الارشيف - حركشة وبحبشة ونكوشة

Pages: 1

حركشة وبحبشة ونكوشة
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

الحركشة والبحبشة والنكوشة
3 كلمات
أوقات بيعمروا بيت وأوقات بيخربوا أكبر بيت
بمنتدانا مافي بيوت
بس هيدا مابيمنع بأنو ندخل شوي تنحركش شوي بالأعضاء
ونتحشر فيهم بكم سؤال ...بنوايا طيبة وقصد سليم والله العظيم

فكرة يمكن جديدة بالمنتديات
وإن حصل ونجحت فبيكون بسبب جرأة ومحبة وتواصل أغلبية الأعضاء .
هلق أنا بسأل سؤال حشري لعضو بختاره من بين الأعضاء
اذا حب يرد أهلا وسهلا واذا لا ياريت بس يحول السؤال لإسم حضرتوا بيختاروا من بين الأسماء إذا حس السؤال في إحراج .

السؤال الأول ................حكيم عيون

مين بتحب أكتر .....................العزيزة منى أو الشعر ؟؟؟؟؟؟؟؟؟؟؟؟

م: فينا نحذفلك المشاركة بعد ماترد !!!!

يلا حكيمنا قوي قلبك

زهرة الصحراء

Posted by: حكيم عيون

بهْجُرْ أنا شعريْ وحياتي والهنا...........وبْصير حفنة رملْ منْ بعد الفنا

مهما جرى بتضّل روحي هايمة .....ومعلـّقة بعيون يل ْ إسما منى

===============================

السؤالْ ..لإلك زهرتنا ......كيفْ بتتخيَّليْ حياتكْ بلا نتْ....؟
قوّيْ قلبكْ زهرتنا...

Posted by: Desert rose

دخلك حكيم أتركني بهمي
من مدة النت عم يمشي بدمي
وإن خيروني البعد عن هالآدمي
بفضل أرجع لبطن ن ن ن أمي

السؤال للدكتورة مريم ......................أكتر إسم لرجل حبيتي بحياتك

ماتلفي وتدوري .....بسرعة يلا إعترفي وقولي

يلا مريم قوي قلبك ....وحياتك مش رح نخبر أمك .

زهرة الصحراء

Posted by: mariam

مليح امي نايمة والباب مسكر .....
اكثر اسم لرجال حبيتو كان اسم علي .....
لاتستغربي.....انا ماتعودت خاف....اكثر اسم رجل حبيتو كان علي ....
وتعلمت منو كثير كثير امور اولها وتاليها انو الخطأقبل مايكون من الناس يمكن يكون مني لهيك علمني عد للعشرة .........
ومن يومها صرت عد للمية ....وبعدين للالف وبعدها ماعاد ولارجال قدر يحفظني كلمة.......
شو رايك ....وتسكر باب القلب وماعاد حدا فتحو.......
كان علي اول شخص غريب اتعرفت عليه بيحترم حالو كرجل وكمثقف وكانت كلماتو مثل القمحة بارض مروية ومر عليها يومين شمس.....كنت باول طلعتي وكان بقمة نضجو علمني اكبر لاوصلو
وكان يعرف انو مارح اوصلو.......
حفظت عنو هالقول(اما انا ما عم افهم الناس او انو الناس ماعم تفهمني ولانو مو معقول كل الناس ماتفهمني معناتو انا ماعم افهم الناس ولازم عيد التفكير والتحليل لافهمهن )
ومن يومها وانا بعد للعشرة قبل ما قول كلمتي لانو يمكن عم يقراها الف.........وبحب وجهلو تحية حب وبتمنى لو كنت بعرف شو عمل فيه الزمان ..........
انشالله عجبتك جرأتي

هلق انا بدي حركش ونكوش بس بمين....بمين ياترى
بحب حركش الياس جريتتيان اذا كان كتابة للاسم مظبوطة.....
بحب اسالو وين المراة بحياتو....اليوم

Posted by: الياس جرتتيان

وين المراة بحياتو ؟؟؟؟ اليوم
اكيد ما عديتي للعشرة قبل لتساليني هيك سؤال
عزيزتي المراة موجودة بين القلم والورق
وبين العقل والقلم وبين القلب والعقل .

لو كان بالشعر كلام
وصفك بأقلامي
يعتبر هجاء
ولو جمعت حروف الكون مجتمعة
ما كنت أوصف سيدة النقاء
بالوصف تعابير أدركها
صعب علي إدراك
نجمة في الفضاء
وصف الصفاء يوماً
ويوماً
وصف الضياء
لولاك ما استدار وجه القمر
وما سطعت الشمس في السماء
عشقت فيك البحر
عشقت فيك العمر
عشقت فيك عالماً .......
دون استثناء
بتمنى تكوني عرفتي وين المراة بحياتي ... عزيزتي المراة شي عظيم ممكن هذا السؤال بيكون اصح اذا بتساليني وين حياتك بلا امل

وبما انه لازم حكوش ونكوش بدي حكوش عشتروت
شو هي اللحظة الي كنت صامتة فيها اكتر شي بس عيونك حكوا جريدة ( كل شي )

Posted by: Desert rose

اقتباس:

وبما انه لازم حكوش ونكوش بدي حكوش عشتروت
شو هي اللحظة الي كنت صامتة فيها اكتر شي بس عيونك حكوا جريدة ( كل شي )

بعض الكلمات قد تختفي كورقة الخريف في مهب الريح ولكن يبقى لها في أذهاننا بعض الذكريات كلمات كانت قد دغدغت آمال البعض في الإستماع والإستمتاع بآراء بعض الصديقات والصديقات .
ولكن لاشيء قد يفرض فرض .
لذلك سأعتذر من الصديق الياس في تحويل السؤال للصديقة سيلفانا لعلي أستطيع إستعادة ماكنت أود تحقيقة من هذا الموضوع .

والشكر مرة أخرى لكل من تقبلوا بظرافة تلك النكوشات اللطيفة الصافية

زهرة الصحراء

Posted by: سيلفانا خوري

حيــن رفــــرف الطيــــــــر

وحيــــَّانـــي

رمــــى

بسهام لحاظـــــه ِ

عذريــة

أجفـــــانـــي

أجابـــــه الجفـــن

ممتنعـــا ً

خجـــــــِلا

يعــــدو

في خضار العينين

عــــدوَّ الغـــــزلان ِ

حيــن رفــــرف الطيــــــــر

وحيــــَّانـــي

أنشد الحب

تراتيـــــــــــــــــــــــــــلا ً

في صمتــــه

صلاة الرهبـــــــان ِ

والمحاجــــــــــــــر

أشعـلــت

بريقهــــــا.. قناديـــــــــــــــلا ً

في سمـــاء عينيــــــه

تهــــوى اللمعــــــــانِ

ساعـــات مـــرت

دقائــــــــق

وثوانـــــــي

والروح في محـــراب

صمتهـــا

خاشعـــــــــة ٌ

ساميــــــــــة ٌ

الى رب الأكـــوان

رب وهـــب خليقتـــــــه

كل ألـــوان الإحســــــــان

جعــل القلــــــــب

خفـــاق

نبضــه حـــب وتحنــــان

جعــــل للعينيــــــن

لـغــــــــــةٌ..

إن نطـقـــت

فــاق بيانهـــــا

كل اللــغـــات.. بــيــــــــان ِ

ان نطـقـــــت..

باحــــــــــت

مافي قـلــب المشــــــــــوق

مـن خفقــــــــــــــان ِ

=====================================

تقيدا ً بالموضوع لازم بحبش حكوش ونكوش..
بدي حكوش في حديقة الصديق جورج دعبول وأسألوا عن أزهاروا..الله يخليهم..

زويا ...انجيلا ...جيانا

شوهيي ميولهم ومواهبهم..ومعاني تواجدهم بحياتوا.

Posted by: George daboul

سألتْ وعني لم تسألِ
ليتها فعلتْ ولم تقلِ

ليتها قالت لسان حالها
وأسمعتنا نشيدا للبلبلِ

سألت ولن تنل جوابا
والقول لمن لم ُيسألِ

يجيب والجواب لا ينفع
لا ينفع قول بلا عملِ

تأخرت وكذا هو السؤال
معذور من لم ُيسألِ

لذلك كان الوداع يوما
بلا دموع بل بلا ُقبلِ

********************
شكرا للصديقة سيلفانا على اهتمامها بغض النظر عن الشكل والمضمون وردا على السؤال
فإن تلك الزهرات الثلاث * زويا * أنجيلا * جيانا * منشغلات حاليا بالتحضير للامتحان
جيانا حاليا في الصف التاسع
زويا سنة أولى معهد تجاري
أنجيلا سنة ثانية معهد تجاري ** ومنذ أيام تم تكريمها لتفوقها بالمعهد
وأما بالنسبة للاهتمامات فشأنهم شأن معظم الفتيات في عصرنا العربي
وسبق أنهن كن يتابعن موقع زيدل وكان لهم بعض الاتصالات مع بعض الأصدقاء والصديقات في موقع زيدل وعن طريق الموقع بالذات
وأما ما معنى وجودهم في حياتي فاسمحي لي أن أعتذر عن الاجابة وعساه ألا يطول ذلك اليوم الذي أوجه لك فيه نفس السؤال ومن المؤكد أننا سنكون متفقين بالإجابة عن السؤال
ختاما تحية خاصة لك أيتها الصديقة من الزهرات الثلاث
ولك من فائق التقدير والاحترام وأطيب التمنيات بالنجاح والتوفيق
********************
وعذرا إن أخطأت
الخميس، 26 نيسان، 2007

Posted by: سيلفانا خوري

عبق السلام لزهورك.. لعروقها المتشربة الطيبة والمودة..
وكل التماني القلبية ان تتحقق احلامهم..
وتتكلل ايامهم باكليل النجاح والسعادة
شكرا ًلتلبيتك وحضورك..

بما انك تمنعت عن النكوشة
رح نترك العزيزة سناء تنكوش على ذوقها

Posted by: Desert rose

قبل الجكوشة والنكوشة بعضو تاني بدي رحب بعودة الصديق جورج دعبول لصفحات تالمنتدى وإشكروا على تلبية حكوشتك بحديقتة الطيبة سيلفانا .
جورج أهلا فيك ...مع إنك كسرت القاعدة الفنية بها اللقاء ..وكان لازم حضرتك تنكوش وتحكوش بعضو تاني ..لذلك رح إتركلك هالمهمة لليوم المسا ...وأنا متأكدة بأنك رح تنكوش بحدا .
مع إنو كنت كنت حابة نكوش وحكوش بعضو ....ولكن الهيئة الله بدو يرحموا من نكوشاتي .

الى اللقاء

زهرة الصحراء

Posted by: اسماعيل

انتي زوء روحك حلوة ايدك بركة تمك عسل قلمك سيال
ابارك في حديثك
ياريت ياريت تقبليني صديق
اخوكي الصغير
اسماعيل

Posted by: اسماعيل

الدموع العظيمة و هي دموع الانتصار

الدموع البريئة و هي دموع الاطفال

الدموع المؤثرة و هي دموع التوبة

الدموع الرقيقة و هي دموع المرأة

الدموع الجميلة و هي دموع الوفاء

الدموع الحزينة و هي دموع العزاء

الدموع السعيدة و هي دموع النجاح

الدموع القاسية و هي دموع الالم

الدموع المعبرة و هي دموع الندم

الدموع المخادعة وهي دموع التماسيح

و اروع الدمع الناتج عن عين بكت من خشية الله

اما اجمــــــــــــــــــــــــــــــــل دمعـــــة

أجمل دمعة لحظه التوبة بعد المعصية

أجمل دمعه لحظه سجودك

أجمل دمعه لحظه ركوعك

أجمل دمعه لحظه الدعاء بخشوع

أجمل دمعة لحظه استجابة الدعاء

أجمل دمعه لحظه تفريج كربة الناس

أجمل دمعه لحظه رفضك أصدقاء السوء

أجمل دمعه لحظه الأخذ بيد صاحبك

أجمل دمعه لحظه عمل الخير

أجمل دمعه لحظه مواساة الغير

أجمل دمعه لحظة مسح رأس اليتيم

أجمل دمعة لحظه سماع خبر سار

أجمل دمعه لحظه لقاء الأهل بعد فراق

أجمل دمعه لحظه عيونك تشوف الكعبة

أجمل دمعة لحظه سلامك على الرسول

أجمل دمعه لحظه الصلاة بالأقصى

أجمل دمعه لحظه رضا والديك

أجمل دمعه لحظه شفاء والديك

أجمل دمعه لحظه الزواج

أجمل دمعه لحظه تشوف طفلك

أجمل دمعه لحظه صيامك بحق

أجمل دمعه لحظه العشر الأواخر

وأعظم وأجمل دمعه لحظه فوزك بالجنة
الصديق
اسماعيل

موقع زيدل سوريا حمص .. خدمات تشات و دردشة ... أرشيف المنتدى