على دلعونا يا زيدليي

على دلعونا وعلى دلعونا

نزلنا تندلعنْ .. كرمال عيونا

==============
على دلعونا .......ويا زيدليِّهْ

الربْ يجازيكيْ... شوْ عْمْلتي فيِّ

قلبيْ بالماضيْ ...عاشْ بحريّهْ

ولِمْ شافْ عُيونكْ ...صَفـّى مسْجونا

=================

على دلعونا .....وعلى دلعونا

النارْ بدنيتنا .......لوْ صَوَّامونا

==============
على دلعونا........... حْوْْاليكِ حايمْ

وحِلميْ بِ بحْركْ ...منْ مدة ْعايمْ

بيرْسى عَ تمِّكْ .......ب ِيقلـِّو صايمْ

وموجاتْ عُيونكْ ..........بِ بيْعِدونا

===================

على دلعونا .......وعلى دلعونا

خمرة نظراتكْ.....مَـ يدوِّيخونا
==============
على دلعونة .......بهالرمشْ القاسيْ

فضَّيتيْ قـْنانيْ .....وعِبَّيتيْ راسيْ

بسْكـُبْ منْ قلبيْ..و برفعلكْ كاسيْ

كرمالْ تضلّيْ ...عْلـْيِّ حَنونهْ
===============

على دلعونا........... وعلى دلعونا

يا محلى السكرهْ ..بكاساتْ عيونا

================

بغمزة عينيكي.......سلفانا تروِّيْ

خطييْ محبوبكْ ...ما فينو قوِّة ْ

همزة ْ بأحلامو ....بِ ليلو ضوِّيْ

ولاتكونيْ مَدَّهْ ... بآهو الْمحزونهْ

==============

سْألتْ الْعَاريشة الـْبكيانهْ قـْبْاليْ

شو السرِّ بدمعة ْ بغصْنكْ سِيَّالة

قالت ْ فِرحانة ْ بهاللوز الغاليْ

الـْقدَّم أزهارو لـْحُبّو عُربونا

==============

على دلعونا تأخرتي عليِّ

ونيران اللهفهْ شعلانهْ فيِّ

طِلـّيْ ياحلوي زاغو عينيْ

حمامة ْبيضا بورقة ْ زيتونا

==============