جارتْ عْلييْ عَتمةْ ْ الأيامْ ......................وهْرِبتْ عَ الأحلامْ بالغربهْ
قِلتْ القدرْ ببلادنا ظلاّمْ ......................بكرى بيحنّ , بيفرجْ الكربهْ
تاري السعادة بْلا وطنْ أوهامْ..................كذْبة ْ كبيرة , وأيَّها كِذبهْ
وتاري الغريبْ بجِنّة ْ الأحلامْ ...............بيبقى الوطنْ جوَّاهْ متخبيِّ
يا بيتنا يا شوقْ ما بينامْ .................بَعدكْ عِشقْ عَمْ يصرخْ بقلبيْ
وبعديْ طِفلْ بباحتكْ حوَّامْ...................بزْحَفْ لـْصَوْبْ البابْ والعتبهْ
لا تعتبو العِشقانْ مَ بينلامْ ............وينسى حبيبو كتيرْ شوْ صَعْبهْ
و لَ تخافْ مَ بينساكْ لولا عَامْ............عَ بحور وسعْ الكونْ منـْسكبهْ
عَبِّيتْ صدريْ بِ ريحهْ النمَّامْ ..........وعَبقة ْ مَطـَر تشرينْ عَ التربهْ
وحِفظانْ لحنْ الريحْ لمَّا هَامْ ...............عَ تلالْ عَمْ بتموجْ منـْطربهْ
يا سنينْ هَدَّامهْ بعمرْ منضامْ .............برّى الوطنْ يا ريتْ تنشطبيْ
عَمتضحكيْ عْليِّ ؟, الشماتهْ حْرَامْ ....كيفْ طـْمَسِتْ تا غاصتْ الركبه ْ
مهما غيابي أو فراقِكْ دامْ .................رحْ أطلبْ منْ الربْ هالطـُلبهْ
إمّا بأرضكْ إندفنْ يا شامْ ......................أو إنحرقْ بالبحر عَا خشبهْ
================================
