الارشيف - مع كامل المحبة

Pages: 1

مع كامل المحبة
(انقر هنا ان احببت مشاهدة الموضوع الاصلي بالالوان و الصور )

Posted by: رامي السوري

السلام عليكم

.....أنا شب من سوريا - الشام - حمص - زيدل
و هاد العنوان الكامل
الحقيقة حبيت شارك بالمنتدى أولا لأن بهمني كون وشارك بمنتدى بموقع ضيعتي ... و في كتير أسباب تانية ... الإنترنت صار فيه كل شي المليح و العاطل و الصح و الغلط متل حياتنا اليومية و بما أن صار جزء من حياتنا اليومية ...أنا بحاول أن دائما ابدي رأيي بالمواضيع اللي بتنطرح ..و إسمع آراء الغير بمواضيع بطرحها.....
يا ريت تقبلوني بيناتكم بالمنتدى لنساعد توسيع أفقنا أكتر و نساعد بعض بالوصول لحقيقة المواضيع كلها و نبحث سوى عن الصح و نتبعه ......
مع كا مل محبتي ...
رامي السوري

Posted by: ابن الحياة

هلا ولله.. اي من زمان..
بحب قول أهلا وسهلا بأحلى شب رح يكون معنا بهالمنتدى.. واللي أكيد رح يكون إلو التأثير الإيجابي الكبير بهالمنتدى..
أهلين بكلّ السوريين..
والمجد لسوريا...

وشكراً

ابن الحياة

Posted by: Desert rose

اقتباس:

المشاركة الأصلية كتبت بواسطة إبن الحياة

بحب قول أهلا وسهلا بأحلى شب رح يكون معنا بهالمنتدى.. واللي أكيد رح يكون إلو التأثير الإيجابي الكبير بهالمنتدى

.
.
أما أنا بحب قول : أهلا وسهلا بـــرامي .....((الأحلى شب )) حسب النعت ...واللي إنشالله يكون إلوا التأثير الإيجابي الكبير بها المنتدى

ناطرينك

زهرة الصحراء

Posted by: syria & joleat

يا مرحبا برامي السوري الزيدلي ...
اهلا وسهلا فيك معنا وانشالله بتنضم لعائلتنا وبضل معنا اطول وقت ممكن .....
عمنستنى موضيعك يلي متأكديين انها بتجنن ( متلك ) وبننطر رأيك وردك على اي موضوع بيلفت نظرك..

سلام _ ياسمين _

Posted by: رامي السوري

و الله خجلت من هالترحيب شكرا كتير إلكم على أمل أن نكون مع بعض بأفيد منتدى بهالإنترنت الضار ( نسبيا ) .... يللا اطرحونا شي موضوع من عندكن .... سلامي

Posted by: ابن الحياة

يقبرني الخجلان..
بربّك يا أبو الريم هاد طلب بينطلب؟؟؟ (اطرحونا شي موضوع من عندكن).. قدّامك آلاف المواضيع بالمنتدى وبدّك موضوع.. إي ماشالله سناء لحالها كاتبة شي 2500 موضوع وردّ والخير لقّدام..
على كلّ حال.. رح أطرحلك فكرة (بس مو براسها.. ههههههه)..
مثل مانّا متفقين مسبقاً أنو كل شي نسبي وإنت قلت(نسبياً).. لهيك الانترنت نحنا بنحدد إذا كان ضار أو مفيد..
يعني إنت لمّا بتفوت عالنت بيكون عندك هدف معيّن فيك توجّهه لحتّى يكون مفيد أو ضار.. وبتكون عرفان الضار والمفيد بالنت..
يمكن صح اللي قلته:بهالإنترنت الضار ( نسبيا ) لأنو شبابنا أغلبه(نسبياً) لاقى فجأة بعد ثورة النت مكان يحقق فيه رغباته ويشفي فيه بعض عقد نقصه.. لهيك بيروح عالضار (حسب ما بتوقّع أنك بتقصد).. ودائماً بنقول نسبياً.. يعني بالمقابل في شباب لاقوا بالنت مكان لتوسيع معارفهم والاستفادة منّه بس للأسف قلال وصعب نلاقيهم(إلا بمنتدى زيدل)..

إنت شو رأيك؟؟؟؟؟؟

Posted by: Desert rose

اقتباس:

بربّك يا أبو الريم هاد طلب بينطلب؟؟؟ (اطرحونا شي موضوع من عندكن).. قدّامك آلاف المواضيع بالمنتدى وبدّك موضوع.. إي ماشالله سناء لحالها كاتبة شي 2500 موضوع وردّ والخير لقّدام..

عفاك إبن الحياة ...صح 2500 موضوع والخير لقدام ....وهالشي إن دل فـــــ بيدل على وفاء كبير خلال 6 سنوات لها المنتدى المتواضع ولموقع زيدل وزيدل بعظمتهم ...

أما عن توضيحك بخصوص الإنترنيت الضار نسبياً فحضرتك بستحق مليون مضاف إليه عدد مشاركاتي من تحيات الإمتنان والشكر .

ولو رامي حب يشاركنا ....ياريت يخبرنا :

إذا في إنسان متخفي بإسم إبن الحياة ....الإنسان الآخر.... إبن مين بيكون ؟؟؟؟

اهلا رامي

زهرة الصحراء

Posted by: ابن الحياة

شكراً إلك سناء..
اسمحيلي جاوب عن رامي مؤقتاً وقلك أنو كلنّا أبناء الحياة وأبناء سوريا.. يعني مو بس أنا، رامي كمان ابن الحياة.. ولّا شو أبو الريم؟؟
إذا حابّة تعرفي مين أنا مافي مشكلة.. أنا ماني متخفّي باسمي (ابن الحياة) هاي حقيقتي وهويتي وحقيقة رامي وهوّيته كمان اللي دوّرنا عليها.. ولقيناها.. واللي ما بتنحكى بهالبساطة هلّأ..

مع التحية..

يوسف

Posted by: رامي السوري

انا بدي اشكرك سناء وتركت الرد لابن الحياة بالنسبة لاسمه...اكيدنحنا ابناء الحياة ..بس بحب ضيف ان اسماءنا هي التخفي و للاسف خلت غالبية العالم تفكر ان الهوية هي اسم الشخص ومعلومات تانية عنه وما عادوا دوروا على هويتهم الحقيقية.........شكرا ياسمين كمان.... انشاءالله بكون من الخيرين بهالمنتدى الحلو....
سلامي للكل

Posted by: Desert rose

اقتباس:

إذا حابّة تعرفي مين أنا مافي مشكلة.. أنا ماني متخفّي باسمي (ابن الحياة) هاي حقيقتي وهويتي وحقيقة رامي وهوّيته كمان اللي دوّرنا عليها.. ولقيناها.. واللي ما بتنحكى بهالبساطة هلّأ..

كان سهل نفهم بأنو كلنا أبناء الحياة يارامي ...ولكن ماكان من السهل نحل هاللغز اللي بينك وبين يوسف ...هويته ؟؟؟..هويتك ؟؟؟ دورنا عليها ؟؟؟ لقيناها ؟؟؟
خير إنشالله ....!!!
مش المهم نفقد شيء بالحياة المهم بيوم نرجع نلاقيى ى ى ى ...... حتى لو كان اسم مش معروف ومش حقيقيى ى ى ى .

أهلا بيوسف (( إبن الحياة )) وبأحلى شب (( رامي السوري )) ....مكسبنا معكم بلقائكم

زهرة الصحراء

Posted by: ابن الحياة

كان سهل نفهم بأنو كلنا أبناء الحياة
ما كان القصد بـ(كلنا) كل الناس إلا إذا كان بالمفهوم العام.. الاسم إلو دلالة عقائدية خاصة..

ماكان من السهل نحل هاللغز اللي بينك وبين يوسف ...هويته ؟؟؟..هويتك ؟؟؟ دورنا عليها ؟؟؟ لقيناها ؟؟؟
ليس هناك أي لغز.. أكيد مانّا شخص واحد (جسدياً).. ببساطة انتماء واحد.. عقيدة واحدة.. حقيقة بحثنا عنها معاً (ولسنا وحدنا) ووجدناها..

مش المهم نفقد شيء بالحياة المهم بيوم نرجع نلاقيى ى ى ى ...... حتى لو كان اسم مش معروف ومش حقيقيى ى ى ى .
رامي وضّح.. وبرجع بوضّح.. الاسم الذي يطلقه علينا أهلنا هو انتساب لا يعبّر بالضرورة عن حقيقتنا أو هويّتنا..
أمّا الاسم الذي نختاره نحن فهو انتماء إلى حقيقة عن قناعة.. وجدناه لكننا لم نكن فاقدينه..

أهلا بيوسف (( إبن الحياة )) وبأحلى شب (( رامي السوري )) ....مكسبنا معكم بلقائكم
أهلا فيكي.. انشالله بنلتقي.. مكسب إلنا..
وشكراً إلك..

يوسف

Posted by: رامي السوري

بصراحة بدي وجه تحية سورية لأحلى يوسف .... جوابك كان رائع و واضح ........
ما بقدر ضيف شي إلا أن بدنا مواضيع مفيدة و أكيد هلأ عم تقول سناء ليش ما أنا بطرح موضوع ....بصراحة عندي مواضيع كتير بس ما إلها علاقة بهالمواضيع اللي عم تنطرح بالمنتدى هلأ و بخاف ما تنفهم ......ياريت نشوف شي موضوع كبير منك سناء (اسمحيلي قول سناء لأن ما بعرف شو قول قبلها ) مشان إقدر أعطي رأيي فيه و بعدين بطرح موضوع من عندي ...
شكرا لأهتمامك
رامي

موقع زيدل سوريا حمص .. خدمات تشات و دردشة ... أرشيف المنتدى