الارشيف - العماد ميشيل سليمان

Pages: 1

العماد ميشيل سليمان
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

قبل ايام وافق فريق السلطة في لبنان على ترشيح قائد الجيش اللبناني العماد ميشيل سليمان
والذي كانت المعارضه رشحته ليكون رئيس الجمهوريه

العماد ميشيل سليمان

المولد والنشأة
ولد ميشال نهاد سليمان يوم 21 نوفمبر 1948 بمدينة عمشيت بقضاء جبيل، ويأتي في التريب الثاني عشر ضمن من تولوا قيادة الجيش اللبناني.

وهو متزوج وله ثلاثة أولاد، وحاصل على البكالوريوس (الإجازة) في العلوم السياسية والإدارية، ويتقن العربية والفرنسية والإنجليزية.

حياته العسكرية:
تخرج من المدرسة الحربية برتبة ملازم عام 1970 وترقى بعد ذلك مرارا إلى أن صار عميدا. وفي 1973 رأس فرع المخابرات بجبل لبنان.
وبين 1991 و1993: أمين أركان قيادة الجيش اللبناني. فيما أصبح قائد لواء المشاة الحادي عشر بين عامي 1993 و1996.
وفي عام 1998 ترقى إلى رتبة عماد وعين قائد الجيش اللبناني.

ما هي مؤهلات ميشال سليمان للتوافق ؟

معلوم أن الدستور اللبناني ينص عى أن يكون كلا من قائد الجيش ورئيس البلاد من الطائفة المارونية ، وهي الطائفة التي ينتمي إليها الجنرال "ميشيل سليمان" .

وفي ظل قيادة سليمان ظل الجيش اللبناني محايدا تجاه الاستقطاب السياسي الذي تعرفه الساحة اللبنانية بين فريق 14 آذار (الأكثرية) وفريق المعارضة.

ويحظى الجنرال سليمان باحترام ودعم سوري وعربي،

ومما يدعم من موقف سليمان الفراغ الرئاسي الذي تشهده البلاد ، والذي يهدد الطائفة المارونية بمجملها، مما جعل التوافق على أي شخص (مقبول نسبيا) أمرا يسعى إليه الجميع.
وانتوا شو رأيكن فيه رئيس للبنان؟
أذا بدكن قصة حياتو بالتفصيل خبروني انا حطيتها بأختصار

Posted by: Desert rose

من الحاضر اللي أنا في ومن واقع عايشتوا لحظة بلحظة بشعر بإنوا العالم الخارجي مهتم أكتر لتسريع عملية إنتخاب رئيس للبنان .
يعني بالرغم من هالفراغ الحاصل بالمنصب الرئاسي إلا إنو حركة الشوارع والأسواق ما اتغيرت بتاتاً...برئيس وبلا رئيس ...والشعب عايش على مهلوا و مشغول بقدوم الأعياد أكثر من الرئاسة .
ولكن هالشي طبعاً مش دليل خير لمستقبل قريب مطمئن ...وخصوصاً بإنو كل جلسة عم تتأجل ليوم آخر .
عم تسألنا رأينا إذا العماد ميشال سليمان شخص مناسب للرئاسة ..الجواب بكل بساطة العمادسليمان شخصية فذة بالوقت الحالي ومؤكد صار بإنو صار الإسم المعتمد القادم لهاالبلد ولكن المهم يضل شخصية فذة ليقدر يدير شؤون هالبلد بصدق وأمان .
مافينا نهضم حق بعض الشخصيات اللي كانت تستحق أيضاً استلام هالمنصب من دون تسمية ولكن ماباليد حيلة (( العماد سليمان يعني العماد سليمان )) .
رجعتني ياحسام بالذاكرة لـــ9 سنين عند ما انتخبوا الرئيس لحود (( معتر هالزلمة استقبلوا بالعز والرز.. و....ودعووووا بالوخز والنخز

)) !!!
فإنشالله التاريخ مابيعيد نفسه مرتين ... ليبقى عنا رز بالبلد ؟
.
بيبقى أملنا كبير باكتمال النصاب يوم السبت لعدم التأجيل مرة أخرى ربما الله بيهديهم وبيصير عنا رئيس قبل نهاية هالعام .
شكراً حسام (( يعني مش قليل إهتمامك بأخبار لبنان مع إنك بأميركا ...من المحبة مش هيك

))

زهرة الصحراء

Posted by: مدين الغضه

اني أعتقد ان العماد سليمان أفضل من يشغل الكرسي الرئاسي لانه معروف باخلاقياته العاليه
وحبه للوطن وهذا هو الاهم
فالحب الحقيقي للوطن هو الازمه الكبيره في لبنان حاليا"

Posted by: Desert rose

أخ مدين المشكلة أن الجميع حسب إعتقاد البعض يدعووووون حب الوطن .
الرئيس السابق إميل لحود كمان كان معروف بحبوا للوطن (( ولوووو )) لذلك دلللللوه وهللو لحضوره .
ولكن بعد وقت استوضح الشعب بإنو إنسان لايمت بصلة للوطنية ...يعني حاكمك ربك.
لذلك حبيت سجل حضور بها المشاركة ...ربما بيخذلني التاريخ وبيضل الشعب عايش بعز وعم يرشق العماد سليمان بالرز

زهرة الصحراء

Posted by: hosam danial

شكرا لردودكن
بس السؤال :
هل من المعقول انو يطلع مجموعة من الاشخاص
يعارضوا هالزلمي لانو انتخب بطريقة
غريبة يعني (عالسريع)من شان يغطوا على الوضع الحالي
ومن غير شر معقول يكون معرض للاغتيال
انا هالزلمي صراحة عجبني
وبتمنى انو لبنان ترجع لبنان الي منعرفها بدون هالشوائب
الموجودة فيها امثال ؟؟؟؟؟؟؟؟؟؟؟
بدون تعليق

Posted by: the eagle

انشالله بيكون عند حسن ظن الكل ويريح هالبلد يلي عانى وما يزال يعاني من الحروب وتصفية الحسابات

موقع زيدل سوريا حمص .. خدمات تشات و دردشة ... أرشيف المنتدى