Pages: 1
ياريت ياوردة......
(انقر هنا ان احببت مشاهدة الموضوع الاصلي بالالوان و الصور )
Posted by: شادي موسى
----------------------------------------------
ياريت ... ياوردة..
بستان عمري لون مش ألوان ..... حتى الحلم منّو حلم وردي
ولما شــفت وردة ب هالبستان ..... تْلَون الحلم ب لون هالوردهِ
ياريـــت هالبســتان يفتحــــلي ....... بابـــــو ياوردة وصيـــر لاقيكي
ياريت بسْرق فورة النحــــــلهِ ...... وإغفى ب عطر دايب حلا فيكي
واصحى واندهلك .. بعــد بكير ....... ياريــــت اغفى ل آخر الأيـــام
تمدي عبيرك تحت مني سرير ....... وورقة من وراقك عليّ حْـــرام
ال ياريت ... من أحلامنا كلمهِ ....... و حَد القدر شو بتنفع ال ياريت؟
تمنيت كلمـــــهَ عيشــها بحلمي ....... وأيــا حلم بيصيـــر... لْو تمنيت؟
ياريت ياوردة ع وهج الشـمس ...... بيغلي الشـــهد فيــــكي وينصـــفني
ويبعت إلي نسمة تقلي ب همس ....... شفافي استوو دخلك تعا ارشفني
ارشفني .. اقطفني بحب موت عليك ....... وغصني ميبّس فوقك وتــاكي
ولاتخاف أشواكي ب جـــــرح ايديك ....... دوب حنيني عليك ... أشواكي
لالا يــــاوردة مـــش رح بشــــــيلك ...... مـــن هالتـــراب الفيه مزروعة
ياريــــت ببـــــقى العمـــــر ابكيـــلك ...... دمـــــعة تنــــام عْلى دمع يوعا
ياريــــــت قلبي بحـــــولو عصـفور ....... وينتـــــف رياشـــــــــو تا يدفيكي
ويغرز الشوك ب جـانحو المكسور ....... وينــــــزف ودمو يضل يسقيكي
وتســـــيل دمـــــاتو على تــــــرابك ....... وغصــنك يمــص الدم و يضمّو
ومن لــــون دمــــو تلبسـي تيـــابك ...... وتعيـــــش بوراقــــك نقــط دمو.....
-------------------------------------
شادي موسى.....
Posted by: ziad sattah
اقتباس:
المشاركة الأصلية كتبت بواسطة شادي موسى
ياريت ... ياوردة..
ياريــــــت قلبي بحـــــولو عصـفور ....... وينتـــــف رياشـــــــــو تا يدفيكي
ويغرز الشوك ب جـانحو المكسور ....... وينــــــزف ودمو يضل يسقيكي
وتســـــيل دمـــــاتو على تــــــرابك ....... وغصــنك يمــص الدم و يضمّو
ومن لــــون دمــــو تلبسـي تيـــابك ...... وتعيـــــش بوراقــــك نقــط دمو.....
شادي موسى.....
|
اللـــــــــــــــــــــــــــــــــــــــــــه يا صيّاد الصور
إلى مزيد من الجُّمان ..
Posted by: سيلفانا خوري
لـوحـة ثريــة إصطَبَغـَت فيهـا المعانـي
بألـــوان التمنّـي..
أغدَقَـَتنا روحـا ًحالمـة رَشَفَت عبيـر َالـورد ِعطــرا ًً
وسطَّرته ُجمــــــــالا ً
. .
دمـت بِألـق
سيلفانا
Posted by: شادي موسى
اقتباس:
المشاركة الأصلية كتبت بواسطة ziad sattah
اللـــــــــــــــــــــــــــــــــــــــــــه يا صيّاد الصور
إلى مزيد من الجُّمان ..
|
-------------------------------------------------------------------------------
------------------------
تسلم يازياد خجلتني...
وأشكرك على المتابعة............
-----------------------------
--------------------------
-----------------------
-------------------------------
Posted by: شادي موسى
اقتباس:
المشاركة الأصلية كتبت بواسطة سيلفانا خوري
لـوحـة ثريــة إصطَبَغـَت فيهـا المعانـي
بألـــوان التمنّـي..
أغدَقَـَتنا روحـا ًحالمـة رَشَفَت عبيـر َالـورد ِعطــرا ًً
وسطَّرته ُجمــــــــالا ً
. .
دمـت بِألـق
سيلفانا |
-------------------------------------------------
-------------------------------------------------
أشكرك صديقتي على المتابعة ....
لقد تغلغلتِ في حنايا قصيدتي.... ولمستِ ماعجز غيرك عن لمسه....
شكرا سيلفانا.....
------------------------------------
---------------------------
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2008,
Jelsoft Enterprises Limited.
vB Easy Archive Final ©2000 - 2008
- Created by Stefan "Xenon" Kaeser
