الارشيف - روائع الشاعر ميشيل طراد المغناة

" الشاعر المبدع ميشيل طراد "

أتمنى من الجميع إغناء هذا الموضوع والعمل على جمع أكبر عدد من شعر هذا المبدع الذي غنت قصائده جارة القمر وجبل لبنان الشامخ وديع الصافي ...
واليوم سأبدأ بقصيدة : بكوخنا يا ابني
هذه القصيدة قدمها للسيدة فيروز هدية عندما وضعت مولودها الأول العبقري زياد وكتب النقاد عن هذه القصيدة أكثر من مجلد .
استمتعوا معي بهذا الأداء الساحر الملائكي لفيروز .... واستمتعوا برقة الكلمات التي تعبّر عن حس مرهف يعبّر عن روعة الأمومة وذكريات الأم مع طفلها وألعابه وعن معاناة هذه الأم في هذا الكوخ بليلة شتي باردة وتلج مغطي الأرض ورياح عم تصفر .... استمتعوا معي من فضلكم .....

بكوخنا يا ابني

كلمات الشاعر : ميشيل طراد

ألحان : الأخوين رحباني

بكوخنا يا ابني بهالكوخ الفقير .. والتلج ما خلاّ ولا عودة حطب

والريح عم يصفر فوق منو صفير .. وتخزّق بهالليل منجيرة قصب

وقفوا عا شباكك يدقّو العصافير-- بجوانِِحُن ... يا جوانحن ل متشرنة

جايين يتلطّوا ع كتر الزمهرير-- ورفيقك البلبل ... شو مشتقلك كتير

---- مخبيلك بعبّو شي مية سوسنة ----

علوّاه لو فيــــــــــــي يا عينيي لطير

اتفقدك يا رجوتـــــــــــي بعدك زغير

وعمرك وعمر العطر ما كفّوا السنه

وشو الدني - يا ابني وشو طعم الدني

---- ان ما هبجّتْ وجّي بإيدَيْكْ الحرير----

شو الجرس قال حامل بشارة العيد

شو ألف عيد وألف قنينة نبيد

صوتك يتدحرج بقلبي وعم يضيع

نازل عن التلة بهالوادي البعيد

حامل بإيد الصبح وبإيد الربيع

ومن يوم هالغيبة والله يسامحك

عم فرفط بها الفلّ عم قطف ريحان

عم بستعير من السما أجمل لوان

وخرطّش ع هالحيطان لنو ملامحك

وهالقلب عم حفّو على اجرَيْن السرير

بريحة ريشات جوانحك

بيغبرة حوافر حصانك هالزغير

بريحة ريشات جوانحك

بيغبرة حوافر حصانك هالزغير

للموضوع صلة ----

بكل العشق الفيروزي

يمكن بعض الشعر اذا حكينا عنو بيفقد معناه .....ميشيل طراد تميز بالشعر العامي المحكي فعانق الروح وداعب القلب............فكيف اذا غناه العملاق وديع الصافي......

راح حَلّفك بالغصن يا عصفور
بالورق بالفيّ بالنبعات
بالزَيَّح جناحك بريشة نور
بالمرجحك مع زرقة النسمات

تطير يا عصفور
ع كوخ من وِزَّال
رويان سقفه زهور
مفروش بالعنبر
وحب الندي الأخضر،
دنيي ظلال ظلال
وتِقشَع عريشة وباب
بفيتها مزوي،
وحلوة بإيدها كتاب
سلِّم على الحلوِه.

وإن هِديِت رياحَك
بِتمَرمِغ جْناحَك
عالسَطح، عالحيطان،
عَ ثياب مِدرِيِّه
عالبُسط، عالقمصان،
عَ كلّ شي تخَزَّق
عالمقعد الأزرق
عالقمر السكران
البيذَكِّرها فِيِّي.

وإن كان ما في شي

من حبنا باقي
بِتسَكِّت الساقية
ياطير وبتمشي
وبتغُطّ تحمللي
يا من هيك التلة
يا من هداك الغاب
شي ذِكِر شي قَشِّة.
ومن خرطشة دّيها
من تحت اجرَيها
شي نقِدتين تراب