الارشيف - جاوبوني بصراحة

Pages: 1

جاوبوني بصراحة
(انقر هنا ان احببت مشاهدة الموضوع الاصلي بالالوان و الصور )

Posted by: syria & joleat

انا عندي كم سؤال حابة أسألكن ياهون بس ياريت الاجوبة تكون صريحة اوكي؟؟
ومشان ما يصير كاني ماني انا اول وحدة رح جاوب على أسألتي
1- شو هي اتعس لحظة بحياتك وصلت فيها لدرجة ضاقت فيك الدنيا؟؟
2- شو هي احلى لحظة بحياتك ماوسعتك الدنيا من الفرحة فيها؟؟
3- مافي حدا ما خنقتو العبرة .. وقت خنقت العبرة لوين رحت ولمين حكييت؟؟
4- ايمتى اكتر مرة ستغبيت حالك

؟؟

بالنسبة الي
1- لما توفت خالتي المقربة الي كتيييييييير وانا كنت بالغربة ومو طالع بإيدي شي حسيت انو اقرب الناس الي ماتت وانا صرلي مو شايفتها شي 8 شهور وما قدرت حتى احضر عزاها
2- بصراحة في لحظة كنت مفكرتها احلى لحظة بحياتي بس للاسف بعدين صرت اعتبرها اسوأ لحظة: كان في شب انا معجبة في كتير وقلي انو بيحبني (( طلع كزاب))
بس هلأ صارت عندي احلى لحظة بحياتي وقت تجمعت كل عيلتنا ببيت واحد بدون ما يكون ولا حدا ناقص كلنا مع بعض هي شغلة مو قليلة بالنسبة الي لاني مغتربة
3- وقت تخنقي العبرة بروح فورا لعند ماما احكيلها يلي بقلبي
4- مرة كنت طالعة عمجمع وحطيت ايدي على جيبتي وما لقيت موبايلي وكنت ماصرلي اسبوع شاريتو جنيت كنت عماحكي مع رفيقتي قام قالتلي شو في قلتلها موبايلي مدري وينو قالتلي ليش ان من وين عماحكي معك انشالله

!!!!!! طلع بايدي وعمالعي فيه

تحياتي syria & joleat

Posted by: sulieman safar

الصديقة الغالي جوليت السورية .
بالفعل اعجبتني طريقتك في التسائل من حيث انكي تعطي الأجوبة للأسئلة التي طرحتيها وكنت على وشك كبير لجواب اسئلتك وما ان شاهدت:
.............4- مرة كنت طالعة عمجمع وحطيت ايدي على جيبتي وما لقيت موبايلي وكنت ماصرلي اسبوع شاريتو جنيت كنت عماحكي مع رفيقتي قام قالتلي شو في قلتلها موبايلي مدري وينو قالتلي ليش ان من وين عماحكي معك انشالله !!!!!! طلع بايدي وعمالعي فيه

...........الانسانية على الأرض اصبح عمرها لا يقل عن ثلاثة ملايين ونصف سنة والموبايل لا يكثر عن عشرون سنة وبدأ يأخذ تلك الأهمية .
يمكني موضة باطلة!
ولكي محبتي.
سليمان

Posted by: Nada1981

اقتباس:

4- مرة كنت طالعة عمجمع وحطيت ايدي على جيبتي وما لقيت موبايلي وكنت ماصرلي اسبوع شاريتو جنيت كنت عماحكي مع رفيقتي قام قالتلي شو في قلتلها موبايلي مدري وينو قالتلي ليش ان من وين عماحكي معك انشالله

!!!!!! طلع بايدي وعمالعي فيه

الاخت syria & joleat

بلأول حابة اعرف من حضرتك اذا كنتي حمصية ام لا؟ أو اذا عندكم عرق حمصي بلعائلة؟

لأنه اذا ماكنتي حمصية او ماعندك عرق حمصي اكيد عاشرتي حماصنة كتير

و بما انه بمنتدى زيدل اغلبيتهم حماصنة ف بنصحك تدوريلك على شي منتدى ثاني لانه هدا المرض ( الحمصي ) بيعدي

اكيد عم امزح معك

اهلا و سهلا بحضرتك معنا من وين ماكنتي: حمصية, سورية, سودانية, سيرلانكية, المهم عربية.

انا مارح جاوبك على كل الاسئلة رح جاوبك على السؤال الاول:
1- شو هي اتعس لحظة بحياتك وصلت فيها لدرجة ضاقت فيك الدنيا؟؟

لحظة التعاسة عم حس فيها مرة او مرتين بلسنة لمى بنزل على سوريا و تحديدا بقاعة الانتظار بمطار دمشق لمى بكون راجعة على امستردام. بهديك اللحظة بتكون الدمعة بعيني و بحس انه الدنيا ضاقت فيني بعد ماودعت قرايبيني و لمى بطلع حواليي و بشوفهم كلهم عم يستنو الطيارة و وقتها ببلش البكي . يمكن صرت اكره انزل على سوريا بسبب الشغلة هي.

شكرا اخت syria & joleat على الموضوع

تحياتي

ندووووش

Posted by: بنت القمر

موضوع كتيرر حلوو لدرجة شد انتبهاهي

1- شو هي اتعس لحظة بحياتك وصلت فيها لدرجة ضاقت فيك الدنيا؟؟

بالنسبه لي لايوجد لحظات شديدة التعاسة ولكن بدرجات اخف انا بالنسبه لي عندما يكون لي اتصال من اهلي بالغربة وكون قادرة انو اسمع صوتهم وما شوفهم بحس وقتها بتدمج السعاده مع الفرح بسماع صوتهم مع الحزززن الشديد لعدم رؤيتهم

2- شو هي احلى لحظة بحياتك ماوسعتك الدنيا من الفرحة فيها؟؟
احلى لحظات بحياتي لما سنعت كلمة ماما من تم بنتي

3- مافي حدا ما خنقتو العبرة .. وقت خنقت العبرة لوين رحت ولمين حكييت؟؟
ما بشكي لحد بحط راسي ع مخدتي وهات يا بكى لحتى روووووووق لانو ازا شكيت لحد وانا متضايقه يمكن دب خناقه معو هههههه

4- ايمتى اكتر مرة ستغبيت حالك

؟؟

عندي صديقه نظرها خفيف لدرجه انو بدها مساعده لحتى تعرف الطريق
مره كنت قاعده انا وياها عم نتسلى واثناء الكلام عم نقول انو ما في شي ببلاش
نطيت انا وبكل هبل فيني قلتلها ما في شي ببلاش غير العمى والطراش

بنـــ القمرر ـــت

موقع زيدل سوريا حمص .. خدمات تشات و دردشة ... أرشيف المنتدى