الارشيف - عتابا

Pages: 1

عتابا
(انقر هنا ان احببت مشاهدة الموضوع الاصلي بالالوان و الصور )

Posted by: علي عامر

اذا جرحي قلعتي وهم شلتي * بحيّكلك وفا وإخلاص شلتي

وي سمره شي ألف مليون شلته * شلت صبري جفاكي العمر ذاب

أنا مجنون شعر وحلم وردي * ع منهل سمرتي وردان ورده

اقطفي عن غصن جرحي مية ورده * عبابك زيّني بعطر الحباب

م كنت بشيطنة هـ الحب داري * وضلّيت الألم والجرح داري

بنيلي القهر بالمجهول داري * وسقف عم يدلف مويّة عذاب

ي توت الصدر بالإخلاص طيّب * دوخت الوجد جوّا قلب طيّب

وي رمش الولف أكتر حد طيّب * ان مرقت على الدّهر صفّا سراب

رمشك سيف عرق القلب قاطع * وقلبي عا مواج السهر قاطع

وشرّدتي خيالي بحضن قاطع * اللي زهّر شوك حاير ع الغياب

Posted by: ziad sattah

عـ هالموضوع : شكرا ً أخ عامر

عسى بوجودكم هالبيت عامر

جميل القول يبقى دوم عـا مر

العصور ,و لو طوى الشّاعر تْراب

************

Posted by: علي عامر

زياد الشعر عا صفحة عتابا

الاعادي زدت من وهجك عتابا

وبيوت المجد ي معلّي عتابا

بحروفك فوق كومات السحاب

Posted by: ziad sattah

***

بيوت المجد للـ ْ مِثلكْ بنينا

و أهالي المنتدى زادو بنينا

حرارة حبَّكْ الـْ غَلّت بـ نينا

تـ َ حتّى شعرنا للكل ّطاب

***

Posted by: حكيم عيون

عليْ وزياد فرْشة وردْ مَدو
وبروحْ بمنتدانا الشعر مَدّو
مثلْ شيْ بحرْ فجأة اجتاحْ مَدّو
تسوناميْ حُبْ فيِّو القلبْ ذابْ
=============

Posted by: علي عامر

حكيم الشعر موسم خير جاني

وبمرج الطيش لهبة حرف جاني

وعا صفحة عتاب الشعر جاني

ينثر فرح ع جروح وعذاب

Posted by: علي عامر

رمشك تلف عيني بل تلفني

بجنوني ضل يتمرجح ت لفني

وانا ربّك على صدرك تلفني

ندي تا روّق بقلبك عذاب

Posted by: علي عامر

نهيد الحق ما عاد لو دوايي

وع همّ الشعر ما عطفت دوايي

وانا المجروح ومضيّع دوايي

دوايي حباب تلفي عا حباب

هواكي مجّد بجرحي حرامي

وحلالي بهدلو ونسّل حرامي

ونادم أنا عا انّي حرامي

وسرقت شواق شيطان العباب

Posted by: علي عامر

حلاكي من حلا ل بالبير أحلى

رضابك من طيوب الشهد أحلى

واذا بدّك بظرفي نغم إحلا

لا تفشي جنوني بالغياب

Posted by: علي عامر

شو بحبر العروق الرمح سنّو

اهالي العشق ت القانون سنّو

بجمرتهن م قدرو الليل سنّو

وع كتر القهر قلبي شاخ سنّو

وَلكن للوفا بيبان سنّو

وبيشلّ ببسمتو جيوش العذاب

Posted by: علي عامر

ببرد ظنونك انتحرت عبيتي

وقصيدي جن بعتابي ع بيتي

دموعي جرار من سيلا عبيتي

وضميري بالقهر والله عبيتي

وجنون القلب شو مصمّم ع بيتي

يلفّي ألوف متلك للعذاب

* * *

من صدرك أنا بطعّم عدالي

وسواس الشعر ينفح عداله

وعلى هـ النعم خلقو عدا لي

وشافوني شموخ عنقودو ع داله

ومواسم خير شو عطفو عدا لي

وبرأين خير م يوافق لهب

Posted by: ziad sattah

مش قارد تابع معك لأن ّ:

الحرارة بـ ْ هاتِفي قَطْعو كَبِلها

وْ صِرِت ْ إتْخَبّط بـ ساحي كـ بِلها

اشتَكيْت وْ شَكوِتي ظاعِتْ كـ َ بلها

بـ ِ ساح الفِكر ما إلها حساب

___________________

Posted by: علي عامر

يعطيك العافيه اخ زياد

حلووو ، يسلمو

فؤادي يا شعر شكلك بريتو

ومتل بري القلام خابص ب ريتو

رغم ما للعدل وحدك بريتو

ولامع بالوفا ملولح ب رايتو

وانا جنون الدهر بشو باريتو

بنغمه من نبل بيت العتاب

Posted by: مدين الغضه

عتابا كتير غنينا وجدنا
لهاالاحباب تانشرح وجدنا
وبأحلى منتدى زيدل وجدنا
أحلى صبايا وأحلى شباااااااااااااااااااااااااااااااااااااااااااااااا ااااااااااااااااب

Posted by: علي عامر

حلو كتير

تحيّاتي أخ مدين

ع بابن لو عدايي بشر دق

قلوبن بالوفا وخمرو بشردق

وع جنح الحب وصلتني بشر دق

ي قلبي وعيف عنّات الرباب

Posted by: مدين الغضه

أخي علي:
يا خلاني أنتم معاي تنوين
أراكي ريمتي عالهجر تنوين
خلق الله فوق العين تنوين
الم نشرح وفاتحة الكتاااااااااااااااااااااااااااااااااب

Posted by: علي عامر

الأخ مدين

اشكرك للمثابره

مدين شاعر وحرفك روى بي

عطش وزهور من احلى روابي

وبيتي بالغزل خمرو رُوابي

هجر لجروح بتبكي السحاب

Posted by: علي عامر

بهمّك مش ع قدّي انتكبتي

انت جرحي ومر قهري انت كبتي

وي غيمات الحيارى ان تكبتي

بقوة أثر حدّي بالحساب

بوكر الغنج احساسي ي راعي

الوفا بشفافها ويكتب يراعي

وكتر ما نغّمو جروحك ي راعي

ع ناي القهر أكتر بي لهب

Posted by: مدين الغضه

حبيبي اللي ما رعا حبي ولك لاه
تركني بغمرة الحمى ولك لاه
يا عامر عود واصلنا ولك لاه

لاتنسى أيام ماكنا حباااااااااااااااااااااااااااااااااااااااب
حبيبي اللي هوى غيري ولافلاه
وتركني قارع البيدا والفلاه
ياما ضربت اّهات بقلبي وألف لاه
وطلع رقم خالي من الحساب

Posted by: علي عامر

اذا طيلق جنونك ملحدينو

مليحي زهّر بجورة ملح دينو

وعلى قلبي ضميري ملح دينو

لقلبك غمر بخوابي الغياب

على شفافك حنان الفجر طل لق

وعبير الآخ ورد الشعر طلّق

جنوني فسحة الأحلام طلّق

شرد سرّو سكرجي ع البواب

Posted by: ziad sattah

أكـلْـت بْـرفـقـة الـخِـلاّن كَـمْ كـم

على صفحات كم موقع و كَمْ com

يـ َ أهل الشّـــــــــعر ما بيهِم ّ كَمكُم

الأصل بالنّوع مِــــــش كَم ّ الجواب

____________

Posted by: مدين الغضه

قوافي الشعر علينا عتابا
وأنة المجروح مع نغمة عتابا
كفانا ياخلان لوم وعتابا
تانرجع متل ماكنا صحاااااااااااااااااااااااااااااااااااب

Posted by: ziad sattah

إذاأخطأتْ, عَنَّكْ عَين غضّا

صديقك, بادِرو بِزْهور غضّه

علي عامر و مدين ابن غضّه

بِساح الموهبة شيوخ الشباب

******

Posted by: علي عامر

زياد المجد للحنكه شاعرها

بريشة خاطرو الكلمه شعرها

ومدين عطّر قوافي شعرها

وجبال الطيش من روحو شعرها

ولبنت الشعر ت نسرّح شعرها

العتابا نترغل ونفدي الحباب

Posted by: علي عامر

شرد قلبك بغابه كفر مال

منّو جنون الريح قصدو كفر مال

وعا شط قلبي ي سمره كفى رمال

الجفا تخفي المجامر بالتياب

Posted by: علي عامر

دخيلك عن وفايي ما تعزّي

غمر دافي ولـ سعدي ما تعزّي

قبل قلبك ي شقرا مات عزّي

ونعشي كان حرمان وشراب

Posted by: مدين الغضه

زياد وعلي لولاكم القمر مايتم
والله الدار لولاكم ميتم
النيل ودجله والفرات ميتم
ماساوو ربع دمعي عالحبااااااااااااااااااااااااااااااااااااااااااااا اااااااااااااااب

Posted by: علي عامر

اذا نحل ل بشعري عبر جو

ضباب الناس ت يهدّي ع برجو

بقلبك شهد أسمر عبر جو

وفا وإلفه من عيون الحباب

Posted by: مدين الغضه

ياريتو كل اليوم يوصلني بريدك
لسجل عاقلبي اني بريدك
انهمت وانتهم قبلي برييييييييدك
الذئب من دم يوسف حين غاببببببببببببببببببببببببببببببببببببببب

Posted by: مدين الغضه

هرمني الزمان وصرت منعاد
سقاني المر الممزوج من عاد
ياما جروح بقلبي من عد
السيوف الكامنه جوا الهداببببببببببببببببببببببب

Posted by: ziad sattah

وُجودَك بيننا عامِل كما جَو

شَبيه بـ ْفَرحة الـْ سِمْعو بْـ كما جو

فـ ِ ناس بْيتركو الساحة كما جو

و ْ فـ ِ ناس بْيِسكنو جوّى الهداب

***

Posted by: مدين الغضه

أحبابنا اذا نسيتوا تمرهون
ونخلات الشامخه فيها تمر هون
ومنتدانا بالحب ليش ت مرهون
انرهن بقلبنا مع الأحبابببببببببببببببببببببببببببببببببببب

Posted by: ziad sattah

بيوت المجد للـ ْ مِثلكْ بنينا

و أهالي المنتدى زادو بنينا

حرارة حبَّكْ الـْ غَلّت بـْ نينا

تـ َ حتّى شعرنا للكل ّطاب

ْ~ْ~ْ~ْ~ْ~ْ~ْ~ْ~ْ~ْ~ْ

Posted by: علي عامر

قلبي بالشعر والخمر عالم

من مختبر شوقو غني عالم

وم كان بغاية الهجران عالم

قسي شيطان قلبك عالحباب

Posted by: علي عامر

ليشو عن هوايي الحر قلبك

غنى حضرة جنابو وداب قلبك

وانا اللي عبدت جيدك بعد قلبك

حنيني شطّبو غدرك وغاب

Posted by: ziad sattah

هواكم بالقلب عاش وْ كَمَنْ في (بي)

وْ بَعِد ْهجرانكم صايِرْ كـ مَنْفي

أنا مِن دونكم ليلي كـ مَنْ في

فِراشو حَرّ جَمرات الحطب

*****

Posted by: Ibrahim.Y

يا سمرا ال منقل جفونِك..شِوي شيّ

شوا قلبي ولا كنّو..شِوي شِي

على الزنّار حطّيني شاويشي

تا حرّم بعد يتسلّل تعب!!

Posted by: ziad sattah

هلا بَك ْ يا إبن لـ ِ بْقاع, غَربيه

أنا مِن ْ بَعدْكُم ْ, و الشِّعِرْ غِر بيه

أبَد ْ لـ َ تْقول إنتَ بـ ْ دار غربه

إنت ْ ما بين أهلَك ْ و الحباب

~ِ~ِ~ِ~ِ~ِ~ِ

~ِ~ِ~ِ~ِ~ِ~ِ~ِ

Posted by: علي عامر

اذا قالو رمح سرّك وصل لي

قصد بركع بصومعتك وصلّي

العتابا جنونها خيوطي وصل لي

بدين الدّهر ت ببطشي انتكب

Posted by: أبو حيان

يازيدل بالقلــــــــــب عنك بحثنا
ياضيعة مارأت عينـــــي بحسنا
على كتابة شعر أسمك بيحثنا
شبابك هنّي أمّــــــــــار العتاب

أبو حيان

Posted by: ziad sattah

( زيدل ) خَلَقْها الرّب ْحلوه كالنّســـــــا

بـ ْ قولا تـ َ ذَكِّر ْ كل صاحب ْ كن نسى

غْبْار التَّقاعــــــس عن طريقَكْ كـَنِّـســا

وْمَـشــــّي مـعـي تـ َنْـزور جَـنِّـة ْ ربّـنـا

******

Posted by: ziad sattah

غرامي المرمر ســــنيني, غرامي

دموع ودم دفـــــــعني غـــــرامي

الجَمال البان من جسمك غرى مي

البحر , تـا صار يزحف للتراب

Posted by: علي عامر

ي بيوتي ع طيش القهر جنّي

أنا شاعر قلبت الدهر جنّي

وحنيني خضّب الأفكار جنّه

ولبّس هـ المدى احلى الثياب

Posted by: ziad sattah

يـ َ غُربه عالولف داري و حنّي

لأهلو حَنْ كل قاسـي وُ حَنْ ني

لـ زَغرِد ْ عندْ عـَودِتْهُـم و حنّي

كُـفـوفـي وْ اخـلع ثْياب الحـداد

$$$

Posted by: عشتروت

يا إيام الزمن صوبي عاجنّي **بدي الشام وبدربي عا جنّة

لأنو الرب بترابا عجنّي ** ما بقبل غيرها مخدة تراب

ثناء

Posted by: علي عامر

خوابي القهر يا حظّي بلاها

لأنّي مشرّد بفسحة بلاها

ع طيش القلب وسواس وبلاهه

زادت وانجلى همّ الغراب

Posted by: mario

يا ملحى الغنى و قول العتابا .......... و غزل الحبيب و حتى عتاب(ا) هو
و الشاعر لو جلس عند العتابا .........بيصير صدر البيت جنب البواب

ماريو

Posted by: علي عامر

قصدت حبّك ولكن بالربيعه

تسلّح قلب عطرو بالربيعه

وشو جابك تقدّي بالربي عا

ظروف الشعر قبل الأنتداب

Posted by: mario

تسلملي زيدل ما احلى سماها
ام الدني بميزاتها و سماها
و زيدل الخضرا شعبها سماها
كلها خضرا ما يبان التراب بببببببب

---
يا قلبي الما ينبض ابد وشباك
لاجلك لصيد الحلو بسنارة وشباك
ولعيونك لافتحلك كل باب وشباك
لبيت الولف ت نام عند الحباب

Posted by: ziad sattah

المُنادي مـ َ انْوَجَع ْ راسو كـ راسي:

يـ َريـت بـ تـرجَـعـو تِـمْـلو كـراسي

بـ ْ شَـــواطي بحركن باقي كـ راسي

عـَشَـــــطّـو وْ مـا بـقـى ينخر عـباب

Posted by: علي عامر

قتلني الشك عذّب إرتكازي

قلبي انكوى ولهلب إرتي كازي

سجد دمعي وصلّى إرتكى زي

ركوة عطف الله ع السحاب

Posted by: علي عامر

ي قلبي حاج بعيوني ترابي

وفجور الشوق فقّا في ترابي

جروح الورد المندّي ترا بي

سخيّه نبوع وكرين الهداب

موقع زيدل سوريا حمص .. خدمات تشات و دردشة ... أرشيف المنتدى