الارشيف - معلومة لاتصدق

Pages: 1

معلومة لاتصدق
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

معلومه فعلا لن تصدقها

شخص هندي اكتشف حديثا انه يستحيل على اي شخص انشاء فولدر على

الجهاز باسم
Con
لا على اي مكان في الكمبيوتر
ولم يستطع فريق مايكروسوفت ولا حتى بيل جيت تفسير لماذا هذا يحدث ...
جرب الان انشئ فولدر باسم
Con
على اي مكان في الكمبيوتر مثلا على سطح المكتب .
وسترى بنفسك انه يستحيل عمل ذلك
ولن ينشأ اي فولدر او مجلد بهذا الاسم !!!!!!!!!
غريبة فعلا !!
جربت ولم أفلح !!!!
جربوا ...

زهرة الصحراء

Posted by: matar

المعلومة بعد التجربة صحيحة حاولت كتير لكن بدون فائدة
شكرا زهرة ع هل المعلومة والله يعطيك العافية

Posted by: the eagle

شكرا Desert rose على نقلك لنا هذه المعلومة الغريبة فعلا لقد جربت وفشلت والعلم عند الله وتقبلي مروري د .جورج

Posted by: samar dahi

بالفعل سناء ...انا حاولت وما مشي الحال....الحقيقة شي غريب ...
اكتشاف بيستحق التساؤل.....::

Posted by: Desert rose

matar_د.جورج بيطار_samar dahi

شكراً لردودكم ...هلق من مفهومي المتواضع بتقنيات الكومبيوتر عملت هالمحاولة للبحث عن السبب الفعلي لها الشي (( حشرية يعني ))فلقيت إذا مش غلطانة هالجواب :

جربوا من جديد ....سموا فولدر con وبعدها إضغطوا على new folde بزر الماوس اليمين ومن ثم properties رح تظهر قدامكم لوحة new folde properties
حاولوا سمّوا الفولدر من جديد محل new foldeرح يظهر الجواب بإنوا في ملف موجود عندك بها الإسم ومش ممكن نسمي 2 فولدر باسم واحد .
اذاً اسم هالفولدر الهيئة موجود من system الكومبيوتر نفسوا لذلك منفشل بتسمية con مرة تانية ....والصدفة بتصوري خلت هالمكتشف الهندى يحس بها الشي ....الا اذا حدا عندوا جواب تاني .

شو رأيكن ؟؟؟

كامل محبتي لكم جميعاً

زهرة الصحراء

Posted by: emado1

شكرا على هالمعلومة الجديدة
وانا ايضا جربت وما طلع معي شي
بس طلع معي سؤال
ليش؟؟؟؟؟؟؟؟؟؟؟؟؟؟؟؟؟؟؟؟؟؟؟

Posted by: ABUODEE

اذا ناوين توجعوا راسكم رح اعطيكم بدال هالاسم عشرة

AUX
COM1
COM2
COM3
COM4
LPT1
LPT2
LPT3
PRN
NUL
جربوا عليهم ياريت حدى يقدر يسمي هيك فايل باسم احد الاسماء هاي

اما بخصوص الاسباب فهي ملفات موجودة في النظام نفسه FAT32 او NTFS

واذا ايا حدى حابب يسمي ايا ملف باي اسم مالو غير طريقة وحدة

بيفوت على الـ command prompt الي هي الدوز يعني
ويعمل بحث عن الملف على سبيل المثال con ويحذفه من السيستيم
ويرجع على سطح المكتب وقتها بيقدر يسمي الملف بايا اسم ورد فوق
الطريقه
بنضحك على الويندوز روح على ستارت بعدين على رن
اكتب cmd واكبس انتر بفتحلك الدووس
اكتب هاذ الامر

md \\.\d:\con

عشان تمسح الفولدر لانه ما بنمسح على الطريقه العادية بتكتب هاذ الامر

rd \\.\d:\con

طبعا هيك رح يعمل الفولدر على درايف الدي وانت اعطيه المكان الي بدك اياه هو بيعمله

Posted by: issa george

مســاالخير على الجميع ..
عبودي بالطريقة اللي ذكرتها مستحيل تعمل ملف أو مجلد بهاذ الإسم إلا عن طريق الدوز ..يعني مش رح تتمكن من صنع ملف بهاذ الإسم بالطريقة الإعتيادية ...(وبكراا بنتواجه ..)
بس مع هالطريقة بكون الأمر أسهل بكتير ..

أصنع مجلد جديد
اذهب الى اعادة تسمية Rename
اضغط بالزر الايمن للماوس مكان اسم المجلد (يعني مكان مابدك تكتب الإسم )
انزل الى اسفل القائمة (Insert unicode control character)
يوجد امتداد له
قم باختيار الخيار الثاني (Right to left mark)
سمي المجلد باسم Con أو اي اسم تريده ..

بالتوفيق

--------------

Posted by: ABUODEE

اهلا ابو العيس العيساوي
يظهر صار لازملك نظارات بهالايام

اقتباس:

واذا ايا حدى حابب يسمي ايا ملف باي اسم مالو غير طريقة وحدة

بيفوت على الـ command prompt الي هي الدوز يعني
ويعمل بحث عن الملف على سبيل المثال con ويحذفه من السيستيم
ويرجع على سطح المكتب وقتها بيقدر يسمي الملف بايا اسم ورد فوق

ماعرفت شو ضفت انت لما قلت

اقتباس:

عبودي بالطريقة اللي ذكرتها مستحيل تعمل ملف أو مجلد بهاذ الإسم إلا عن طريق الدوز ..

يعني شو ضفت على حكي ماانا قلت عن طريق الدوز نفس الحكي تقريباً
بس حلوة طريقتك

على كل شكرا الك ولطريقتك الاعتيادية

Posted by: الألماسي

.
..
...

معلومات حلوه إكتسبناها من هالموضوع و من المشاركات

اللي أضيفت عليه..

بس لاحظت إنه مافيه توازن بين أهميه المعلومه و التفسير

بحيث إن التفسير أبسط من إنه يخلي المعلومه بهالأهميه

أو بهالحجم من الصعوبه و كأنه فيه حلقه مفقوده بالأمر..

كل الشكر و الإمتنان لزهرة المنتدى و الشكر موصول لكل

المشاركين على ماأضافوه من معلومات..

عذب التحايا للجميع..

...
..
.

Posted by: hosam abdulaziz

مرحبا جميعا
مع احترامي للجميع انا بأيد الألماسي
انه ليش لنضيع وقتنا بهيك امر و ايجاد تفسير و حل اله
عنا مليارات الخيارات لنسمي المجلدات فشو المعنى ندقق عند هالأسماء الممنوعة
و براي البحث عن اي معلومة اخرى هو اهم
و بصراحة كتبت ردي دون التفكير بهيك تجربة

Posted by: Desert rose

ولك 100 اهلا وسهلا
منيح اللي عبرتنا يا أبو الحيس
إنو سايرنا يا أخي إنت والصديق الألماسي ونورونا شوي عن هالمعلومة السطحية اللي مالازم نضيع وقتنا فيها .
وبعدين اذا حضرتكن عندكن جديد ومعلومات مهمة أكتر ياريت تضيفوها ...لنستفيد نحنا كمان من مخزونكم التقني .
ولا المفروض يكون عنا واجهة بالمنتديات إسموا منتدى التقنيات (( وبس )).

1000 شكر لكل من المشاركين وشكراً لكل اللي قدم مجهود للتحليل عبودي ..عيسى

زهرة الصحراء

Posted by: issa george

مساالخير عن جديد ..
عبودي : هالجملة هاي اللي ذكرتها هيي اللي خلطت الأمور ..(ويعمل بحث عن الملف على سبيل المثال con ويحذفه من السيستيم ) لأنو بتصور مارح تقدر تحذف الملف لأنوا من الأساس مارح تلاقيه ..

ألماسي : طريقة عرض المشاركة هيي اللي أعطت المعلومة هالأهمية ..يعني لو مرت ضمن موضوع تقني بتصور كانت مرت مرور الكرام ...

حسام :صدقني أنو القصة تمضية وقت مش أكتر مع شوية فضول ..وكسر روتين الماسنجر والمواقع والشغلات اللي تعتبر مفيدة ..

مع كل الشكر لسناء.

Posted by: الألماسي

.
..
...

مساء الخير للكل..

و الله ياغالين انا ماأدعي معرفه و لا أدعي فهم بشغله

ماأعرفها ، و كل اللي حبيت أقوله من خلال الموضوع و المشاركات

اللي كانت فيه ، إن المعلومه مادام صار تفسيرها سهل لهالحد

ماراح تكون بقدر الإكتشاف الا إذا كان التفسير الوارد بالموضوع

غير صحيح و بيكون فيه تفسير ثاني يعطي هالمعلومه الاهميه

من خلال تعقيده أو صعوبته..

مع عذب التحايا للجميع..

...
..
.

موقع زيدل سوريا حمص .. خدمات تشات و دردشة ... أرشيف المنتدى