الارشيف - باختصار00000رشا عواد بضلها بنت 18

باختصار00000الدكتورة مريم بتضل صاحبة أجمل مبادرات
شكر كبير الك دكتورة على هالمبادرة اللطيفة وبتمنالك كل السعادة والسلام بحياتك وتكون هالمبادرة مردودة بالمناسبات السعيدة "وحابي طالب الإدارة بتجديد الأرشيف كل سنة وحذف ارشيف السنة الماضية مشان سنة الجاي صير بنت 19"هههههه
اخي الغالي طلال, شو ولك أبو الطل قاعدي على قلبك ومالي خبرههههههههه بس وينك اللي بدو يبتلي بالأيام على مهلو, لحقان, انشالله بيلتم الشمل مع حبيبة القلب عن قريب وبتصير عنا هون ووقتها بكفيلك الرد.
عبوووووووودي, ذكرتي بمثل سمعتو من كم يوم "قال الجاجي حفرت وعلى راسها عفرت"
معك حق ماحسبت خط للرجعة بس بدك الحقيقة هالسنة كانت سنة شد اعصاب بالنسبة إلي يعني بقدر ما كان فيها توتر بقدر ماكان فيها لحظات من أجمل لحظات العمر وبكفي اني قدرت روح على سورية "ولو 10 ايام بس"
بس وحياتك احلى قعدة اركيلة عند البحرة هالصيفية "قول انشالله"
sweet-w
شكرا عالمعايدة الحلوة وانشالله بتقضي ايام سعيدة وفي حال كنتي عزابية عقبال فرحتك واذا متزوجة الله يخليكي لعيلتك ويكون السلام مالي بيتكن.
بنت القمر كلك زوق وشكرا على وجودك بمنتدى زيدل وعلى مشاركات اللطيفة وعلى فكرة ذكرتيني بصديقة كتبتلي معايدة "عقبال العشرين قرن وخمس ثواني" هلأ هدول الخمس ثواني شو رح لحق اعمل فيهن لهلأ ماني عرفاني؟؟
حسام, بتمنالك كل السعادة مع ريما ومع الأمور او الأمورة اللي جاي عالطريق وانا بعرف تماما أنو هالطفل رح يكون محظوظ بهيك أب وام
انجيل الغالية, كأنك عم تقري أفكاري ومارح زيد على كلامك أي شي غير تمنياتي إلك ولوسام بالتوفيق بغربتكن وانشالله هيك وبجاه أيام ميلاد السيد المسيح تقدري تكملي رسالتك كأم وكطبيبة وإنسانة بطيبتك مابتستاهل غير كل خير وسلميلي عالريس وسام وعايديلي الولاد وانشالله منسمع منكن الأخبار الحلوي على طول.
الأخ فاروق, دائما مميز بمشاركاتك بالمنتدى شكرا كثير على مشاركتك بقية اعضاء المنتدى بمعايدتي بتمنالك التوفيق
عماد, بتغيب وبتطول غيبتك عن المنتدى احيانا وعم نشتاق لمشاركاتك ولوجودك شكرا كثير والله يوفقك بايطاليا وانشالله بجتمع فيك بزيدل عالصيف "ماتنسى ها"
الألماسي, شكرا جزيلا مو بس عالمعايدة الحلوي وكمان على الألماسيات اللي دايما بتتحفنا فيها وانتي بتعرف انك من أهل المنتدى.
الاستاذ العزيز زياد, بتمنالك التوفيق والله يخليك لعيلتك وانشالله بتضلو بصحة وبخير "موبس عيلتك بالبيت وعيلتك بموقع زيدل كمان"
syria & joleat
تعرفت عليكي على صفحات هالمنتدى الغالي وانشالله بتصير فرصة حتى اجتمع فيكي شخصيا بتمنالك كل خير
اياد, شكرا جزيلا على تمنياتك اللطيفة تعيد كل سنة بخير انتي والعيلة.
العم ابو هاني, كلك زوق شكر كبير الك وللعيلة والله يخليكن لبعض يارب
سمر, صاحبة القلب الكبير والمحبة اللي بتقطع أبعد المسافات وصدقيني بتوصل. بشكرك من كل قلبي عالمعايدة ويمكن حلم مو أمنية انو تسمحلي الظروف قضي عيد الميلاد بسورية ويمكن ماقدرت كون مع كورال كنيسة سيدة النجاة بزيدل بس انشالله رح كون بكرا ليلة العيد مع جوقة كنيسة مار افرام بجاكسون فيل ويمكن فرصة توصلي معايدتي للكورال ومربين التعليم المسيحي ومعايدة كبيرة لسناء والأهل.
dream night
شكرا لإلك على لطفك وزوقك وانشالله نشاركك على صفحات المنتدى بالمناسبات السعيدة.
سهير, بنت خالتي موبس شكر عالمعايدة بالمنتدى وشكر كبير عالاتصال الحلو "اللي فيقني من صبحية الله"ههههههه"بس بالله ماتقولي أي ساعة" انشالله هيك بتجيبيلنا شي صهر غير شكل بس على شرط يستاهل سهورة الأمورة.
ندوووووش, اشتقتلك كثير ونسيت ايمت اخر مرة تصادفنا فيها بالموقع وكنت متأملة اني شوفك بسورية بهالإجازة الطويلة اللي رحتها "اي 10 ايام مانهن قلال" بس هالصيفية عطيت موعد للشباب والصبايا والكل معزومين على نفس اركيلة عند البحرة بالبيت عندي لهيك مارح اقبل منك أي عذر أو تأخير ولاتقولي ماصرلك خبر. يالله عاد نسيلي مبدأ "اللي ببيت اهلو على مهلو" وجيبيلنا شي صهر لهالمنتدى.
انانا, عجبني اسمي الجديد رشروشة الارموشة على كل حال محظوظة اختك الزغنوطة على هالأخت اللطيفة اللي عندها . واهلين فيكي بمنتدى زيدل وصعي شكرا على هدية العيد.
مادونا, في البحر على الأرض وفي الجو يعني لازم خبر اهل المنتدى انو مادونا كتبتلي عالسبيس معايدي وعلى موقع زيدل وبالهاتف وجات عالبيت بس كلو كوم وهالبالون اللي بيغني كوم. "صعي شو رأيك بمعايدة حسام مدنية مبارح؟؟؟؟"
ابونا جان سيف, هلأ قبل الشكر واي شي ثاني بدي افهم انو انتي ليش بتغيب وبتخلينا نشتقلك بالمنتدى بس يظهر انو الحق على اهل لوس انجلوس اللي ماخدين كل وقتك. يمكن العتاب دليل محبة "مو يمكن أكيد" انشالله هيك تسمح الفرصة ونلتقي واذا ماكان بلوس انجلوس بصير هون بجاكسون فيل شو رأيك؟؟؟ الله يخليك بصحتك وعافيتك لعيلتك بالبيت وبالرعية.
دكتور ماجد "حكيم عيون", صاحب القلم الشاعر والكلمة التي تطرق باب القلب وتدخل وليست بحاجة إلى استئذان اصلا
شكرا جزيلا لك وللعزيزة منى وانشالله بتقضو أيام كلها حب وسعادة.
عمادو, يعني مانسيت شي منوب من قالب الكاتو للفستان والحذاء, شكر كبير من جاكسون فيل من بنت زيدل الخضراء لابن الجارة فيروزة الخضراء وانشالله تعيد هالعيد وانتي بصحتك .