الارشيف - الحمدلله على سلامتك

Pages: 1

الحمدلله على سلامتك
(انقر هنا ان احببت مشاهدة الموضوع الاصلي بالالوان و الصور )

Posted by: syria & joleat

فاروووووق القدووووومي ..
الحمدلله على السلامة وانشالله تكون غيرت جو بسوريا..هيك بتروح على ارض الوطن بدون ما تخبرنا........
الف الحمدلله على سلامتك وبدك تحكيلنا كل النهفات يلي صارت معك بهال15 يوم .....

السيدة زينب ؟؟؟؟؟ سمعت فيها بس ولا مرة شفتها المهم بتمنى انك تكون تمتع باقامة حلوة بالشام ....

ويلا رجع نشاطك وموضيعك على صفحات المنتدى
ناطرينك

بااي

_ ياسمين _

Posted by: فاروق القدومي

هلا ياسمين....وشكـــراً لك على الاهتمام والمتابعه**

تقع السيدة زينب جنوب العاصمة دمشق وهي احد ارياف دمشق...وفيها معلم اسلامي وسياحي(مرقد السيدة زينب)**

وانا لم اسافر للشام بحياتي الا هذه المرة....واقسم بانني بكيت حين غادرت الشام....يااااه ما اجمل الشام واهلها....كانو يحترمونني بصفتي فلسطيني...وكانو يتفاجئوا حين يعرفوا بأني فلسطيني من جنين**

احدى النهفات:

جلست في مقهى النوفرة بصحبة عديلي(المضيف) بعد زيارة المسجد الاموي والصلاة فيه....وطلبنا ارجيلة...واثناء الجلسة مرت مجموعه اجنبية مكونه من 10-12 شخص يتقدمهم شخص يلبس قبعه صفراء ويحمل الرقم خمسه على لوحة صغيرة....فوقفت وسألته ماذا تعني بالرقم خمسه...فأكتشفت انهم سياح اجانب من اسبانيا...ومتل ما بتعرفي انا لبلب بالاسباني لو درست هاي اللغة.....اعتذرت منه وارجعت لكرسي بهدوء....ولم يسعني الا الضحك على احدهم ارتطم بالاخر وهو ينظر الي....فضحك كل من بالمقهى على هذه الحادثه والذي كنت انا السبب المباشر لها(كتير وقشه)**

نهفه اخرى....

كنت انا وعديلي وعائلته في حديقة تشرين....وبعد ان تناولنا طعام الغداء(صفيحة من عند ابو العز)خرجت وحدي من باب الحديقه الشمالي لاشتري كرة قدم....فوصلت منطقه اسمها المهاجرين مشياً على الاقدام.....واثناء السير والبحث عن محل لاشتريه من عنده الكرة...اضعت الطريق ولم اعرف من اين اعود للحديقة....فطلبت تكسي وقلت له على حديقة تشرين....فانزلني على الجهه الغربية م الحديقة وبدأت امشي وامشي ولم اجد البوابة التي خرجت منها ولا التي دخلنا منها...فأخذت تكسي اخر وقلت له على بوابة تشرين الرئيسية....قال لي: يا خيي أنا لبناني وما بعرف الرئيسية...حكيتله:بالله شو ولليش انت شوفير لعاد؟... قال سامحنى انزل هون واطلب تكسي تاني بعد ان مشى عدة امتار....فقررت ان ادخل للحديقه فرأت مشهداً لم يكن يخطر على بالي لا احب ان اذكره.....المهم دخلت وبدأـ امشي داخل الحديقة فوجدت نفسي قريب من العائلة المضيفة...فاقتربت منهم وقالو لي: وين لهلأ...كنك ضعت؟...قلت اعوذ بالله شو اضيع ما اضيع...انا كنت اتمشى بالحديقة....والمضحك بالموضوع اني اشتريت الطابه من داخل الحديقة بعد الاستراحة من المشوار....ولعبنا وانبسطنا وكانت رحلة اخر مزاج**

نهفه اخرى:

ذهبنا الى المنطقه التي كان يتم فيها تمثيل مسلسل باب الحارة...و وقفت انادي...40 ليرة دخولية....40 ليرة دخوليه....نظرت حولي واذا بالناس يتجمعون حولي...فخجلت من هذا الموقف..وكان عديلي يصورني في تلك اللحظة ولا تزال الصورة مخزنه على جوالي الذي اشتريته من الشام ب 18 الف ليرة سوري(n73)ميوزيك...**

في كتير نهفات خليها لغير مرة....بس بصراحه ما شفت احلى من الشام....واهلها**

واعجبني:

اسواقها المفتوحه....تجارها الشبعانين(يغلقوا محلاتهم عند اذان المغرب)حتى لو كان هناك زبائن**

المواصلات مؤمنه وباسعار خيالية....من السيدة زينب الى الشام 5 ليرات بالباص الاحمر القديم الذي يشبه علبة السردين....لم اركب به الا مرة ولم اعيدها...تكسي على العداد من السيدة زينب للشام فقط 85 ليرة...واذا كانت ازمة سير خانقه يطلب 150 ليرة(شبه مجاناً بالنسبة لنا)....هناك استغلال من بعض السائقين. ولكن، ان لم تكن ذئباً اكلتك الكلاب..مع احترامي للمحترمين الذين يخافون الله**

في طريق العودة**

ولما دخلت على الاردن عرفت انني في صحراء قاتمة ..وبدأت الخيبة تلاحقني..وشعرت بالاحباط واصابتني صدمه نفسية....وخاصة ان المخابرات الاردنيه حجزت جوازي لمدة 3 ايام وحققو معي وكأنني ارهابي او اي شيئ اخر.....اخخخ خلي الطابق مستور....شو بدو الواحد يحكي لحتى يحكي.....**

شكـــراً ياسمين**

*قدومي*

Posted by: ابن الحياة

هلا ولله بالصديق قدومي.. إنو وين اللي أخد رقمي وبدو يجي على زيدل؟؟؟؟؟؟
بس مو مشكلة المهم تكون انبسطت بسوريا (بيني وبينك أنا لمّا روح على بيت خالتي بالشام (بلا معنى) بنسى حالي وبرجع مورمة رجليّ من كتر ما بفتّل بالشام) ولله يا عمي إذا بدك الصراحة الشام حلوة بس راحت عليك شوفة زيدل لأنو زيدل أكيد أحلى اللي في بمنتداها متل هالوجوه الطيبة..
على كل حال الحمد لله على سلامتك وانشالله بتزور سوريا مرة تانية وبنشوفك بزيدل..

Posted by: فاروق القدومي

اهلا اخي يوسف....والله راحت علي...انا بصراحه كنت ناوي اجي لزيدل بس والله ما صار نصيب رغم اني استعديت وهميت اكتر من ثلاث مرات...يلا هالمرة ضحكوا علينا وخذلونا بس مرة تانيه ما رح ارد على حد، صرنا نعرف الشام والطريق سهلة والدرب خضرة....**

*قدومي*

Posted by: syria & joleat

مسا الخير ....بس احلى شي انك اضيع .... عجبتني هي تركب بتكسي وتقلو خدني على غير باب....
اما انا اذا ضعت بروح بدور على شي شرطي وبقلو يدلني على البيت واذا كانا لوقت متاخر وما بقدر ارجع بتكسي بوقف المكرو وبسالو لوين طريقك بيقلي شو ما بتعرفي تقراي بقلو مبلا بس وين يعني.؟؟؟؟
خليها لله وقت اضيع البنت فضيحة ومابسترجي احكي قدام حدا لانو بعدين ماعاد بيخلوني اطلع من البيت...

خلص قدومي انشالله بالصيفية منتفق وبننزل سوا على زيدل بس بدنا ترحيب كبير يا اهل زيدل ها مو اطنشونا وماحدا يعطينا وش بعدين منتشرد انا والاخ قدومي ومنضيع عنجد .....

سلام _ ياسمين _

Posted by: ابن الحياة

اقتباس:

خلص قدومي انشالله بالصيفية منتفق وبننزل سوا على زيدل بس بدنا ترحيب كبير يا اهل زيدل ها مو اطنشونا وماحدا يعطينا وش بعدين منتشرد انا والاخ قدومي ومنضيع عنجد .....

بعيوننا ولله.. إنتو بس تعوا و كل زيدل بتستقبلكم..

.................................................. .................................................. .................

Posted by: الألماسي

.
..
...

الحمدلله على السلامه فاروق..

و السفر يبقى جميل بكل مافيه..

بإنتظار إطلالاتك الغاليه..

مع عذب التحايا لشخصك..

...
..
.

Posted by: فاروق القدومي

هلا اخت ياسمين.....بالك ما حد بستقبلنا بزيدل...مو معقول هاي الاخ يوسف برهن انو من اهل الكرم والجود واهل زيدل انا بعرفهم وبعرف عنهم النخوة والاصالة...وانا اتحدث عن الشعب السوري بشكل عام....وكيف ما بدهم يستقبلوا ويرحبوا بضيوفهم واصحابهم كمان....شوفي ياسمين...الصيفية الجاي بعد المشيئه رح نروح معاً على زيدل ان الله احيانا.واول ما نلفي على السيد حسام عبد العزيز...وهو اذا كان فاضي بعرفنا على باقي الاصحاب...**

اخي الالماسي...بارك الله بك وادامك لنا....نورك زاد الموضوع لمعاناً....اتمنى لك التوفيق من كــل قلبي**

وبتمنى اشوفك في سوريا**

*قدومي*

Posted by: samar dahi

اهلا وسهلا قدومي ....أنا كتير سعيدة لأانك عم تقول إنك انبسطت بسوريا ....انشالله بتجي على زيدل وبتتعرف على ناسها اكتر وأكتر ..مية أهلا وسهلا فيكم انت وياسمين ...

Posted by: فاروق القدومي

شــكراً سمــر....بشرفني اجي لزيدل بوجود اهلها الطياب من امثالك....مع تمنياتي لك بالخير و التوفيق**

*قدومي*

Posted by: syria & joleat

شايف يا فارووق والله كتير متشجعة انزل على زيدل خلص بالصيفية انشالله بنرووح وبنعمل كبسة على باقي الاعضاء ومنشوفون بالبيجامات ....

و بعدين منروح مناكول من عند الشيف ببلاش طبعا و عمي سليمان بيعمللنا جولة سياحية طبعا سمر بتكون هي ويوسف ستقبلوونا من اول ما نوصل على زيدل وبكملو كل الرحلة ...
وشو رايك نمر على ندى ناخدها معنا لانو هي كمان مو اهل زيدل ؟؟

سلام وشكرا للكلام الحلو يا اهل زيدل ضيعة الكرمو الجود

موقع زيدل سوريا حمص .. خدمات تشات و دردشة ... أرشيف المنتدى