الارشيف - زهر الحب عغصوني

دق شاعر على بابي وندهلي افتحي
دخل على قلبي وقال هيدا مطرحي

قلي انتي الشمس الضوت عتمتي
ناديني حبيبي ولا تستحي

انتي الفرشتي دربي ورد وريحان
اسمي جنب اسمك باقي ما بينمحي

بصلي لربي كل ليلة قبل ما نام
تردي عليي وقلبي ما تجرحي

قلتلو يا شاعري انت كتبت بحنين
وفتحت قلبي يلي تسكر من سنين

انت القمر يلي منور ليلتي
ندهتلك حبيبي بصوتي الحزين

زهّر الحب عغصوني
وصار الورد يغازل الياسمين

انت وانا مع بعض رح نبقى
ونعلم الحب لكل العاشقين

الرب لما سمع صلاتك برقة
كان عم يسمع مني الآمين