــ اصفرـــــــــــ أزرق ــــــــــ احمر ــــــــــ ابيض ـــــــــأخضر
الجنسية ــــ نروجي ـــــــ دانمركي ــــ بريطاني ـــــ سويدي ــــــ الماني
المشروب ـــ ماء ــــــــــــــ شاي ـــــــــ حليب ـــــــــ بيرة ـــــــــــــ قهوة
الدخان ـــــــ دنهل ـــــــــــ مارلبورو ـــــ بول مول ـــــ دنفلد ـــــــــ روثملز
الحيوان ــــــ قطة ــــــــــــ حصان ـــــــــ طائر ــــــــــــ كلب ــــــــــــ سمكة

هاذ الترتيب مستحيل يتغير واذا تغير اي عنصر صغير بفبيكون في جزء من المعطيات المطلوبة ما بيتتحقق جرب انت مثل ما قلت انك تحط البيت الابيض محل الأخضر شوف كيف انو من بداية الشغل رح تتغير كل الاحتمالات اللي ممكن انك توصلها ورح يخربط كل الشغل ....
حسام مواس رح نفكر بالحزورة تبعك ونرد الجواب ...على فكرة هاي الحزورة قديمة كثير ...وبتصور ونحنا بالثانوي كانوا يسألونا عنها ....على كل رح فكر بالحل وابعثلك اياه ...
حلوة هالقصة هاي ...وهالحزازير ....
كثروا منهم ....

Posted by: issa george

اقتباس:

انه عندك 12 سبيكة ذهب متساوية الوزن من عدا واحدة وهاي السبيكة لا يعلم هل هي زايدة أو ناقصة بالوزن، وعندك كمان ميزان ذو كفتين بتستطيع استخدامه 3 مرات فقط لا غير وبدون تلاعب.
السؤال هو: كيف بتستطيع تحديد السبيكة المختلفة وهل هي زائدة أم ناقصة؟ بافتراض لجميع الاحتمالات.
وذلك باستخدام الميزان.

مرحبا عن جديد ..
شكراً حسام على الحزورة وبتفق مع سمر أنهن حلوين وكثروا منهن ...رح نزل الحل بملف مرفق لأنوا صعب أنو أشرحوا كتابة (أحسن مانزلوا فيديوا مع إشارات )..

..
وكمان فيه الواحد مايحمل الملف للي بحب يحل الحزورة بنفسه..بتمنى يطلع الجواب صحيح وشامل ومفهوم ..

Posted by: sulieman safar

....................مرحبا عن جديد
شكراً حسام على الحزورة وبتفق مع سمر أنهن حلوين وكثروا منهن ...رح نزل الحل بملف مرفق لأنوا صعب أنو أشرحوا كتابة (أحسن مانزلوا فيديوا مع إشارات )..........
كيف توصلت الى الحل ابو العيس؟ ما والا تبقى متهم في سرقة الحل. وبنفس الوقت الملف الذي وضعته لم يفتح عندي. وللحديث بقية.
فكر بل"المصفوفة" ابو العيس.
ولكم محبتي.
سليمان
ملاحظة للصديقة سمر:
.............انا الحقيقة اخذت معي وقت شي تلات ساعات .
أكيد مع شرب المتة مع الأصدقاء.
ولكي محبتنا.
سليمان ونهلا.

Posted by: issa george

مســاالخير ..
والله يسامحك ياعم سليمان أتهمتني ولسا الملف مافتح عندك ..(على فكرة أنا كنت كاتب تنويه بآخر الرد وحذفتوا وهوي -بس ماينطلي شي حداا وبدوا شي قانون أو معادلة ...

)
هلق الحق عليي كونوا مافتح الملف عندك لاني منزلوا على إكسل 2007 ماكنت متصور أنوا باستراليا لسا العالم دقة قديمة وبيشتغلوا على الأوفيس 2003
ياسيدنا هلق صار فيك تحملوا من جديد ..بتصور يفتح هالمرة إذا كان تخميني بمحلوا ..
رح نزلك حزورة خاص مشانك بس لحتى نسقها مشان سهولة الشرح ورح سامحك بطريقة الحل . بدي بس الحل ...Just Solution

وأكيد لك محبتي ..

Posted by: samar dahi

والله برافو يا عيسى ...شكرا على الشرح الحلو والمطول ...الظاهر انك تعبت عليها كثير ....برافو برافو ..
شو عمي سليمان شفت الحزورة وحلها .....اساتو راسك صاغ وبمحلو ....والله انا اندوخت .....فما بعرف انت شو وضعك .....والله شو بدك هاذ عيسى طلع شقفة .....
محبة كبيرة لعيسى .....شو قالتلك فاديا عن حفلة فيروز....انبسطت كثير ما هيك...

Posted by: sulieman safar

لا تخاف ابو العيس ومافي حاجة ان الله يسامحني لأن الله سبحانه وتعالى لا يتعاطى بمثل هذه الأمور التافهة على وجه الأرض ولكن أذكر تمام عندما طلبت منك بالتشات أن تشرح لي الحل من كل قلبي لكي أتعلم منك فكان جوابك: بالصراحة حصلت على الحل من مكان لا أعلم المصدر الأساسي. وعندها صدقتك وكان جوابي مناسب لك. ولكن كما يبدو انك انزعجت من عبارة" متهوم بسرقة الحل" وهي لا تفرق الكثير عن عبارة مزاحية لكي اقرب نفسي منك, كون هناك رابط تجهله بيني وبينك , لكنك طلعت بالحيلان والمرج ووافتني في جملة لا يوافيها من يفهم معناها :a bad tradesman blames his tools. لكن عندها كان أن يمكنني ان أوافيك في لغة موازية للغتك" it is better to blame your tools than not have any at all" من تأليفي طبعاً ومن الضروري ان تستعين بالخال عبودي لكي تعرف معناها. ولكني صبرت عارفاً ان هذا اليوم سوف يأتي ويمنح لي الفرصة لكي أشرج لك القصد من سؤالي الأساسي واليك وللمرة الأولى والأخرة الشرح الكامل. ان الحلول لمثل هذه الحزازير يتعلق في طبيعة التفكير وهي تنقسم اللى قسمين:القسم الأول يسمى بالصندوق الأسود(الله لا يسود لك ايام)من حيث ان الحل يظهر بدون أي شرح مفصل من العقل ولعل ذلك هو السبب بان الخال عبودي اطلق عليك لقب" الصاروخ ابو العيس" والطريقة الثانية تسمى بالصندوق الزجاجي وكما اسمها يوحي بأن الحل يكون له شرح كامل. فأنت وبكل صراحة عجزت أن تشرح نفسك تحت هاتين الطريقتين ولذلك يبقي عندي شك كبير بأنك سارق الحل. يا أم انك تشرح طريقة الحل في طريقتك الخاصة وكلنا كما ذكر الفيلسوف أفلاطون " مخلوقات خاضعة للأقناع بواسطة المنطق"
ولك محبتي طبعاً.
سليمان

Posted by: issa george

الله يسامحك مرة تانية على الإتهامات ياعم سليمــــــان
ياسيدنا شكراً كتير على الشرح والصناديق ..
بالبداية كنت رح جزء موضوعك جملة جملة ..وصدقني كنت رح أتفنن بالرد ..بس خفت يصلك حكيي بطريقة غير اللي أنا بدي اياها والظاهر هيك عم يصل (لازم كثر إبتسامات ) مشان هيك رح جاوبك على الموضوع بشكل عام ..
بس لحتى نحط الأعضاء بالصورة لازم يتطلعوا على هالموضوع اللي حاب يفكر ويشغل مخه مشان يعرفوا على شو عم نحكي..

بالبداية بتصور بلشت القصة مع حزورة المربعات خلينا نقسم كل مربع لأربعة أقسام بصير عنا 12 مربع وهيك دور على 3 مربعات متجاورات وبس لقيتهن قسم كل واحد لقسمين .(فيك تطلع على الصورة المرفقة , بنصحك تستخدم برنامج الإكسل والألوان بسهلوا عليك كتير أمور ..

وبالنسبة لحزورة أينشتاين بحب خبرك انو لمجرد إثارة للموضوع قلت عنها سهلة بس هيي مش سهلة أبداً ..(بتخيل هالشباب اللي حلت الحزورة ماريوا- سمر- Abode Durra
. وغيروا ..بتساعدك أكتر مني إذا عندهم شي طريقة أو معادلة أو برنامج لحل الحزازير أنا ماعندي أياه ..أنا أستخدمت طريقة الإحتمالات والمعطيات اللي بين أيدينا حتى وصل للحل ..يعني ورقة وقلم وشطب وتلوين ..بقدر أعطيك من عندي قلم رصاص وشوية أوراق ..وشوية هالعقل اللي خليتلي أياهن ..وظل جرب لحتى تزبط معك ..إذا عندك طريقة أسهل ياريت أنت تشرحلنا اياها ..أنا ماعندي طريقة مجرد محاولات للوصول للحل ويتصور شرحتلك هالشي بالشات بس العتب على العمر ...)

بالنسبة لجملة الإنكليزي – مع أنو إنكليزيتي على قدي - صدقني أني احترت شو بدي جاوبك قلت هالعم ماعم يفهم عليي عربي وأنا مابعرف فلسف الأمور جرب ياعيسى أكتب إنكليزي ..بس الظاهر متل مانك شايف ..المرة الجاي رح أكتب سرياني ..على أمل يصير نصيب ونتفاهم ...

اما بالنسبة لآخر حزورة اللي طرحها حسام ..فهاي قصتها قصة (هون لقطتني

): ياسيدنا رحت على البيت وتربعت على التخت وجبت ورقة وقلم وكان في رفيق أسموا فادي قاعد جنبي – والله شاهد على ماأقول – قالتلوا يافادي جايبلك لغز على كيفك قلي أبشر ..وهون بلشت قصتنا أنا وفادي والحزورة هوي يشد وانا أرخي ..أنا أرخي وهوي يشد يقلي مالها حل وأنا قلوا لاء مش معقول.. جربنا الإحتمالات ..وإجا الغدا وراح الغدااا وأنا وفادي على التخت عم نحل الحزورة ..يعني فيك تقول غطينا أغلب الإحتمالات ..يعني إما رح تنحل أو مارح يطلعلها حل ..والحمدلله تم حل هالحزورة اللعينة ..وقعدت على الكمبيوتر بعدها وفتحت برنامج الإكسل شرحناها ..حاولت أعملUpload لرفيقي فادي وللتخت والقلم والورقة بملف مرفق على المنتدى بس أعذرني ماقدرت قمت أكتفيت بالشرح اللي نزلتوا على الإكسل ..(والله لوحافظ شي قانون أو معادلة رياضيات تخدم الموضوع مارح أبخل عليك لا أنا ولا رفيقي ..)..

مابعرف إذا بتتذكر قصة البخيل وكلمتوا المشهورة ( لو خرجت من جلدك ماعرفتك)...

وأكيد مع محبتي ..

Posted by: sulieman safar

كان هناك والد حكيم يعطي نصيحة لأبنه وهي كما يلي:
يا بني اذا اردت ان تصد أو تجني لمدة سنة واحدة ازرع حبوب.
واذا اردت أن تحصد أو تجني لسنين ازرع أشجار.
ولكن اذا اردت ان تحصد وتجني لمدا الدهور ازرع أفكار.
بالنسبة لي:
لقد مللت من زرع الأفكار
عند اناس لا تعرف الا الفخار
وتقضي أيامها ليلاً نهار
بالدفاع عن نفسها بواسطة الخنفشار.

اكيد الشعر غير موزون وقد انه لا يعجب سيد الشعر الصديق زياد أو صديقنا الحكيم أو استاذنا الكريم بدر, لكنه يحمل قييم عضوية لا يمكن ان يجهلها الا من كان لا يخضع لتعريف كل ما هو انسان حسب فيلاسوفي المحبذ المحبوب افلاطون. وقد يجوز انه اصبح عندكم شك كبير حول محبتي للفيلاسوف افلاطون ولكن السبب بسيط جداً وهو بأن الفيلسوف افلاطون كان أول مخلوق يبذل جهد كبير لكي يبسط امور الحياة رغم ان الناس أجمع يودوا أن يعقدوها واكبر برهان عن ذلك هو بأن فلسفتة بكاملها تحاول على برهان شيْ واحد وهو بأن:" عالم الأفكار يبقى أهم من عالم الأشياء أو عالم المادة" وكتب لا يقل عن 32 مجلد حول ذلك(مجلدات حجمها أكبر من الاينصاكلوبديا بريتانيكا) مما يوكد لي بأن ذاك الانسان كان يعرف مدى الغباء عند الانسان كما عرف السيد المسيح ضعف الايمان عند الانسان وهذا السبب الاساسي لأعتناق الكنيسة المسيحة لأفلاطون بواسطة القديس اوغناطيوس.
ولعلي أرجع للموضوع الأساسي وهو يتعلق بالتفكير وطريقة التفكير ومن أهم ذلك هو تدوين طريقة التفكير. والسبب لذلك هو كما يلي: ان كنا لا نملك طريقة للتفكير مدونة, نورثها من جيل الا أخر , يبقى وجود الحضارة مستحيل لأن الحضارة بحد ذاتها تعتمد على وراثة المعرفة من جيل لأخر.
اعتذر على الطولة في الشرح ولكني لا أعتذر عن الاخطاء النحوية والاملائية في الكتابة لأنها كثيرة.
والى اللقاء في بقية الشرح في الفصل القادم.
ولكم محبتي طبعاً.
سليمان

موقع زيدل سوريا حمص .. خدمات تشات و دردشة ... أرشيف المنتدى