الارشيف - الزجل

Pages: 1

الزجل
(انقر هنا ان احببت مشاهدة الموضوع الاصلي بالالوان و الصور )

Posted by: جاك موسا

زيدل

مشتاق لترابك يا ضيعتنا

و بحن لكروم العنب و التين

ع أغصانك الخضر يا قريتنا

أديش بذكر غردوا حساسين

لما الربيع يدق على بابك

و يبقى الفراش يعانق النسرين

لأهلي أنا مشتاق للأحباب

للجيران و أصحاب السنين

و للزنبقة بشباك جارتنا

و روائح المنثور و الياسمين

للدروب يا لي بين حقولنا

عند المسا مشوار هالحلوين

لفلاح غنى عتابا بحقلاتك

و بميجنا ردوا عليه حصادين

يا ضيعتي يا مواسم محبة

و ع محبتك نحنا دوم سهرانين

جاك

Posted by: جاك موسا

أمي

أمي الورد من جرحوا نزفها

و عتموا لحن إنساني عزفها

و زرفها من العطر دمعة سخية

و بكي على غيابها لما زرفها

حياة الناس مش بركة موية

و لا كعكة طيبة جوعك خطفها

لما بيتعب ع ليراتوا السخية

ما بيأسف عليها لو صرفها

و طوايفنا إلي فوق الطائفية

خمس تعشر سنة المدفع قصفها

بقيت متل ما هي قوية

و عن درب الكرامة ما حرفها

و ألسلس أنجلس مهد الأذية

بجمعة حرب بكيت من أسفها

و شهر لو ضلت الحرب الشقية

إيجا تركتا ر دولتها جرفها

و تعوا نسأل أوربا الأجنبية

مينوا بالحضارة يلي وصفها

يوم لبطلت أمنا الأبية

الأدب من كل صفحاتوا حذفها

بدل ما تضل نهدة عاطفية

و مربى أم تعتز بخلفها

مرض صارت و علة عالمية

أرتعب منها الزمان لي أكتشفها

و قتل و مخدرات جهنمية

و صبية أصبح الشارع هدفها

و إذا مش عا جبوا خي الصبية

بيجي البوليس تا يحمي غرفها

و بدل ما طفلها تعدو هدية

من عند الإله لي نصفها

الطفل عندن بيقلك مين بيّ

و إذا بيشوف أموا ما عرفها

و بعدك عمت عيرنا يا خيّ

بالشحادة لي أنت عارف ظرفها

الهوى بيشحد من الوردة الطرية

مرة شمها و مرة قطفها

و فقير لمشتهي اللقمة الطرية

و نفسوا للحلو زايد شغفها

و إذا من بيع علكة مش خطية

شغلة كتير حلوي نحترفها

تأكد بالحياة العائلية

بياعة العلكة من بلادك

بتسوى قارة باعت شرفها

القصيدة لشاعر الزجل طليع حمدان

Posted by: جاك موسا

الميريلاند

يا ميريلاند للشمس اعزميها

و بكاس نبيذ عالشاطي سكبيها

و أنا بكاس و متى الكاسين رنوا

شربيني فلسفة و نور شربيها

و شعري من حروفوا الشهد جنوا

تتوعى من بعد ما تسكريها

الشفق حمص لرمل الشط بنوا

بفنجان الشفق شفة سقيها

ليك ِ البحر لما بان سنوا

ابتسم لك بسمة الحب النزيهة

و عمل عيدوا عشاطي صدق ظنوا

عملها للشمس شمعة و طيفيها

و غابت غصب عنها و غصب عنوا

غص و ما قدر كلمة حكيها

ركضي يا مواج هديها و لنوا

عملي الشاطي مخدة و نيميها

و هيّ دموعها تتعود حنوا

بنت لبنان ما بتنسى أبيها

لعطيها تذكرة للشمس منوا

حنينوا قال سبحان لعطيها

يا لبنان الكواكب فيك جنوا

مثل ما الأم جنت عا بنيها

الجداول لغير عندك ما تهنوا

البلابل غير نبعك ما رويها

و أنا من طيورك لفيك غنوا

مهما الحزن للنغمة كويها

بدي ضل غنيلك لأنوا

القصيدة ما بسميها قصيدة

إذا لبنان مش موجود فيها

يتبع

Posted by: جاك موسا

يا بيروت الحزينة يا خزينة

طول عمرك عتاج الشرق زينة

و نصرخ يا عروسة كيف حالك

صرنا نقول كيفيك يا حزينة

كيف حال اليتيمة بليل حالك

غمرها الحظ من غمرة أمينة

كيفوا هاليتيم إلي و مالك

يا أمي جعت شو راح تطعميني

كيف بيوتك و كيفوهن عيالك

يا ست البيت يا قلعة متينة

يا أجمل ياسمينة شو جرالك

الورق هرهر عكعب الياسمينة

مهما الحرب تجرحلك جمالك

الثمينة بعدها بقلبي ثمينة

أن كان الرماد باقي من دلالك

برمادك يا حياتي كحليني

و لو عندك بقي كوخ بمجالك

تركيني بكوخك ولا تهجريني

و إذا ما ضل إلا شغل بالك

بشغل البال عندك شغليني

ليك ِ هالبحر بعدو قبالك

عم بيقل لك بليل السكينة

بقلب المي خل ليلي خيالك

إذا خيالك رحل بتجوعيني

و أنا يا ريتني سفينة بخيالك

و أنت ِ عمتشدي بالسفينة

و قلبي بيربح جميلة بحبالك

لما بالحبال تربطيني

تركيني عيش عشاطي رمالك

و عأوربا ما بدي تاخديني

إذا الإغريق من وردوا رمالك

مش بالورد فيك ِ غرقيني

فيك ِ بعيش مهما قل مالك

و بإيطاليا مابدي تعيشيني

و لا بسويسرا بنسى كمالك

و لا باريس بدي تسهريني

بسهر بين عذرية تلالك

و لا عقصر تتشر تعزميني

يتبع

Posted by: جاك موسا

تقلبي يرف كل ما رف شالك

و بنسمة مرجحك و تمرجحيني

تركيني مع جنوبك مع شمالك

تركيني أنتهي فيك ِ تركيني

مهما بالغرب لاقي بدالك

لا أغلى من شعب لبنان عندي

و لا أجمل من مدينتا مدينة

و على الميلين شاطينا بذا توا

مداين عزنا سمعت صلا توا

و قال البحر ألهن تقبروني

و صار يزقف بفرحة بنا توا

و أنا كل الشواطي بيعرفوني

خلقت جدول حنون بسقسقاتوا

جناين فيك لا أحلى و لا أروع

خزاين عطر لزهور لحفالي

و على خيام البدو من جديد برجع

نكانوا بيشبهوا خيام الدوالي

مهما صار عترابك لا تفزع

قدر ما تفرق الشعب المثالي

الأهالي إلي استقوا من فرد منبع

بجيهن يوم بيعودوا أهالي

و هلق يا جبلنا ما بيمنع

تجي تسمع ملوك الارتجالي

بدالك ما ألوا لبنان مرجع

و لا المنبر إلو شاعر بدالي

أنا لمتلك جبل من فرد مقلع

بيوتي شعر كلماتي تلالي

و مثل ما الأزرق قبالك بيركع

ما بدي دشر بلبنان شاعر

إلا ما يجي يركع قبالي

Posted by: جاك موسا

ببيت الدين غنى الشعر بيتوا

و لما لون إحساسي عطيتوا

قالوا كان لونك مش تحدي

و لزرع العاطفة بشعرك عبيتوا

الزغلول إلي ألو بقلبي مودة

ببيت الدين عقلبي حنيتوا

لو بدلوا يجي عملاق ضدي

كنت من أول الحفلة طفيتوا

أنا بجوقة الربيع نقلت ردة

الربيع بكلمتي الحلوة لقيتوا

و بكفيني خليل و شحرور حدي

جبل و عليه منبرنا لقيتوا

يا زين الشعر مش ضربة مهدة

و لا تجريح من شاعر عنيتوا

زغلولك مثل زهر المندي

و إلا دموع شعري ما سقيتوا

و بعد منها ببلدة كرم سدة

أنت و شاعر كبير إلتقيتوا

بكلام الشتم و بلون التعدي

بخمس قروش كلوا ما اشتريتوا

و أنا مثل الندي عليكم بهدي

و مني بخاف تتكونوا نأذيتوا

بسيف الغدر كنت بقص يدي

لسيف الغدر لو مرة قتنيتوا

أنا بالشعر قلّقت المخدة

و صباح النور عسريري هديتوا

تخد الفجر بيّن حد خدي

مثل قنديل شح كثير زيتوا

و لأني عأرض بيروت بدي

كتف طير بالماضي حميتوا

بعتلي زين فكر زين قدي

يا ريتوا بالشعر أكبر يا ريتوا

على كل حال بدي بنار حدي

أكوي الجمر أكتر ما كويتوا

قولوا لزين عالمنبر يهدي

لأني بعد بيت الدين جايي

تحاكم أبو علي عبواب بيتوا

القصيدة لشاعر الزجل
طليع حمدان

Posted by: جاك موسا

ختيرتي

مينوا لي عنك ِ قال ختيرتي

بعدك صبية و ما تغيرتي

بآذار لما يزهروا الأزهار

أكتر من الأزهار زهرتي

و تا يسرقك نيسان من آذار

قل لك تعي دخلك تأخرتي

و من غير توا عليك ِ قمر نوار

قل لك بطلق الوردة و بعملك مرتي

يا ورتي لي بعدك ملاني قمار

غار الندى لما تحمرتي

و نشلحت عليك ِ وراق الغار

زنار تا فيها تزنرتي

و تنقول صرتي بأخر المشوار

بحبك بحبك و ين ما صرتي

بحبك نغم تايه من الأوتار

بسهرة قديمة بليلها سهرتي

بحبك حكاية عطر للعطار

لما بساتين الصبا ذرتي

بحبك بلوزة و كان إلها أزرار

و صغرت عليك ِ عند ما كبرتي

بحبك دموع و بعشقك آثار

و قصة معي فيها تأثرتي

بحبك وداع و بسأل البحار

نكنك معوا بها لليل سافرتي

و منك ِ إذا ما ضل خمرة و نار

بكاسي لي بقلبوا شفافك عصرتي

بسكر عريحة جرة الخمار

و بقول يا عيني إذا سكرتي

و حتى ما توعي و شوف نومك طار

و خسرت عمري و عمرك خسرتي

مثل العنب يا ريت فينا صار

و خمّار يسلقنا بجرة خمر

و تذوب آخرتك بي آخرتي

القصيدة لشاعر الزجل طليع حمدان

Posted by: جاك موسا

عيون ليلى

يا عيون ْ ليلى أيديك ِ للدنيا

مديها

و دموع الحزن ْعن بالك

شليها

لو اليأس تجرأ قرب إليك ِ

سنوا

فكرة وجودوا من كونك ِ

امحيها

البلابل لأجل ْ عينيك ِ اليوم

غنوا

و طيور الفكر ْ غير صوتك ِ

ما رويها

أفرحي لا تحرمي الكون ْ

بسماتك ْ

نجوم الليل من شعرك

لا تقطعيها

اتركيني أشحد من حرفة

جمالك ِ

تا الأزهار من شهد ريقك ِ

أرويها

اتركيني عيش بأقصى شرفة

شمالك ِ

أنا بعشق النظرة و بعشق

بنيها

و لو المريخ من سحروا

رمالك ِ

من الكواكب فكرة اسموا

بخفيها

بجامعة العشق كنت أنا أول

أطفالك ِ

و العشق مدرسة منك ِ لا

تحرميها

Posted by: جاك موسا

بودي أغرق بثنايا روعة

كمالك ِ

ومن رحم عقلك أفكاري

أستقيها

أنا قديس قاصد غربة

محرابك ِ

بالإيمان روح الفلسفة

أعطيها

أنا روح حريتها انبعثت ْ

من أنفاسك ِ

و ضروري منك ِ للروح

تقدريها

بوقف تحت عذرية شفاهك ِ

يمكن بالندى مرة

أسقيها

أفردي شعرك ِ على مرمى

أكتافك ِ

والنظرات من عينيك ِ

لا تبخليها

و البحر يمكن أبلعوا

كرمالك ِ

انتصري على الخجل صدفة

و أنطقيها

الشمس جنت ْ من لجمة

لسانك ِ

لأجل الله مرة هالكلمة

أوليها

جاك

Posted by: جاك موسا

لوح الخشب

لوح الخشب ما أجملك ما أروعك

يا لوح الخشب

في عصر أصبحنا نحلم فيه

ببيت الخشب

يضمنا بين جدرا نوا و ندفئ

بشوية حطب

مازال الخشب في أرضينا

طرب

و أروع الألحان ظهرت من

عود الخشب

و حتى اليوم برحلاتنا راح نزيد

عالجمر الحطب

و ما أروع ضيعتنا بالصيف

تغرق بين أشجار

الخشب

و لولا لوح الخشب بالماضي

الله أوجدوا

ما قدر نوح من الطوفة ينجي

البشر

ما أحلاك يا لوح الخشب

بالمدرسة كنا نقعد على مقعد

خشب

و ما أحلى العشاق تحت

ضوء القمر

بالحديقة قاعدين على

قرمة حطب

فلا تزعلي إذا دقيت ِ راسك

بلوح الخشب

بعدو الخشب أفضل بكتير

في هالزمان

من بعض ألواح البشر

جاك

Posted by: جاك موسا

لوح الخشب

تسلم الأيد لصنعت من لوح الخشب

عود الطرب

لو ما عيونك ما عشقت الريشة

زند الخشب

من غصن ألواح الخشب

بانوا الزهور

و الشمس على الخشب

عند الغروب

عشقت لونوا الأسمر

و جن الحطب

ويا مفكر بمستقبل الخشب

بعد قطع الجذور

مستقبل الأخشاب ضايع

على مر الدهور

و ما عرفت الشعوب تقاربها

عبر العصور

لوما الخشب طاف و حملنا

بين البحور

و من العود على نغمة صبا

الله و أكبر

لا تقطعوا الشجر قبل ما يدب

فيها الفتور

و مهما الإنسان تكبر على مر

الدهور

بعد ما يموت راح يسجنوا

تابوت القبور

جاك

Posted by: جاك موسا

محبوبتي

محبوبتي زعلنا أنا و هيه

بسهرة ندي و كاسات خمرية

حتى ما عدلي حيل هدي الكاس

لا بتمي و لا بأيدي

و عاغرفتي جيت و أجى الوسواس

و تنام شو سألت الخديدية

قولك بعد من العيون نعاس

عاصوتها راح فيق ليلية

و تارجعتلي الونس و الإيناس

حكيت بتاني يوم صبحية

متل اليتيمة لحاضرى الأعراس

و غنت يا مين بيعطف علي ّ

و قالت حبيبي و دابت الأنفاس

و حنيت عا كلمات عطرية

و حسيت كلشي من حياتي خاس

ليّ رجع ّ برجوعها لي ّ

ما تلومني يا شمع بالقداس

متلك إذا عم دوب حنية

كيف ما بدي دوب و أنا حساس

و بحبها محبة جنونية

لوما بخاف زهورها تيباس

عشفافها بفزع من المية

و بزعل نمرقت عاغصن مياس

و فيها شوية دقت الفية

و بجن لولا خدها بينباس

من زهرة بنفسج مستحية

و بقتل من الغيرة على المتراس

نقالت تلات مرات يا خيّ

يا ناس شو بعمل بها الإحساس

صاير بحالة مش طبيعية

كلشي عشقت من الحلا أجناس

متلها ما عشقت حورية

حبيتها بحواس خمس حواس

و تاغيب عنها ما بقى فيّ

لا تواخذوني بحبها يا ناس

و شو هم عينيّ لي بيحبوها

لو قدها حبيت عينيّ

القصيدة لشاعر الزجل

طليع حمدان

Posted by: جاك موسا

وقع قلبي و عليك ِ كان ذقوا

جروحي من عيونك علاج ذقوا

كفوفي على لواح الثلج ذقوا

متل ذق الندي فوق لعشاب

طليع حمدان

Posted by: جاك موسا

دخلت ِ عا فؤادي و حين دخلك

قلبي ودخت السكران دخلك

و تعي تنهنه القلبين دخلك

الشمع لما تنهنه كيف داب

طليع حمدان

Posted by: جاك موسا

تعي يا زنبقة قلبي و ميلك

نسيم الحب تا لوحك و ميلك

و إذا بهجر كحل عينك و ميلك

أذكريني عند تكحيل لهداب

طليع حمدان

Posted by: جاك موسا

يا لي عاشعرك ألف زهرة لو زهر

ما في حدا من الناس أدك لو زهر

و فستانك الكحلي سحرني و لو زهر

كان البنفسج ما نبت عا تلالنا

طليع حمدان

Posted by: جاك موسا

قالتلي ما بدي تكون عقدي

و عقدلك موسم الأفراح عقدي

و عا صدري كتر ما عذبت عقدي

صفي مرجوحة عيون لحباب

Posted by: جاك موسا

يا شقرا لون عينيك ِ بحر في

حبر أخضر وصل حرفك ِ بحرفي

غمزيني و تركي السهرة بحرفي

ع شرط بتنطريني عالبواب

Posted by: جاك موسا

قلبي عامل بحبك مُحَاضر

بدقاتوا نظم فيك ِ مَحاضر

و بمحكمتك إذا قلبي مَحاضر

حكميني بخوف الله عالغياب

Posted by: جاك موسا

صدفة

صدفة التقوا بعيونها عيوني

و عالبيت من غير وعد عزموني

و ألبي فلت مني و سبقني وطار

و مدامعي عالدرب دلوني

ولحقت قلبي و عملت مشوار

عبساط جانح ريح مجنونة

ومن غيرتي عليها خيالي غار

و تحارب جنوني مع جنوني

ووصلت ولقيت القلب محتار

ولي عازمتني مقدرة فنوني

و أحلى ما أيدي تحترق بالنار

عاى بابها دقيت بجفوني

و سمعت صوت بيشبه الأوتار

حرك شعوري و فيق ظنوني

و قالت يا أهلا ودخلت عالدار

و عيونها بديوا يحاكوني

و أيدين مثل شمعتين صغار

ما عرفت كيف و ليش ضموني

ولفوا على خصري داير و مندار

و لولا ما أجمد كانوا حرقوني

خدين متل الزنبق بنوار

أكتر ما بدي عطر عطيوني

إلي بيشوفهم بيقول توم قمار

جاعوا و طلبوا الأكل و المونة

Posted by: جاك موسا

وشفاف حمر بيسكروا الخمار

من فرد نقطة خمر سكروني

و العنق مثل الخيط عالبيكار

مسكوب لا ورقة ولا معجوني

و الصدر من أتقل و أغلى عيار

متحف درر و كنوز مدفوني

و تفاحتين بيبهروا الأنظار

عالصدر يا ريتهم يقبروني

و عالخصر عيني بتحسد الزنار

لو مطرح الزنار حطوني

تا كنت أكشف بأوت الأسرار

و معليش لو مجنون عدوني

يا ناس هيدى إلي جرى و لصار

و تتصدقوني و تا تعذروني

روحوا معي على بيتها شي نهار

و تفرجوا على حسنها من بعيد

و نضل فيكم عقل خبروني

القصيدة لشاعر الزجل زغلول الدامور

موقع زيدل سوريا حمص .. خدمات تشات و دردشة ... أرشيف المنتدى