الارشيف - دروس الدنيا

Pages: 1

دروس الدنيا
(انقر هنا ان احببت مشاهدة الموضوع الاصلي بالالوان و الصور )

Posted by: bachboucha

دروس .... الدنيا

كم مرة سمعنا من والدينا و من اللي اكبر منا عبارة * الدنيا حتعلمك * و * هكدا هي الدنيا دروسها تكسر وتقوي*

صح الدنيا بدروسها تعلمنا وتقوينا من أول درس بناخده بنبتدي نذوق حلاوتها وألمها مرها وقسوتها ورضاها ونتعلم ونصبر لها ونجاريها ونصير حذرين فيها متعمقين بلامور ونبتعد عن السطحيات ..مفكرين بالعواقب قبل الخوض باي درب من دروبها وعاملين حساب خطواتنا ونفكر بكلشي ونعمل حساب كلشي حتى نتفادى الفشل والالم وننجح فيها....
دروسها امتحاناتها..... كل يوم ندخل في امتحان بكلشي نعيشه فيها بتعاملنا بطريقة عيشتنا بقيمنا...... تدخلنا بامتحانات علمحك نجرب فيها صلابتنا وخبرتنا وقدرتنا على السير قدما بنجاح دون او بقليل من الاضرار

وكل يوم بنصير اقوى واصلب واكتر حذر وخبرة وتعمق بالامور وتفكيرنا يصير اكتر مرونة وتقبل ونشاط ونفسيتنا اكتر تقبل لكل ما تاتي به ايامها...........

الحياة ........نعم كم نحبها الحياة بكل مرها وحلوها فمن لا يحبها وينشد رضاها
فكم من الدروس اخدنا واستوعبنا منها ....كم من مرة قلنا اه .... ووقعنا وقمنا ،تالمنا ونسينا . فرحنا ، وانجرحنا انكسرنا وتقوينا وبعد كل ماجرى و يجري استمرينا

وكم من الدروس ما زالت تنتضرنا؟ دروس بكلشي بأيشي بدروب الحياة

الحياة هي درب حلو ومر عشقها

وكلنا يا أصدقائي لنا دروس استوعبناها وغيرت تفكيرنا نضرتنا لكتير من الامور بعيشتنا وربما غيرت مسارنا....

قوتنا بعد ما انكسرنا ووعتنا بعد ما تهنا وكونت شخصيتنا بعد ما مرينا بتجاربها

فأنا أدعو كل الشباب والصبايا لافادتنا بدرس استوعبه بتجربة مر بها بحياته قوته وعلمته
ادعوكم تشاركونا وتفيدونا وتحكو لنا شنو التجربة اللي مريتو بها وكيف اخدتو درسكم ؟

فلا تبخلو علينا وافيدونا...

Posted by: love whisper

اول شي ميرسي عيني عالموضوع حلو كتيير

دوما بيئولو الكبار افهم واحكم انا مع هالشي بس بهالوئت الحالي

اتفتحت عيونا عالدنيا بكير وصرنا نفهم بكبيرها وصغيرها

المشاكل كترت بعني صرنا احكم

خالطنا الكبار وصرنا نفهم عليهون ويفهمو علينا

تدخلنا بامور الكبار وصرنا نبدي رئينا فيها

كل يوم بتواجهنا شغلة بتعلما شي جديد عن الحياة

وانشالله نئدر نستفاد من هالامور مو نضيعها ونئطع من ناحها ولا كأنها موجودة

وميرسي

سلام

Posted by: syria & joleat

بيقولو أنو الإنسان بيتعلم من كيسو وهادا الكلام مافيو غلطو لا حتى نسبة 1% لأنو وقت الواحد يغلط ويلاقي عواقب غلطو اكيد ماراح يرجع يعيد نفس الغلط ....

بالنسبة الي يا بشبوشة انا غلطت غلط كان رح يوديني فستين داهية بكل معنى الكلمة كان ممكن يقضى عليي والقصة كالتالي..:

ببداية العام الدراسي تعرفت على بنت بالمدرسة وبدت انها طيوبة وحبابة وعين الله عليها و بعد مامرق اسبوعين على صداقتنا طلبت انو نطلع شي مشوار وانا الهبلة وافقت وكنت مفكرة حالي اني عرفتها منيح طبعا قالتلي انو هي بدها تمر علي مشان تاخدني مشان تعرف وين بيتي اذا بدها تجي لعندي شي يوم وطبعا هي ما بتسوق في شوفير .....
جهزت حالي وكلشي ووقت سألتني ماما مين هالبنت قلتلها انها رفيقتي من زمان لانو ماما ما بتوثق بالرفقا الجدد فورا ( معها حق ) بعد ما ركبنا بالسيارة قالتلي شو رايك بلا المجمع اليوم ونروح على شي مكان تاني انا قلتلها لاء وصرت حس انو صرنا بمكان عتمة وصحرا حسيت انو في شي لانو بلشت تحكيلي انو اخوها حلو وبيحب جمال السوريات انا فورا عملت حالي بحكي مع امي وانو هي بالمجمع يلي بدنا نروحو مشان بسرعة نرجع وسألتها انتي من موبايل مين حاكيتيني الضهر هاد مو رقمك قالتلي هادا رقم امي ( وانا كنت بعرف انو تبع امها ) قلتلها منيح لانو ماما خلتو عندها للاحتياط .....
وبما انها جبانة وكلبة فورا قالت للشوفير يلف ويرجع ورحنا على المجمع وهنيك اتصلت بامي تجي تاخدني ومن يومها ماعدت وثقت بالناس وخصوصا البنات بسرعة لازم اخبز البنت واعجنها قبل ما سميها رفيقتي...
والحمدلله عدت على خير والله حماني لاني غبية وهبلة
في حدا بيعمل عملتي ؟؟ المهم اني تعلمت من كيسي واخدتها قاعدة جديدة بحياتي...
( هالقصة من فترة يعني كنت صغية وهبله ) مشان هيك بينخاف على لابنات بهالعمر بيفكرو حالون فهمانين وهني مو عارفين الخمسة من الطمسة....

انشالله ما كون دقيت خلقكون

وانتي يا بشبوشة يا طارحة الموضوع حكيلنا شي قصة بركي هالمرة بتعلم من كيسك مو من كيسي ....

سلام _ ياسمين _

Posted by: bachboucha

مساء الخير عليكم اولا لازم اشكركن بنات على مشاركتن وهشي أسعدني...... وأتمنى المزيد من المشاركات حتى تزيد الافادة........ فينكم يا شباب........؟

واشكرك ياسمين على انك شاركتينا بتجربتك واعطيتنا درس استوعبتيه هو عدم الثقة بشخص والتسرع بالحكم عليه واعطائه كل التقة ... وهذا درس يفيد طول العمر
والحمدلله ان الله هداك بذكائك انك تخرجي من الموقف بسلام دون ضرر فلله الحمد

طبعا لي تجربة وربما تجارب فكل فترة فحياتنا لازم ناخد درس من شي حصل معنا

انا تجربتي انه كان لي صديقة عزيزة علي جدا جدا جدااا حيت أننا ما كنا بنفترق أبدا ديما معي بالدراسة كانت تدرس معي بنفس الفصل وبلبيت نضل مع بعض لغاية بليل وباي وقت كانت معي.........لكن بيوم صديقتي مرضت وكان مرضها قوي ويصعب العلاج منه مادام اكتشف بوقت متاخر المهم شهور قليلة وفقدت صديقتي وفقدت معاها الصحبة الصادقة الانيسة الوفية والطيبة والحنونة ومتفهمة فراق صديقتي اتر في حيت تاترت دراستي بديك السنة وصرت عصبية وصرت اكره اتعود على اي صديقة حتى ما افقدها .......لكن بعد الحزن ياتي الفرح ومرت الايام وكبرنا بس ما نسيتها ما زالت ذكرى الطفولة والصداقة البريئة أتذكرها وأدعيلها بالرحمة والمغفرة..... فقدان صديقة او وفاتها امر صعب يتحمله انسان لكن الله سبحانه وتعالى اراد هشي ولله الحمد .....
تجرتي كانت مع الحزن.... الحزن لفراقها كان صعب التحمل حيت كانت صديقة واخت.... انك تجرب الحزن بصغر سنك وما تستوعب فقدان صديقتك وما تقدر تتحمل غيابها معك باي مكان تروحه بالفصل او بلبيت او باي مكان كنا ندهب اليه مع بعض..... لقلة نضجي كان كتير مؤلم لكن تعلمت انه الدنيا متل ما بتعطي بتاخد ولازم تقبل وترضى وتسايرها ...والحمدلله

Posted by: bachboucha

يا ناااااااااااااااااااااااااااااااااس يا شباب نريد تجارب دروس نستفيد منها .............. افيدونا يعني ما في حكاية تجربة كده تستاهل تحكوها لنا تفيدونا ..............افادكم الله

موقع زيدل سوريا حمص .. خدمات تشات و دردشة ... أرشيف المنتدى