مطبخ زيدل التخصصي والشيف عبودي

هذه الحلقة معادة بسبب طلبات الجماهير الكثيرة
كمااريد ان انوه انني حاصل على شهادة ما جيستيريا في فن الطبخ

هناك صور ماهي كويسه بالمره لمن هم تحت 18 سنه
يشمل التحذير الحوامل "لاتجيني وحده بعد كم يوم تقولي انها اجهضت لاسمح الله والسبب موضووعي....ايوا ...الي اولو شرط اخرتو نوور

ورح نستعرض مع بعض العديد من الاطباق والاكلات والكوكتيلات
*اليوم رح نتعلم سوى طريقة تحضير كوكتيل فريد من نوعه
كوكتيل ابدى الكثيرين اعجابهم بهذا الكوكتيل

المقادير :عدد عشرة (فروغ) ذوي الاوزان الجيدة
2كوب ماء + ملعقتين ونصف سكر
هاي هي كل الشغلة وحاج تقولولي الطبخ بدو نسوان
الطبخ بدو رجال مو اختراع ذرة شوقت عينكم
اي المهم بلا طول سيرة

طريقة التحضير:
طبعا بعد ارتداء القفازات حفاظا على النظافة العامة
نقوم بتنظيف ال (فروغ) وذلك بعد الغسيل الجيد بالماء
ملف مرفق 2841
ثم نقوم بسلخ الجلد عن الجسم مع العلم انه يمكنك الاحتفاظ بالجلد
ملف مرفق 2842
ثم نقوم بوضعه في خلاط مولينكس اصلي يكون صنع ياباني
حفاظا على جودة الكوكتيل وفخامته ويضرب ضرباً موجعاً ومبرحاً
ملف مرفق 2843
ومن ثم نقوم بوضعه باكواب وتقديمه طازة يعني من الخلاط للشرب فورا
كما يمكنكم ان تقدموا معه شريطة سوداء لربط الاعين للضيوف عند التقديم وشرب الكاس شرقة واحدة
بالاضافة لملقط يوضع على الخشم اثناء شرق هذا المسحوق
ملف مرفق 2844
بالهنا والشفا
نراكم قريبا وموعدنا مع طبق جديد من اطباق الشيف عبودي
وجبتنا القادمة تاتيكم من استراليا تحديداً

اهلاً وسهلا بكم احبائي وطبخة جديدة من طبخات الشيف عبودي
بداية اشكر كل من شارك معي بطبختي الماضية
((انجل * ندى * الماسي * عبوودي *وجميع المشاهدين))
طبعا اسم (الفروغ) في طبختنا الماضية هو الضفدع
واهلا بالجميع ولمشاركاتكم بهذه الحلقة عن طريق رساءل الـ اس ام اس
نرجو الارسال على الرقم خمسة (5)
وكما وعدناكم في الحلقة الماضية ستكون طبختنا لهذا اليوم من اجواء استرالية

(((((((((((( كنغر شنخر )))))))))))
بداية اود ان اعرف مشاهدينا على الكنغر
هو في الاصل لم يكن كنغر انما كان ارنب ولكن بعد ان اكثر من تناول الخيار الي زارعو الخال سليمان تطور الي ان اصبح ارنب كبير وعندما رفع الخال الخيارات عن الارض 90 سم اضطر هذا الارنب الكبير ان يشط حاله ويمط رجليه الي ان وصل للخيارات ومشي حالو صار كنغر
وبدون طول حكي اليكم المقادير
مقادير الطبخة :
عدد 1 كنغر متوسط الحجم
لحسة زبدة بس
شي خمس طعشر خيارة من خيارات الخال سليمان
عرق بقدونس للزينة
توست محمّص
قطايف للتحلية
طريقة الصنع :
بداية يجب اخذ الحذر عند اصطياد الكنغر فانه قد يقوم بحركات لا تعجبكم
ملف مرفق 2845
ثم نصطاده ونشحطه الي المطبخ شحطاً مبرحاً
ملف مرفق 2846
ثم نقوم بتعليقه بسقف المطبخ كما في هذه الصورة
طبعا هذه الصورة من عزيمة الخال سليمان بالزمانات لشيوخ الامارات على الكناغر ..كانت عزيمة غير شكل
ملف مرفق 2847
ثم يسلخ جلده عن عظمه سلخاً جيداً
يقطع قطعا متوسطة الحجم
ويلوًح بالزبدة يعني تشمييع بس ويقدم نيء تماماً من الداخل
يعني مو مستوي اللحم ......... اذا خليتوه يستوي ما بيطلع طيّب اسالو شيف ولا تسالو دكتور
ويوضع معه البقدونس على الوجه والقطايف والتوست المحمص بجانبه ويقدم بدمه للضيوف
ملف مرفق 2848
اما بالنسبة للخيار مالو داعي بهاي الاكلة بس فيك تاكل الخيار على جنب
او لف الخيار بخبزة وكلها اذا ما عجبتك الطبخة
اما اذا بدكم تاكلوا الكنغر شنخر على طريقة الشوربة
مما عليكم الا وضع كل ماذكرت بالخلاط المولينكس وضربه ضرباً مبرحاً
ملف مرفق 2850
بالهـــــنا والشفا
شكرا لاصغائكم وموعدكم مع طبختنا القادمة ومن المملكة العربية الســــعودية واشهى الطبخات

يسعدلي مساكم جميعاً واهلين فيكم بحلقة جديدة وطبخة جديدة مع الشيف عبودي
واليوم ومتل ما حكينا بالحلقة الماضية اكلتنا رح تكون من المملكة العربية السعودية
الضب او ما يسمّى الحردون المتطور
ويختلف الحردون بطريقة طبخه وتعددت طرق اكله وسنستعرض معكم هذه الطرق
طبختنا باسم:
(((((((((((((( Hardon )))))))))))))))

واليكم طريقة الطبخ من طقق الى ان ننهي هذه المجزرة عفواً اقصد الطنجرة
مافي داعي لمقادير الطبخة لانو رح تكون تقديرية
اول شي لازم تروحوا برحلة صيد على صحراء السعودية ويكون معكم الالماسي دليل سياحي
لانو اصطياد الهرادين لازملو خبرة وماالكم الا الألماســي
منصطاد الهاردون ونقوم بشق بطنه لاخراج الامعاء والتوابع وتنظيفه بالماء والصابون
ولكن اذا اكتشفنا بعد شق البطن وجود بيض في بطن( الهاردون)
فهذا يدل على انها انثى( هاردونة ) يعني
ملف مرفق 2863
علينا اعادتها وتركها تذهب بسلام حرااام ورح ندور على (هاردون) تاني يكون ذكر
(( لا حدى يقلي كيف بدنا نترك الهاردونة تروح بعد ما شقينا البطن))

ثم نقوم بتعليقها على حبل الغسيل بعض الوقت لتنشيف اللحم وتصفية السوائل
ملف مرفق 2864
ثم نقوم باشعال غاز وتحميرها مباشرة على النار ومن ثم تستطيع اكلها بدون ملح اذا اردت يعني
( قرمشي قرمشها )
ملف مرفق 2865

او بامكانك سلقها بالماء على نار هادئة وذلك بعد تقطيعها الى قطع صغيرة واضافة بعض البصل والمنكهات من بهار وملح وفلفل ....الخ
ملف مرفق 2866

او بامكانك سلقها بطنجرة البريستو المعروفة بطنجرة الضغط ونضع الهارادين بصحن كبير نوعاً ما
ملف مرفق 2867
ويقدم الهاردون كطبق حار او مازة او حتى يمكنكم عمل كبسة مع رز يعني حسب الطلب
وبالهنا والشفا
انتظرونا في حلقتنا القادمة قرمشيات متنوعة
في امان اللـــــه

.
.
.
مساء الخير للكل..

الضب على عكس الكنغر يابروفيسور..

كل الكليسترول اللي بالدنيا موجود فيه..

يعني إنتباه من هالشي..

وكل الشكر والتقدير للشيف عبودي على هذه الحلقات الشيقه..

وبإنتظار الجديد المذهل..

اهلا وسهلا بكم اعزائي بحلقة جديدة من حلقات الطبخ والنفخ
وبما انو وعدناكم في الحلقة الماضية تكون حلقتنا هاي على الخفيف يعني قرمشيات
اخترتلكم كم اكلة سريعة التحضير لا تحتاج الى مواد كثيرة
بالحقيقة اليوم محضرلكم ثلاث اكلات سريعة التحضير وسريعة المفعول

هيك اسم اكلتنا الاولى وهي الكفّاش وسر تسميتها كفّاش هوي من دمج كلمتين
&&&& كمش _الخفاش &&&&
يعني الصعوبة بـ كمش الخفاش بسبب ظروف عيشه المظلمة والمقلوبة بالشقلوب
هيك صرنا كلنا منعرف شو يعني كفّاش او بما يسمى وطواط او خفاش
ما عليكم الا انكم تصيدوه متل ماهوي وتحطوه على الغاز الطباخ حتى نشويه بكامل اجزائه ومحتوياته
ملف مرفق 2879

ثم يوضع بالشمس لمدة 5 دقائق وبعدها بيصير فيكم تقرمشووووه
قرمشي يعني تمزمز
ملف مرفق 2880
وصحنا وهنا

ملف مرفق 2881
يعني اسهل من هيك اكلات مارح تلاقو ابدا بمطابخ العالم كلها
جيجان هالكلمة جاي من كلمة ديدان يابانية ( جابان+ديدان )= جيجان
طبعا هاي مختلفة نوعا ما عن الديدان العادية
كبيرة ودسمة وبتلاقوها بالغابات اليابانية
بتضلوا تنبشوا بالارض لحتى تلاقوها وبس لقيتوها بتكون جاهزة الطبخة
يعني تؤكل طااااااااااااااااازة
يعني بدون شوي ولا سلق ولا شي ابداً
من الغلوة للكلوة

ملف مرفق 2882
صراصير برية تٌشك على شكل حبات متراصة الى جانب بعضها البعض وتشوى على الفحم
يعني متل شوي الشيش نار تكون خفيفة وتلوّح تلويح فقط بالنار
وبعدها بتصير جاهزة للمزمزة والقرمشي
وصحة وعافية انتظرونا بحلقتنا القادمة واكلة جديدة فريدة من نوعهاتحمل اسم الطرابيع

اجدد تحياتي لكم اعزائي في حلقة جديدة وطبخة لذيذة
طبختنا لهذا اليوم تحمل اسم طرابيع وهذه الطبخة ادرجناها سابقا في المنتدى ولكن ازدياد
طلبات الجمهور ورسائل الاس ام اس اجبرتنا على اعادة طبخ هذه الاكلة الفريدة
طرابيع هي اكلة فلبينية وتعتبر من الاكلات الرائعة في الفلبين
طرابيع هي جمع لكلمة طربوع
طرابيع :هذه الكلمة مصدرها كلمتين مدمجتين وهما ( جرابيع) + ( طريّة ) = طرابيع ههههههه

مقادير الطبخة :
طنجرة فيها زيت للقلي
مصفاة لأخراج الحمة من الزيت
7 طرابيع بيضاء اللون
القليل من البهارات
واخيرا وليس اخيرا شلمون احراق يعمل على الغاز

تقومي سيدتي بالامساء بالطربوع من ذيله ومن ثم تقومين باشعال اداة الحرق ( الشلمون)
ومن ثم تقومين بتمرير هذه الاداة على جسم الطربوع لاحراق الشعر الموجود على جسمه الناعم
ملف مرفق 2883
ثم سيدتي تقومين بغسيل الطرابيع جميعا بالماء جيدا وتضعينها في سلة بلاستيكية لتصفيتها من الماء
ملف مرفق 2884
ومن ثم يقطّع قطعاً ناعمة او خشنة على حسب الطلب مع اخذ الحذر ما تجرحوا اصابيعكم
ملف مرفق 2885
ومن ثم تقومين سيدتي باحماء الزيت ووضع هذه القطع بواسطة المصفاة في داخل طنجرة الزيت
لكي يقلى جيدا جدا بالزيت
ملف مرفق 2886
كما يمكن ان تقومي بشويه على الفحم سيدتي
ملف مرفق 2887
وايضا بالامكان خلط اللحمة بعد التقطيع مع الفليفلة الخضراء
والضرب بالخلاط ضربن مبرحن حن حن حن
بس رح اعتذر عن وضع صورة للمخلوط بعد الضرب لاسباب انسانية
وبالهنا والشفا سيدتي
يا جماعة كانو الصبايا ماعم يطلع الهن صوت بعد ما افتتحنا هالمطبخ هههههههههه
يمكنو عم يطبخو بالبيت وعم يجرّبوا هالطبخات العجيبة والخنفشارية
وصحتين وعافية جميعاً موعدنا معكم في الاسبوع المقبل مع اكلة سيبقى اسمها مفاجأة لكم
في امان الله

اي من وين بدو يطلعلنا صوت.. مشغولين بالمطبخ عم نسلخ هرادين ونشوي طرابيع..
من شدة الطلب عالضفادع والهرادين.. ما عادت تلتقى بالاسواق ..
الهرادين الذكورية انفقدت والانثوية عم تمشي
مصارينها لبرا تتبعا بنصائحك
ردا ً للمعروف و مقابل كل هالاكلات المقرفة..قصدي المدهشة والمتنوعة اللي تعبت حالك شيف عبودي في اعدادها..عازمينك عزيمة تَشكر..
على خفافيش مقرمشة و طرابيع مقتولة عن طريق التسمم
وبلا فخر ومنية رح تكون محشية على الطريقة الصينية وبلا نتف حفاظا على جمالها ورونقها..بالهنا والشفا شيف عبودي
بس انتبه ما تاكل اصابيعك

عنا علم هي الاكلة من اكلاتك المفضلة
في امان الله

اهلا وسهلا بكم في حلقة جديدة وطبخة مفيدة في مطبخ زيدل التخصصي
حلقة اليوم سنقدم لكم طبخة بعنوان

كما ويطلق عليها اسم (( هوت كلاكيب دوغ ))
اكلة اسيوية اطلقت عليها هاذ التسمية كلاكيب نسبة لجمع كلمة كلاب
ونبدأ معكم بالمقادير
مقادير الطبخة :

كلاكيب عدد 3 على الاقل حتى تعزموا الجيران وتدعولي
شلمون ( اداة لحرق الوبر الناعم) تعمل على الغاز
شنغل لتعليق الكلاكيب
منقل صغير لشوي الكلاكيب
لحسة زبدة لدهن وجه الكلاكيب بعد الشوي

طريقة الذبح والسلخ والطبخ :
اولا مافي داعي تصيدو الكلاكيب
الي عندو كلاكيب بالبيت يجرب عليه قبل ما يعذب حالو ويطلع يصطاد
ثم نقوم بذبح الكلاكيب باستعمال ساطووور( الساطور نسينا نحطو بالمقادير)

ملف مرفق 2889
ثم نقوم باحراق الشعر الناعم بواسطة الشلمون الحراري حتى نتاكد من خلوه من الوبر اذا جاز التعبير

ومت ثم يشوى على نار قوية بدون تقطيع اذا كان منقل الفحم كبير
او يقطع الى قطع صغيرة اذا كانت شواية اللحم صغيرة

وبالهنا والشفا جميعاً
كما اريد ان اشكر الامورة سلفانا على الوجبة الدسمة المهداة اليّ
مما شجعني على متابعة هذه الحلقة والتطور الذي لاحظته على طريقة طبخ صبايا المنتدى والى الامام يا صبايا
والشكر الوفير والدسم لـ عبدالله عرعوش الملقب بـ ابو عرنوس لتزويدي بكافة المقادير وشلمون الشوي ومنقل الفحم والكلاكيب

في امان الله

اهلن وسهلن بكم جميعن عن عن عن ( هاذ صدى صوتي) هههههه
وحلقة جديدة من حلقات مطبخ زيدل التخصصي ومع طبخة جديدة
اليوم سنقوم بطبخ الـ KHtakeet
هذه الطبخة تعتبر في دول اسيا من الاكلات الشهية واللذيذة
هيك طبخات مافي داعي تدورو على مواد الطبخة والمثل بيقول جود من الموجود
يعني الي عندو قطة او قطو بالبيت فيه يجرب عليه هالطبخة

اليكم مقادير الطبخة ويمكنها رح تسبب نفخة
المقادير:
قطو منزلي
صـــــاطور
شنغل (( صار معروف الشنغل لشو بيستعمل)
شلمون يعمل على اللغاز
شوية فلفلة خضرا
راس بصل يكون معتبر
طنجرة كبيرة على حسب حجم القطة

ومن ثم نقوم بتعليقه بسقف المطبخ بواسطة الشنغل
ونقوم بحرق الشعر الاملس بواسطة شلمون اللغاز والتخلص من الوبر

نقوم بوضع هذه القطع من اللحيمات مع قطع الفليفلة الخضراء بالطنجرة
ووضع راس البصل المعتبر بعد التقطيع
مع وضع قطعتين من الماجي
حتى نحصّل طعمة قطط مدوجن (قطع الماجي اختياري)
ثم سكب القليل من الماء في الطنجرة

ملف مرفق 2910
ويغلى لتصل درجة الماء الى 1100 سيليسيوس فوق الصفر

وصحة وعافية جميعا بانتظاركم وانتظار طبختنا القادمة
في امان الله

لكم مني كل الترحيب واهلا وسهلا بكم في حلقة جديدة وطبخة مفيدة
اخترنا لكم طبخة اليوم من مناطق التايلاند بالاضافة لعض البلاد العربية
وستكون تحت اسم

مقادير الطبخة :
ملح خشن 1/4 كيلو
شي خمسطعشر كيلو جراد
طنجرة
ماء
شبكة لاخراج الجراد من الطنجرة

واليكم طريقة الطبخ:
اولن يجب احضار الجراد .... يوجد بكثرة في عدة اماكن كما يمكن احضاره من السوق
غالبا ما يباع وهو بداخل اكياس الخيش تعددت الوانه وتشكلت اشكاله

ومن ثم يوضع بداخل الطنجرة كمية الجراد المراد طبخها
مع اضافة الملح والماء

ثم يخرج من الطنجرة بواسطة الشبك وازالة المياه التي بالطنجرة ورميها
ويصبح جاهز بعد اخراجه من الماء
وتستطيع اكله بعدة طرق
وذلك بعد نزع الراس و همممممممممم بالهنا والشفا
بالصحن او بينحط بورقة وفيكي سيدتي تقرمشيه وانت ماشية على الطريق
قرمشي يعني بتقرمشو بدال البزرر

كما يمكن ان يؤكل مع الشوكلاته
قومي بأذابة الشوكولاته ثم انقعي الجراد بها وبعدها ضعيها على ورق مشمع ثم برديها في الثلاجة
كما يطبخ الجراد ايضا على الطريقة المكسيكية
كوب واحد من صلصة الأفاكادو مع البصل مع عصير الفواكه والبهارات
يُغمّس ويُكل
وصحة على قلب الجميع
ولا تهكلو هم يا صبايا ترى الشيف عبودي وراكم وراكم لحتى تتعلمو الطبخ
على اصووووووله
نراكم قريبا
في امان اللـــــــه

كتيرررررررررر حلو هالحكي
والصراحة في تقدم واضح وتفوق كمان
استخدمتي مرقة الجراد حتى تطبخي الرز
يعني استغنيتي عن مكعبات الماجي
يعني عم تقتصدي وتوفري بمصروف البيت
وعم تشتغلي على مبدأ جود من الموجود
وهالاكلة اكيد راحت شي اسبوع كيف ان كان
مابين منسف وجراد ناشف وجراد بالشوكلاتة
بالصراحة عم ترفعولي راسي ياصبايا المنتدى
يعني ماعم يروح تعبي على الفاضي .... عم يبين التعب بتفوقكم وظهور مواهبكم المخبأة
ولهيك بتستاهلي براءة اختراع وتقدير على مجهودك واكتشافاتك الجديدة بالمطبخ المنفوشي

بس مو ناقصها الا طج ختم مدير الموقع واكيد مابيصعب عليكي تختمي الشهادة
( مفتاح الرجل معدته)
اما بالنسبة لوسام وغدوات العمل الي كثرانين بهالايام
فكوني اكيدة انو في شي اكلات عم يشوفهم بالمنتدى وبالمطبخ تحديداً
عم يشتهي هالاكلات وانت ماعم تطبخيلو اياهم
فعم يضطر يروح على مطاعم تايلاندية وفلبينية وشرق اسيوية حتى يتذوقهم
بانتظار جديدكم
انتظرونا قريباً
في امان الله

بس مو ناقصها الا طج ختم مدير الموقع واكيد مابيصعب عليكي تختمي الشهادة

لا لا لا لا ... أنا ما بحب الواسطات .... يا بوقعها بجدارة يا أما بلا ....
بكرة بعمل منسف جراد .. وبزينه بالشهادة ...
وبعد الغدا يا بتتوقع ... يا منتقلع سوى من المنتدى ..

انا بنصحك تعملي شوية مقبلات قبل المنسف انجيل
وكثريهم شوي.....احسن ما نتقلع من المنتدى
بعدين المقبلات طيبة واذا بدك شي وصفة مقبلات ترى انا جااااهز
مابدها واسطة يووو
بيني وبينك الارباح بالنص ولا تخبّري حدى احسن مايطمعو بالمربح
وان شاء الله بيطج الختم هي بس مرة وحدة خليّ هالختم ينطج
والختومي الباقية للشاهادات الجاي عليّ

اما بالنسبة لـ ياسمين
كتيررررررررررر كتيرررررررر حلو هالحكي
وشغلة هالريجيم كانت رايحة عن بالي
هلق صرتي دكتورة وصار عندك الوصفة السرية لتخسيس الوزن
يعني ايا وحدة من رفقاتك جاي على بالها تريجم عطيها اللينك لهالصفحة
وخليها تفيدنا بشي وصفة جديدة وعليّ الشهادة وبراءة الاختراع
بهنيكي على هالاختراع الاكثر من عظيم وبستاهلي شهادة دكتوراه على هالوصفة

كمان بدك تسمحيلي بدون ختم
بس بوعدك اول ما يطج مدير الموقع الختم لشهادة انجيل
يصير الختم على شهادتك ياسمين ولا يهمك
قلتلكم في مواهب مخباية وعم تظهر
لسى في مواهب يالله الله كريم معها معها بتظهر
نراكم قريباً ان شاء الله
في امان الله

عدنا لنلتلقي بكم في طبخة شهية وحلقة جديدة من مطبخكم مطبخ زيدل التخصصي
اهلا بكم احبتي جميعا وبناءن على طلبات العديد من المشاهدين
سنستعرض طرق اكل الصرصار وكيف يؤكل واين يوجد
من منّا لا يعرف الصرصور
لا داعي للتعريف به فقد اصبح معروفا بعد ان اصبح احدى طبخات هذا المطبخ بكل تواضع

اولا لمن لا يعلم من اين ياتي بكمية كبيرة من الصراصير ننصحه بشرائه من الاسواق الاسيوية
اما الذي يعرف كيف يصطاد الصرصور فعليه بنصب الافخاخ في انحاء الحديقة وكل له طرقته الخاصة
لا اريد الدخول بموضوع الصيد لانني احمل بجعبتي العديد من القصص الرهيبة عن اصطياد
الحرادين والصراصير وغيرها الكثير
وابو عرنوس عبدالله عرعوش ايضن من ذوي الخبرات في اصطياد الحرادين فهو مخضرم باصطيادها
المهم منرجع للموضوع ......... وين كنّا؟؟؟؟
.
.
.
اي اي تذكرت
منشتري الصراصير الموجودة بالاسواق وتوجد ضمن شوال قلم احمر او اخضر اواكياس سوداء كبيرة وبعدد كبير من الانواع والالوان

ملف مرفق 2933
تقومون بوضع هذه الصراصير بـ طبق كبير ويرش عليها الملح وينصح بعدم الاكثار من الملح لمن يعاني من ارتفاع ضغط الدم ويوضع هذا الطبق لمدة خمس دقائق تحت الشمس لينشّف قليلن ن ن ن

ملف مرفق 2934
ويصبح جاهز بعدها للاكل ويسمى بـ صراصير مجففة
او

او بامكانكم احضار القليل من مرقة الجراد (( زوم سلق الجراد ))
انجيل عندها خبرة بالجراد فيكم تستعينو فيها
او حتى مرقة طرابيع مسلوقة بيمشي الحال
(( اكيد جميعنا يعرف ما معنى طرابيع وردت معنا في طبخات ماضية ))
واضافة كمية من الصراصير الى هذه المرقة والبصل المقّلى بالزبدة على وجه الشوربة
لكي تصبح شوربة مصرصرة بالزبدة

اما ان كنتم من محبي الافطار الصباحي الباكر مع فنجان الشاي
فاليكم افضل طريقة لاكل الصراصير
مجرد الحصول على صرصور عليك ازالة الجناحين الموجودين على الظهر
ومن ثم تقوم بابتلاعه مسرعا برشقة من فنجانك الشاي
والكثير الكثير من البشر استبدلت صحن الزيتون الصباحي بصحن صرصور بلا اجنحة
كما بامكانك ان تقوم باحماصه قليلا في الفرن لمدة 3 دقائق فقط وتوزيع الصراصير داخل صحن
فيه القليل من الجبنة المشللة مع تزين الصحن بالجزر والخيار

طبعن ن ن هالطبخة بناءن ن على طلبكم
وانا تحت امركم جميعا جاهز لشرح اي طبخة غريبة تخطر ببالكم
انتظرونا في حلقة قادمة
في امان الله

اهلا وسهلا بكم احبتي جميعا بحلقة جديدة من مطبخ زيدل التخصصي والشيف عبودي
نعتذر عن تاخير تقديم الحلقة بسبب ازمة تاليف الاعضاء للقصة وانتخاب مختار
ومعكم حلقة اليوم والتي بعناون

العقارب وهي اكلة مفيدة تقدم مازة او مقبلات حسب الطلب
عقارب سوداء او صفرااء او ايا نوع من العقارب المتوفرة لديكم واليكم المقادير
مقادير الطبخة:
عدد 100 عقرب
1كيلو فحم
بهارات متنوعة
اسياخ لشك العقارب
ملح

طريقة الطبخ:
نقوم بوضع العقارب بطنجرة ونقوم بتمليحها وتبهيرها ثم نقوم بشكّها بالاسياخ

جاري الشوي
/
//
///
////
/////
//////
///////
/////////
///////////
/////////////
تم الشـــــــوي

الف صحة وعافية
بالهنا والشــــفا جميعاً
انتظرونا بالحلقة القادمة
في امان اللــــــه

اهلا وسهلا بكم اعزائي الكرام نحييكم من الفضائية الزيدلية
ونعتذر عن تاخر تقديم طبخات الشيف عبودي وذلك بسبب
رفع دعوة من احدى اعضاء المنتدى واتهامه بانتهاك حقوق الحيوان
والحمدلله براءة.... واليكم طبختنا لهذا اليوم

الطبخة باسم :

((((((((((( QRD)))))))))))))

القرد معروف لدى الجميع ولا داعي للشرح عنه
ونبدأ معكم من المقادير
مقادير الطبخة:
عدد (1) قرد
ملح
شواية لشوي اللحم
ساطور لتقطيع اللحم
سكين لسلخ الجلد عن اللحم
هذا ويعتبر مخ القرد من اغلى الوجبات في عديد من دول العالم وذلك بسبب صعوبة اصطياده بالاضافة لصعوبة استخراجه من الرأس
يعني بيقولوا الي بياكل مخ قرد بيصير عندو تطور بالدماغ وبيرجع ذهنو المخطوف للمسار الصحيح شو رايك خااااال سليمان؟؟؟
اي وبلا طول سيرة وين كنا؟؟
اي ...... عند طريقة الطهي:
اول شي مثل ما قلنالكم لازم نصطاد قرد وهون بدها الشطارة
( فرجونا شطارتكم بالصيد)
يعني انتو عليكم القرد وانا عليّ الطبخ

ملف مرفق 3000

وبعد ما نصطاد القرد لازم تعرفوا كيف طريقة ربط ذيله براسه ونشره تحت اشعة الشمس
هلق اول شي بدكم تسالوني كيف لازم نربطوا
الربط بيصير انكم تجيبوا الذيل لعند الرأس وتربطوه به
ويمكن تاني شي بدكم تسالوني ليش لازم ننشره تحت اشعة الشمس والجواب
لانو اشعة الشمس بتساعد على هروب الحشرات المتطفلة من جسمه
اي المهم هيك بتنشروه يعني متل الصورة

ملف مرفق 3001

بعدين حتى نسهّل عملية السلخ لازم نقطع القرد الى اربع او خمس قطع بواسطة الساطور

ملف مرفق 3002

ثم نقوم بواسطة السكين بسلخ كل قطعة على حدى يعني قطع صغيرة اسهل الكم بالطبخ واسهل الي بالشرح

ملف مرفق 3003

اخر مرحلة وهي مرحلة الشواء
نقوم بشويه اما كقطع كبيرة ( فخض, ذراع,صدر,ضهر)
والباقي انتو بتعرفوا انو مالو داعي ( للكب يعني )

باستثناء الراس لازم تخلوه عندكم لطبخة جديدة اسمها ( مخ قرد ملفّح بالبيض)

وفيكم كمان تقطعوه قطع صغيرة الحجم
وتددككوه بسياخ شوي وبيتاكل متل الشيش او لحم الشقف المشوية

ملف مرفق 3004

اففففففف لك نسينا نرش الملح
يالله ملحوا اللحمة بعد الشوي ماصار شي
والف صحة على قلب الجميع
نراكم في طبخة جديدة وحلقة جديدة مع شيفكم المنفوشي
في اماااااااااان الله
نسينا نقول لكم انو هالطبق يقدم كطبق حاااار جداً

شيف عبودي

بشكرك من كل قلبي على مطبخ زيدل التخصصي

بصراحة عم فكر اني ثبت الموضوع

بس ياحزرك بتعرف ليش؟

تحياتي

ندوووووش

اهاا وسهلا بكم اعزائي جميعاً في مطبخ زيدل التخصصي والشيف عبودي
ومعكم حلقة جديدة وطبخة فريدة

اخت ندى بعتقد بما انك عم تفكري تثبتي الموضوع فبعتقد بعد هالحلقة
صار فيكي تقوي قلبك وثبتيه لانو بهالحلقة رح نتعلم طريقة شفط وشرق
الطعام وهي طريقة فريدة ويجب على الجميع ان يتعلمها وذلك لفائدتها في المجتمع

اكلتنا لهذا اليوم وهي بناء على طلب وردني برسالة اس ام اش من ابو عنفوش ( عبدالله)


((((((((((((((( BOZYK ))))))))))))))))))

كما تعرف بمناطق اخرى باسم

(((((((((((((((HALAZOoOoN ))))))))))))))

مافي حدى ما بيعرف الحلزونة او البُزّيقة
تعيش في الارض وبين الصخور وتظهر في فصل الشتاء
والاخت عبير طبيقي من الوادي وبتعرف الحلزونة كتير منيح فيكم تسالوها
لانو الوادي يكثر فيه البُزّيق الو الحلزون
وتعتبر الحلزونة من الاكلات الغالية الثمن نظراً لاتباع طريقة الشفط لاكلها
واليكم مقادير الطبخة:
حلزون عدد 50 الى 70 حلزونة متوسطة الحجم
طنجرة المنيوم تتسع لعدد 70 حلزونة
مياه
بقدونس
راس الى راسين ثوم

طريقة الطبخ :
بداية اريد ان انوه ان الحلزونة تؤكل بطريقتين وسنستعرض الطريقتين
يجب علينا احضار الحلزون جميعاً ووضعه ضمن طنجرة الالمنيوم المليئة بالماء
زمن ثم توضع على الغاز وننتظر الغليان

ملف مرفق 3014

ومن ثم نقوم باخراجها من الماء المغلي بعد انتظار مدة 5 دقائق بعد الغليان
وتكون قد تكونت طبقة من الرغوة على سطح المياه كما في الصورة
ثم نقوم بوضع الحلزونات بطنجرة اخرى ورشها بالماء لازالة هذه الرغوة والطبقة المتكونة

ملف مرفق 3015

هنا تأتي الطريقة الاولى لاكل الحلزون وهي عند اخراجنا لجسم الحلزونة من القوقعة او الصدفة
الموجودة بداخلها عن طريق قطعة خشبية حيث نقوم بغرز هذه الخشبة بجسمها واخراجها
وتصبح جاهزة للاكل نيئة او مع البصل بعد التلفيح

ملف مرفق 3016

اما طريقتنا الثانية وهي الاشهر دوليا
حيث نقوم بتقطيع البقدونس ناعم وهرس الثوم بعد تقشيره
ومزج الخليط المكون من البقدونس والثوم مزجاً جيدا
ثم نقوم بضخ هذا المخلوط بداخل القوقعة او الصدفة
باستخدام ملعقة صغيرة ومن ثم صف الصدفات بصحن بشكل جميل
هذا وبالامكان وضع حبات زيتون مقطعة مع المزيج السابق
لتصبح كما في الشكل التالي

ملف مرفق 3017

تؤكل عن طريق وضع القوقعة على الفم وشفط ما بداخل القوقعة مع رفع الراس قليلاً لتسهيل انزلاق جسم الحلزونة الى داخل الفم
وتقدم على الطاولة كطبق رئيسي اول

ملف مرفق 3018

شرقاً وشفطاً ممتعاً والف صحة وعافية للجميع
كل التحية للجميع على امل اللقاء بكم قريباً
كما اخص بهذه الاكلة حزب الحلاوة والدلع وضرورة تعلم هذه الطبخة الغنية بالبروتينات
والخفيفة المواد الدهنية (يعني للريجيم ايد بايد )
في اماااااااااان الله
نسينا نحط ملح بالاكل دبّروها بمعرفتكم

المشاركة الأصلية كتبت بواسطة ABUODEE نسينا نحط ملح بالاكل دبّروها بمعرفتكم

اهلين اخ فاروق
بالنسبة لرش الملح اكيد انت جاهل بهالطبخة حتى
تقول الحلزون بيذوب اذا رشينا ملح عليه

ملف مرفق 3019

انت خليك متابع المطبخ ولا تخطف الماعون من راس النبعة
يعني بدك شوية خبرة منفوشية بيمشي حالك
هلق بيذوب صح بس لما بيذوب بيصير شوربة ومو ايا شوربة
شوربة رائعة مملحة مذوبة دسمة
يعني طريقة التذويب:
الحلزون بعد الغلي يوضع بجاط غميق ويرش عليه بعض الملح
وننتظر عدة دقائق بعد الرشرشة

ملف مرفق 3020

ومن ثم نرش البقدونس على وجهه لتزين الوجه واعطاء النكهة المطلوبة
طبعا شوفوا بعد الذوبان كيف منظر الطبق صار احلى
يعني هون بتقدر اخ قدومي تشرق وتشفط من شوربة الحلزون على كيفك مع الملح طبعاً

ملف مرفق 3021

ويقدم تحت اسم شوربة الحلزون ويقدم كطبق مقبلات

ان شاء الله تتقبل معدتك هالشوربة ولا ينصح باكلها لبديني الاجسام
يعني مو ايد بايد للريجيم

ملف مرفق 3022

نلتقي بكم قريباً مع طبخة جديدة وخبرة مفيدة
في امااااااااااااااااااان الله

تكرم عينك عبودي أي استفسارات أو أسئلة عن هالمخلوق اللطيف رح كون معكون عالخط 24\24
بس معقول حدا يسأل بعد كل هالحكي اللي حكيتو

ولزيادة المعلومات بيكتر عنا بالوادي كتييييييييير من المخلوقات الظريفة (خنافس,سحالي, سلاطعين....) بقى إذا بتحب شيف تعمل جولة وتجمع شوية مقادير من هون وتطبق عليها وصفاتك الشهية فأهلا وسهلااااا

بأمااان الله

اهلا بكم جميعاً في حلقتنا لهذا اليوم
نرجوا ان تستفيدوا من هذه الحلقات

اخت عبير عزيمتك مقبولة على الوادي وشكرا الك سلفاً
ولكن بالمقابل رح اعزمك لعندي على الزويتينة وهي قريبة عليكي ومنروح على الفّوار كمان
وقتها رح نجمع بعض الحلزونات والسلاطعين والسحالي وبشكل خاص الخنافس
ونطبخ اطيب اكلة واكيد رح ناخذ شوية صور حتى نعرضها لجماهير الكادحة حتى يكتسبوا شوية خبرة غربية من اراضي الوادي
ومنو كمان بلكي بيطلعلنا شوية ربح من هالعملية





اما بالنسبة لليوم رح نستعرض بعض المعلبات الجاهزة لطبخات الشيف عبودي ومطبخ زيدل التخصصي

وقد تم تعليب هذه المعلبات في مطبخ زيدل التخصصي

بداية رح اقول لكم انو هالمعلبات كلها رح تنزل بالاسواق بس ناخذ الموافقة من مدير الموقع بمساعدة انجيل طبعاً

اولا هذه المعلبات السريعة التحضير

ملف مرفق 3031

ومن ثم هذه المعلبات الخفيفة على المعدة

ملف مرفق 3032

وهنا هذه المعلبات تعتبر وجبة رائعة ولذيذة والعديد من البشر سيعتمدها في رحلاته وسيسطجبها معه في حقيبة سفره وذلك لطعمها الفريد

ملف مرفق 3033

اما هذه المعلبات فهي الاكثر جودة وستكون اغلى ثمن نظراً لصعوبة حفظها وتجميدها

ملف مرفق 3034

لكم مني كل الاحترام والتقدير
وصحة وعافية على قلبكم جميعاً
ترقبوا في الحلقة القادمة طريقة عمل خبز التنور بدون تنور

في اماااااااااااااان الله

بتشكرك أخ عبودي على الدعوة و أكيد منتشرف على الزويتينة و على الفوّار كمان
بلكي بتعلم منك هونيك شي طبخةمن طبخاتك الطيبة
وهيدا الكتاب تقدير لجهودك المبذولة بالطبخ

انشالله يعجبك

نلقاك مع طبخة جديدة
بأمااااان الله

مرحباً جميعاً واهلا بكم في حلقة جديدة من حلقات المطبخ التخصصي والشيف عبودي

كل الشكر للأخت عبير لطبعها كتاب الطبخ وطرحه بالاسواق مع الغلاف الرائع والمعبّر عن محتوى هذا الكتاب
( يعني من العنوان بتعرف المكتوب)
واتمنى ان تلقى هذه النسخة البيع المرتقب

واليكم في هذه الحلقة التى ستكون نوعا ما لارضاء الصبايا الزعلانين او الي ماخذين على خاطرهم
طبعا لدي رسائل اس ام اش تطالب بكيفية عمل التبولي على الطريقة المنفوشية
طبعاً مارح خجلكم وترقبوها قريباً

هذه الحلقة تحت عنوان

((((((((((((((((((( خبز تنور بدون تنور ))))))))))))))))))))

المطلوب من هذه الحلقة ارضاء الصبايا الزعلانين واظهار قدرة المطبخ على ابتكار جميع الاكلات

مقادير خبز التنور:

ملف مرفق 3041

وطبعا كاسة متي مع رغيف خبز تنور مارح تندموا ابدا ((عن تجربة))

واليكم طريقة العجن:
نقوم بخلط جميع المواد السابقة في طشط او وعاء وسيع
طبعا مافي حدى من حزب الحلاوة والدلع ما بيعرف يعجن
واذا احتاجت الامور بلا ما تعجنوها فيكم تجيبوها من المخبز معجونة وجاهزة وبلالكم هالتعب
وبعد العجن تقطع الى قطع بيضوية او كروية وتمد بواسطة المدلك او الشوبك

ملف مرفق 3042

ومن ثم نقوم باشعال قليل من الحطب وانتظار النار لتصبح فحم شاعل

ملف مرفق 3043

ومن ثم نحضر دن فخّار او جرّة فخّار, يعني ايا جرّة فخّار مش مشكلة المهم يكون فم الجرّة كبيرووسيع
والي عندو ارانب بالبيت بيلتقى عندو جرر كثير في يستعمل شي وحدة منهن
ونقوم بوضع الفحم بداخل ومنتصف الجرة ووضع بعض القطع العازلة بين الفحم وجدران الجرّة
ونقوم بلزق العجينة المدودة على جدران هذه الفخّارة

ملف مرفق 3044

ننتظر قليلا حتى تحمر العجينة وتصبح ناضجة
ثم نزيلها من على جدران الفخّارة وتصبح جاهزة للاكل

ملف مرفق 3045

وصحة وعافية
لا حدى يقلي هالاكلة مو طيبة ترى والله رح ازعل منكم
وقبل ما نسى بدي قلكم انو هالخبز فيكم تاكلوه حاف يعني بدون ايا شي معاه او مع شي صحن شنكليش
او من الممكن حشي العجينة بالجبنة بعد مدها بالشوبك تُدهن بالجبنة وتُطوى ومن ثم تُلصق
وفيكم تتفننوا بالمرافقات لخبز التنور
( خبز تنور مع كاسة شاي, خبز تنور بدون كاسة شاي, خبز تنور مع خيار, خبز تنور بدون خيار,, ...
والكثير الكثير من طرق اكل خبز التنور)
شكرا لاصغائكم
في امااااااااااااااااااااااااان الله

اسعد الله اوقاتكم جميعاً
ومعكم الشيف عبودي بحلقة جديدة من حلقات مطبخ زيدل التخصصي
بداية نعتذر عن انقطاع البث من المطبخ
وذلك بسبب السفر الى زيدل بهدف عمل دكتوراااا بالطبخ التخصصي
والحمدلله تُوِجت السفرة والدراسة بدكتوراه بعلم الطبخ والفخ
ولكن القنصلية ووزارة الخارجية عركسولنا الختم واجلولنا الختم لسنة الجاي
بس لسا في عنّا امل بختم الشهادة
واليكم طبختنا لهذا اليوم بعنوان


(((((((((((((((((( أقدام ياسلام))))))))))))))))))))

مقادير الطبخة:
ارجل ( اقدام ) دجاج
نصف كيلو دقيق ( طحين)
زيت للقلي
بطاطا مقطعة على شكل اصابع
بقدونس اخضر

طريقة الطبخ:
نحضر اقدام الدجاج ونقوم بغسيلها جيدا بالماء

ملف مرفق 3074


ثم نقوم بلكّها بالطحين من جميع الجهات

ملف مرفق 3075


ثم تٌقلى بالزيت الحامي قلياً مبرحاً
ويقدم بوعاء زجاج وتُزين بالبقدونس او النعناع الاخضر


ملف مرفق 3076


او بطريقة اخرى تسلق اقدام الدجاج على حدى وتقلى البطاطا على حدى اخر
ونقوم باذابة مكعب ماجي مع ماء السلق ونقوم بـ دَب اقدام الدجاج مع البطاطا
واامكاننا وضع قطع من البقدونس للزينة بداخل المخلووط طوط طوط

ملف مرفق 3077

ويقدم بطبق غميق وتوضع جريدة ( صحيفة ) تحت الطبق خوفاً من التشُرشُر


وبالهنا والشــــــفا

اما بالنسبة لــ ياسمين :
لازم تروحي على زيدل شي كم شهر وتدرسي دكتوراه طبخ ونفخ
طبعاً تحت اشراف الشيف عبودي حتى نختملك الشهادة
وان شاء الله رح تتخرجي طبّاخة نمبر ون
المهم تكوني مصرّة وملحّة حتى تطوري مهاراتك المطبخية
وبنصح جميع المغتربين الي رايدين يتعلموأ هيك طبخات
يروحوا على سورية لانو على اطع الكهربا رح يطلع معكم اكلات خنفشارية عجيبة غريبة
وخاصة اذا كنتوا فاردين البضعة وعم تطبخوا وانقطعت الكهربا
رح تطلع اكلة مخلوطة ومخبوطة
والله يستر ما ينفَك الحنك من شي زوايد بشي صحن
لانو اذا انكسر الفك بعيد الشر عنكم جميعاً
رح تصيروا تاكلوا بالشلمونة
هون المصيبة
واسالوا عبدالله عرعوش ( ابو عرنوس) اذا مفتكرين عم زوّدها عليكم
وعلى قول المثل اسالوا عبدالله ولا تسالوا حكيم



كان معكم شيفكم المنفوشي عبودي

شـــــــــــــــــكرا لاصغائكم جميعاً
على امل اللقاء بكم في الحلقة القادمة
وفي اماااااااااااااااااااااااااااااان اللــــــــه

اهلا وسهلا بكم مجددا مشاهدينا الكرام
وشكرا لكل من تابعنا وترقب جديدنا
اسمحولنا باكلة صيفية خلينا نودع الصيف بهالاكلة
اتيناكم اليوم بطبخة جديدة اخذناها من الطبيعة كما عودناكم دائما
اكلتنا اليوم تحت اسم
((((((((3safeeer))))))))
مقادير الطبخة:
بارودة
خرطوش
طنجرة او صاج
زيت او سمنة
بصل وبندورة
بيض عند اللزوم
اولا ندعوكم لرحلة صيد عصافير
طبعا يترتب عليكم ايجاد بارودة ضغط
ثم تذهبون لصيد العصافير
تصطادون العصافير وتاتون بالعصافير وتبدأ مرحلة النتف
النتف يا اصدقائي له انواع ونوع النتف هنا نتف الريش

ملف مرفق 3110

وبعد نتف الريش تاتون بطنجرة وتضعون العصافير المنتوفة الريش بالاضافة للقليل من السمنة للتلفيح
وتضعون البصل المفروم وليس المنتوف ف ف في طنجرة وتقومون بتلفيح البصل بالزيت ومن ثم تقومون
باضافة البندورة المثرومة وتخلطوها مع البصل

ملف مرفق 3111


اذا كنتوا بالصيد ونتفتوا العصافير بالبريّة فلازم تكونوا حاسبين حساب وماخذين معكم صاج لخلط هالمواد بدون طناجر وبدون ما تشربكوا حالكم

ملف مرفق 3112

اما اذا كنتوا بالبيت ومتفضيّن فيكم تعملوا منسف رز مقبّع بالعصافير المسلوقة
طبعا الرز اكيد فيكم تعملوه بمرقة ايا نوع من انواع اللحوم التي مرقت معنا بطبخات سابقة

ملف مرفق 3113

مع قنينتين سفن اب بتطلع غير شكل

اما اذا كنتوا بالصيد ونويتوا تاكلوا العصافير فورا قبل ما ترجعوا من رحلة الصيد
فيكم تشكّوا العصافير وتاكلوها مشوية على الفحم
والله ما كتّر الا الخشب بالبريّة
وخفانتين بيصيروا منقل لشوي اللحم