الارشيف - الادرينالين ...

Pages: 1

الادرينالين ...
(انقر هنا ان احببت مشاهدة الموضوع الاصلي بالالوان و الصور )

Posted by: daoud

بدي خبركن هل قصة :
بأحد هل الأيام إلتقيت بأحد هواة تسلق الجبال الإسبان وبعد حديث طالع نازل سألته :
ـ ليش بتحبو هل الرياضة
فجاوبني
ـ مشان الادرينالين , تعا جرب وشوف

جربت مو انو ما جربت وطلع هل الادرينالين ...

فقلت لحالي ليش دخيلكون ما منمارس هيك رياضة بسوريا
وكان الجواب :

ما في داعي ... عنا الادرينالين بيطلع لحالو بشكل طبيعي
ماشوفتو بحياتكم واحد طالع ادرينالينو على دور الخبز
زيارة وحدة (فنجان قهوة) لأقرب مخفر شرطة وبتشوفو الادرينالين رسمي ولابس بدلة
موشح "أهلي وأهلك" أو أغنية "لا تنسى تجيب حفاظات للولد" أو موال "قاعدة بهل بيت وحطا رجل ع رجل" وهون مو بس الادرينالين بيطلع, بتطلع المعالق والصحون والطناجر

ومادام الادرينالين طالع عنا (يعني بينزرع بكل المحافظات) ومادام الشعب بيمارس شتى أنواع الرياضات

الجري وراء الباص
الجري وراء اللقمة
الجري وراء ست الصبايا (للرجال فقط)
الجري وراء شيخ الشباب (للنساء فقط)

شو كلو جري وراء ؟؟؟ لا في عنا
الجري من فوق الأساطيح
الجري على رجل وحدة لآخر الشهر (للموظفين قفط)
رياضة الجري مع التيار والجري بعكسه
وإذا شفت واحد عم يجري اجري معه

فقولكن ليش ما عم نربح بالالعاب الاولمبية

موقع زيدل سوريا حمص .. خدمات تشات و دردشة ... أرشيف المنتدى