الارشيف - شعْرِِك...

شعرِك يا غلطة من سواقيكي------مربط حواري من زغر سِنّو

بفزع يربِّط نظرتي فيكي------و ما تعود تحكي لْحرقتي عنّو

و لما ضميرو يئن عالوردات------بتميِّل النسمة بلا حْمولة

و بتروح فوق وراق كبّايات------بتصب شو لاقت عا جدّولة

و أيّام بتحسّو بلا مْراجيح------بيطال أعلى بلاد عليانة

و أيام بيبكّي جواد الريح------تا يحملو من كف التاني

و أيام لما يجنّد الخصلات------حتى خدودِك يحرسا منّي

و ما في أمل إلا ورا الحلقات------ذات الجرح بالوشوشة غنّي:

يا شعرها يا حكاية المشوار------ليش الخدود بْعدتها عنّي

و تحتك صدر من أوّل الأقدار------صرلو بْأسر البلوز مستنّي

طيلق جنودك كنت يا جبّار------لطيور أسرى حابسة العنّي

ان ضلّيت منحاز لْخدود النار------و عن صدر متقاعس..و مستغني

اتأكد إذاً جايي عا بكرا نْهار------غير إنت بدّو يحرّر الجنّة