الارشيف - تحميل الصور بشكل مرفقات و اضافتها للمشاركة

Pages: 1

تحميل الصور بشكل مرفقات و اضافتها للمشاركة
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

اولا :
نتأكد من ان الصورة المراد تحميلها مطابقة للشروط السموح بها في المنتدى و هي
العرض كأقصى حد 680 بيكسل
و الحجم 200 كيلو بايت كاقصى حد .

يمكن تصغير الصور بعدة طرق و برامج مثل فوتوشوب
او Microsoft Office Picture Manager و هذا البرنامج يأتي مع الأوفيس
او برنامج ACDsee الشهير

فنصغر ابعاد الصورة الى المطلوب عبر امر Resize
و نقلل من حجمها عبر ضبط image quality الى قيم صغيرة بين 60-80 %

ثانيا
بعد تحضير الصورة للتحميل
نختار من واجهة التحرير الزر التالي كما في الصورة
ملف مرفق 2613
او من الخيارات الأضافية كما في الصورة التالية:
ملف مرفق 2614
ننتقل بعدها الى نافذة التحميل و من قسم (رفع ملف من جهازك)
ننقر على استعراض حتى نصل الى الصورة المراد تحميلها
ثم نضغط رفع
بعد انتهاء الرفع نضغط على (اغلق هذه النافذة)
ملف مرفق 2615
ثالثا: ارفاق الصورة بالمشاركة:
طبعا يمكننا ان نتابع المشاركة دون أي تعديلات اضافية و بالتالي المرفقات تظهر في اسفل المشاركة على شكل مصغرات.

لكن اذا اردنا ان تظهر المرفقات بين سطور المشاركة نقوم بالتالي:
ننقر على زر المرفقات من صندوق التحرير كما في الصورة التالية
ملف مرفق 2616
فنلاحظ ان اسم المرفق الذي حملناه قد اضيف الى قائمة منسدلة و في حال اضفنا اكثر من صورة فستظر اسمائها جميعها في هذه القائمة:
نقوم بالنقر على الصورة المراد ادخالها بين السطور
فنلاحظ ان الكود التالي يضاف الى النص المكتوب
[AT TACH]××××[/AT TACH]

نتابع الكتابة ثم نكرر العملية من اجل مرفق آخر و هكذا

و عند معاينة المشاركة نلاحظ ان الصور قد اضيفت على شكل مصغرات بين السطور
و لمشاهدة الصورة في حجمها الطبيعي ننقر عليها.

رابعا:
يمكننا ادارة المرفقات الخاصة بنا من لوحة التحكم
لوحة التحكم ثم المتنوعات ثم المرفقات

ميزات هذه الطريقة عن الطرق السابقة:
ما اقصد بالطرق السابقة هو مركز رفع الملفات الذي كان يضاف الى المنتدى.
1 هذه تقنية من الشركة الأم , فمهما حدثت نسخ المنتدى ستبقى تعمل و بامان تام كونها مضافة من الشركة الأم , بعكس الطرق السابقة التي يقال انها قد تكون عرضة لاختراق المتطفلين.
2 يمكن لأي شخص ادارة ملفاته بسهولة و يسر من لوحة التحكم.
3 الأمر الأهم هو ان الصور ستعرض على شكل مصغرات متوسطة الحجم و بالتالي لن نجبر على مشاهدة كل الصور بحجمها الطبيعي
بل ستفتح بشكل مصغرات حجمها لا يتجاوز 10 كيلو بايت و هذا لن يؤثر كثيرا في سرعة التصفح.

اتمنى ان يكون الشرح وافيا و دقيقا .

Posted by: a_aroush

ملف مرفق 2617

عم جرب لشوف رح تزبط ام لاء

بس في سؤال ثاني كيف فيك تلغي الملفات المرفقة ؟ يبدو كمان هي الميزة ما عاد موجودة .

ملف مرفق 2618

شكراً للشرح حسام

Posted by: hosam abdulaziz

مرحبا عبد الله
انا دائما بنبسط منك كونك بتكون اول المنفذين لشروحاتي و غالبا ما بتنجح فيها

بالنسبة لموضوع ازالة المرفق فأنا نوهت انه هالشي بيتم عبر لوحة تحكم العضو
فيك تضغط عهالرابط

هلق وقت تفوت عقسم المرفقات من لوحة تحكمك لازم تبين كل المرفقات و فيك بعدين تعلم عالمرفق اللي بدك تحذفه و بعدين تعطي امر حذف كما في الصورة
ملف مرفق 2622

و هيك اتوماتيك المرفق معد يبين بالمشاركة في حال كان بيظهر في اسفل الصفحة

اما اذا كنت متبع الطريقة بظهور المرفق بين السطور فيفضل انك تروح عالمشاركة و تشيل هذا الكود
[AT TACH]××××[/AT TACH]

لأنه اذا ما شلته رح يظل محل الصورة الجملة التالية
ملف مرفق ××××

طبعا هي ما رح تظر بشي لو ما انشالت بس اذا ضغطنا عليها رح تطلع رسالة تقول انه هالمرفق غير موجود

بتمنى تكون وضحت الفكرة اكثر و خبرني اذا خيار ادارة المرفقات الخاصة فيك غير متاح عندك بلوحة التحكم

و شو رايك بالتقنية هي هل افضل من معرض الصور الخاصة القديم ؟؟؟

Posted by: ABUODEE

هل يا ترى رح تزبط هالمحاولة؟
الوووووووووووووووووووووووووووو
الووووووووووووووووووووووووووو تست تست

ملف مرفق 2625
والله كيّسة هالحركة والله ياابو الحس الله يعطيك العافية
ملف مرفق 2626

Posted by: a_aroush

هالطريقة أفضل بكثير من طريقة رفع الصور القديمة اللي بتاخذ وقت أطول تقريباً .

لكن سؤال .. ما رح جرب الغي اي ملفات هلأ . السؤال هوي لو عملت مثل ما عم تقول هل رح تلتغي كل الملفات المرفقة بالموضوع ؟

و إذا هيك .. هي مو شغلة مليحة و خصوصاً أن لو كان في ملفات كثير ما بدك تشيلها كلها و انما واحد بس منها .

Posted by: Nada1981

مرحبا جميعا

بتعرفو حسيت حالي عم اقرا موضوع اله شي كم سنة مكتوب, لانه انا صرلي كم سنة بلمنتدى و من اول يوم دخلت فيه و شاركت عم اتبع الطريقة هي و بتذكر مرة شرحت لحسام الطريقة هي, بس الظاهر انه كلعادة انا بعمل شغلات غريبة و بتكون صح

تحياتي

ندى

Posted by: Nada1981

بلأذن من حسام اسمحلي اشرح طريقتي بأزالة المرفقات بما انه انا بستخدم الطريقة هي من كم سنة

عبدالله اذا ضفت اي صورة او مرفق و بدك تشيله بتعمل تحرير للمشاركة و بأسفل الصفحة في مكتوب عند الخيارات الاضافية ---> اضافة الملفات ---> ارفق ملف بلمشاركة

ملف مرفق 2628

اذا كبست على ارفق ملف بلمشاركة وقتها بتشوف المرفق الي انت نزلته موجود هنيك و على اليسار في كلمة ازالة

ملف مرفق 2629

بتمنى يكون هدا الجواب على السؤال و اذا ماكان هو فمعلش لاحدا يعتب علينا لانه بنضل حماصنة بين بعض

تحياتي

Posted by: hosam abdulaziz

مرحبا جميعا
شكرا ندوش عالمساعدة بالشرح و كمان صار طريقتين لحذف المرفقات
طريقة ندى فعالة بحذف المرفق اذا المشاركة معروف مكانها بسهولة

و طريقتي منيحة لحذف المرفقات بسهولة اذا نسينا باي مشاركة حطينا المرفق
و فينا نعمل حذف جماعي كمان
عبد الله وقت تحذف ما رح ينحذف الا كل مرفق بنعلم عليه و ليس كل المرفقات دفعة واحدة

ندوش كلامك سليم حول قدم هالتقنية (من وقت حولنا المنتدى الى الجيل الجديد يعني من سنة و نصف تماما)
بس بتصور التقنية جرى شوية تطوير عليها خصوصا التحكم بالمرفقات من لوحة التحكم

و السبب اللي ما كان يدفعني اني اطحها هو اني انا كنت استخدم التقنية بشكل يدوي معقد
يعني كنت اكتب الكود يدويا
[at Tach]××××[/at Tach]
و طبعا حط بدل الأشاشرات رقم المرفق

و بهيك طريقة بعرف انه كثر ما رح يعرفوا يستخدموها
بس من كم يوم بطريقة الصدفة انتبهت انه في حال تحميل مرفقات بتصير ضمن القائمة المنسدلة و بيصير ينكتب الكود آليا مع رقم المرفق.
لهيك هلق و بناء عرغبة عبد الله بتحميل الصور وضعت هالشرح
يعني صحيح انا محسوب عليكم تقني بس اوقات في نكوشات بسيطة ما بكون منتبهلها.

برد كرر شكري لعبد الله اولا و عبودي ثانيا
و اخيرا ندى للدعم الفني .

Posted by: a_aroush

والله يا ندى هي الطريقة اللي كنت استعملها من قبل كمان بس العتب عالذاكرة .. يعني أنا متذكر هالخبار كان موجود .. و ظنيت كان بأسفل الصفحة لما منكبس عالتحرير المتقدم . يمكن لأني نادر ما احذف مرفق نسيت كيف .

شكراٌ الك و لحسام

Posted by: عاشق_الجوارح

شكرا على الشرح الجميل و الرائع و جاري التجربة
عاشق الجوارح.
ملف مرفق 2642

موقع زيدل سوريا حمص .. خدمات تشات و دردشة ... أرشيف المنتدى