الارشيف - جاسوس جديد

أول شي يسعد أوقات كل الأعضاء الأكارم .

تاني شي كنت خاف فوت على هالقسم كنت فكر فيه كتير شو مافيا وجاسوسية بعدين قويت قلبي وفتت تاري مافيا وجاسوسية على بعض يا سلام يا هيك الجاسوسية يا بلى .

وبحبشت فيه كتير والله بيخبر أخبار زيدل متل النشرة المفصلة .

بس يا ترى زهرة الصحراء والله انتي بتخوفي كل الأخبار عندك تمنيت اسمع خبر او شوف خبر قبلك انا صرت خاف منك ...

المهم انا قررت انضم لعندكون وجيب اخبار معكون بلكي بالمستقبل بصير مراسل لشي محطة تلفزيونية بكون تدربت كتير منيح ..

بس كوني بعيد شوي عن الجو رح جيب الأخبار عن كل حمص وانتوا نقوا الأخبار اللي بتعجبكون .

أهلا طارق ....ويسلملنا قلمك الرائع الرايق .
.
المافيا والجاسوسية متل ماحضرتك بتعرف بدها 3 شغلات :
إنت تتحشر بالغير
والغير يتحشر فيك
والمصدر
.
هلق من وين بتجي الحشرية وكيف بتتحشر بالغير...الله وحده العالم القدير .
.
أما المصدر :
فالجاسوسية بدها قلب كبير ووقت كتير ولازم يكون عندك رصيد لابأس في ببنك المحبة العالمي .
وإلا ياسيدي الكريم ... عملياتك رح تُصاب بالفشل الدائم ورج تلاقي حالك عم تدفع فوايد أهمها إنك تكون آخر من يعلم

..(( طمني عن رصيدك بعدوا عالي ))
.
المهم هلق أهلا بأحلى جاسوس ...ومتل ماقريت ياعزيزي كل أخبارنا :
مين خطب
مين سافر
مين رح يتجوز
مين ترك زيدل
ومين رح يرجع على زيدل
لذلك بتمنى أخبارك الجاسوسية تكون متل أخبارنا ياطارق!!!

زهرة الصحراء

اول شي يسلمو كتير يا احلى وارق جاسوسة عرفتها بحياتي ويسلموا على الإرشادات اللي علمتيني ياها مشان كون جاسوس موفق وقريب للقلب .

وبكل الأحوال رح طمنك يا زهرة الصحراء المتفتحة دوماً عملياتي رح تكون مضمونة وما رح تعرف الفشل .. لأنو الحمد الله عندي قلب كبير ووقت مش بطال يعني ممكن يكون منيح يعني بحس صار في شرطين من تلاتة مناح مو هيك
وبالنسبة لرصيدي ببنك المحبة فأنتي من أكتر الناس بتعرف رصيدي بس بيني وبينك حاسس رصيدي رح يزول بسبب الظروف .

بس متل مو متعود انا رح حاول اضغط عالظروف وارجع عيد شحن رصيدي .

ورح خبركون على طول بكل جديد .....

وشكرا مرة تانية من القلب يا سناء على ترحيبك فيني ومشكورة من القلب .