Pages: 1
ماهي امنياتك لسنة 2008؟
(انقر هنا ان احببت مشاهدة الموضوع الاصلي بالالوان و الصور )
Posted by: Nada1981
مرحبا جميعا
بعد عدة ساعات رح نودع سنة ال 2007 بأحزانها و أفراحها و نستقبل سنة جديدة الي كلنا بنتمنى تكون سنة خير و فرح و سعادة و حب و سلام على الجميع.
اليوم و قبل مانستقبل سنة ال 2008 حبيت اسئلكم:
ماهي امنياتك لسنة ال 2008؟
معكم الحرية تختارو على اي صعيد: اجتماعي, عاطفي, دراسة, شغل ..... الخ
انا طبعا رح شاركم بس لسى محتارة شو بدي اتمنى 
كل عام و انتم جميعا بألف خير 
ندووووش 
Posted by: hosam danial
ندوش كل سنة وانت سالمة وانشالله بتحققي كل امنياتك
وتكون سنة 2008 كلها فرح وخير عليكي وعلى الجميع يا رب
من امنياتي ارجع على زيدل ولو كم يوم احضر راس السنة
وارجع لانو الحقيقة ليلة الميلاد وراس السنة بزيدل
من الايام الي بتحسر عليها لانو احلى ليلتين
انشالله سنة الجاي بكون معكن
وكل عام وانتوا بخير
ملف مرفق 3312
Posted by: samar dahi
مساء الخير والحب والبركة لكل ابناء قريتي زيدل ولكل زائر لموقعنا ولكل عضو فيه ....
مساء البركة على ارضك الطيبة .....مسا الفرح والسعادة على قلب كل مقيم ومغترب من ابنائك .....
آخر مساءات 2007 اتمناه مساء مميزا مساء طيبا مساء لا ينسى لكل مغترب قضى وقته في ربوعك في فترة الأعياد ليرى جمال اعيادك ...ليرى لمة ابنائك المحبين ...
فلكل مغترب اتمنى ان ياتي في السنة القادمة ليعيش فرح العيد بين اهله واصدقائه ....اتمنى هذا لك يا حسام لانك تمنيته ....واسمحوا لي ان اتمنى امنيتي الخاصة في ان يكون اخوتي معنا في العيد القادم ليكون طعم العيد مميز كما عيدنا السنة بوجود احباء غابوا عنا كثيرا وعادوا اليوم ليكونوا معنا ...
اتمنى ان يعم السلام في قلوب جميع البشر ....ان يعم الخير في بيوت كل الناس ...وان يعود الفرح لكل بيت محزون ....ان تعود الابتسامة على وجه كل كئيب ....ان يعرف الجميع معنى السعادة الحقيقية لنعيش الفرح الدائم في حياتنا .....
وكل عام وانتم جميعا بالف خير ....وانشالله ليلة راس سنة حلوة .....
Posted by: mariam
كل عام وانتم جميعا بخير000
في اول صباحات عام 2008 اتمنى ان تكون مختلفة عن 2006 و2007 000
بتمنى امسح هالسنتين من ذاكرتي لانو اكيد اذا رح اشعر بفرح بعدهم رح يكون كبير بكبر الهم والحزن اللي شفتو هالسنتين000بتمنى يجيني فرح يغير هالسنتين الماضيات0000
وبتمنى مايتزعزع ايماني ولو للحظة 000لانو لولا هالايمان اكيد مارح اعرف الفرح000والهدوء والسكينة0000
وبتمنى للجميع السعادة والفرح0000
هذول ثلاث اماني حملتهن للسنة الجديدة بتمنى ماتخجلني وتحققلي اياهن0000000000
معقول يكون طلبي صعب0000انشالله لا
كل عام والجميع بخير
Posted by: Nada1981
مرحبا مرة ثانية
بتمنى من كل قلبي كل امنياتكم بتتحقق السنة هي.
امنيتي الاولة و الدائمة كل سنة بتكون الصحة و العمر الطويل للاهل جميعا, لانه بعتبر الصحة اهم من اي شي ثاني.
على الصيعد الشخصي كنت متمنية نربح الياناصيب السنة هي ( مثل كل سنة 
) بس للاسف هي امنية ما تحققت 
اما عن الامنية على الصيعد العاطفي اكيد مارح يكون عندي بما انه حاطة مثالي الاعلى للحياة: الي ب بيت اهله على اقل من مهله, بس رح غير فيها شوي و شيل كلمة اقل لتصير: الي ب بيت اهله على مهله و لنشوف السنة الجاي شو بنغير فيها 
بس في امنية كتير مننا بيتمناها هيي: يسمحولنا بتدخيل المعسل للاركيلة بمطار امستردام على راحتنا و مندون شروط بلكمية ملف مرفق 3314
حسام انشاءالله يارب بتحقق امنيتك السنة الجاي و لكل مغترب انه يقدر يحضر العيد و راس السنة بسوريا لانه فعلا العيد وراس السنة بسوريا غير تماما عن اي بلد ثاني, انا للاسف سافرت لعند اهلي قبل العيد بيومين, يوم 23-12, و مع انه كنت كتيييييير حابة احضر العيد و راس السنة بسوريا بعد ماصحتلي الفرصة بعد اكتر من 13 سنة, بس كمان الاهل الهم حق عليي وكان لازم عيد معهم و الحمدلله ماني ندمانة.
سمر انا رح ادعي معك لحتى تعيدي سنة الجاي مع اخواتك و كل الي بتتمني يكونو معك بأيام العيد وانشاءالله السنة الجديدة بتكون سنة خير عليكي وعلى العائلة الكريمة 
الدكتورة مريم بتمنى من كل قلبي السنة الجديدة تكون سنة فرح و خير و سعادة عليكي وعلى الجميع وتكون احسن من السنة الماضية لانه بتستاهلو تشعرو بلفرح بعد سنة الحزن الي مضت والله يبعد الحزن عننا كلنا.
تحياتي
ندوووش
Posted by: syria & joleat
كل عام وانتو بالف خير وانشالله بتكون سنة 2008 احسن من يلي قبلها وكل يلي عبالكون تحققو يتحقق خلال هالسنة يارب ...
بالنسبة الي اخي بكلوريا هالسنة وبتمنى انو يجيب علامات عالية بتسمحلو يدخل طب ... و بتمنى من كل قلبي كل شي منيح لحبيبتي سوريا لانو هي الوطن هي الام هي الحبيبة .....
وطبعا ما في حدا ما بيتمنى السلام العالمي وما بق نشوف دموع بعيون اي طفل شو ماكانت جنسيتو ...
وبتنمى انو يكون ربي رضيان علي طول هالسنة لانو رضا الرب والوالدين هو سبب التوفيق والنجاح..
وينعاد عليكون بكل خير انشالله
تحياتي _ ياسمين _
Posted by: RUSHA AWAD
اول شي نشالله تكون هالسنة سنة خير للجميع
ثاني شي, شخصيا عندي كثير امنيات يعني مثل كل الناس بس أكبر امنية بالنسبة إلي هيي
انو عيش هالسنة بهدوء وسلام وكون أقل توتر من سنة 2006 و 2007
بتمنى المفاجئات تكون أقل حتى ولو كانت مفاجأت ايجابية لأنو اكتفيت
من المفاجات وحالات الطوارئ الإيجابية والسلبية
بتمنى اني اتوفق بدراستي وضل بنفس الحماس اذا مو اكثر من الحماس اللي عندي هلأ
وأمنية أخيرة وانشالله يارب تزبط وهيي اني اقدر روح هالصيفية على زيدل "بس رح كون طماعة شوي واتمنى انو الروحة تكون شي شهرين" يالله حاج اليوم أماني موووووووو؟؟؟
مع حبي واحترامي
رشاعواد
Posted by: بنت القمر
كل عام وانتم بالف خيرررر
للجميع
اجت تمنياتي متأخره بس مو مشكلة بدي اتمنى
تمنياتي راح تكون على الصعيد العام
وليس شخصي او عائلي
بتمنى
بتمنى
بتمنى
يكفينا حروب داخليه
يكفينا قتل ابريااااء
بدنا نعيش يوم بسلام وآمان
تمنياتي لكل اعضاء المنتدى
سنة خيرر ع الكل واحسن من السنوات اللي مرت
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2008,
Jelsoft Enterprises Limited.
vB Easy Archive Final ©2000 - 2008
- Created by Stefan "Xenon" Kaeser
