Pages: 1

مع انها متأخرة ... بس اقبلوها مني

(انقر هنا ان احببت مشاهدة الموضوع الاصلي بالالوان و الصور )

Posted by: merellaa

المسيح قام .... حقا قام

ينعاد عليكون كلكون
حقيقة ما بعرف شو بدي قول غير اني كتير هلق حاسة بسعادة كبيرة وسلام حلو جواتي مع اني لساتني خايفة من موضوع الالم يلي ما عم اقبلو بس بغض النظر الرب ما تركني بحالتي ....

طلعت بفترة العيد على دير مار موسى الحبشي بالنبك وبصراحة كان احلى عيد بعيشو بحياتي كلها
كان كتير في تواضع وحب ... كان في عطاء مو معقول ....
حبيت شارككون بشي صغير من يلي صار
يوم الخميس بخميس الاسرار كان في كتير ناس بالدير ومنون اجانب وعرب واسلام ومسيحية ... وطبعا أبونا باولو هو الشخص يلي كان عم يقدس قام قرر يغسل رجلين كل الاشخاص من دون اي تفرقة ... والكل كان عم يرتل والجو ولا احلى من هيك ... كتير حسيت اني صغيرة قدام عملو وحسيت اني صغيرة قدام عمل يسوع يلي علم ابونا باولو وغيرو يكونوا بهالتواضع

تاني يوم يلي هو يوم الصلب مشينا بين الجبلين ورا الصليب وشخص يسوع لوصلنا على مغارة صلبنا يسوع هونيك ... بس يلي بيقشعر البدن هو لما الكل بيجسد على الارض مقابيل الصليب وبكل بساطة والجو غائم وكانو الطبيعة عم تشاركنا صلب يسوع ....

تالت يوم الهجمة كانت وج الضو الساعة 4 وهونيك شفت الفرح الكبير اللي ما بينوصف ابدا ....

عنجد كتير ارجعت بنفسية حلوة ... اتعلمت كتير اشيا حسيت انو الدنية مو واقفة على شي غير علينا كبشر ... كبشر منحب بعض بالمرتبة الاولى ومنوثق باننو الاب ما رح يتركنا بحياتو ... ما هو خلقنا بحب كبير ...تجسد يسوع بتواضع كبير وحمل المنا البشري ومات وتعذب كرمال شعب نصو او اكتر نسيان هالشي ويمكن ما بيفكر فيه من الاساس ...

عنجد يا ريت اقدر كون بهالتواضع وهالشفافية يلي بيحملوها رهبان مار موسى ...
يا ريت نقدر نحافظ على انسانيتنا ونبعد عن كلشي نحنا زرعناه بعقولنا من حقد ولئم وضغينة وكره

بقلكون كل عام وانتوا بالف خير ويا رب يكون هالعيد سمة خير علينا كلنا ... لنمجد الرب على طول ونرنم مع الملائكة هللوووووووووويا هللوياااااااااااا المسيح قام

ميمو




Posted by: hadi..

merellaa

تمعنت كثيرا بكلماتك و لعدة مرات و كنت حاول ان اضع
نفسي بالجو الي كنت فيه لكي افهم كلماتك بشكل افضل
اتمنى ان تبقي على هذا الشعور
اظن ان السلام الداخلي هو اهم عنصر من عناصر السعادة
كل عام وانت بخير



Posted by: سيلفانا خوري

حقاً قام ..كل عام وانت خير

جميلة و قيّمة اللحظات اللي مررتي فيها ,كما وصفتيها..
جميل ان نشعر بمحبة الله في هذا الاختبار المادي والحسي..
حلقنا لوهلة الى عظمة تلك الاجواء ..

سعيدين بعودتك ميريلا.. بعودة روحك متناغمة.. ساكنة..
منتمنى يبقى الفتور بعيدا ًعن خيمتك,وتبقى الكلمة والمثال منتشراً عمقه في قلبك, لتنقشي في درب حياتك ومجتمعك, آثار خطوات المخلص اللي عشتيها في تلك اللحظات ,كما تركتي اليوم آثار الاريج المفعم بالمحبة والايمان..
وكما كان يوحنا يستند على صدر يسوع يشعر بالحب, يعيش الحب, ويتمتع بالحب, منتمنى يبقى رأسك مستندا دوماً على صدر المسيح ,لتبقى متجسدة عظمة الحب فيكِ وتقدري دائما توقدي سراج الايمان.. وترفعي رايته عالياً على كل تل ومرتفع.


لك ِكل محبتي

سيلفانا



Posted by: Nader

المسيح قام .... حقا قام
كل عام وأنت بألف خير
كلماتي تعجز عن وصف جمال كلماتك
التي جعلتني أطير في خيال الحب الحقيقي
حب يسوع لي وللبشر
وصفك لجمال التواضع وقوة الحقيقة
المنبثقة من قلب يسوع والظاهرة على أبنائه في دير مار موسى الحبشي
جعلني أشعر بأن الحياة رائعة مع المسيح
شكرا لك وكل عام والوطن والجميع بألف خير
أخوك Nader


Posted by: ziad sattah

إختبار رائع أخت ميريللا ..

مبارَك ٌ عليك هذا العيد المميز , و مبروك لنا عودتك بهذه النفسية النبيلة و الروح الصادقة ..

زيارة مقبولة إن شاء الله .




Posted by: Nada1981

هلا ميمو

انا كتير فرحانة انه رجعت شفتك ميمو الي انا بعرفها و تعرفت عليها

كل عام و انتي بخير و ينعاد عليكي

ندوووش


موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser