الارشيف - اذا شاطر عيدها خمس مرات

Pages: 1

اذا شاطر عيدها خمس مرات
(انقر هنا ان احببت مشاهدة الموضوع الاصلي بالالوان و الصور )

Posted by: dream night

جرب تعيد هالجمل خمس مرات وبسرعة
وبصوت عالي
ولا تضحك على حالك

خشبت الحبس حبست خمس خشبات وخشبة

خيط حرير على حيط خليل

قميص نفيسه نشف

هذا المشمش مش من مشمشنا

خمشت خشمي خمس خمشات

شمس مستشمسة
ليره ورا ليره

يوم السبت مستسببتش

بوجي البيجو بدرج الجيب وبوجي الجيب بدرج البيجو

الشاعر فى الشارع

شويت سمكة شعور بالشمس

زكي زار زكيه فهل زكية زارت زكي زي ما زكي زار زكية

بس خلصتوا منهم
خبروني اي اسهل جملة؟؟
اي اصعب جملة؟؟
موفقين

Posted by: the eagle

شكرا dream nightعلى هذه المشاركة الظريفة بعض العبارات كان لفظها صعب وأكثرها صعوبة هي :خشبت الحبس حبست خمس خشبات وخشبة وأسهلها كانت :الشاعر في الشارع وتقبل مروري د .جورج

Posted by: Desert rose

بوجي البيجو بدرج الجيب وبوجي الجيب بدرج البيجو

اقتباس:

بس خلصتوا منهم
خبروني اي اسهل جملة؟؟
اي اصعب جملة؟؟

الله يسامحك

كان بعد عنا غرامين عقل طيرتهم حضرتك بها المشاركة

زهرة الصحراء

Posted by: فاروق القدومي

شكرا dream night على الموضوع الحلو.... اما اصعب جملة بالنسبة لي فكانت هذا المشمش مش من مشمشنا....ولكن تزداد صعوبة عند لفظها غيباً اما حاضراً فتكون اسهل....وكمان متل ما قال الاخ جورج الجمله الاولى صعبة كتير كمان....واسهل جمله قميص نفيسة نشف**

*قدومي*

Posted by: بنت القمر

دريم نايت بجد فتلت راسنا بمشاركتك الرائعة
اسهل جملة كانت
ليره ورا ليره
اما الجمله اللي استصعبت انو كررها
خشبت الحبس حبست خمس خشبات وخشبة

بس دخيلك المره الجاي لاتعقدني

انا بدون دف عم ارقص

يعطيك العافيه

Posted by: ABUODEE

اي نحنا من دون شي مشربكين خلقة
جربولي هالجملة لنشوف فيكن تقولوها خمس مرات على الغميضة بدون ما تقروها؟

ارنبنا في منور انور وارنب انور في منورنا

ارنبنا في منور ارنب وارنب انور في ارنبنا

ههههههه

Posted by: emado1

طيب جربوا تقولو هي بس بسرعة
قاضينا وقاضي الرقة
قاضي الرقة عندو بقرة وقاضينا عنده بقرة
قاضي الرقة دبح البقرة وقاضينا دبح البقرة
طلعت مرقة رقبة بقرة قاضينا
اطيب من مرقة رقبة بقرة قاضي الرقة

Posted by: dream night

للفايق والرايق
للقاعد ماعنده شغلة
للي بدوا يشغل ولاده
ومعاهم ولاد الجيران

emado1...ABUODEE...بنت القمر...فاروق القدومي...Desert rose

شكرا حضوركم ومشاركتكم
الواحد أيام لازم يجرب يفقد عقله
بكم كلمة ..بكم حركة..
بكم تصرف
يفقد عقله بينه وبين حاله أفضل مايفقده ويكون معه حدا..

رح نجرب اليوم هالجمل كمان ..عيدها خمس مرات بسرعة
خلينا نشوف شو بيصير معنا..

بطتكم بطت بطن بطتـنا و بطتـنا تقـدر تبط بطن بطتكم لأن بطتكم بطت بطن بطتـنا..

أكلت قفص بصل ومصيت قفص قصب ..

شمس تمشي وشمس مشمسة ..

ليلة ورا ليرة..

هالجملة أصغر شي وأصعب شي لقيتها.

Posted by: hosam danial

حلو....
أنا ما عرفت قول ولا وحدي
حتى مرة وحدي
بس أنا بعرف:

شجرة العرنكرنكبي بالارض معرنكرنكبي
سني بتحمل عرنكرنكبي
وسني بتحمل عرنكرنكبتين

....

ستي وستك بالحمام
جات ستي ضربت ستك
فيها ستك تضرب ستي
مثل ما ستي ضربت ستك بالحمام

Posted by: فتاة عربية

كتير حلوة هالفكرة.
اهين عبارة هي:ليرة ورا ليرة
بس الجملة لي ما قدرت عدتها مرتين هي:خمشت خمشمي خمس خشمات.
و شكرا كتير عاى هالموضوع.

Posted by: dream night

اقتباس:

اهين عبارة هي:ليرة ورا ليرة

ب أيدك حق
الجملة سهلة كتير
بس جربي: ليلة ورا ليرة

hosam danial....فتاة عربية
مشكور مروركم

Posted by: tony daboul 21

اي والله شكرا كثير ياحبيب ,
هلق ليك انا بصراحة قدرت أقرأ الكل بسهولي وماتلبكت بأي وحدي .ز
ههههههههههه
طبعا ماقدرت لأنو مافي ولاوحدي بتنقرا الله وكيلك روحت عليي شربة المتاي الصبح بسبب كلماتك اللي مامعروف راسها من رجليها
وشكرا حبيبي
&&&TiTo&&&

Posted by: فتاة عربية

ردا على hosam danial
معاك حق بس هيدي الجملة الوحيدة لي قدرت عيدها مرتين.
و شكرا كتييير لكل اعضاء المنتدى.

موقع زيدل سوريا حمص .. خدمات تشات و دردشة ... أرشيف المنتدى