Pages: 1

أحتاج إلى الإثنان .. وطني وغربتي ..

(انقر هنا ان احببت مشاهدة الموضوع الاصلي بالالوان و الصور )

Posted by: syria & joleat

لا أعرف كيف سأبدأ .. من أين ؟؟
كيف سأبدأ بوصف شعوري إذ أني لا أعرف ما هو بالضبط ... شعور قد امتزج ما بين عواطف وحقائق وحزن وأرادة وما إلى ذلك .....
قضيت شهرين خارج نطاق حياتي المعتادة وذهبت إلى أرض الوطن الذي كنت قد غبت عنه 10 أشهر .. وجدت العديد من التغيرات منها السلبي ومنها الأيجابي ...
عندما أقترب موعد عودتي إلى الدوحة كنت مسرورة كوني سأعود إلى حياتي الطبيعية والأستقرار الذي لم انعم به قط خلال الشهريين الماضيين ... كنت قد استمتعت برؤية الأهل لا أكثر ولكن ضاق صدري بالازدحام السكاني وتلوث الجو وما إلى ذلك فدمشق عاصمة كبيرة تعج بالسكان إضافة إلى السياح في فصل الصيف....أردت العودة إالى الدوحة .... نعم وكم اشتقت إليها ............. ولكن ....................
ما إن وصلت أحسست بفراغ قد ملأ قلبي أشتقت إلى استنشاق هواء بلدي رغم تلوثه كما ذكرت سابقا .. اشتقت إلى النوم في بيت دمشقي رغم أن بياع المازوط أو بياع الغاز او البطيخ كان يوقظني دائما ...
أليس هذا غريبا ؟؟؟
لا ليس غريب هذا هو ما يسمى حب الوطن الأبدي .... مهما بعدت وأغتربت أبقى أحمل حب وطني واعتزازي به في قلبي على مدى الأعوام والأيام....

ما استطعت استنتاجه بعد كل هذا هو أنه من لا يحب وطنه هو كأبسط مثال أم انتزع من قلبها عاطفة الأمومة التي هي بالفطرة
لأن الله زرع في قلوبنا حب الأبناء وحب الوطن ونكران هذا الحب لا يعتبر إلا مرض....


تحياتي المغتربة _ ياسمين _


Posted by: Nada1981

مرحبا جميعا

عزيزتي ياسمين الاحساس الي انتي حسيتي فيه انا بحسه مرة او مرتين بلسنة.

انا من عشاق سورية و كتير بحب روح على سوريا و الحمدلله بيطلعلي كم نزلة بلسنة بلصيف و بلشتاء.
بلأول بكون مبسوطة انه رح انزل شوف الاهل و الاقارب و الاصحاب بسوريا و بكون طايرة من الفرح و لمى بوصل بكون كمان كتير مبسوطة بس المشكلة انه بعد كم يوم بحن لغرفتي و شغلي و رفقاتي و جامعتي بهولندا و بحس انه خلص داقة خلاقي من الشنططة بسوريا و الزحمة و الصرعة و كلشي ماني متعودة عليه و بصير بعصب من كل شي و اوقات بقعد بلبيت مابطلع بس بعدها لمى بيجي وقت السفر بيغص على قلبي و كل مابكون بمطار الشام بقعد ببكي مثل الاولاد الصغار, كتير بتعز عليي نفسي انه رح اترك سوريا البلد الي خلقت فيها و بحبها كتير و رح روح على بلد مع انه غريب عليي الا انه الاستقرار فيه صار بلنسبة الي شئ اساسي و مافيني انكره. و حتى اول ما بتحط الطيارة بمطار دمشق كمان بتنزل دمعتي من الفرحة انه خلص الحمدلله وصلت على بلدي.

ياسمين يمكن انا ذكرت لأكتر من مرة انه الغربة ب وطن عربي اسهل بمليون مرة من الغربة ب بلد اجنبي, على الاقل انه بتحكي عربي بتفهمي و بيفهمو عليكي حتى لو كانت اللهجة غير شي و عاداتهم و تقاليدهم متلنا بسوريا بس مع هيك الشغلة بيضل اسمها غربة. بتصدقي انه انا هلا سكنت بلشام و مع هيك حاسة انه لساتني بلغربة, كتير عم حن ل حمص و شوارع حمص و اهلي و رفقاتي بحمص. عزائي الوحيد انه عندي قرايبيني هون بلشام و رفقاتي و كليوم عم حاول اتعرف على المدينة اكتر و شوي شوي عم حس انه انا لساتني بسوريا و ماطلعت منها بس كل انسان اله حنين لمدينته الي خلق و تربى فيها.

معلش طولت عليكم اليوم بس النا تكملة مرة ثانية

تحياتي

ندى


Posted by: bent homs

يا ربي الغربه صعبه و الله حتى اانا مضاايقه كتير صراحه صرلي 6 سنين با السعوديه كنت ادرس قبل بحمص و لهلق ما قدرت اتئقلم يعني لو بيرجعوني على حمص هلق برجع حاسه حالي متل السمكه يلي طلعت من المي و ما عم تعرف حالا شو بدا تعمل بعشق سوريا اول م وصلت على سوريا نزلت من لطايره و الله ما بتصدقوا انو نزلت و بست ارض سوريا و الناس كلن استغربوا بس من كتر ما اشتقتلا الله يصبرنا با الغربه و بتمنا للكل واحد يرجع على سوريا و الله يحمي سوريا و رئيسنا بشار و اله يحمي من ك سوء يا رب


Posted by: mazen youssef

الى رفاق الغربة ................. نختلف ونتفق بالاراء ولكن الواقع موجود لااستطيع ان اشبه المغترب الا مثل الشجرة اذا اقتلعت وهي صغيرة لتزرع بمكان اخر فانها تنمو وتعيش وتثمر ........... اما اذا اقتلعت وهي فتية وبالغة اي لها جذور ولها ذكريات ولها اصدقاء ولها احباب ولها...ولها....... هنا تكمن المشكلة فصراحة لا نحن عارفين نعيش بالغربة ولا بالوطن . مجرد رأي........


Posted by: Desert rose

الغربة كربة والهم فيها للركبة
قول لاأستطيع نسيانه سمعته من فم المطران كبوجي من خلال شرح مفصل عن حياته وإغترابه ونفيه .
الأصح أن نقول المنتشرين حول العالم على أن نقول مغتربين
قول آخر للمطران لويس عواد سمعته أيضاً في لقاء المغتربين في زيدل منذ عاميين تقريباً وهو القول الأقرب والأنسب للشباب المغترب ....مع تعليل بسيط باستشهادي بقول قديم كان متداولاً قبل وقت من الآن :
إطلبوا العلم ولو بالصين
واليوم أصبحت الصين مع تقدم السنيين وبما فيها قي متناول كل الطالبين .
إذاً لم تعد الغربة كربة مع إعتذراي الشديد من سيدنا كبوجي ....!!!!
وأنا أوافق وبشدة من قال :
محل ماترزق إلزق....وعلى كيفك إنبسط وبعزق!!!
مع إعتذراي الكبير من وطني الحبيب

زهرة الصحراء



موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser