الارشيف - أبجدية العشق(غزل)

Pages: 1

أبجدية العشق(غزل)
(انقر هنا ان احببت مشاهدة الموضوع الاصلي بالالوان و الصور )

Posted by: عمر بن أبي ربيع

(غزل ) أبجديـــــــــّة العشق...

رفــّي .....
على جوانح حــلمْ
يا زنبقة هالكون......
و تحلــّــــــــــــــــــــــــــــــي...
و ضُـمـّي
لغـُمرين الدّفا
قلبي اللي شاب
من التـّعب و الهــمّ و القلــــّة...

يا حبــّة اللولو
و معتــّقة من سنين...
يا سراج عمري
الـ ماانطفى
و ما بينطفي تخمين....
حُسن القمر
ينقص على مرّ
الشهر...!
إلا جمالك يا غزل...
دايم على الهلــّــــــــــــــة....!

حلـّي الضفاير
دهبْ...
و ميلي...
عــ َميل القصبْ...
يا أبجديــّة عشق
من قبل الدّني
ما تكون..
طاب الجنى
من مبسمك
يا طـِيْــب هالغلــّـــــــــــــــــة....

و النـّون
حرف ارتسم
حاجب تحت غرّة
مِحـْـني
متل سيف العرب..
طعم العطش
مرسوم عـالجرّة...!
و العين
كوثر عسلْ
عا دقــّة المهباج
ينده
على بنّ اليمن
مصمــــــود بالســّلــّــــــــة....

و الصدغ
حرف الواو
و الشعر انسكب....
متل الدهب
مسكوب
بصواني حلب
و غمازة الـ عالخدّ
عم تنطر حلا
حبــّة عنب....
عنقـــــــــود متدّلـــــــــي....

ما بشبـّهـِكْ بالورد...
و الورد رح يفنى...!
و لو صار و مرقتي
بدنيا البشر
شي نهارْ
بيفكروا أنو الــ مرق
من جنبهن عطــّارْ
ولو تقشعْ
عيون النسا حُــسنـِكْ
ما كانوا قطــّعوا
ديهن....
كانت عيونن عـِمـِتْ
من روعة الطــّلـــــــة....!

مهداة لابنتي غزل
شريان عشقي اللا منتهي

د محمود إسماعيل خليل

Posted by: tony daboul 21

كلمات رائعة بالفعل
شكرا لك أخي الشاعر عمر
لكن نتمنى أن تفصح عن اسمك الطيب الجميل
لكي نناديك به
وشكرا لك مرة اخرى
tony daboul 21

Posted by: عمر بن أبي ربيع

الأخ طوني المحترم شكرا لمرورك الثر
أما بالنسبة للإسم الصريح فهو في نهاية القصيدة
منذ البداية تعودت أن أنشر باسم شاعر الغزل الأول عمر بن أبي ربيعة
في أكثر المنتديات و هذه عادة قديمة و لكن في نهاية النص أضع اسمي الصريح
د محمود إسماعيل خليل
مع محبتي

موقع زيدل سوريا حمص .. خدمات تشات و دردشة ... أرشيف المنتدى