الارشيف - مسرحية غربة

Pages: 1

مسرحية غربة
(انقر هنا ان احببت مشاهدة الموضوع الاصلي بالالوان و الصور )

Posted by: talal_alachkar

رايتي السودا الحزينه

خيمت فوق المدينه

نارحزنٍ ماطفـاها

بحر طوفان السفينه

من أروع ما قدمه الفنان الكبير دريد لحام في مسرحية غربة عن المغتربين والغربية
شوق و أمل و عذاب و حرمان و شقاء و ألم و ذل و تعتير و خيانة ...........
كلها أحاسيس و مشاعر بمر فيها المغترب وهاذ شعور لا يشعر به سوى من جرب الغربة أو كما وصفها أبونا جورج مصيص بالإنتشار .

يا ترى هل ها المشاعر بشعر فيها الي عايشين في البلاد كمان

يعني هل صدق كاتب مسرحية غربة عندما قال
الغريب الي بيشعر أنو ببلده غريب .

سؤال للجميع ومناقشة وضع الشباب الي عم تحاول تسافر وتترك كل شيئ ورائها .

Posted by: dream night

الله يساعدنا على الغربة
الله يساعد أهل المغترب
يكثر خير الغربة اللي عم تساعدنا حتى نقوي حالنا وتقوي أهلنا حتى يقوموا بحالهم
في مثل بيقول: الفقير بوطنه هو غريب ومغترب
وهيدا سبب غربتي وغربة اغلب اللي هاجروا
انا مع الغربة للي محتاجها وضد كل انسان قادر يعيش وقادر يكون حاله وبيغادر بلده بس .....
لو بلادنا قادرة تحوانا كنا صرنا وصارت البلاد اللي نحنا فيها يهاجروا لعنا مش يكون العكس صحيح.
عذرا منك يا بلدي

Posted by: fr george massis

طلال ميت السلامة واهلين بالصهر وكمن بنرحب باخونا حلم الليل ما بعرف ترجمت صح ؟؟
الغربة كلمة صغيرة كبيرة واذا الحديث على مستوى المشاعر فأنا اكيد لن نوصل لنهاية واذا عن واقع معاش ودوافع فهي بلا شك كثيرة ولكن من هو الغريب ؟ ذالك المهاجر المنتشر في بقاع الأرض الواسعة ام ذالك الشارد التائه العاطل الحزين في بلده يقاسمة اهله وامه اهات تابى السكون!!!!!!!!!!!!!!!!!!!!!!!!!!!!
انا بدي احكي عن جيلنا المدرسي يعني مواليد 1976 شبيبة طويلة وعريضة واذا ما بالغ اليوم ما بيتجاوزو اصابع اليدين الأشخاص يلي بقيوا بزيدل والباقي كلو مسافر فياترى مين يلي بغربة في كثير اشخاص بقولوا وببلشوا يشعروا بالملل في النصف الثاني من الاجازة الصيفية وانا بفهم هالشي ياهل ترى مانوا مبسوط بين اهلوا وليش هالملل؟؟؟؟؟؟؟
منهم من جاوب اي اشتاق للم المصاري بزيدل بس في صرف ؟؟؟؟؟؟؟ مو غلط الانسان يقلق على مصالحوا وعملوا وسبب رزقه بس اكيد مو المصاري هي السبب لنو هذا تعب ايام وليالي وثمرة قهر ومرارة لازم تحافظ عليه.............
انا شخصيا الاب جورج بشعر بغربة بزيدل وهذا تصريح علني مع حبي واحترامي لكل اهل زيدل ولكن هذا شعور وغالبا المشاعر الصادقة تفسر بطرق مختلفة غير قابلة للترجمة بلغة مكتوبة وللحديث تتمة
والله معكم..............................

Posted by: talal_alachkar

أهلا أبونا جورج
لم أصدق أن أبونا جورج يشعر بالغربة في زيدل
{ يا جماعة أبونا جورج وقت الي بيجي على زيدل كلها بتنور صدقوني سألوني انا } في إحدى المرات كنت أزور أبونا جورج و إذا بأبونا الغالي رامي قبلان يأتي و بعد قليل و إذا بسيدنا الغالي جورج كساب يأتي أيضاً و امضينا أمسية من أروع الأمسيات تارة في حديث ديني و تارة في حديث زيدلي { ولساك بتقلي أبونا أنتى غريب بزيدل }
أبونا جورج أنا أستغرب السبب الذي يجعل ممن يأتون لسوريا في إجازة و بعد إسبوع يقولون أنهم قد ملو و يرغبون بالعودة .
أنا لدي إبن عم عندما يأتي لايصدق متى يرجع .
أنا العكس عندما اعود للغربية لا أصدق متى أرجع لسوريا .
ربما عاطفتي القوية تجاه أهلي و أصدقائي و قريتي .
ولكني لأم أجد السبب عند الاخرين ، لاأظن انه مهما كانت حياتهم المادية في غربتهم جيدة تعوضهم عن كاسة متي بين الاحباب ، عن سهرة بين الأصحاب ، عن فنجان قهوى عند الجارات هههههه { للمزح } أه قصدي عند الجيران.
هذا كله نفتقده في غربتنا و لا أظن أن المال يعوض عن بعد الأهل و الاحباب .
شكرا

Posted by: dream night

ليس اجمل من قضاء الاوقات بين الاصدقاء والاهل
حال المغتربين ليس كما يعتقده كثيرون يصبهم الملل لانهم يريدون لم مصاري
لان المغترب عندما يذهب اجازته لسوريا يختلف معه كل شيء من فرق التوقيت ,النوم, نوع البشر التي كان معتادا عليهم يوميا في عمله يعني الروتين بينكسر عنده الروتين اليومي الذي كان يعيشه في الغربة يختلف في البلد مما يؤدي به الى الملل . في الغربة يستيقظ في الصباح ويذهب الى العمل ويعود مساءا الى البيت (غسيل وطبخ وجلي ...) ثم الى الفراش من شدة التعب.اسالوني
في البلد مش معروف اي ساعة بينام ولا اي ساعة بيصحى بيجي لينام بيندق الباب وبيوعى الغدا بيكون الساعة تنتين بيصير الساعة ستة المسا والفطور بعد نص الليل والحمام على مجيء الكهربا وخصوصا بالصيف والضيف اللي يزورك مجبور تقعد معه وتنسى مواعيدك لانه ضيفك وجاي يسلم عليك .اول اسبوع استقبال واخر اسبوع توديع .....
مع كل هالشيء مافي احلى من البلد وفنجان القهوة مع اللي بتحبهم بيسوى الغربة ومافيها
اسال اي شخص يعود بعد اجازته من البلد الى بلاد الغربة كيف صارت اموره في الغربة سيعطيك نفس الاجابة بادئ الامر ويقول ملل ثم يعتاد على هالشيء .يعني الملل وين ماراح الشخص راح يلاقيه امامه..
بالنهاية مع كل هالكلام اللي بنقوله دوما عنا تناقضات بحياتنا حتى انفسنا مش ملاقيين حل لها....

الرب يوفقنا جميع ويخلينا نروح كل سنة للبلد ونمل شوي معليه بس بنرتاح كمان من شوية تعب وخلي هالمصاري اللي بجيوبنا ماتعفن بغربتنا خلي غيرنا يحس بطعمتها كمان(( لاتدققوا على كلامي))

Posted by: fr george massis

يعني يا طلال وقت الحكيت عن الملل مو من موضوع الضيوف والزيارات وانو الوقت مو معبى على العكس قد مالوقت معبى اي بيطلع خلقك وبتشتاق لروتين حياتك السابق...........
وللأخ حلم الليل حلوة الأحلام بس الواقع احلى بكثير يمكن انا لأنو كل سنة بروح على سورية بيخف عندي قوة شعور الغربة ويمكن لأنو حياتي هون بالبرازيل مليئة بتعرف انا خوري وصدقني انا بشتاق لرعيتي اكثر من اهلي وتأكد ماني عم بالغ ابدا هون يوميا بقابل مئات الأشخاص حياتنا صارت مرتبطة بشكل غريب وهون ما عندي وقت لفكر بغربتي وهون عن اكبر بمشاعري وانسانيتي وحبي وتواضعي
ما بعرف اذا عم تفهموني لأني بصراحة مليت من حكي وحررة اهل زيدل على الطالع والنازل لحتى صار لازم نصرخ النجدة لأنو الفراغ رح يموت اهل هالضيعة وبيصير الآخر علكة بثم الناس وممسحة بين الرجلين بتجي بتعطي رايك فورا وبلا احم ولا دستور اي حاج عاد شيل اجنحة هالملايكة عنك وحاج عاملنا قديس وحاج .......................
مثلا انا ككاهن لي حق كل سنة باجازة واكيد قبل ما فكر باي مكان زيدل هي اخياري المفضل لأني بحب التقي باهلي ورفقاتي واحبتي الخ..............
انا هون ما بلس لباس الكاهن ابدا لا انا ولا غيري وصرت مرتبط بواقع مناخي ما بيسمحلي اتعرض للشوب ابدا وهنيك بالضيعة اكيد بعمل زياراتي بلباس محتشم ومرتب بس الناس بتحكي وكانوا الكاهن بجبتو انا ماعم اتذمر بس عم اشرح واقع حال طبعا انا مابرد ولا مستعد اني رد بس بتحسس فوين مستوى الوعي والحب والشوق يلي بنحملوا معنا وشو بنلاقي
وبعدين يا مساكين بتتعبوا اليوم كلو وبتجمعوا مصاريكم واذا فكرتوا تنبسطوا شي شوي يعني على القليلة ضريبة الغربة تبعكم بتسمعوا حكي شي بطعمي وشي بلاطعمة اي شو هذا شي بيجنن وما بينحمل ابدا ...................
يعني بنشتهي نشوف شي معرض حلو شي امسية حلوة ولك حتى السهرات الواحد بيحط دم قلبوا للعالم تسهر وتكيف قال بيروحوا ساعة زمان وفركش شو تعبانين والله ناقص الواحد يحط شي 50 $ بكل كرت عرس لحتى نشارك بعضنا الأفراح .............
والحديث ما بيخلص وله تتمة
والله معكم

Posted by: sulieman safar

ليك ابونا اذا بدك تضل تحكي هيك على أهل زيدل بدي شغل واستطي بالضيعة واشحنك على شي قرية ثانية يعني لعند الفوارزي( كونها أقرب قرية والمكاليف بتكون قليلة) والسبب لذلك واضح جداً وهو بأنك تحكي عين الحق ومن يحكي الحق ويتعامل في حقيقية الأمور لا كان ولا صار ولا يصبح عملة تصرف في قرية زيدل. أنا من الذين يملون من زيارة زيدل بعد اسبوع أو اسبوعين وليس عندي تلك الرغبة في زيارتها باستمرار رغم اني أعرف نفسي تمام وعلاقتي الطيبة مع اقربائي وأصدقائي في القرية والمحبة الشديدة المتبادلة من الطرفين والسبب لذلك هو بأن العلاقات العضوية بين الناس لقد تفككت وأصبحت علاقات مبنية على المظاهر والصرف والبخج والفشخرة( يا ريت فيني لاقي صفات أقوى من هيك) من تحت مبرر واحد وهو بأنه لا يوجد عندنا وسائل للدعاية لأنفسنا سوى المظاهر الخارجية وبنفس الوقت تبقى أكبر وسيلة للتنكر عن واقعنا الحقيقي. أي يعني القيم الحضارية التي ورثناها أبًا عن جد مثل الأدب والحشمة ومشاركة الفقير ومساعدة الجار ومساوات الناس بالمشاعر والمادة ما والا اختفت كلياً على العموم.
رغم اني أتفق مع ابونا في كل ارائه لكني أختلف معه في رأي واحد....... بنشتهي نشوف شي معرض حلو شي امسية حلوة ......... بصراحة أبونا يمكنك عم تمشي بالضيعة وعيونك مغمضة. الضيعة بكاملها عم تنقلب لمعرض سيارات وأزياء من كل الأنواع ولكنك ما عم تنتبه لأنك موضة قديمة.
ولكم محبتي .
سليمان

Posted by: talal_alachkar

أبونا جورج
أنا بحييك على صراحتك و صدقني كثيرين يدعون القداسة ولكنهم في الداخل شياطين بلباس قديسين .
انت معروف مين انت أبونا جورج ، و أهل زيدل بتعرف مين أبونا جورج مصيص ...
نحنا غربتنا عن ضيعتنا بكل ماتحتويه من معاني ، وضيعتنا صارت بالغربة من أبنائها للأسف .
بالنسبة لأنك تعطي رأيك و بعدين بتصير ........ أو بينعتوك بشي كلمة أو حاج تسوي حالك قديس علينا .
هذا شر لبد منو أبونا جورج .
معروف عن الناس لا تأمن إلا إذا رأت { طوبى لمن أمن ولم يرى }
أما تسوى حالك قديس فصار معروف عند الناس مين هوي القديس و مين هوي الشريف
هوي الي معو مصاري وقادر يعمل كلشي ، اي هاذ هوي القديس بنظر الناس .

{{{ القيم الحضارية التي ورثناها أبًا عن جد مثل الأدب والحشمة ومشاركة الفقير ومساعدة الجار ومساوات الناس بالمشاعر والمادة ما والا اختفت كلياً على العموم }}}
أما هاذ الي حكيت عنو عمي سليمان صار عملة ندور عليها تحت التراب مثل أثارات قديمة صارت تتعلق على الرفوف .
أما حكي العالم مو مهم المهم أنا بعرف حالي مين والمهم أنو الله بيعرفني وشايف كل شي .
والمهم عندي نظرة الله تجاهي مو نظرة الناس .
أما الملل من حكي الناس هذا شي عادي { بدهن يتسلوا يعني سالفي عمرها كم يوم وبعدين بتخلص } .
أما الملل الروتيني فهاذ وين من كان سواء بالضيعة أو بالغربة .
أنا بفترة دراستي وقبل ماسافر كنت على طول بفيروزة يا عمي سليمان { إي دخيل ربهم الفوارزيه } .
يعني كنت أشعر بوقت احلى هناك ما كنت لاقيه بزيدل .
يمكن أهل فيروزي لسا عندهم شوية طيبة أو أقل رسميات و مضيافين .
عنا يمكن صار معرض سيارات أو أزياء أو الي عندو مصاري أكثر أو الي بيعمر بناء اكبر .
أنا بعدو نوع من التنافس التجاري الصناعي الأزيائي شو رأيك عمي سليمان ، و طالما هوي تنافس شريف ليش لاء .
أبونا نحنا سفراء لبلدنا الحبيب سوريا و كل مغترب هوي سفير لبلدو في المغترب .
و أهل البلد والغربة هي الي بتحكم عليك كونك كنت سفير ناجح أو مجرد زائر غليظ .
والحمدالله كل شبابنا كانوا سفرا جيدين و خاصا في الولايات المتحدة الامريكية وبخص سفيرتنا في جاكسونفيل رنيم و رشا و عن قريب رح نوفد سفير أخونا حسام سفير سوري لأمريكا بلكي على يدو بيصير سلام وبيكون سفير السلام مه أهل جاكسونفيل ههههههههههههه .
وشكراً

Posted by: fr george massis

عم سليمان من زمان هالقمر ما بان وين غاطط الشوق كبير اكثر ما يوصف
نحنا ما عم نزاود بالمشاعر لما يفهمنا الآخرون غلط بتبقى زيدل حبيبي الأولي وبركان حبها بالقلب يغلي غلي .........اذا عم ننتقد اهلنا فمن الحب لحتى نساهم بالتغير على سيرة الأزياء يعني ياصبايا خففولي شوي من هالموضة بس لسبب واحد حرام هالعرايس يعني ما عم يبينوا بين الرفقات يعني الله يساعدهم شو بدهم يساوا بيقولوا قبل بس العروس هي يلي تعمل شعرها وتلبس مكسي مرتبة ومن حواليها صباياها اي اليوم يخزي العيد وما شالله والله يعين الأهل على ولادهم ولحق اذا بتلحق انا براي مظاهر مغالى فيها كثير اول تسمع عرس ابن عمي الربعي يعني قريب من الدرجة الأولى اليوم حيلة عزيمة بتلاقي الشياكة والجخ واللف واللزي منو وبعيدين بيحطوا الحق على المجتمع يعني مابقدر قلكم وترجملك الكلمات يلس اسمعتها من بعض رفقاتي البرازيلين يلي حضروا او شافوا صور عرس اختي فاديا منهم وصفنا بالمجانين ومنهم وصف حفلاتنا بحفلات اوسكار كثير لفت انتباههم اترتيب والزوق ولكن مصحب بنظرات الشفقة على جنونا هذا الواقع يعني مساكين مابنعرف ننبسط بحياتنا معقدين بلبسنا وبشعراتنا ورقصاتنا والخ بيجي يوم وبنمل صدقوني لأنو الضريبة غالية كثير وبكرا بتشوفوا
طلال شو قداسة ما قداسة ليسمعك حدا من الفاتيكان بيخرب بيتي على القليلة خليني موت واعملي كم عجيبة وبعدين بنفكر بالتقديس ......ههههههههههههههههه
والله معكم........................

موقع زيدل سوريا حمص .. خدمات تشات و دردشة ... أرشيف المنتدى