الارشيف - شباب مين حابب يصير غني؟

Pages: 1

شباب مين حابب يصير غني؟
(انقر هنا ان احببت مشاهدة الموضوع الاصلي بالالوان و الصور )

Posted by: hosam danial

وصل ايميل الى احد الاشخاص الذين يجلسون أمام الكمبيوتر كثيراً وكان الايمل كالتالي
عزيزي أو عزيزتي اذا كنت تريد ان تتعلم كيف تصبح غنياً أضغط ... هنا ..... وضغط
الرجل على المكان المناسب فوجد صفحة اخرى مكتوب عليها ضع
دولاراً واحداً من حسابك في هذا الجدول واسمك ومكان اقامتك وبعض المعلومات الاخرى
فقال الرجل في عقله !! والله الشغلي جد
صار يعبي هالجدول بالمعلومات وحط دولار من حسابو . طبعاً على الكرديت كارت
ولما خلص .
مكتوب اضغط هنا ,
كبس الزلمي محل مو مكتوب وطلعتله صفحة ثانية مكتوب عليها
شكراً لك اخي الكريم اذا كنت جاداً في التعلم يجب ان تأتي الى المكتب لكي نعطيك الدرس الاول
والله هاذ لبس ثيابو وراح على المكتب الي محطوط عنوانو على الانترنيت.
وصل للمكتب وفات شاف الزلمي الي حاطط الاعلان ورحب فيه وقلو قعود
بدي علمك اول درس ويمكن اخر درس لحتى تصير غني
بتعرف كم واحد اشترك بهالموقع ؟
قلو لاء
قلو اربع ملاين واحد وكل واحد حط دولار يعني اني هلق معي اربع ملاين دولار
اتعلمت كيف بيصير الواحد غني؟
قلو الزلمي الثاني فعلاً اول درس واخر درس وحلال عليك

شو شباب حابين تصيروا اغنياء؟

طبعاً بعد هالقصة اكيد في موضوع عنها

Posted by: samar dahi

والله يا حسام عجبتني هالطريقة بالغنى ....
وعلى كل حال في طرق كتيرة للغنى السريع ....بس على مين يقبل يغنى بهالطرق هاي ..

Posted by: فاروق القدومي

هههههههههه حلوة والله.. طريقة جهنميه....بكل وقاحه بدهم يعلمونا كيف ننهب...**

بصراحه صارت معي نهفه مماثله مرة من ذات المرات وصلتني رساله على البريد الالكتروني تقول:
مبروووووك..انت الفائز في جائزة اليانصيب الخيرية...البالغه 850 الف جنيه استرليني...عبئ الاستمارة وابعت مبلغ قدره 750 او 800 والله ماني ذاكر بالضبط بدها الشركة اجار نقل وشحن وتأمين المبلغ...طيب انا شو خصني بهالحكي صار واحد يراسلني على الماسنجر يدعي بانه من اعضاء الشركة...وقال لي انت فائز لا تضيع الفرصه..ابعت المبلغ واربح الجائزة فوراً...صرت الف وادور معه وانا كنت بالاول مصدق هالحكي بس الي خلاني اتأكد انها لعبه..بدو المبلع قبل اي اشي..وهو قال ايش من بريطانيا والشركة لها فرعين الفرع التاني في تيجيريا...انا ما سبتيش خبر صرت اسألأ من هون هون...اكتر شي حيرني لما بعتلي صورة للشيك المسجل باسمي بحكيلي الشيك جاهز ابعت المبلغ واستلم فوراً..حكيتلو ما بقدر ابعت غير 450 دولار هم حيلتي ناوي ابيع هالخروف بيسوى 300 دولار وانا معي 150 وبعد بكرة ببعتهن..صار يحكيلي.. ابعت ما معك لا مانع في قيمه المبلغ المذكور.. وابعتهم الان.. حكيتلو يا عمي شو بتتهبل الدنيا نص ليل وبكرة الجمعه..قال كلما اسرعت كلما حصلت على الجائزة..انت محظوظ...اخر شي حسيت وشكيت انو مقلب وهالحكي ما هو بحقيقي .فما كان فيي الا ان حكي له:اخصم نصف المبلغ وابعتلي النص التاني . يعني اقسم الجائزة بالنص. انا نص وانت نص وانخربش عالنجوم...عفواّ صرت اشت...اخر شي طقعتلو وسبيته وعرفت انو تابع لشركة نصب كما ذكر الاخ حسام..طرق عدة للنصب والاحتيال..تعلمت الدرس بدون ما ادفع مصاري**

شكراً حسام على موضوعك**

*قدومي*

Posted by: talal_alachkar

يعني حسام الشاطر بينفذ بريشو
أنا صارت معي هالقصة من يومين بس
إتلصت معي صبية من فلوريدا وخبرتني أنو أنا ربحت رحلة لعندهم
إقامة 14 يوم في فندق خمس نجوم و الرحلات على حسابهم و الاكل والشرب والمواصلات وكل هاذ بس ب650 دولار أنا وأربع أشخاص
وبعدين حكا معي المسؤل الكبير وشو كان مهذب بكلاموا
لدرجة أنو قلي بما انك عايبش ببلجيكا فيني دبر فيزا لزوجتك في سوريا لأمريكا
قلت في نفسي خي وفرنا مليون ليرة هههههههه حق فيزا
وضل الأخ يحكي 30 دقيقة
وبالأخير طلب طلب صغير بس
هوي رقم كرت الفيزا تبعي
الشي الي جنني أنو قدر يعرف أول خمسة أرقام وكان بدو باقي الارقام ولما رفضت أعطيه الأرقام
إنتهى تهذيبوا وبلش يسب هههههههه
أنا هون سكرت التلفون بوجهو ههه
بس ياخسارة راحت الفيزا على عروستي ههههههه
في نصب كثير على الأنترنت ديروا بالكم
الغني هو من يصنع المال
والفقير هون من صنعه المال
إكنزوا لكم كنزاً في السماء ، ولاتكنزوا لكم كنزاً على الارض . السيد المسيح
شكراً حسام

Posted by: hosam danial

اول شي شكراً لردودكن الجريئة
وانا بعرف كثير صايرا معهن نفس الشي وهاي ابسط الحيل
لكسب المصاري بهيك طريقة
بس في ناس عم تعمل ابشع من هيك بكثير
عم تسرق بنوك وبيوت واراضي وعم توصل لسرق الارواح.
ثانيي شي بس بدي اسئل سؤال :
شو الفائدة من الغنى وشو اضرارو

موقع زيدل سوريا حمص .. خدمات تشات و دردشة ... أرشيف المنتدى