الارشيف - المقبرة..؟

Pages: 1

المقبرة..؟
(انقر هنا ان احببت مشاهدة الموضوع الاصلي بالالوان و الصور )

Posted by: ابن الحياة

بصراحة أنا بحب الزجل كتير .. وفرحت كتير لما دخلت عمنتدى زيدل ولقيت هالزجالة والشعراء المبدعين (( الأستاذ زياد اللي كان أستاذي بالمدرسة.. حكيم عيون.. عشتروت.. بدر.. علي عامر ... والكل))
أنا بسمع زجل من فترة ورح أكتب هلق وحدة من أحلى القصايد اللي اسمعتها من شخص غالي كتير علي قلي إياها وهوي إلو الفضل بتعرفي عَ الزجل و اللي هوي أبي الروحي ((نظام كسّاب)) للي بيعرفه.. وهي قصيدة للشاعر اللبناني خليل روكز اسمها المقبرة .. بتمنى تعجبكم...

مازال رح تبقي ع حبي مكبّرة
ومازال مافي عفو عند المقدرة..
انشالله تموتي؟ وما حدا بدفنك يجي!
وإيمك لوحدي ووصّلك عالمقبرة..؟

وصدفه إن إجا إنسان تَ يحمل معي
بقلّو تركني وبالوصية بدّعي..
من ميل تحت النعش بخفي مدمعي
ومن ميل وحدي بكون حامل جوهرة..

وكلّ فشخة كنت بقعد بستريح..
بزيح الكفن.. وبطّع بوجهك منيح
وبسقي شفافك من عطش قلبي الجريح
وبطلب من عيونك شفاعة ومغفرة..

وكلّ ما تعبت ورجعت شيلك عن جديد..
بصير صلي تَ القبر يبقى بعيد..
منشان إشبع.. والنعش يشبع نهيد..
شبعة أبد حامل بنعش الآخرة؟

وغني فراقيات وسنيني الكتار
يدوبوا عَ داير نعشك الأبيض غبار
وأوقع أنا والنعش آخرة النهار..
وقعة ابن مريم عَ درب الناصرة..؟!

وبرجع بشيل النعش عن أرض الهموم
وبشحد شوية عمر من عمر الغيوم..
وبصير صلي .. هون أوقع.. هون قوم
قطّع نهاري بالمشي.. وعند الغياب..
نوصل أنا وإنتي سوى عالمقبرة..؟

و ((نظام)) المبدع بيقول آخر بيت:

ننزل بجورة واحدة بالمقبرة..!

انشالله تكون عجبتكم..

ابن الحياة..

Posted by: ziad sattah

قلّي من تعاشر , أقول لك من أنت ..

من يعرف الصديق ( نظام كساب ) يعرف أن أصدقائه لا بد أن يكونوا مثال يحتذى به في كل شيء ..
مشكور أخي على هذه القصيدة الرائعة

و أهلا ُ بك متذوق و محب للزجل .

Posted by: ابن الحياة

لا تسألو مين إنت .. قلّو شو بيحب
منشان تعرف شو على قلبو انسكب
شكراً زياد وألف شكر وألف حب
عا هالشهادة ال كلّها زوق وأدب
أنا ونظام وكل شخص بيعرفو
بنهديك أحلى شكر بالكون انكتب

موقع زيدل سوريا حمص .. خدمات تشات و دردشة ... أرشيف المنتدى