الارشيف - كن صديقي والا ....

شكراً حسام
صور رائعة ومعبرة
هل لازم نفهم من خلال هالصور بإنو صداقة الحيوان بها الإيام أهم من صداقة الإنسان .
.
.
على سيرة صداقة الحيوان
.
.
عند زيارتي لزيدل بفترة عيد الميلاد وقبل ما ادخل البيت سمعت صوت ...عوعوعو....هوهوهوهو

وبطبيعتي ....أنا بهرب من كل الكلاب مهما كان شكلهم ونوعهم ..مع إني بحب وفائهم .
قربت شوي شوي ...رجل لقدام رجل لورا ...ولو بتشوف شو شفت .
كلب اسود صغير مربوط ...نعوم مهضوم ....بردان ياحرام .
ناديت وسألت مين بيكون الأخ :
إجا الجواب ...هيدا بلاك ...بلاك ضيفنا الجديد اللي رح يشاركنا حياتنا الصيفية الجاي .
ومن طول سرد....
انا صرخت وقلت مستحيل ...يا أنا يه هالكلب بالبيت .
فرد والدي العزيز وقال :
والله مابدّل (( بلاك )) بمال الدنية لو بدي ماشوف خلقتك بزيدل .

انا سكتت وحلفت ...لآخد ((بلاك)) مشوار بالصيفية متلالمشوار اللي أخدت فيه البسينة (( سي سي)) اللي رافقتنا بالصيفية الماضية .

..
..
ماجربت صداقة الحيوان ...ولكن الي معهم تجارب كتيرة ...ومع كل تجربة باخدهن مشوار من محبتي الهم

بالبداية بتشكرك كثير سناء للمشاركة معي

مع انه ناطرين منك كم صورة من اللي عندك
وياريت لو مصورتينا هالبسينة( سي سي) اللي كانت مرافقتك بالصيفية أو هالكلب الصغير .
الانسان هو حيوان ناطق
مستحيل تكون صداقة الحيوان أهم من صداقة الانسان.
الآنسان ماله غنى عن الآنسان .يعني الواحد يتخيل نفسه عايش بغابة بين حيوانات لشوف كيف بدوا يصير.
الانسان بيتشبه ايام بالحيوان
بيصفوا بعض الحيوانات بالوفاء وبعض منهم بالغدر
وبعض اخر بالحكمة ..والصبر..او مفترس..
يعني صفات متل مابنصف بعض الناس كمان بنفس تلك الصفات .

لخبرك هالخبرية وأكيد أغلب اللي عايشين بالخارج بيعرفوها
أول ما بيسألوكي :عندك صديق أو صديقة(بوي فرند .كيرل فرند) او زوج او زوجة. وبعدين اذا كان الجواب انه لا ..رح يسألوكي :عندك شي حيوان مربيتيه.
أو عايشة مع حدا او لا او عايش معك حيوان.
الحيوان ب امريكا بيقصده فيه مو بس الكلب او القطة
(سنجاب .او حية أو سلحفة.حرباية.طيورب أنواعها...)
مع هيك كله ما ألهم غنى عن الانسان.
فصداقة الحيوان تكون فقط ليؤنسهم في عيشتهم حتى لايكونوا جالسين بالبيت لحالهم...وفي منهم له غاية متل..

رح تابع معكم بكم صورة ..
انشالله بيعجبوكم
أخونا عامل حاله دكتور او بده شي تاني..

وهيدا مو مسترجي يفتح عيونه من هالمنظر