الارشيف - مبروك ولادة zaidal community

Pages: 1

مبروك ولادة zaidal community
(انقر هنا ان احببت مشاهدة الموضوع الاصلي بالالوان و الصور )

Posted by: RUSHA AWAD

http://www.zaidal.com/space/
مبارح ولد ابن لموقع زيدل الحبيب وسموه "لا تسألوني مين

" zaidal community
وفيكن تدلعوه "زيدل جونيور" , هلأ مو هون القصة شو اسمو , القصة إنو بتمنى
هالموقع يكون امتداد لموقع زيدل, امتداد للمحبة اللي بموقع زيدل, بتمنى يكون
مثل ماكان وبعدو موقع زيدل الحضن الدافي وملجأ للمشتاقين ليشوفو زيدل كيف صارت
يمكن شهادتي مجروحة بمصمم هالموقع الجديد بس كلمة الحق لازم تنقال بحق
حسام عبد العزيز اللي تعب واجتهد وسهر حتى يظهر هالموقع بأول ظهور إلو بهالشكل
الحلو والتقنية العالية ونصيحة مني والله مابتندمو سجلو من خلال الرابط الموجود بأول
مشاركتي وتأكدو إنو رح تلاقو اسماء لناس بتحبوهن, لناس بعدتكن الغربة عنهن, رح تلاقو
اسماء أصدقاء قدام, أسماء أهلكن وين ماكان بالعالم وبالنتيجة وانشالله هالشي يتحقق
ويقدر هالموقع يعمل تواصل بين أبناء زيدل والقرى المجاورة وكل سوريا بكل أنحاء العالم
حسام عبد العزيز لازم تتذكر انو "وراء كل رجل عظيم امرأة عظيمة"

وبالنهاية مبروك لزيدل موقع جديد

مع حبي واحترامي
رشاعواد

Posted by: بنت القمر

مبرووووك افتتاح الموقع
انشالله منو للاحسن
تمنياتي للصديق حسام
بالتقدم المستمر

Posted by: talal_alachkar

أنا كمان بضم صوتي و بقول مبروك المولود الجديد لموقع زيدل وعقبال المولود الحقيقي لحسام يا رشا و عقبالك بعريس ههههههههههههههههههه

Posted by: samar dahi

حسام شو بدي قول ماني عارفة ....الله يعطيك العافية على هالموقع الحلو ....هلق عن جد صار فينا نتواصل اهل زيدل مع بعض بالاغتراب والوطن .....يا سلام يا حسام اديش فكرة رائعة رائعة ...
قد ما قول بكون مقصرة بحقك ....
شكرا شكرا كتير كتير .....
وراء كل رجل عظيم امراة عظيمة ووطن اعظم .....ما هيك يا رشا ....رنومة ما في مثلها بالعالم ....وكمان اهل زيدل ما في مثلهم ...انا واثقة اديش رح يجيك دعم من اهل الضيعة يا حسام ....
ومتل ما قال طلال انشالله عقبال ولاة طفل صغير الكن يا حسام ورنيم يملي عليكم كل حياتكم ...
مبروك لكل اهل زيدل ب( زيدل جونيور ) على قولة رشا ..

Posted by: hosam danial

تحياتي الك خال
الشكر الك على جهودك
انت من زمان جهودك كبيرة بهالموقع
وكل مالها عم تكبر اكثر واكثر
بهنيك وانشالله لقدام .
ومثل ما عم تعطي هالموقع الله بيعطيك
السعادةوالخير بحياتك انت ورنيم
حسام وريما
ملف مرفق 3341

Posted by: mariam

وراء كل عظيم امراة0000
بس قولكن لو كانت رنيم جنب حسام كان بهالسرعة بحوش ونكوش على شي مثل هالموقع 0000والا كان ماطل شي كم شهر 00بس شو بدو يفش خلقوا يمكن الهاتف لحالو ماعاد كفى0000
يالله الله يقرب جمعتكن مع بعض ومايحرمنا هالافكار 000

Posted by: فاروق القدومي

احلى حسام...بالفعل مجهود رائع مشكور على الانجاز البطولي الي حققته....والله يطعمك صبي حبوب متلك....والله يخليلنا ياك بالمنتدى**

*قدومي*

Posted by: iyad tahhan

ألف مبروك و انشالله دائماً الموقع في تقدم
شكراً إلك حسام و يعطيك ألف عافية على الخطوة الجديدة
وكل الشكر لمن ساهم في هذا العمل

Posted by: sweet-w

الله يعطيك العافية اخ حسام

والف مبروك الموقع الجديد

وإنشاء الله بالتوفيق .. بكل خطرة بحياتك

Posted by: hosam abdulaziz

مرحبا جميعا
بداية بحب وجه شكري الكبير لكل من عبر عن رأيه بالوضوع و عن اعجابه بالعمل
حقيقة انا نسيت كل التعب اللي قضيته بالتحضير لهالعمل لسببين
الأول الأقبال المنقطع النظير من ابناء القرية على التسجيل معنا فور اطلاق السبيس
و ثاينا كلماتكم الجميلة بهالمشاركة اللي اثلجت صدري

اول شي بحب رد عالدكتورة مريم اللي قالت

اقتباس:

بس قولكن لو كانت رنيم جنب حسام كان بهالسرعة بحوش ونكوش على شي مثل هالموقع

و انا بقلك كلامك بمحله لأنه فعلا لو كانت هون رنيم لا كنا شفنا سبيس لا من يحزنون , لأنه رنيم بتعتبر لكمبيوتر هو ضرتها و بالتالي ما بقعد عليه ساعة بالنهار بطلوع الروح و اوقات بيضى اليوم بدون ما نفتحه.

هلق بنرجع للعظمة لقول رشا و سمر و البقية حول

اقتباس:

(حسام عبد العزيز لازم تتذكر انو "وراء كل رجل عظيم امرأة عظيمة ")

ما فيني انكر فضل رنيم عليي بطرح هالسبيس لأنها هي اللي كانت الملهم على هيك عمل
لأنه انا شخصيا ما زرت سابقا و لا أي موقع من هالشكل لا العالمي و لا المحلي او القروي
و بالتالي لا كنت اعرف شو هو السبيس و لا شو ميزاته الا ما قل و ندر

يوم من الأيام طلب مني رنيم الاذن انها تسجل بموقع سبيس لأنه مسجل فيه اغلب صديقاتها
انا بيني وبين نفسي ما كنت مقتنع بالقصة و قلت شو الها فائدة بس بالنهاية سجلت
بس مع مرور الوقت صرت اسمع منها على فلانة بعثتلي تعليق و فلانة نزلت صورة و فلانة حاطة غنية حلوة عملفها
فقلت بعقلي اصبح القصة الها شعبية فليش لنخلي ابناء الضيعة يسجلوا بمواقع غير للضيعة
و بعدها طلب مني كنان نزله هالبرمجية لأنه محتاجها بموقع بيخصه. و فعلا بلشت التجارب و البحث عن البرنامج الأفضل و الأكفأ
و بعد عدة تجارب استقرينا عالحالي , بس طبعا القصة صرلها اكثر من شهر بين تعديل و تطوير و تعريب لوصلنا لهالنتيجة و اللي بعد بدها شغل كثير .

اتمنى لهذا المولد فعلا ان يكون منارة اخرة في الموقع مثلما كان منتدى زيدل و ما يزال المنارة الأولى في موقعنا
شكرا رشا بنت القمر و طلال و سمر و الدكتورة مريم و اياد و حسام دانيال و فاروق و sweet w

Posted by: hosam abdulaziz

مرحبا عن جديد
نسيت اعزمكم تزورا صفحتي و تعطوني رأيكم فيها على امل انها تعجبكم
حسام بروفيل

موقع زيدل سوريا حمص .. خدمات تشات و دردشة ... أرشيف المنتدى