الارشيف - صباح الخير سليمان

Pages: 1

صباح الخير سليمان
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

مش القصد قول صباح الخير
قد مالقصد قلك تنعاد عليك يارب تسلم لعيتلك وتسلملنا بألف خير
وبعدين صباح الخير وتنعاد عليك تعبيرين أتمنى يوصلوا احترامنا ومحبتنا لصاحب العيون الحلوين .

ولد في مثل هذا اليوم

sulieman safar

ياجماعة جد عيون سليمان لونهم غريب (( يخزي العين

)) يعنى ممكن نشوف كتير شغلات حلوة أهمها عظمة الخالق لو تأملناهم لوقت طويل .

كل عام وانت بخير سليمان تنعاد عليك وعلى كل افراد عيلتك بالبركة والخير

سناء ...طوني

Posted by: ABUODEE

Happy Birthday

كل عام وانت بالف خير خال
وان شاء الله بتفرح من ولادك
وان شاء الله هالسنة بتكون خير وبركة عليك وعلى العيلة
والبسمة الدائمة على وجوهكم

Posted by: mariam

والله سليمان كل ماكبر سنة بيحلا اكثر 000الله يخليك يارب وعقبال مية سنة 000
تحيتي لجميع عائلتك اللي عم يتحملو غزل البنات 000وخاصة الاخت نهلا 00انشالله بنشوفكن عن قريب

ملف مرفق 3346

Posted by: suher issa

الى العم الغالي سليمان
بتمنالك عيد ميلاد سعيد والله يخليلك خالتي نهلا ولاولاد وعقبال ال 100 سنة يا رب
كل عام وانت بخير

Posted by: samar dahi

كل عام وانت بالف خير عم سليمان ....الله يخليلك ولادك ...ويدملك نهلة الرائعة .....انا بعرفها لنهلة كتير منيح وكنت حبها وحب جمالها كتير ولكن لحضرتك ما بعرفك غير من خلال هالمنتدى ....واللي اعطاني صورة حلوة كتير عن شخص كبير بيناتنا وبيحبو الكل وبيحترمو ...وبحسك متل الأخ الكبير للكل ....(مع انو يمكن ما صار عمرك 40 ما هيك )
الله يطول بعمرك وعقبال المية سنة ....

Posted by: iyad tahhan

كل عام و أنت بألف خير عم سليمان
و عقبال المية سنة بالصحة و العافية
و انشالله تفرح من ولادك و تشوف ولاد ولادهم

و فرحتنا أكبر لما نشوفك جاي زيارة على الضيعة بالصيفية الجاي
تحياتي لك و لعائلتك

Posted by: RUSHA AWAD

والدهر كلو عم سليمان
انشالله بينعاد عليك كل سني وانتي بخير
وفوق راس ولادك والخالة نهلا
يارب تفرح فيهن وبشهاداتهن وانشالله منشوفك
عن قريب بأميركا أو سوريا

مع حبي واحترامي
رشاعواد

Posted by: بنت القمر

كل عـــام وانـــت بِألـــف
خيررر
سليمان صفر
ينعاد عليك بالصحة والعافية
يـــارب

Posted by: hosam danial

كل سنة وانت سالم
عم سليمان وأنشالله
عقبال كل سني
وأنشالله كل ايامك عياد وخير وفرح
ألك و لعيلتك المحظوظة بهيك أب
مني ومن ريما من قلك
كل سنة وانت سالم
ملف مرفق 3352

Posted by: عبير طبيقي

العم سليمان
ينعاد عليك كل سنة بالخير
h
a
p
p
y
b
i
r
t
h
d
a
y

ملف مرفق 3354

Posted by: sulieman safar

بصراحة كنت عم اتدلل وما بدي رد لحتى يصبح عدد المعايدات على الأقل مئة ولكن عندما نظرت لنخب العايدين علي وجدت ان كل منهم يساوي عشرة أو اكثر من أحسن ما يكون وفي أي سوق في العالم وجدت بأن المربح صار معي ولذلك :

ام ملحم:
قبل قبول عيد ميلادي وبكم يوم كنت متأكد تمام انو رح تذكيرني بكلمات الظريفة والف شكر لشخصك الكريم ولا تنسي تاخذلي كم بوسة من العم طوني والله يديمك لنا جميع.

الخال عبودي :
اكيد السنة رح تكون سنة خير بحيث انو نشلا بنجوزك وبنتخلص منك وأدام الله كل محب مثلك .

الدكتورة الغالية مريم:
بالفعل زعلت عليكي من حيث انك ما دعيتيلي صير جد عن قريب ورجعتيني غازولجي الله لا يحرمنا اياكي على هالدعايات الطيبة وبوعدك تمام انو الله يساعد اللي بدها تخلط غرلها على غزلاتي..

السهورة الأمورة:
ألف شكر على عواطفك الصادقة ولكن 100 سنة مع خالتك نهلا يا ريت ترحمينا شوي.

الصديقة الغالية سمر:
يا هيك تكون المعايدات يا بلا وما بتعرفي قديش شفت حالي على حالي عندما قرئت معايدك وبالصدفة كانت نهلا موجودي وهناك كانت شوفة الحال. نهلا تهديكي مزيد السلام ولكي محبتنا.

الصديق اياد.

الف شكر لك ومثل ما قلت للخال عبودي عقبال نتخلص منك هالسني وخلي الدبكة على الأول علي.

الغالية رشا :

نشلا نشوفك عروس عن قريب وفي اوستراليا كمان. مافي أي شك انك تحتلي مكان خاص في ذاكرتي على ما تملكين من محبة وجرائة واخلاص.

بنت القمر.
الف شكر لكي وخصوص على هالهدية الثمينة ولكي محبتي.

حسام الدانيال:
حسام انت مافي منك, حسب تقيم الصبايا , الف شكر لك ولريما .

اللصديقة عبير:
ألف شكر لتمنياتك العامودية والأفقية ولكي مني المحبة الدائمة.

اشكركم جميع من صميم قلبي على عواطفكم الصادقة واوعدك تمام اني في غاية السعادة مع الصراع المستمر في الحياة ومع العائلة وما دام الله يبعد مصايب الدنيا عن الانسان يبقى سعيد وهذا ما طلبه واتمناه لكم جميع .

ولكم محبتي.
سليمان

Posted by: hosam abdulaziz

للعم الغالي جدا سليمان صفر بقول باسمي و باسم رنيم ينعاد عليك بالصحة و العافية
و انشاء الله بتظل طول العمر بهالروح الحلوة المرحة لنحتفل بميلادك سنة بعد سنة

بس ما خبرتنا هل بعدك بتحتفل بهالعيد بطريقة مميزة او لولا سناء مانك فطنان بالقصة ؟؟؟؟؟؟

Posted by: a_aroush

حسام و انت السادق .. هو نسي شأد عمره مو بس نسي عيد ميلاده

كل عام و انت بخير عم سليمان و نشالله تعيّد كل سنة بخير و الدهر كله نشالله. خبرني سامي ابن خالي شاف سيارة اطفاء رايحة بيتكن , قال هكلان همك , قلتلو لاء ما في شي اليوم عيد ميلاده و يمكن أد مو مشعلين شمع بيكونوا الجيران فكرو في حريق .

هديتك عالعيد هي نكثة سماع : واحد ختيار غني تجوز وحدة صبيّة , لما ضلو لحالهن بقوضة النوم بعد العرس , و مرق فترة قاعدين بالتخت من دون ما يعملو شي , سألها ما علموكي أهلك شو تعملي هلأ؟ قالتله لاء . قلها مشكل و أنا نسيت

Posted by: angel

عم سليمان انا رح عايدك عن السنة وسنة الجاية لإنها ما عادت مطولة من كثر ماني مبكرة بالمعايدة ....
على كل بعرف قلبك طيب ورح تقبل معايدتي وماتخجلني ....
بتمنالك دوام الصحة والسعادة والرواق بصحبة الخالة الغالية نهلا والعائلة الكريمة ...وكل عام وانت بخير ...

بس في عندي سؤال محيرني وجوابه عند الخالة نهلا ..: بقولوا ..الرجل اما بكون سعيد بحياته أو بكون فيلسوف ... حسب ما تكون زوجته .... يا ترى شو السر إنو العم سليمان سعيد وفيلسوف ؟؟؟؟
بدنا الوصفة السرية ...
وانشالله تظلوا بخير ...

Posted by: sulieman safar

.............بس ما خبرتنا هل بعدك بتحتفل بهالعيد بطريقة مميزة او لولا سناء مانك فطنان بالقصة ؟؟؟؟؟؟
صدقاً حسام انك ضربت البسمار على رأسه من حيث انو بحياتي ما تذكرت عيد ميلادي لسبب ان الزمن والعمر سوية يبقو عبارة عن تتابع بالنسبة لي رغم وجود الكثيرون, من باب الحسد, من أمثالك وأبو عرعوش يودون أن يئكدوا لي باني كبرت في العمر. على كل حال شكراً على المعايدة اللطيفة وبتمنالك السفر العاجل لعند الغالية رنيم.
الغالي ابو عرعوش :
لو كنت موسيقار لكان عندك استطاعة على تقسيم الوقت في طريقة اصلية مثل تقسيم الأفكار. فرطنا من الضحك ادام الله البسمة على وجهك والف شكر .

الغالية انجيل :
الف شكر لكلمامتك الظريفة وبالنسبة للسر فهو بسيط جداً من حيث انو انا وخالتك نهلا لا نتفق على أي شيء ابداً وبذلك يبقى توتر دائم ما بين افقيات وعاموديات الحيات تجلب تناسبات جديدة اليها. ولكي ولأبو أندرو والشباب محبتنا.
كل عام وانتم بخير.
سليمان

Posted by: الألماسي

.
..
...

مع كل الشكر و التقدير لزهرة المنتدى لمنحنا هذه الفرصه

لتقديم التهنئه..

...
..
.

Posted by: Nada1981

مرحبا جميعا

اسفة كتير عم سليمان والله هلا لحتى شفت الموضوع, سوريا عاملة عمايلها معي

كل عام و انت و بخير وعقبال ال 100 سنة يارب

سلامي للخالة نهلة وللعائلة و الله يديمك فوق راسهم و يخليلك ياهم جميعا

ندوووش

Posted by: sulieman safar

الف شكر للصديق الألماسي على كلماته الظريفة وتبقى انت أكبر صاحب للحكم والحكمة واطال الله عمرك وعمر قلمك الألماسي.
الصديقة الغالية ندوش اكيد سمعاني بالمثل الانجليزي it is better late than never. وصدقاً اني مشتاق لأسمع ضحكتك المميزة . سلام كبير لبيت العم ابو عصام والف شكر الك.
اطال الله عمركم .
سليمان

Posted by: dream night

الصديقة ندى
أسف على التأخير بالرد
مواضيع اعياد الميلاد والتهاني معها سنين ..
كل أنسان فينا بينسى..
وكل واحد بيغلط بيجوز بالعنوان ..
وكل واحد له وضعه..
أنا هلق لشفت الموضوع
وحبيت عايدك من هون كمان.
والبسمة مرتسمة على وجهي لآنك كبرتي سنة ..
ورح قلك كل سنة وأنتي سالمة.
عقبال 100 سنة.

أن تصل متأخرا خير من ان لاتصل..

Posted by: wajdy barakat

اووووووووووف لكن اني اكثر واحد متاخر وعلى كلن ما صار شي المهم وصلت ولو متاخر منطالعها غير سنة ههههههه كل عام وانت بخير وعقبال 99.5 سنة والله يخليك لاهل بيت شمعة منورة وصاحب الحكمة بالمنتدى

Posted by: silva

ما قدرت مر على اروع العنوان ..وما هني احلى الجيران.. ياريت الايام تعود وابقى حد القمر سهران ..لكم احبتي اعذب تهنئة وبالهناء والسرور

Posted by: لونغ جون سلفر

يا جماعة ليش الغناني مش عمتشتغل في موقع زيدل؟ليشششششششششششششششششششششششششششششششششششش

Posted by: sulieman safar

من بعد الشكر الكبير للصديقة الغالية سيلفا على كلماتها الرقيقة الجميلة أقول للأخ لونغ جون سلفر بأن الأغناني ......... مش عمتشتغل في موقع ............ لسبب انو عيد ميلادي وهذا يؤودي الى تعطيل وعطلات كبيرة في كل شئ هههههههههههههههههههههههه.
ولك محبتي
سليمان.

Posted by: lamia

كل عام و انت بخيـــــــــــــــــــــــــــــــــــــــــــــــ ــــــــــــــــــــــــــــــر

موقع زيدل سوريا حمص .. خدمات تشات و دردشة ... أرشيف المنتدى