الارشيف - الى اين تتمنى ان تسافر(بصراحه).**

Pages: 1

الى اين تتمنى ان تسافر(بصراحه).**
(انقر هنا ان احببت مشاهدة الموضوع الاصلي بالالوان و الصور )

Posted by: فاروق القدومي

بسم الله الرحمن الرحيم

ماهي الدوله عربيه كانت ام اجنبيه اللي نفسك تزورها **ولم تستطع**اوحلمت بزيارتها ولم يحالفك الحظ **فاصبحت سجينا لاحلامك بها ؟؟ اتمنى التفاعل **
وانا نفسي ازور الامارات الى يتواجد فيها زميلنا عبوده**

*قدومي*

Posted by: mariam

اهلا اخ فاروق...يمكن لاني ضمنانة بعض العزايم عا امريكا واستراليا ...بس هلق كثير حابة زور امريكا الجنوبية واوقف تحت تمثال الريو....الملف المرفق 2771

Posted by: فاروق القدومي

يا عمي العزايم لناس وناس**

يعني الدكتوره معزومه على استراليا وامريكيا ورغم هيك نفسها تروح على الارجنتين**
طيب انا عازمك على كنيسة القيامه في القدس المحتله وهذه دعوة رسميه ستبقى سارية المفعول حتى مجيئك وسوف تتخلل الرحلة زيارة مدينة بيت لحم حيث كنيسة المهد التي ولد فيها المسيح ابن مريم عليه السلام, وكهف ميلاد المسيح وهو المكان الذي وضع فيه بعد مولده** داخل الكنيسة ايضاّ... واماكن اخرى جميلة ومحببه**

الباب مفتوح**

*قدومي*

Posted by: mariam

حطيت ايدك عالجرح...حتى الحلم صرنا نخاف نحلمو ....صحيح الامل موجود بس الخوف اكبر....صحيح حلم كل واحد فينا يزور القدس ... ورح يضل هالحلم يكبر معنا بس الحقيقة بهالوقت مابحب زور القدس وشوف كل شي فيها عم ينهان وما بحب ابكي عمزارعها وبساتينها كنايسها ومساجدها ...مابحب شوفها عم تنتهك قدسيتها كل يوم ....بخاف ان بكيت اليوم يموت الحلم ........لهيك ....انشالله بيجي يوم وبنزور القدس وبنصلي فيها صلاة محبة لاخوف ولاتدمير ولادم ولا صهاينة يذلونا .....ياريت يجي يوم ونصلي سوا بالقدس ونزور بيت لحم ونوقف تحت الصخرة .......ونزور قبر المسيح ...ونمر عابيت لحم ...وكنيسة المهد....ياريت.......

شكرا عالدعوة .......وهاي احلى دعوة بتتوجهلي وانشالله يجي يوم وتتحقق

Posted by: sulieman safar

اهلين وسهلين دكتورة ومن هون انا واياكي بنروح نزور الخال عبودي بس مو مطرح ما هوي هلق يعني بس رجع للبلاد يعني مرجوعنا لزيدل.
نهيالك على كل هالضيوف خال.

Posted by: سيلفانا خوري

عم سليمان وست نهلة انشالله بتغردوا الحانكم عالاراضي السورية قريباً

قدومي الله يحقق امنيتك ونقرا مشاركاتك من كيبورد عبودي بالامارات

دكتورة وقت اللي بتوصلي ريو دهنيرو ..
بتصيري لعنا قريبة.. رح نحلم من هلق تشرفينا

بزيارة

انا امنيتي زور مدينة فينيسيا بإيطاليا هيدي الامنية قديمة متجددة
بتمنى بإذن الله تتحقق هالسنة

Posted by: ABUODEE

هااااااااااااااااااااي اهلي وسهلي
هااااااااااااااااااااي حلت علينا البركي
هاااااااااااااااااااي يوم منلتقي فيكم
هااااااااااااااااااي بدنا نعمل احلى حفلي
ولي لي لي ليل لييييييييييييييش

هلا وغلا بالجميع
يعني من دون تخصيص
الجميع مدعووووين لزيارة الامارات
واهلا وسهلا فيكم جميعا
وهاي اول زيارة بتشرفونا فيها على الامارات رح نزور سوى هالموقع
الملف المرفق 2772
اما بالنســــــبة للدولة الي بحب زورها فهي استراليا
واذا سالتوني ليش رح قلكم على شان التقي وشوف الخال سليمان والخالة نهلة هاي اولاً
وثايناً حتى شوف شو قصة هالارانب الي عم تاكل الخيار الّي زارعو الخال ونصيد هالارانب ونعزم سلفانا وبقية الاعضاء على كبة ارانب من ايدين الخالة نهلا

وانشاء الله بنلتقي جميعاً بزيدل او بالامارات قريباً

Posted by: merellaa

وانا تمانة بحب ذور ايطاليا يعني مو بث انتوا يعني وانا تمانة بدي لوح على جنوب اميركا

يعني وهيتة اثلا اثلا انا بيوم من الايام بدي اتحول لعصفور ... وهالعصفور يثافر من بلد لبلد
ولا قلولي ليث هيتة عم احتي بث لانو مقلوط لثاني هههههههههههههههههههههههههههههههههههههههههههههه

واكيد بتمنى ذور القدس هاد شي اكيد

وميرثي

وربي يحميكون
ميمو

Posted by: تامي العيسى

بالنسبة الي ... أنا حلمي الأول اني ادرس دوكتوراه بفرنسا ... وبالرغم من هالشي فرنسا مانها البلد اللي بحلم سافر عليه ...

أنا بتمنى اني روح عالصين بلد الغرائب والعجائب ... يمكن لاني بحب اتعرف على حضارة مختلفة عن حضارتنا وعاداتنا وتقاليدنا ... وكمان مشان شوف سور الصين العظيم ...

بتمنى كل واحد منكم يحقق أمنيته ... لأنو اغلب اللي بسألهم عن أحلامهن بيجاوبوني أنو هو السفر حول العالم وعلى بلاد غير بلدهم ....عدا المغتربين دايما بكون حلمهم يرجعوا على بلدهم ... اللي بعتقد انو اهم مكان بالعالم ليتمنوا يروحوا عليه ...

بتمنى التوفيق للجميع ....

تمتومي

Posted by: الألماسي

عني أنا أتمنى وأحلم بالسفر لنيوزيلندا يمكن لأني قريت عنها وسمعت عنها كثير

بس لأني ماأحب الطيران راح أسافر عن طريق البحر وأتمنى عبودي يرافقني بهالرحله

وبالطريق بنزور أستراليا ياعبودي ويمكن نقنع العم سليمان يكمل الرحله معنا..

الله يحقق للجميع أحلامهم ويرجع كل مغترب لوطنه بالسلامه..

تحياتي للجميع..

Posted by: a_aroush

حلو نشارك البعض بأحلامنا .. بس خايف قول هلأ عوين تقوموا تشاركوني الحلم , فمن هلأ بس قلكن عوين ما في حدا يشاركني عليه واحد منكن بس , قولوا أنانية معليش .

باحضر على قناة اسمها Travel Channel و من خلالها تعرفت على الأماكن اللي بحب زورها أكثر و على أماكن جديدة ثانية , و أهم شيء بيجذبني بأي بلد هو الطبيعة قبل كل شيء ثاني , و باعتبار الطبيعة حلوة بكثير أماكن ففي أماكن كثير بحب روح عليها صعب سميها كلها هلأ .

و لكن كمان بحب زور البلدان اللي فيها أماكن تاريخية و حضارت قديمة , مصر و الصين و ايطاليا و اليونان و بلدان ثانية . بحب زور كمان الأماكن المقدسة و أهمها القدس.

كل هالأماكن فيها جمال طبيعة خلاب و حضارات شامخة ساحرة و فيها قداسة , لكن رح اختار وحدة منها مو لكل هالأسباب هي , رح اختار VENICE لأن فيها جو ما في مثله مثيل بأي مكان و كمان لأن رح يكون فيها سيلفانا . بس بشرط إذا بتعزمني على قهوة بهالمطعم و بتسمعيني كم بيت شعر لشوف فيهن جمال الطبيعة و السحر و القداسة , و عليي الطلعة بالشختور , و مثل ما قلت ما حدا يحشر حاله الشختور ما بيسع غير اثنين .

الملف المرفق 2776

عبودي انت روح صيد أرانب لحالك مع العم سليمان نحنا رايحين على Venice .

Posted by: Nada1981

مرحبا جميعا

بما انه حضرتي عايشة بأوروبا و سهل علينا نسافر بلدول الاوروبية و لانه انا عم ادرس سياحة وسفر ( دراسة و ممارسة ) زرت مناطق كتيرة بأوروبا و مليت منها ( ايطاليا, فرنسا, بلجيكا, المانيا, سويسرا, النمسا, اسبانيا, اليونان, هنغاريا, التشيك, سلوفاكيا الخ........)

قارة اميركا + كندا مابتشدني كتير الها لولا هيك كنت رحت مع الدكتورة مريم, بما انها معزومة فبيحقلها تعزم هيي كمان ولا شو دكتورة؟

قارة استراليا بعيدة و كمان لولا هيك كنت انضميت لعبودي منشان نلقط هلأرنب الي عامل مشاكل للعم سليمان و زرعاته

الامارات طبعا انا بحب رحلها بس مانها حلم لانه هلا بتلفون واحد فيني احجز و روح

اسيا مابتشدني كمان, طبعا لازم الواحد مابس يطلع على الطبيعة و المناظر, بلنسبة الي كفتاة بحب روح محل طلع فيه على العالم كمان ( مارح قول الشباب ), و بما انه زرت ايطاليا رمز الجمال العالمي اكيد مارح اقدر طلع على شعب ثاني و يعجبني متل الايطاليين .

بلنسبة لانكلترا + السويد رح روحلهم عن قريب انشاءالله, بس عم استنى يصير عندهم يورو متل عنا, منشان ماتعب حالي بلتصريف هههههههههههه

هيك ماضل عندي محل روحله غير شي محل خارج الكرة الأرضية, شو رأيكم بلمريخ او القمر؟

الملف المرفق 2777 المريخ

القمر الملف المرفق 2778

تحياتي للجميع

ندووووش

Posted by: sulieman safar

شو حلوي هالندوشي هالندوشي
دما خفيف ومنفوشي هالندوشي
مو عاجبها ولا مطرح هالندوشي
وب ايطاليا مغشوشي هالندوشي

اي يا عم ندوش شو هوي اللي بيعجبك بايطاليا؟ الحشرا ولا نشالين ميلان؟ صحيح انها بلاد الحضارة والفنون ولكن العالم ساكني بيجيوب بعضها البعض. يمكن اذا حكيتي عن الريف الايطالي معقول بس مو مدن ايطايا. وهون بيجي دور طموح ابو عرعوش. خلينا نتصور المستحيل بانو الغالية سيلفانا عزمتك. وانت عم تحط اجرك بالشختور وعيونك تلصلص هون وهون رح تقع بالمي. وحتى اذا سيلفانا انقضتك من الغرق رح تنسفك بهالشعر اكيد:
منذ وطأت يا ابو عرعوش دياري
تجمـدت عــروق أشعاري
انت في رسم الكلمات وحش براري
لا تعرف ما يجول في أخطاري.

لذلك ابو عرعوش خليك قاعد ومستريح انا بروح مع سيلفانا, المشكلي انو الشختور ما بيسع الا اثنين.

بصراحة انا مع اختيار الغالية تمتومي وزيارة الصين من حيث انها تبقى بلاد لغز الحضارات وكما ذكرت تختلف عن باقي الحضارات.

ولكم السفر الممتع ومحبتي.
سليمان

Posted by: angel

مرحبا جميعاَ...
أنا عندي اقتراح كثير عجبني بلا فخر ..ولازم يعجبكم ..شو رأيكم نعمل عراسة لسيلفانا وخطيبها بشوارع البندقية ونحجز كم شختور أول واحد للعرسان والثاني للعم سليمان والخالة نهلا من باب التوجيب واللي بعده لأبو اَيفن وأم اّيفن .. وبعدين أنا ووسام .. وفي ثنائي مميز بحب يكون معنا .. سناء وطوني عاقوري يختاروا رقم الشختور اللي بحبوه ..أنا بقترح الشختور اللي بيمشي قدام العراسة .. طبعاَ ما بنسى بحياتي إنو الغالية سناء هيي اللي زفتني بسيارتها يوم عرسي ....وطبعاَ ورانا في شخاتير احتياط ليلي بحب يشاركنا بالزفة ....وبعدين أنا عازمة العرسان يعملوا شهر العسل بكندا .. وكل اللي حابين يجددوا شهر عسلهم ...لنفرجيهم شلالات نياغرا .. وأطول برج بالعالم ..والبحيرات العظمى ....
ما بتذكر قديش كان عمري وقت سمعت بالبندقية أول مرة بس بتذكر كثير استهوتني فكرة إنو شوارعها مي وسياراتها عبارة عن قوارب ..وخاصة وقت صرنا بصف العاشر بقمة المراهقة نزلولنا بالمنهاج قصة تاجر البندقة لشكسبير .. وعشنا مع بورشيا وبسانيو قصة حبهم يوم بيوم .. بمدينة السحر فينيسيا ...وطبعاَ من يومها لليوم بحلم زور البندقية .. حتى كنت ناوية لو جاييني بنت سميها فينيسيا ...
شكراَ قدومي عالموضوع .. هي سافرنا بالأحلام عالأقل...

Posted by: a_aroush

والله أنا عارف بدك تحشر حالك عم سليمان من قبل ما رد , يا عمي روح شفلك محل ثاني أو قلك خليك عندك باستراليا روح زمر مع هذول ال Oborigines .

الملف المرفق 2779

بعدين انت مدري كيف بتسولف , يعني معقول اطلع بالشختور و بصبص هون و هون و سيلفانا حدي , شوف انت هالعيون يعني لو طلعت على Venice بيكون يكثر خير الله و ما ضل سرحان فيهن .
فرضايي عليك شوف عبودي جاي لعندك طلعو بشي شختور انت و اياه بهالصحرا هنيك , بس الك رح كون أحسن منك رح باخذك معني بشرط , ليك في كرسي فاضي من قدام بالشختور بتجيب العود معك و بتعزفلنا عليه أنغام هادية , بس تدرب عليهن مليح أحسن ما زتك بالمي .

بعدين مفكرني جاك لحتى تقلي سيلفانا هيك شعر . قال شو :

منذ وطأت يا ابو عرعوش دياري
تجمـدت عــروق أشعاري
انت في رسم الكلمات وحش براري
لا تعرف ما يجول في أخطاري.

و انت الصادق رح تقول

أشتـاقُ إليــك يا أبو عرعوش

شـوقَ الدمـوع ِ لمحاجــرها

شـوق َالأوراق ِ للعناقيــد ِتُعانقـها

شـوق َالأزهــارِ للربيـع ِ يحضنـها

شــوقَ الأنغــام ِللقيثــار يعزفـهـا

إينجيل انتي كمان شو هالأفكار هي !! .. و عاجبتك كثير كمان , يعني لازم اعملك عراسة و زفة هلأ , أنا ما قلت ما حدا يحشر حالو , رحتي سحبتيلي المنتدى كلو و لحقتونا عالبندقية , يا جماعة ما بتخلوا حدي بحالو . خليكي بكندا هالصيفية و بعدي عن البندقية احسن والله ببعثلك شي عبد ببندقية من هون . فرضاي عليكي انتي كمان بتاخذي المنتدى اذا حبيتي و من هنيك أنا بقلك وين تاخذيهن عمكان حلو , خذيهن على British Colombia طبيعة حلوة هنيك , و أول Grizzly Bear بتشوفيه بتزتيلو العم سليمان , و نهلة بتدبريلهي شي واحد كندي من عندك يكون brand-new مو مهتري مثل العم سليمان , حرام نهلة تضل رايحة ضياع هيك .

Posted by: فاروق القدومي

ريلاكس يا جماعه**
يعني لازم كل مره يطلع صوتنا*

خلينا نتفق*

انا بروح عند عبودي عالامارات ونرسل بريد مستعجل لجلب الالماسي لعنا ومن ثم ننطلق الى استراليا عن طريق البحر حفاظاً على سلامة الالماسي* في هذا الوقت بيكون العم سليمان مجهزلنا طبخة ملوخيه بالارانب, نتناول طعام الغداء وننطلق بصحبة العم ومن ثم نتوجه الى فينزويلا ومن هناك نلتقي الكريمه سيلفانا بيكون لحظتها ابو العراعيش متواجد هناك** في هذه اللحظه نتوجه الى قاعدة dada شمال مدينة مركيبو الفنزويليه**لماذا؟؟؟؟؟؟؟؟؟؟؟؟؟؟؟
لكي نذهب برحله الى المريخ عن طريق شركة ناسا لخطوط الفضاء وعند وصولنا لكوكب المريخ سنتوجه للبحث عن المسكينه ندى**

ملاحظه: سوف ننتظر اي شخص اخر يود السفر في هذه الرحله*
اتوقع قدوم الدكتوره نهله برفقه انجيل الى القاعده عن طريق طائرة كونكورد قبل انطلاق الصاروخ الى المريخ**

*قدومي*

Posted by: mariam

اسفين .....ياجماعة انا ماتعودت الحق الركب اما بكون اول المسافرين يا اما باتنازل عن الرحلة ولهيك انا باعتذر قررت الانسحاب وانشالله بنشوفكن برحلة ثانية ...انشالله بتنبسطوا وبتشوفوا كل اللي ببالكن ....وانا رح استنى شو بتجيبولي تذكارات من هيك بلاد ...معليش شباب لاتثقلوا الحمل خففوا الوزن وكبروا السعر معليش انا برضى بالهدايا الصغيري.....الله معكن وانشالله بيجي يوم بنسافر سوا.........

Posted by: سيلفانا خوري

ًانجيل الله يحقق كل احلامك ,ويبعثلك بنوتة تسميها فينيسيا ,تحمل حسن فينسيا وطيبة وحسن اخلاق امها

شكرا على هالحلم اللي رسمت الرومانسية, الرقة والطيبة معالمه

فاروق قدومي دور على غير مشروع اناعازمة الدكتورة مش ابو العراعيش !!!وبعدين من وين جبت هي قاعدة دادا في شمال مراكايبو ؟؟ الله يعينك ياندى حتى بالمريخ ماعاد الواحد يشوف راحة...

عبدالله واضح انك عازم حالك عزيمة قسرية, بس ماهيدا اللي بيخوف اللي بيخوف ان ملامح جهلة الاربعين بلشت تظهر عليك ,درجة حرارة مرتفعة هذيان ولخبطة بالكلام..

أشتـاقُ إليــك يا أبو عرعوش

شـوقَ الدمـوع ِ لمحاجــرها

شـوق َالأوراق ِ للعناقيــد ِتُعانقـها

شـوق َالأزهــارِ للربيـع ِ يحضنـها

شــوقَ الأنغــام ِللقيثــار يعزفـهـا

هيدا مقطع من قصيدتي بس من وين طالعت اشتقتلك ياابو عرعوش !!!
على كل حال مارح ابعثلك العبد مع البندقية اللي كنت باعتو لانجيل واقتل احلامك رح خلي الحلم يتحقق بشرط تسوق انت الكوندولا .. المشكلة وقت اللي رح تتعب من التجديف مارح تلاقي قدامك غير المي

Posted by: angel

عن عبد الله

اقتباس:

أنا ما قلت ما حدا يحشر حالو ,

عن سلفانا

اقتباس:

ًانجيل الله يحقق كل احلامك ,ويبعثلك بنوتة تسميها فينيسيا ,تحمل حسن فينسيا وطيبة وحسن اخلاق امها

شكرا على هالحلم اللي رسمت الرومانسية, الرقة والطيبة معالمه

عن سلفانا

اقتباس:

عبدالله واضح انك عازم حالك عزيمة قسرية, بس ماهيدا اللي بيخوف اللي بيخوف ان ملامح جهلة الاربعين بلشت تظهر عليك ,درجة حرارة مرتفعة هذيان ولخبطة بالكلام..

اللهم لاشماتة

يا أخي إحنا ستات ومنفهم على بعض ..بعدين إذا كانوا خالتي نهلة وأم اّيفن نايمين على ودانهم ومو عارفين بالمخططات الشريرة اللي عم تخططوها إنت والعم سليمان مفكرين ما في حدا ياخذلهن حقهن ...؟؟؟؟
قدومي نحنا ما عم نتقاتل .. هي مسايرة عادية .. هيك منتناقش

... ما يكون وسام مشارك معنا بالنقاش لتفكرنا مجهزين المدافع ......

Posted by: a_aroush

شمّتي العالم فيي يا سيلفانا الله يسامحك .. هاذ جزائي تركت العالم كله مشانك و بالتالي بدك تزتيني بالمي .

اينجل الله لا يشمتك بواحد .. بس ليكي عزائي أنو عالأقل طلعلي جذف القارب

و فكرتك ما زبطت .. فرح نبعثلك ام آيفن و نهلة .. و أنا والعم سليمان رايحين عالبندقية .

Posted by: iyad tahhan

بما انو ما حدا عزمني أن رح اعزم حالي على رحلي يمكن صعبي تتحقق إني زور القارة السادسة و ياريت حدا يرافقني بالمشوار بس لا ينسى اللي بدو يروح معي يجيب معو غالون نبيذ لانو هونيك النبيذ أطيب من خاروف محشي و مشوي
مشوار حلو صدقوني

Posted by: Desert rose

من دون أي مبالغة ماحسيت بيوم بأنو في أي مكان بالعالم معين حلمت بزيارتوا
ولكن هالشي مامنع من من حصولي على فرص سابقة لزيارة بعض البلاد الأوروبية ومن دون أي تخطيط سابق متل فرنسا ..هولندا ...لوكسمبورغ ...ألمانيا ...بلجيكا ...النمسا ...إسبانيا ...ولمرات عديدة .
وعلى مايبدوا الإنسان اللي مابيسعى للسفر ..السفر بيجي لعندو ...لذلك رح عيد الجولة السابقة هالسنة إذا الله راد بشهر حزيران 2007 بالإضافة لعدة أيام رح إقضيها برفقة بعض الأحبة بالصين .
طبعاً أنا سعيدة بزيارة الصين كونها الرحلة الأولى اللي رح قوم فيها لبلد العجائب والغرائب متل ماذكرت تامي مع تمنياتي لها الصديقة الطيبة بتحقيق حلمها .
شكراً للصديق العزيز القدومي موضوعه الشيق و تحية طيبة للجميع مع إضافة تحية خاصة للعزيزة أنجيل ملاك المنتدى وصدقيني ياعزيزتي كان شرف عظيم إلي إني كون مرافقة إلك بخطواتك الأولى من زواجك بالعزيز وسام .

م: عبدلله لو حطوك بكفة ووزنك ذهب بالكفة التانية ماتتخيل بأنو ممكن كون بيوم على نفس الرحلة معك ..فإتطمن بأنو رح تركب الشختور وحدك مع سيلفانا

زهرة الصحراء

Posted by: alosh66

انا بتمنى انو سافر لسوريا بس لشوف حمص شلون صايرة بصراحة
كتير انا منبسوطة بما انو حلمي رح يتحقق وروح لهونيك على الصيف
فانتظروني جايتكم ب 4 تموز استنوني

Posted by: a_aroush

اقتباس:

م: عبدلله لو حطوك بكفة ووزنك ذهب بالكفة التانية ماتتخيل بأنو ممكن كون بيوم على نفس الرحلة معك ..فإتطمن بأنو رح تركب الشختور وحدك مع سيلفانا

يا شماتة إينجل فيي ... رح تشمتيها فيي أكثر هلأ يا سناء . بس لشو الذهب إذا رح يكون معي ألماس بالقارب ... شلوني معك معك سيلفانا لساكي بدك تزتيني بالمي ؟

Posted by: ramiah

والله يا رجال وقباضايات وعاضوات المنتدى
شايف أحاديثكم كلها وغربتكن بأوروبا البطل يجي ويعيش بالسعودية
الشغل تسع ساعات كاملة باليوم
غير تحمل العالم وقلة الفهم
غير الاهمال الفظيع بالنظافة الشخصية
يعني العمل متل ال......................ما بدكون حسبوها
فلذلك أحلى بلد بالعالم سوريا
وأحلى اجازة(بالسنة مرة-والانتظار من السنة للسنة بيجنن)
في الضيعة الناصرة

Posted by: Kinan

اقتباس:

فلذلك أحلى بلد بالعالم سوريا

رامية انا معك 100% انو ما في احلى من سوريا مهما رحنا و اجينا
ممكن الواحد يحب يطلع و يتعرف على مناطق العالم التانية بس انا بتصوري انو من الصعب كتير على الواحد انو يتأقلم بالعيشة ببلد تاني غير بلدو

انا بالنسبة الي ما في احلى من زيدل

Posted by: عـبوودي

عني انا نفسي ازور العالم كله ولن يهدي لي بال حتى يصبح هذا الحلم حقيقه
ادري انه صعب بس الله يكتبه لي

Posted by: الكوبرا2006

بصراحة انا من السعودية واحلى بلد شفته الى الان سوريا وانتظر السفر اليها في الاجازات بفارق الصبر وعند مفارقتها تستمر الذكريات لاتفارقني الى ان اعود اليها

موقع زيدل سوريا حمص .. خدمات تشات و دردشة ... أرشيف المنتدى