المشاركة الأصلية كتبت بواسطة حكيم عيون

إسمع جوابي ولا تكون بْلا قرارْ........................ولولا الجواب سْمِعتْ مَ تردّ بقرارْ لمّا شعاع الشمس يجتاح المدى.................إهرب بسرعة وكون نجمات النهارْ =======================================

المشاركة الأصلية كتبت بواسطة جعفر حيدر

أهلا بالحكيم وأنا آسف بس بحب اتحركش فيك وأتعلم منك *** سمعنا جوابك بعد ما نطرنا دهر نازل هجوم ... بدال باقات الزّهر شعري نجوم الضّهر .. كحل عينتيك تا تقول شوّفتك أنا نجوم الضّهر

المشاركة الأصلية كتبت بواسطة حكيم عيون

ويننْ نجومَكْ قول دَخَلـَكْ يا هُمامْ...؟................مشْ عمْ يلالو لَ بنهار ولَ بْظلامْ والليْ بـِِلشْ بالحركشهْ بورديْ الغِفيْ .........عادي وطبيعي تنخزو شْوَاكْ الكلامْ ======================================

المشاركة الأصلية كتبت بواسطة جعفر حيدر

تسلم يا دكتورنا الكريم *** يا ريت أشـــــــواك الكلام ينخوزو هنّي الحلاوة ... النّاس فيها تلزّزو البيقول غير هالحكي رح بدعي عليه ومن كلّ قلبي بقول: الله يجوّزو

المشاركة الأصلية كتبت بواسطة حكيم عيون

بعدَكْ مثلْ ما إنتْ , لو عَنـْدَكْ غـَرَضْ................ مْتصلـَّبْ برأيَكْ , تَ يمشيْ وينفـَرَضْ الـْ بيخـَالفـَكْ بالراي, منْ اللهْ , حَرَامْ ............ تقسى و تدعيْ عْليهْ , يبلى بالمرضْ ==========================================

المشاركة الأصلية كتبت بواسطة جعفر حيدر

هِيّي الإرادة هيك .... من رحمانها صلبة ... الخلقها بالصرامة صانها مش متل فضلك زبزبة عا فبركة عا فزلكة .... عا دلعنة بميدانها

المشاركة الأصلية كتبت بواسطة حكيم عيون

لَ تكون قاسيْ يا غِصِنْ تا تنكَسَرْ..............خلـّيكْ مثل الموجْ ..لـُوْ مَدْ ..انحَسَرْ ومْن السياسهْ خود عِبرهْ بهالبلدْ .........كيفْ انكسرْ وارتدْ , الـي عْلينا جَسَرْ ========================================

المشاركة الأصلية كتبت بواسطة جعفر حيدر

يالله حياتك باللّيونـــــــــة هزّها وخود السّياسة وكول أنت رزّها وخلي إلي وقفة جريئة بالحياة وشو همني من بعد وقفة عزها *** المعذرة على التأخر بس العياد وغيرو وغيراتو

المشاركة الأصلية كتبت بواسطة جعفر حيدر

هالحبل داب من الليونة والخجل قسّوه تا يقطع رقاب على عجل حلو المثل متلي أنا .. ويا حسرتي هلق عا شكلك وين منلاقي مثل

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2009, Jelsoft Enterprises Limited.
vB Easy Archive Final ©2000 - 2009 - Created by Stefan "Xenon" Kaeser