لاقونا بالموَشـَّحْ

عيوني لـْحسنكْ مرصودهْ......وكِلّ الأحلامْ

وإيدي بإيدكْ موعودي ...........دفيانهْ تنامْ

=======================

خطفتِ قلبيّ وعَلـِّيتيْ ........بالعاليْ كتيرْ

وشََوقْ عُيوني خِلـِّيتيْ..........يفور نـْوافيرْ

وقـُولْ بعقليْ يا ريتيْ.......شيْ نـَسر كبيرْ

شوفكِ ناحيْ طِلـِّيتي........و صَايمْ أيَّامْ

=====================

عيوني لـْحسنكْ مرصودهْ......وكِلّ الأحلامْ

وإيدي بإيدكْ موعودي ...........دفيانهْ تنامْ

=======================

طارتْ عصفوره حَدَّا....وطارو العينينْ

وقلبيْ صارْ بيتعَدَّا .....بنبضو الألفينْ

بطـِّلقْ مرتي وبْرِدّا....وبا خـُذْ الـْ تنَينْ

ولولا البَتـْرَكْ يتصدّى......بَعْلِنْ إسلامْ

==================

عيوني لـْحسنكْ مرصودهْ......وكِلّ الأحلامْ


وإيدي بإيدكْ موعودي ........دفيانهْ تنامْ

========================

قولي شوْ قلبكْ قـَلـّو......ولَ تقوليْ قالْ

خلِّي الكلماتْ بظِلّو.........تبني عِرزالْ

حُبِّكْ هالصدر إحتلّو .........وشَرَّدْ موَّالْ

حَدْ الكون بيوصلـّو.......ت َيجيبْ خـْزامْ

================

عيوني لـْحسنكْ مرصودهْ ..... وكِلّ الأحلامْ

وإيدي بإيدكْ موعودي .......... دفيانهْ تنامْ

========================

زعلانهْ وتا راضيكيْ ...........فكريْ محتارْ

بخلـِّيْ البدر يحاكيكيْ.............ولاّ الأزهارْ

بدعي لْربِّيْ لاقيكيْ ......وبدعيْ لـْعشتارْ

تعودْ الحنـِّيهْ الـْفيكِ.........عَا قلبيْ حْرامْ

====================

عيوني لـْحسنكْ مرصودهْ ..... وكِلّ الأحلامْ

وإيدي بإيدكْ موعودي .......... دفيانهْ تنامْ

========================

عيونكْ قصر بأبراجو .....شيْ مشْ معقولْ

وقلبيْ قبرو عَ سياجو.......جندي مجهولْ

قضِّى عمرو عَ دراجو ........وما كانْ يطولْ

نظرهْ تواسيْ إحراجو........سنينْ وأعوامْ

=====================

عيوني لـْحسنكْ مرصودهْ ..... وكِلّ الأحلامْ

و إيدي بإيدكْ موعودي .......... دفيانهْ تنامْ

=======================

يا ويليْ مِلاَّ ورطهْ................كِثرو الحلوينْ

ولازمْ إستدعيْ الشرطهْ.......صارتْ تخمينْْ

أو بعملْ قلبيْ تورطهْ............هاتو السكينْ

وكِلْ وحدهْ تاخد قـَطـَّهْ ..........بيكـَفـِّيْ سْهامْ

======================

عيوني لـْحسنكْ مرصودهْ ..... وكِلّ الأحلامْ

و إيدي بإيدكْ موعودي .......... دفيانهْ تنامْ

=======================

أهلا محمد ضاويها..............لـْزيدلْ لِمْ بانْ

ودقة ْ قلبو بوَصِّيها..............تعملْ طوفانْ

ولولا فكرو يهديها..............لوحهْ و ألونْ

رموشيْ ريشهْ بْساويها.......لأحلى رسَّامْ

=====================

عيوني لـْحسنكْ مرصودهْ ..... وكِلّ الأحلامْ

و إيدي بإيدكْ موعودي .......... دفيانهْ تنامْ

========================

الشعر الـْ بــِيصِبْ الخمرهْ...وبيعَبِّيْ الكاسْ

بتعلقْ عشفافو الحسرة......لو خدِّكْ باسْ

صيريْ عا قبريْ زهرهْ............أو باقة آسْ

هَلقْ بحْكمْ مشْ بكرى ......حاليْ إعدامْ

=====================

عيوني لـْحسنكْ مرصودهْ ............. وكِلّ الأحلامْ

و إيدي بإيدكْ موعودي ................. دفيانهْ تنامْ

========================

الشغلي ما بدها حِيرهْ..................قلبيْ مدبوحْ

بأمورهْ وبنتْ زغيري....................عِطرا مَ يفوحْ

خدّا اشهى منْ فـْطيرهْ.............وخبز المشروحْ

وتِمَّا سْلاحْ الـْتدميريْ................الـْخبَّااا صِدَّامْ

=======================

عيوني لـْحسنكْ مرصودهْ ..... وكِلّ الأحلامْ

وإيدي بإيدكْ موعودي .......... دفيانهْ تنامْ
========================

حلوهْ يا بنتْ بْلاديْ...............و أصلكْ معروفْ

وعاديْ وأكتر من عاديْ .........هالذوق نشوفْ

منْ زنبقْ كِتفْ الواديْ.............حَكيكْ مقطوفْ

وعا موجْ البحر الهاديْ...............بِ قلبيْ عَامْ

=======================

عيوني لـْحسنكْ مرصودهْ ..... وكِلّ الأحلامْ

وإيدي بإيدكْ موعودي .......... دفيانهْ تنامْ

****

السِحْر بعينيها لالى........بنظرهْ تَ يقولْ

كتار الـْقبلكْ كِرمالا...............فيها مَقتولْ

قِلـْتْ تتضلـّى عا حالا......وببقى عا طولْ

عاملْ بْو الهول قِبالا .........وهِيِّ الأهرامْ

===================

تسلمليْ هاكْ الغمزهْ ........برمش الدبّاحْ

الـْبدَّا ستعشرْ غرزهْ ..............تتلم ْ جْراحْ

ولولا عْصرتيْ هالكنزهْ.....الـْعا صدريْ ساحْ

مَيِّهْ بتكفـِّي برزهْ............وضْواحي الشامْ

======================

عيوني لـْحسنكْ مرصودهْ ..... وكِلّ الأحلامْ

و إيدي بإيدكْ موعودي .......... دفيانهْ تنامْ

=====;;;;;;;=====;;;;;;;=====

عيونكْ بحْر وبـَحَّارو........قلبيْ المشغولْ

رموشكْ منْ حَولوْ دارو ..شِبهْ الأسطولْ

لوْ بَعدْ عْليِّ جارو .........مَنـِّيْ مسؤولْ

بخلـّيْ الشوقْ بزنارو........يفرقعْ ألغامْ

====================

عيوني لـْحسنكْ مرصودهْ ...... وكِلّ الأحلامْ

و إيدي بإيدكْ موعودي .......... دفيانهْ تنامْ

=====================

رشـّي أشواقكْ رشّيْ ......عا قلبي بْهارْ

ولَ تقولي فيِّ وَشـَّهْ.........لو مهما صارْ

لـَحْظكْ بِ قلبيْ برمشهْ......حَرَّكْ إعصارْ

وأنتيْ للخلفْ بتمشي .......ومَرَّهْ لـْقدَّامْ

===================

ليشْ تضلـِّي مسجونهْ.....بحبس التفكيرْ

طيريْ نلفْ المسكونهْ.........جوز عْصافيرْ

كوني مثلي مجنونهْ ...........ووقتا بيصيرْ

شو مَ حكينا يا عيوني.........لا مَ بنلاّمْ

=====================

سَكـَبتْ الخمرهْ بأ قـْداحيْ .......شِفـِّيها شَفْ

بلكيْ بْتميليْ ناحيْ ..............لوْ راسكْ لـَفْ

يدقْ جْناحكْ بجْناحيْ...............وشويِّهْ يطِفْ

بلمسهْ يشفيليْ جْراحيْ.....بقلبيْ الـْمنْضَامْ

====================

يا حلوهْ عْلى هالحالهْ......صَرْ عنديْ شَكْ

منْ فوق الغيمْ العاليْ........رَحْ أوقعْ شَكْ

الوسكيْ ولوْ سِعرا غاليْ.....بحررلِكْ شِكْ

الـْفيِّو ماليْ ورسْماليْ......الـْهوِّيْ الإلهامْ

===================

قلبكْ لوْ مهما بحبيْ..........صاير طمَّاعْ

صعبهْ الشوقْ اللي بقلبي..يكبر ويساعْ

بكرى بتـْصاليْ بقربيْ........لحدْ الإشباعْ

وعن نهداتي بتنـْوِربي......لوْ غيريْ حامْ

==================

عيوني لـْحسنكْ مرصودهْ ..... وكِلّ الأحلامْ

وإيدي بإيدكْ موعودي .......... دفيانهْ تنامْ

****
هيدا الورد الليْ عِندو ....يا شاري سْماعْ

وكنّو أغراكْ بردّو..................عالفور دْفاعْ

و رِدّ البسمهْ عا خدّو...........طِفرانْ و جاعْ

زهورو مدّا عا حَدو............وما فيْ سوَّامْ

شكراً لكِ شاعرتنا ثناء ..للمتابعة وشكراً لكلماتكِ اللطيفة وأتمنى أن تشاركينا هذا اللينك وكذلك بقية الشعراء الذين نتوقُ لإبداعاتهم وجديدهم في منتدانا...

=هاي الردّة مزحة زغيرة عالهامشْ=

حَكياتكْ لمـَّا بتحْكيْ..............متحَيَّرْ فيكْ

مدري من تمْ السمْكهْ ......أو عِرْفْ الديكْ

بدوِّر تا لاقي حَسْكهْ............كِلْما بْشويكْ

بتطلعْ هَبْره بكلْ عَرْكهْ......منْ غير عظامْ

==================

سرّ الكلمهْ عَ شفافيْ..........ببحركْ مرهونْ

وعا صَخر الشط ْ الصافي ........بتقرا الـْعيونْ

و لولا تكوني شِفـَّافهْ............ما كِنتْ بْكونْ

بسمهْ بهالجو الدافيْ ........الـْعمرو ما غـَامْ

====================