شو ذَكـَّرِكْ فيِّ

شو ذكَّركْ فيِّ

من بعد فرقة دهرْ

يا راجعه ْ

تَ تشعّليْ أحلام مطفيّهْ

وتعطـّشيْ عُمرْ إشتهى الميّهْ

وماداقْ غير المرمرة والقهرْ

===============

قلبيْ نسيْ

القلبْ الْ قِسِيْ

وصعبهْ إلو يرجعْ

صعبهْ إلو يسمعْ

مهما هتفْ

ومهما بخطاياهْ إعترفْ

مَ بسامحو

ولَ برجِّعَو عَ مْطارحو

سلطانْ يحكمْ مملكهْ

شبعتْ حكيْ

عَرَّشْ عَ حيطانا وتكيْ

شوكْ افتكرتو زهرْ

===========

وهالعينْ يلـّليْ نشّفو دمعاتها

واتسكَّرتْ بحجار رَدْمِتْ نبعةْ حكاياتها

مهما عيونكْ شَتـِّتْ بنظراتها

ماعادتْ تجريْ النهرْ

============