الارشيف - هور يابو الهوارة..... وأتغندر يابو الزنارة

Pages: 1

هور يابو الهوارة..... وأتغندر يابو الزنارة
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

أنقر هنا لمشاهدة سهرة عيد الحب بزيدل في مركز كنيسة دير مار جرجس

نقرت والله نقرت على كل الصور

بس ماتزعلوا مني

شفت كل شي

بها السهرة

إلا عيد الحب

هلق بعرف مش رح أخلص من البعض وأنو الحقيقة اوقات بتزعل
بس بصراحة اللي بيشوف الحفلة.. مش ممكن يفكر بأنها سهرة عيد الحب ...ورح يعتقد بأنها سهرة عرس عادية .....!!!متل أعراس الصيفية!!!
عدا اللون الأحمر طبعاً اللي كان ظاهر بشكل واضح بثياب الأغلبية من المحتفلين....
" أي شو هالكنزة الحمراء حسام ...أكيد طار عقلها رنيم "

المهم وحتى مابعد عن الموضوع .

بيبقى السؤال :

ليه أهالي زيدل واللي بيعتبروا نفسهم بأنهم بلغوا الحد المقبول من التحرر الإجتماعي وخصوصاً بالحفلات والسهرات بيفتقدوا بهيك مناسبات خاصة للديباجات والمظاهر الرومانسية .

كنت بتمنى شوف صورة لهالستات والرجال بشي رقصة جماعية مهضومة ومعبرة ولتكن رقصةالـــــــــ"SLOW"...مثلاً .!!

ماحدا يرد ويقول بأنها مش من تراثنا الزيدلي ....ولا من ضمن أجوائنا العربية ....لأن على هيك ...لاز م نحذف كتير مقتبسات غربية من حياتنا وأهمها هالعيد اللي صرنا نحتفل في عن جديد .....!!
وكمان ماحدا يرد ويقول الحب مش بالرقص الحب بالقلب ..!!....لأن كل شي بوقتوا حلوا ....الحب شي ..والرقص شي .
مثلاً :
((هور يابو الهوارة وأتغندر يابو الزنارة)) شي ...وRelaxing ..& ..romantic شي تاني ....!!!
((ونزلت عالدبكة غزالي تتمايل متل اليمامة)) شي ....واغاني عاطفية رومانسية (

1 2) شي تاني ...صح أو مش صح

؟؟؟؟

على كل حال كل عام والحب يملأ قلوب الزيادلة ... وبالصحة والعافية ..وإنشالله السنة الجاي منشوفكن عم ترقصوا "SLOW"...
وألكم مني هالغنية لفنان الحب والرومانسية
عيد وحب

وبخصصها لطوني عاقوري ... بحيث المرة الأولى اللي بيترك فيها بيروت وبيكون بزيدل

زهرة الصحراء

Posted by: a_aroush

سناء والله معك حق .

بس هذول بالحفلة كلهن ولاد .. بما فيهن حسام

.. بدك تفسديلنا ياهن من هلأ عرقص السلو .

بعدين اللي بعرفو أن هالشباب آخذين حريتهن أكثر من اللازم بكثير .. بس يمكن ما تشفيه بالصور .. يعني لسا ناقص تشوفيهن علقانين بوس بنص الطريق .. و ما بعرف اذا صارت و خلصت .

بتضل أيامهن أفضل من أيامنا .. الله يعينا نحنا أيامنا شو كانت معثرة .. مع أن مو من زمان هالشي من شي خمس سنين بس كنا بعمرهن

Posted by: Desert rose

ياعبدلله الهيئة ناقر عالرابط غلط
ياعمي كنت خايفة عليك تجي على سورية من رش الورد
اليوم صرت خايفة عليك تجي على زيدل ...من أهالي زيدل وأهالي فيروزة
مابعرف اذا رح يسكتوا على إتهامك ألهم بأنهم ولاد متل :

السيد زياد عضو الفرقة الحزبية

أو السيد توفيق مدير معمل الميماس لأطيب عرق

أو أبو وسام وأم وسام

أو.......... أو و.....أو .....ياعبدلله

أنا متأكدة بأنو أنتِ عقبت عالمشاركة وتعقيبك كان بضغطك على الرابط الأول بالصفحة الرئيسة لموقع زيدل...لذلك معذور عبدلله ...ومابعرف كيف رح تخلص حالك من هالورطة .
كنت رح أحذف أو عدل ردّك بس خفت نُتهم بقمع الحرية .

"الحق عليي قال لحاق البوم بيدلك هالخراب"

مرة جديدة كل عام والجميع بخير
أو خلص ...
خلصتوا حب ؟؟؟

زهرة الصحراء

Posted by: hosam abdulaziz

مرحبا جميعا
سناء اول شي بالنسبة للكنزة فأكيد رنيم ما رح يطير عقلها بس انا اللي طار عقلي من هالكنزة و السبب انها مهداة هي و البنطلون من العروس بهالمناسبة مع شوية غراض ثانيين.

اما موضوع الظواهر الأحتفالية فما ضروري المصور اللي هو انا يغطي الحدث بكل تفاصيله و خصوصي اني مشيت بكير الساعة 11 من السهرة .
بس بالنهاية كانت الحفلة حلوة و انبسطت العالم كلها .

Posted by: a_aroush

صح أنا شفت بالصفحة الرئيسية على شريط التمرير .. سهرة الشباب بعيد الحب و مكتوب تحتها .

اقتباس:

انقر الصورة لمشاهدة حفلة عيد الحب للشباب في مركز مار جرجس

بس لا تخافي ما حدا رحل يزعل من كل هذول إذا قلتلهن ولاد .. بالعكس رح يفرحوا .. حدا بيصرلو يرجع ولد بيقول لاء.

بعدين شوفي انتي الرابط اللي حاطتيه محل مو كاتبة انقر هنا ........ الخ .

Posted by: Desert rose

حسام المهم أنو في عقل طار ...عقلك عقل رنيم مابيهم ...المهم الله يوفقكم .

اقتباس:

اما موضوع الظواهر الأحتفالية فما ضروري المصور اللي هو انا يغطي الحدث بكل تفاصيله و خصوصي اني مشيت بكير الساعة 11 من السهرة .

اقتباس:

بس بالنهاية كانت الحفلة حلوة و انبسطت العالم كلها .

ياسيدي الكريم القارئ والمشاهد مش ذنبهم أنك مشيت 11 ....بيهمهم التعليق فقط على اللي شافوااااا ....وإذا حضرتك مش قد حمل نقل كامل الحفل خلي غيرك يهتم بالأمر ليعطي كل مناسبة رونفها الخاص .
عبدلله حقك عليِّ
صحيح أنا نقلت الرابط غلط بس ولووو وين الإداريين والمراقبين

...أنو ضروري تلحقوا البوم عالخراب ....يلا تعيش وتاكل غيرها
زهرة الصحراء

Posted by: a_aroush

تعيشي و تاكلي غيرها انتي سناء بتعرفي ليه ....؟؟؟؟؟؟؟؟؟؟؟؟؟؟؟؟؟؟؟؟؟؟

لأنو الرباط بمشاركتك ما كان غلط ... أو قلك ... انتي أصلاً ما كنتي حاطة رابط .. .. كاتبة انقر هنا و ما في شي رابط .

موقع زيدل سوريا حمص .. خدمات تشات و دردشة ... أرشيف المنتدى