الارشيف - أمّي يا تنهيدة بإنشادي

Pages: 1

أمّي يا تنهيدة بإنشادي
(انقر هنا ان احببت مشاهدة الموضوع الاصلي بالالوان و الصور )

Posted by: عشتروت

طلّ الربيع وهلّ صبحيه

حامل ورود الحب عيديه

وجايي عا نسمة شوق مع آذار

يرندح صباح الخير غنيه

***

من رونق الألوان في نوار

بيتسابقو ع بيتنا الأزهار

وعطر الورد بيبوح بالأسرار

وبتضحك الورده الجوريه

***

إمي يا دفقة نور بعيوني

عيوني العادرب الخير دلوني

يا ريت كل العمر بتكوني

حبات قلبي ونور عينيي

***

كلما الصبح عربش بأحلامي

وضوا طريق العمر أيامي

عطفك يا إمي نبع إلهامي

ودعوة صلاتك عايشي فيي

***

يا ما سمعت بالليل نهداتك

وياما غسلتيني بدمعاتك

وياما عاوج الصبح آهاتك

عطيت صلاة الطير قدسيه

***

افضالك يا إمي ما بينعدو

هني العمر جايين ع قدّو

الإنسان يا الله كيف بدّو

ينسى فضال عليه مسميي

***

إمي يا تنهيده بانشادي

يا فرحتي ويا بهجة عيادي

انشالله رضاكي يضل زوادي

منك إلي ومني لأولادي

---- وبقلهن هو منك هديه ----

ثناء

براغ 21/03/2006

موقع زيدل سوريا حمص .. خدمات تشات و دردشة ... أرشيف المنتدى