بهمّ الريح
وفايي وارد بمرجك ع بيرو * ت يشحن من قمر غنجك عبيرو
ولفصل القهر ومراحل عذابو * المونه يشيل بزوايا حصيرو
ي حلوة نعمة العمر وشبابو * القلب محتاج عطفك عا سعيرو
بحضن البرد سلطن اغترابو * نحل مجروح عم يرثي قفيرو
وحياتك على مدّة مصابو * انزلي شلال ينعشلو غديرو
انزلي غيمة عدل يحضن ترابو * ت بالمجهول بن خامو وحريرو
بصومعة الوجد يحلى شرابو * وعوافي المر يردع من عصيرو
دخيلك حاجتو عتم وصوابو * بجرد الصبر م بيعرف مصيرو
وبجوّ معبّق وسمّك تيابو * جنون الوهم من سطوة صبيرو
بهمّ الريح حامل سبع غابو * عامل ع الحنان بزمهريرو
وحواري الآخ والحرقه صحابو * ونهيد الصدر بيعاقر سريرو
وخطيي كرم جرحي عبابو * يعيشو الويل من محلو وعفيرو
شو الهيئه من الدّهر وكتابو * م بيّن عاشق ومنهك ضميرو
الا جمر قلبي ومن حبابو * رماد الندم باعثلو سفيرو
وفايي ي هـ الشقرا اليأس صابو * لأنو الحب صالبني مريرو
ورغم آلام غصّة إكتئابو * ورغم نخزات هـ الظرف بعسيرو
لأنو مجامر النكبه م غابو * من هيكل وفايي وطهر شوقي
أنا فاديه للحبّ وأميرو
