الارشيف - الحبّ منّو حكي بينقال

Pages: 1

الحبّ منّو حكي بينقال
(انقر هنا ان احببت مشاهدة الموضوع الاصلي بالالوان و الصور )

Posted by: عشتروت

الحبّ ...

منّو حكي بينقال

هوي الوطن

والبيت ...

والعرزال

هوّي الحبيب

اللي انسمى عليي

ومش قادرة شوفو

ومش قادرة غنّيه

بالموّال

يا دهر !!!

لَيْش تلوّع العشاق؟؟؟

شي دايب بحبّو

و شي كتيرعم يشتاق !!

صيَّرْتني يا دهر

متل السايحة بدرب الهوى

ومتل الأميرة بقصرها

والقصر سجن

ومرض ميؤوس

ما منّو دوا

***

يا دهر وينو الحبيب ؟؟

خايفه عليه

من شي حدا

يسرقو منّي

وتكبر النهدات

والعنّه

لا لا

أنا مش خايفه

يا عينيّي

بالقلب رح خبيه

ورح أعمل بوابو

مفاتيح سحريه

حتى

إذا فتحت شي يوم

رح لاقيه

بضمو لصدري

وبرجع بخبيه

يا دِلّي

يا خوفي

ان رجعت شي مرة

مني يضيع

وروح ما لاقيه

*****

بحبك محبة ما انطوت بكتاب

ولا انكتبت بقصة ولا رواية

حب

نازل من سما الرحمان

معمّد بوردة

ومحفور ع الأغصان

حب!!!

رح ازرعو

بيقلب كل حاكم

تا يصير مش ظالم

تايضحكو وردات

حقلتنا

ونجمات تتلطّى

بعريشتنا

وتعشعش

حساسين حارتنا

بتينتنا

وبترتمي الوردات

ع حفاف غيمتنا

وهاك العريشه

سياج دارتنا

تعصر نبيذ الحب

خمرتنا

وبيزهر الزيتون

وبيفرح اللمام

وبترتسم ضحكة

ع شفاف حارتنا

وستي اللي ربتنا

بإيدها ها المغزل التعبان

يندف حريرو خيوط

توتتنا

بتمتم وبتقول

الله يديم لمتنا

***

يتبع ------

Posted by: كابي ملكي

رائع اخت عشتروت
يسلمو ايديك على هالكلام الحلو
لك تحياتي وتقديري :::::::::::::::::::::::::::::::::::::::::::::::::: :::::::::::::::::

Posted by: عشتروت

اقتباس:

المشاركة الأصلية كتبت بواسطة كابي ملكي

رائع اخت عشتروت
يسلمو ايديك على هالكلام الحلو
لك تحياتي وتقديري :::::::::::::::::::::::::::::::::::::::::::::::::: :::::::::::::::::

الصديق كابي ملكي

تواجدك يا صديقي هو الرائع وهو الذي غمرني

بلطفك وسموّ مشاعركْ

دمت بخير

ثناء

Posted by: الياس جرتتيان