منْ مذكّرات طالب جامعة

شو حلو فيكي فكِّر وإسرحْ...................وهَمْ الدراسهْ والكتبْ إشلحْ

أسرقْ منْ الساعاتْ شمَّة ْ روحْ.....وإصفى عَ شطـَّكْ قلبْ عمْ يسْبحْ

وغرِّقْ عيوني بعطر عمْ بيفوحْ.............بضحكات مثل زهور عمْ تفتحْ

فرْاشاتْ مفتونهْ تجيْ وتروحْ................مْـتـنقـْلهْ منْ مطرحْ لـْمطرحْ

ويمرْ شلال العتمْ ويلوحْ.....................بالريحْ حَدّ ْ الشمس يتمرجحْ

مرَّهْ عْلى الشفهْ يقعْ مدبوحْ....................ومرَّهْ بلحظ ْ العينْ يتجَرَّحْ

ومرَّاتْ يوصَلْ للمدى ويسوحْ............بشرداتْ مثل الغيمْ لوْ يشطحْ

الـْعيونْ شُبَّاكْ بجـِرِدْ مفتوحْ .............ونظراتها نسمة ْ هوى بتشرحْ

لوْ يغمزو منـّيْ العرقْ بيسوحْ..............وبدوبْ بينْ رموشْ عَمْ تقدحْ

إرسبْ لأجلكْ هالسنة مسموحْ............لكنْ أنا عَمْ ذاكركْ ساعاتْ

حتّى بحبكْ قدِّمْ وإنجحْ

===============================