Pages: 1

►▓ ما هي شركة تصنيع الحاسب المفضلة لديك ▓◄ لـلـنـقـاش

(انقر هنا ان احببت مشاهدة الموضوع الاصلي بالالوان و الصور )

Posted by: tony daboul 21

أخواني وأحبائي في منتدى زيدل الغالي
سنقوم اليوم بمناقشة جدية جديدة في افض شركات تصنيع الحاسب و ملحقاته
و ستختارون الشركة الافضل في نضرك من تلك الشركات و ستناقشوننا في سبب اختياركم لها
و نتمنى ان يكون نقاشكم جادا و مميزا و هادفا

يسرنا أن نتناقش مع بعض موضوعا بعنوان:
ما هي شركة تصنيع الحاسب المفضلة لديك و لماذا


سنناقش اليوم معكم افضل شركات تصنيع الحاسب و ملحقاته في نضركم
و الشركات التي سنتفضل احدها هي :
شركة TOSHIBA
شركة SONY
شركة DELL
شركة HP
شركة COMPAQ
و ما اخترنا هده الشركات الى لأنها الاقوى في مجال التصنيع



اسئلة للتسهيل النقاش و البث فيه اكتر ارجو وضع اسم الشركة التي تحب
1/لمادا تحب تلك الشركة
2/ما هي الاشياء المميزة في صناعات الشركة
3/ما هي عيوب صناعات الشركة
4/بما تتميز صناعات تلك الشركة
5/هل هناك منافس لهده الشركة في نضرك و لمادا


اسئلة مميزة نتمنى الاجابة عنها
منكم فقط ولكم فقط

بالتوفيق لكم جميعا

tony daboul 21


Posted by: tony daboul 21

وينكم ياجماعة
والله فاجاتوني بردودكم ومناقشاتكم بغير مواضيع
ناقشونا شوي
لنستفيد من خبراتكم


Posted by: hosam abdulaziz

صدق يا طوني هالموضوع بده شوي اختصاص ليتناقش فيه و السبب هو
1 انه جميع الكمبيوترات بسورية هي تجمع تجميع و بالتالي الجهاز ممكن يكون في 10 شركات مجتمعة ليبصر النور و هيك بيصير صعب عالمستخدم العادي يعرف شو نوع جهازه

اما اذا كنت بتقصد الكمبيوتر المحمول
فهذا عدد المستخدمين اله ما بيتجاوزا 5 % بالقرية و بالتالي ما عندهم اي اطلاع عليهم.

انا شخصيا بعد تجربة شخصية بشراء المحمول , سألت كثير و بجميع المحلات الالكترونية الضخمة بالسعودية
و كان اجماع الجميع انه توشيبا هي الأفضل بدون منازع و من مبدأالنصيحة بجمل ما ترددت بشراؤه و فعلا كان على قدر الثقة بالأداء.

اما عن العيوب فما شفت شي منها بعد بس سمعت انه التوشيبا علتها بكونها ما بتقبل قطع الشركات الأخرى كبديل و انما حصرا التوشيبا و هيك بيتحكموا باسعار غالية للبدائل
فمثلا اذا انضرب الهارد ديسك ما فيك تحط الا هارد توشيبا بدلا عنه


بس بكرر انه الصناعة قوية لهالشركة و لهلق بعد سنتين من الأستخدام (الطويل جدا يوميا) ما صار معي اي مشكلة بالجهاز و ادائه بعده متميز.


Posted by: Kinan

عزيزي طوني مثل ما ذكر حسام انو عنا بالضيعة مستخدمين الاب توب كثير قلال اذا كان قصدك بالماركات على اللاب توب اما من جهة الديسك توب فا اقوى شركة او نقول شركتين هني IBM و DELL
اما من ناحية اللاب توب فا شي ثاني
اقتباس:
1/لمادا تحب تلك الشركة
2/ما هي الاشياء المميزة في صناعات الشركة
3/ما هي عيوب صناعات الشركة
4/بما تتميز صناعات تلك الشركة
5/هل هناك منافس لهده الشركة في نضرك و لمادا
انا رح احكيلك على خبرتي لانو اشتغلت ببيعهون حوالي سنتين

الشركات حسب رأيي من الافضل هي
SONY
TOSHIBA
DELL
HP
COMPAQ
وفي شركة قوية كثير بس مانها متداولة كثير من ناحية اللاب توب و هي ASUS بيجوز لانها غالية شوية

SONY من افضل الشركات و احسنهن ولاكن مشكلتو انو غالي كثير
TOSHIBA كانت ممتازة جدا بس لانو كان يجي تصنيع المانيا اما اخر 3 سنسن صار كلو صيني بس مع هيك بعدو ممتاز جدا و ما تغير الاداء تبعو وسعرو مناسب
DELL كمان شركة عريقو و اجهزتها ممتازة و الحلو فيها انو بعدها لهلق تجميع ايرلاندا يعني بيضل افضل من الصين مع العلم انو بتلاقي فيها بعض القطع من تصنيع توشيبا
HP جهاز سعرو منافس جدا و شكلو بيطير العقل و مواصفاتو ممتاززززززة يعني بس تشوفو بتقول هاذا هوي احسن من هيك ما رح لاقي بس المشكلة بعد فترة بتلاقي انو الجهاز صار بطيء كثير يعني ممكن توشيبا او ديل بنص مواصفاتو يكون اسرع منو
COMPAQ نفس HP تماما لانو HP اشترتها من فترة يعني بس الاسم و الشكل بيختلف اما المضمون واحد

بس بنهاية الشي نصيحا اذا عم تفكر تشتري لاب توب خوذ توشيبا اما
اذا بدك دسك توب فا افضل شي خوذ تجميع بتجيب المواصفات على كيفك و السعر اكيد النص

بتمنا كون كفيت ووفيت و اذا في اي سؤال ثاني انا جاهز


Posted by: الألماسي

.
..
...

أنا أتفق مع الأخ حسام عبدالعزيز بأن توشيبا هي الأفضل

بالنسبة للأجهزه المحموله و هذا الكلام مدعوم بتجربه طويله

مع هالنوعيه و ماشفت فيها الا جودة الأداء و قلة المشاكل

الفنيه..


سبق و أن جربت دل و أيسر و hp و ماكانوا على نفس المستوى

من الجوده ، بحيث إن دل معروف عنه مشاكل تقنية التهويه على

الهاردسك بالإضافه الى مشاكل الشحن و البطاريه سريعة العطب..


و عن أجهزة ايسر وجدت فيها فقدانها التدريجي و الملحوظ لسلاسة

الأداء و دقته بحيث يفقد الجهاز معظم قدراته على الأداء السريع و تبدأ

مشاكل التطبيقات بالظهور..

و نفس المشكله بالنسبة لـ hp حيث يصبح الجهاز بعد أشهر من إستخدامه

بطيء الإستجابه و كثيرا ماكنت أواجه فيه مشكلة التعليق..


أما عن جهاز السوني فلم يسبق لي تجربته ، لكني أسمع أنه الأفضل

عالميا و الأغلى تكلفه..


و عن الأجهزة المكتبيه فلا يمكن تحديد نوعية معينه لأنها تعتمد غالبا

على عملية التجميع ، بداية المعالج و إنتهاءا بالملحقات التكميليه..

لكن المستخدم يستطيع الحصول على الأفضل بإنتقاء النوعيات الأصلية

الصنع و المضمونة الأداء..


كل الشكر لك tony daboul 21 على إثارة هذا الموضوع..

...
..
.



موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser